بيج هيرو من الافلام اللي اكتفيت بمشاهدة التريلر الاول فقط وبحاول اتفاجئ فيه بالكامل وقت عرضه خصوصا اني ماكنت متحمس له من الاول مش مسالة عشان ما احرق على نفسي بس لكن ممكن اتحمس لشي واحد ان هالنوعية من الافلام السوبر هيرو وهيك شي جديد من ديزني كلاسيك وحاب اشوف النتيجة بالاخير واتمنى سواء نجح او فشل انهم ما يعيدو التجربة بحيث يتميز بيج هيرو بهالنوع لحاله ضمن سلسلة كلاسيكيات ديزني
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
شفت نسخة الجزيرة اللي دبلجوها لفيلم المابتس الاول اللي فيه ايمي ادمز؟ النسخه العربية فظييييييعه لول .. الحمدلله انهم دبلجوها بمصر حتى لو بالفصحى بس دمهم خفيف .. كيرمت عامل صوته معوض اسماعيل "ادري بتقولون وع" لكن ابدع وصوته راكب عالشخصيه XD .. واللي عامل صوت مس بيجي هو نفسه اللي عامل صوت ميكي ماوس هههه .. والباقيين روعه .. تصدق استخسرت هالدبلجة تكون حصريه للجزيرة!! .. لو نازله رسمي جان احسن .. طبعاً وايد اشياء محرفه لكن مع ذلك ظليت مستمتع بالنتيجة
الفيلم الجديد بشوفه هالويكد او بالعيد .. افلام المابتس لها مكانه مميزه عندي ومابي اضيعها بمشاهدة عاديه او وانا مالي خلق لول
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
طيب كملوا جميلكم ولبوا طلبنا ونزلوه مدبلج عربي عشان نحطه مع افلامنا
..............
بخصوص مارفل ...
انا للان لسة مش متداخل مع عالم السوبر هيرو لكن باخر فترة حاولت ابداء فيها شوي شوي وتقريبا اللي حبيته اكثر شي كفيلم وقصة واحداث ثور وقريبا بشوف الجزء الثاني ومتحمسله جدااااا ونفس الشي كابتن امريكا الجزء الثاني اسمع مدح كثير وتطور رهيب من ناحية الاحداث اللي تحسنت بشكل مذهل مع اني شايف الاول اللي ما كان بالنسبة لي ذاك الزود
قراديان اوف جلاكسي صراحة هالفيلم اوفريتيد جدا ماشوفه يستاهل الضجة والارقام الخيالية والتقايم العالية اللي ماخذها واشوفه ضعيف وملل جدا قدام ثور وكابتن امريكا اللي هم افضل منه بمراحل بس الحلو بالفيلم انه مبين عليه تكلفه انتاجية عالية جداااااااااااا
[ سبتمبر 25, 2014, 02:23 AM: تم تحرير المشاركه من قبل: A M I R ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
مرسله في
ناصر اول مرة ادري عن هالافلام .. شايف بوستراتهم من قبل أكيد بس ما جا على بالي انهم افلام .. حسبالي كوميك ولا شي هههههه .. بديت أصير فان لمارفل مؤخراً وأحس لازم اي فان يكون شاف هالافلام .. بس وين لقيتهم في الدوحة ؟ اول مره ادري انهم مدبلجين .. اذا تقدر تعلمني وين اي محل عشان اقدر اخمهم قبل لا ينقرضون هههه
--------------------
المشاركات: 47 | من: قطر | تاريخ التسجيل: أغسطس 2014
|
شفت نسخة الجزيرة اللي دبلجوها لفيلم المابتس الاول اللي فيه ايمي ادمز؟ النسخه العربية فظييييييعه لول .. الحمدلله انهم دبلجوها بمصر حتى لو بالفصحى بس دمهم خفيف .. كيرمت عامل صوته معوض اسماعيل "ادري بتقولون وع" لكن ابدع وصوته راكب عالشخصيه XD .. واللي عامل صوت مس بيجي هو نفسه اللي عامل صوت ميكي ماوس هههه .. والباقيين روعه .. تصدق استخسرت هالدبلجة تكون حصريه للجزيرة!! .. لو نازله رسمي جان احسن .. طبعاً وايد اشياء محرفه لكن مع ذلك ظليت مستمتع بالنتيجة
الفيلم الجديد بشوفه هالويكد او بالعيد .. افلام المابتس لها مكانه مميزه عندي ومابي اضيعها بمشاهدة عاديه او وانا مالي خلق لول
