الموضوع مغلق

الموضوع مغلق ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســـاحــة الفـــن الغـــربــــي » ¨'*•~-.¸¸,.-~* ][ CinEma CaFe][ ¨'*•~-.¸¸,.-~*' (الصفحه 47)

إرسال هذه الصفحه لصديق!

الموضوع متكون من صفحات: 1  2  3  ...  44  45  46  47  48  49  50  ...  108  109  110

الكاتب الموضوع: ¨'*•~-.¸¸,.-~* ][ CinEma CaFe][ ¨'*•~-.¸¸,.-~*' *risky عضو فعال جدا رقم العضويه 14875 مرسله في                    في مخلوقات تخوف بالفيلم الله يعيني عليهم لول اييييه تجرب علي خليفه يالله شنسوي من زمان حاط عيني عالفلم أشوفه خلاص بس ينزل واشوفه أكتب رايي -------------------- - - المشاركات: 15301 | من: Doha Qatar | تاريخ التسجيل: أبريل 2004  |  randomly Smart Star 2 رقم العضويه 13811 مرسله في                    لووووووووووووووووووول مابقولك عاد أنه فيه كم لقطـة صدق قمت أناطط من الرعـب خخ تنينـو حتى شـافه ووايد تخبـل عالفيلم بس نسيت أسـاله عن شغـلات معينة مشـاهدة سعيــدة زيكـو -------------------- المشاركات: 7100 | من: || Dubai || | تاريخ التسجيل: فبراير 2004  |  الصغيره miss salmiya رقم العضويه 10056 مرسله في                    سؤال فلم عمر وسلمى المفروض ينزل هالاسبوع بس دخلت على الموقع مالقيته صار؟ وليش مانزل؟ والله انطره هالفلم حرام عليهم -------------------- سمو الامير الشيخ صباح الاحمد الجابر الصباح ( نبض القلوب) المشاركات: 18126 | من: بنت الكويت | تاريخ التسجيل: يوليو 2003  |  ALTENNEEN Smart Star 2 رقم العضويه 42513 مرسله في                    Pan's Labyrinth رووووووووووووعة روووووووووووووووعة روووووووووووووعة تخبلت يوم شفته .. و وايد حبيته القصة وايد وايد وايد وايد حلوة من أحلى افلام 2006 عندي الموسيقى فظيعة و التأثيرات اللي فيه .. حتى الوحوش تحس انهم صدق .. كأنه الكمبيوتر ما دخل في السالفة و أبد مب حق اليهال .. المشاهد اللي فيها وايد قوية .. حتى اني ما سكرت عيني في كم من مشهد و في كم من لقطة كنت اشوف الفيلم فيها و انا واقف المفروض يفوز بالأفضل فيم بكل سهولة .. و زين انه خطف كم أوسكار .. من أفلام وايد قوية و كانت مرشحة بالفوز خليفة لو تبا تسأل .. اسأل لاني حافظ الفيلم لول لول شفت اسم Keri Russell .. شكله أدائها كان فظيع -------------------- المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005  |  randomly Smart Star 2 رقم العضويه 13811 مرسله في                    ^ - spoilers ahead - لووووووووول ياخي اللقطات الأولى من الفيلم بروحها تخـوف خخ خـاصة يوم شلت حصى فيها رسمة عين وركبتها عالصخـرة جان تطلع لها حشرة شكلهـا غريب أنا هني نقزت وفيه مشهد لما تبغي تنام أول ليلة والحشرة تتحرك جان تخطف صوب ريلها أنا هني نقزت للمرة الثانية وبعدين يوم تدخـل المتاهة وظهر بـان تحرك مرة وحـدة أنا هني نقزت للمرة الثالثة خخخ أما مشهد الوحش لما يلحقها وهي تبغي ترسم باب بالطبشورة يشـد كنت على أعصابي بس عن جـد إبهـار والفيلم مش بس عن البنت في وايد قصص متفرعة مثل المقاومة ومرض إمها والعالم الخيالي الي عايشتنه كل هالأشيـاء متصلة ببعض بتناغم حـلو وفعلن ماتحس انه حق اليهـال - spoilers over - خـلف يقول انه شاف بوستر الفيلم في السينما على أساس إنه coming soon إذا مانزل قبل العام الدراسي بإسبوع بربطـه بحبل واجبـره يشوفه -------------------- المشاركات: 7100 | من: || Dubai || | تاريخ التسجيل: فبراير 2004  |  DanDana قلم ماسي رقم العضويه 83 مرسله في                       Harry Potter and the Order of the Phoenix شفت الفيلم.. :| :| اتمسخرت القصة !!! الكتاب وايد يجننن والفيلم "أي شي" ما تكلموا عن الديمنترز و منو اللي طرشهن وليش وعن المدرسة الشرية واللي صار لها عقب ولا بينوا اللي مستوي بين همايني وتشوو ... في وايد اشياء غامضة في الفيلم .. مثل تضرفات دمبلدور وسيريس وهواشه مع مولي وسنيب وايد مهم اللي صار احس .. وتصرفات هاري نفسه !! علاقته بربعه واللي صاار في اول الفيلم !!ماله ذيج العلاقة بالقصه.. في القصة مبين شكثر هاري عانى بعد موت سيريس في الفيلم جنه العيد الفيلم ما يساووي 5% عن اللي كنت متوقعته له !! .. يمكن لو ما قريت القصه كنت بستانس علييه اكثر قريت الجزء السابع!!!!!!!!!!!!!! احداث ما توقعتها .. على ان النهاية سعيدة بس ما حبيتها !! كنت اتمنى تكون غير !! بس اهم شي استمتعت بالكتب الـ 7 كلهن Pan's Labyrinth نزلته بس ما شفته بشووفه هاليومين وعقب بكتب رايي فيه -------------------- الله يـرحمك ويغفـر لك ياأبـونـا الغـالي المشاركات: 13544 | من: UAE_AD | تاريخ التسجيل: مايو 2001  |  Kuwaity^Cool عضو فعال رقم العضويه 10667 مرسله في                     الصغيره : مع اني ماشوف الافلام العربيه بس الفيلم نازل في محلات الفيديو -------------------- المشاركات: 6194 | من: k u w a i t | تاريخ التسجيل: أغسطس 2003  |  علوووش عضو متميز رقم العضويه 17300 مرسله في                    الصغيرة عمروسلمى مهضوم بسلي بس قصة مكررة وتمثيل تامر واغاني الفيلم عاملين جو -------------------- المشاركات: 37010 | من: Australia | تاريخ التسجيل: أغسطس 2004  |  randomly Smart Star 2 رقم العضويه 13811 مرسله في                    Dan_Dana كـنت حاس والله انه ماراح يعجبـج من ناحية الإقتباس لول بس أنا حاسس انه المنتجين مايقدرون ينسخون كتاب ضخم في فيلم مدته ماتتجاوز الساعتين ونص سالفة الديمنترز أنا لين الحين مب عارف منو مطرشنـهم ؟! في عائق هو انه قاريين الكتب راسمين الفيلم في مخيلتهم وكيف راح يكون فـ هالشي يأثر عالفيلم ماشـاء الله عليج لحقتي تخميـن الكتاب السابـع لول -------------------- المشاركات: 7100 | من: || Dubai || | تاريخ التسجيل: فبراير 2004  |  randomly Smart Star 2 رقم العضويه 13811 مرسله في                    New Movies This Week In UAE The Simpsons ( Comedy ) Starring: Dan Castellaneta, Julie Kavner, Nancy Cartwright, Yeardley Smith, Pamela Hayden . Vacancy ( Horror / Suspense ) Starring: Kate Beckinsale, Luke Wilson, Frank Whaley, Ethan Embry, Scott G. Anderson . Mr. Brooks ( Drama / Thriller ) Starring: Kevin Costner, William Hurt, Demi Moore, Dane Cook, Matt Schulze -------------------- المشاركات: 7100 | من: || Dubai || | تاريخ التسجيل: فبراير 2004  |  Dreamer78 عضو مستمر رقم العضويه 67446 مرسله في                          مرحبا من بداية هالأسبوع وآنا مفكر اشوف فيلم هاري بوتر اليديدHarry Potter and the Order of the Phoenix بس فكرت و تمهلت و قلت قبل لا أستعيل خل اشوف كل الأجزاء الأربعه الأولى علشان أكون داش بجو القصه عدل فبديت يوم السبت بالفيلم الأول الفيلم رائع و سبق اني رحت له السينما في بداية نزوله في 2001 القصه روعه طبعا و الأحداث كانت حلوه و