سكريم كوينز انا بعد لما بطلت اخذه جد تقبلته و حبيته مع ان عندي ملاحظات عليه اتوقع واضحه ما تتطوف :
التصوير 80٪ كله في البيت اللي يجمع البنات ، يعني شدعوه عليهم خل يطلعون شوي من حرم الجامعه ملينه زهقنا نبي تنويع
نجمة مسلسل glee لي ميشيل شدعوه عليها هالدور اللي طيح اسهمها بالارض المفروض ما تقبل فيه ما اضاف لها اي شي في رصيدها
المسلسل بكبره كله على بعضه احس مسويه الكاتب و المخرج رايان علشان يرضي ايما روبرتس و يبرزها لانها في مسلسلاته الثانيه تقريبا ضايعه بين زحمة الشخصيات خاصه اخر سيزون من AHS
--------------------
المشاركات: 547 | من: Kuwait | تاريخ التسجيل: أبريل 2015
|
مرسله في
ايتونز معاك حق بالنسبة لمسلسل سكريم كوينز بس هم حلو ويشد، ليا مو صج شلون مليقه وبايخه وعديمه موهبه تستاهل هالدور ايما اتينن وبصراحة استغرب ليش محد معطيها قدرها كل دور تأديه صح احبها ❤️
بالنسبه لسيكرتس اند لايز حبيت النهايه عجييييبه والمحققة من كنت ما ابلعها ليمن تعاطفت معاها صج قوي تمثيلها، ياريت في سيزون ثاني لجريمه يديده المسلسل يشوق
ناطره باقي مسلسلات خو بالاقصاد صايرين ينزلون 💔
--------------------
!So Me
المشاركات: 616 | من: Kuwait | تاريخ التسجيل: أكتوبر 2014
|
رد مقتبس:المرسل الأصلي هو Angie_S: جددوا سكريم كوينز لسيزن 2 .. المسلسل هذا أول ماشفته كرهته لأني ماتوقعت جذي بس لما خذيته على أساس مسلسل استهبال
حبيييته LOL المسلسل عبيط لا قصة ولا حوارات تدش المخ ولا رعب أصلا بس يضححححك لأنهم يستهبلون مافي شي يسوونه طبيعي
آحلى خبر أنا عكسك حبيت المسلسل من أول ماشفته وطالع مزيج بين حوارات مسلسل glee الكوميدية و رعب واثارة مسلسل AHS وأنا هالمسلسلين أحبهم السؤال هنا هل راح يكون الموسم الثاني بقصة جديدة وإلا بنفس القصة والشخصيات ؟!
المشاركات: 3077 | من: المملكة العربية السعودية | تاريخ التسجيل: يوليو 2011
|
اذكر لما كنت صغير اشوف بالتلفزيون وايد يتكلمون عن محاكمة اللاعب O J Simpson كأشهر محاكمه في القرن العشرين و اللي كل العالم تكلم عنها .. و قبل جم يوم نزلت من الايتونز برنامج يديد حق باربرا والترز يتكلم عن اشهر فضائح الجرائم الامريكية و منهم هالمحاكمة
و قدرت اخيرا اعرف القصه كامله بكل تفاصيلها و اطرافها .. و أمس شفت التريلر كامل حق المسلسل واو جد جد واو شلون يايبين كل الاطراف اللي بالقضية المجرم و المحامي ( ابو كيم كرداشيان و خواتها) و محامية الدفاع و الشهود و المقتولين و كريس ( أم كيم ) و طبعا يايبين اسماء قوية كبيرة في المسلسل منهم جون ترافولتا
من المهم جدا تعرفون القصه الحقيقية قبل ما تشوفون المسلسل علشان تدخلون الاجواء و تنبهرون بالدقه اللي في اختيار الكاست و اشكالهم جد جد حسيت اني قاعد اشوف شي صجي
الشخصيات الحقيقية و الفنانين اللي بيمثلون دورهم شوفوا شلون ضابطينهم
كيم كرداشيان و خواتها و اهما صغار مع ابوهم داخلين ضمن قصة المسلسل كون ابوهم كان المحامي للمتهم أو جي سيمبسون
المسلسل بيعرض تاريخ 2 فبراير على فناة FX
--------------------
المشاركات: 547 | من: Kuwait | تاريخ التسجيل: أبريل 2015
|
فعلا المسلسل قوي من الحلقه الاولى يشد و أهم ما يميزه :
1- الموضوع اللي يتناوله the reality shows و كواليس هالعالم و شلون يكشفون لنا خفاياه بكل واقعية
2- شخصيات المسلسل و تنوعها و الابطال الاساسيين البروديوسر و العاملين في البرنامج كلهم تقريبا شخصيات دارك و فيهم خبث عكس ما نشوفه في باجي الاعمال البطل دائما عنصر الخير
3- الحوارات مكتوبة بشكل رائع جدا ما حسيت النمطية في الحوارات و كل شخصية حواراتها مختلفه عن الثانية يعني مخلين كل شخصية تنطق كأنها حقيقية من دم و لحم مو شخصية خيالية داخل مسلسل و السلام
4- اللوكيشن و الصرف على الانتاج فعلا حسيت ان احنا في لوكيشن برناج رياليتي .. رغم ان القناة المنتجة مو من اضخم القنوات في امريكا
5- الفنانين كل واحد في مكانه الصحيح و حبيت الاسرار ورا كل شخصية
بس السؤال اللي حيرني بعد ما شفت الحلقه الاولى .. معقوله المسلسل ما انعرضت فكرته في البدايه على قنوات كبيرة ؟ ليش خذته قناة عاديه ??
استغرب من بعض المحطات الكبيرة تطوفها احيانا عروض اعمال حلوه و تروح حق غيرهم .. و يتحفونا بانتاجات سخيفة جدا
عالعموم مكمل المسلسل و نزلت حلقاته كلها من الايتونز و بتابعه للنهاية
شكرا على الترشيح
--------------------
المشاركات: 547 | من: Kuwait | تاريخ التسجيل: أبريل 2015
|
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
![[heartpump]](graemlins/heartpump.gif)
-
![[crying]](graemlins/crying.gif)
![[eyelove]](graemlins/eyelove.gif)