لأ ما شفتها علشان يومها كنت برة البيت و نسيت أسجله :/ أكيد حيعيدوه بعدين
اختيار الأصوات روعة
معوض إسماعيل عارف صوته لما يمثل الأدوار اللي زي كيرمت
----------
بالنسبة لأفلام الأنميشن حق مارفل
شفتهم بس أول مرة أدري إنهم كانوا مدبلجين و واحد منهم كان مدبلج لهجة لبنانية كمان ؟
رد مقتبس:المرسل الأصلي هو Roo7Qtr: ناصر اول مرة ادري عن هالافلام .. شايف بوستراتهم من قبل أكيد بس ما جا على بالي انهم افلام .. حسبالي كوميك ولا شي هههههه .. بديت أصير فان لمارفل مؤخراً وأحس لازم اي فان يكون شاف هالافلام .. بس وين لقيتهم في الدوحة ؟ اول مره ادري انهم مدبلجين .. اذا تقدر تعلمني وين اي محل عشان اقدر اخمهم قبل لا ينقرضون هههه
هلا وغلا محمد
انا بعد مثلك كنت اشوف هالديفيديهات بالمحلات واطنش لهم .. على اساس انهم مسلسلات او اشياء بايخه ماتهمني .. بس بعد ماتعمقت بسوالف المارفل صرت مدمن اي شي يتعلق فيهم .. وعرفت بعدين ان هالافلام تعتبر مثل كلاسيكيات ديزني المرسومة باليد للمارفل .. فتخيل لو ما اكتشفنا اهميتهم الا بعد مايختفون من السوق!!
اتوقع شفت اكثر من نسخة جديده بقراطيسها لايرون مان والمنتقمون الصغار بفيرجن فيلاجيو .. اذا مالقيت عنده ممكن تحصل بمحل اسمه صندوق الموسيقى بالريان .. واذا ماحصلت يمكن تحصل بمحلات سوق العلي ..
المهم كلهم احتمال كبير تحصلهم الا فيلم واحد اقص ايدي اذا احد لقاه .. فيلم المنتقمون الاول .. هالفيلم دورت عليه بكل مكان ومالقيته للاسف .. كنت ابي نسخه جديدة بقراطيسها لكن مالقيت ماله اثر بالمره .. النسخه اللي عندي مستعمله ومتهالكه ورايحه فيها ومشمخه من ورا .. مالقيت غيرها .. وزين اني عرفت اطلع ملف الصوت من الدسك .. فهذا اللي يعتبر صج اندر واصعب واحد فيهم ..
وترى اللي كانت مستلمه توزيعهم شركة سكوب مش فيفا .. تلخبطت لول .. عاد سكوب من اسوء شركات توزيع الافلام بالمجره اللي احنا عايشين فيها .. وكل يوم اقول الحمـــدلله انهم ماخذوا توزيع افلام ديزني ..
كل ماينزل فيلم مهم ناطره واشوف شعارهم من ورا استصيب .. محتكرين نص الافلام الحلوه لشركات هوليوود بالمنطقه وعلى كيفهم يختارون اي فيلم ينزلونه بلوراي واي فيلم يكتفون بطرحه على ديفيدي بس .. والكوالتي مالهم مب شي كلش .. الافلام تنطبع عندهم مباشرة بمصانعهم المعفنه .. مش مثل روتانا او الخيول او حتى فيفا ياخذون الافلام جاهزه ومطبوعه من برا من الشركة الاصلية ويوزعونها وخلاص ..
المهم هذي شكل اغلفتهم
وبالمره قلت خلني اصور لكم مجلات مارفل الرسمية اللي تم اصدارها باللغة العربية لفتره مؤقته وبعدين وقفوا .. هالنسخ تم طباعتها بالكويت .. لكن للاسف ما استمروا وايد ..
جودة هالمجلات وايد قويه وكانوا عاملينها نفس النسخ الانجليزية بالضبط اللي تصدر برا لكن على عربي .. لاحظوا لوجو مارفل الرسمي شلون شكله بالعربي وباقي اللوجوهات بعد .. لو هالمجلات مستمره جان عرفنا اغلب القصص اللي قاعدين نشوفها الحين بالافلام قبل لاتصدر بالسينما .. بس خساره ..
مازن وعامر
عاد انا وايد حبيت حراس المجره لما شفته بالسينما .. حتى صاحبي اللي كان معاي استمتع فيه .. الفيلم دمه خفيف والشخصيات مجنونه عالاخر .. اما سلسلة سبايدر مان الجديدة ماحبيتها خير شر .. مازلت اشوف السلسلة اللي نزلت ببداية الالفيه افضل بمراحل .. يا خسارة سبايدر مان دمروه بهالاعاده اللي مالها لزمه ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|