مناسبه لسن هاري بوتر في وقتها و لما شفت الفيلم و تذكرت انه نزل قبل 6 سنوات قلت واو يعني التقنيات كانت موجوده من زمان و تم استغلالها صح و طبعا يرجع الفضل لذكاء جي كي رولنج الكاتبه اللي اتخذت من ابسط الأشياء الأفكار و حولتها لشيء سحري جميل بعدها يوم الأحد شفت الفيلم الثاني Harry Potter and the Chamber of Secrets حلو الفيلم بس مادري حسيت الحرب الأخيره مع الحية المسحورة والريال اللي خطف اخت رون حسيتها مادري أحداثها دمويه و قاسيه بالنسبه لجمهور هاري بوتر و اللي هم الأطفال عموما الفيلم حلو الأحداث حلوه و طبعا كان في تصاعد و تطور في الأحداث و تعقدها من قبل الكاتبه جي كي رولنج يوم الأثنين شفت الفيلم الثالث و اللي أيضا سبق و رحت له السينما حلو الفيلم و أحداثه فيها أشياء مخيفه خاصه حراس الموت اللي ياخذون أرواح أي أحد جدامهم و أثر فيني وايد المشهد لما راح هاري يبي ينقد العراب ماله وهو سجين أزكابان واللي طلع ماله ذنب و سجنوه ظلم .. لما راح له عند البحيرة و بعدين يوله حراس الموت و كانو يبون ياخذون روح هاري بوتر و روح العراب بعدين واحد من بعيد ألقى عليهم التعويذه بالعصايه و راحو عنهم و أنقذهم و هاري كان يظن ان هذا هو أبوه بس بعدين اكتشف إن مو أبوه .. وايد أثر فيني لما قال حاق هارميني إنه متأكد إنه أبوه حلو الفيلم و اهني بدت جي كي رولنج تدخل شوي في عالم الرعب الخفي الفيلم الرابع واللي شفته أمس الثلاثاء هو Harry Potter and the Goblet of Fire حلو الفيلم روعه و فيه أحداث متشابكه و الحلو في حبكة جي كي رولنج إنها صحيح قاعده تكتب للأطفال لكن تعرف شلون تعقد قصتها بحيث إنها تلائم الكبار بعد . تخليك تعتقد شي و لكن يطلع شي ثاني .. تضايقت وايد و انفعلت مع المسابقه اللي دخلو هاري بوتر فيها غصب و هو ماله خلق ما يبي مسابقة البطل الخالد مالت مواجهة التنين و الغوص في بحيرة الظلام و بالأخير المتاهة القاتله . وأكثر مشهد تضايقت منه هو لما تواجه هاري بوتر مع هذاك نسيت اسمه بولدولوف مادري مولدولوف مادري شسمه نسيت المهم هو الساحر الكبير و اللي سبب موت ام وأبو هاري . المهم تضايقت وايد لما قام يطق هاري هذي هي الخلاصه و هذيله هم الأفلام و بعد ساعتين بروح السينما أشوف الجزء الخامس و القبله اللي كل العالم تكلم عنها واللي يقبل فيها هاري بوتر البنت الفلبينيه .. طبعا غسلوا ايدكم يا أهل الكويت من القلبه لأنها محذوفه لول .. لا اتغشمر انا جد جد رايح اشوف الفيلم و متحمس له لأني على مدار اسبوع كامل دخلت عالم هاري بوتر و حبيته و تندمت لأن انجليزيتي مو قويه وايد والله جان الحين شاري كتب هاري بوتر كلهم و قاريهم تحياتي للكاتبه جي كي رولنج اللي بعدين بنزل موضوع كامل عنها المشاركات: 2197 | من: kuwait | تاريخ التسجيل: يوليو 2006  |  randomly Smart Star 2 رقم العضويه 13811 مرسله في                    ^ تحليل حلو لكل فيلم بس بالنسبة لك شو أحسـن جزء من بين هالـ 4 أجزاء ؟؟ مشاهــدة سعيـدة عبدالعزيـز -------------------- المشاركات: 7100 | من: || Dubai || | تاريخ التسجيل: فبراير 2004  |  علوووش عضو متميز رقم العضويه 17300 مرسله في                    خليفة تنصحني بثلاثية the godfather -------------------- المشاركات: 37010 | من: Australia | تاريخ التسجيل: أغسطس 2004  |  randomly Smart Star 2 رقم العضويه 13811 مرسله في                    أكيــــد مايبغيلهـا كــلام علوشتي شـوف الأول لأنـه بكل بسـاطة خــالي من العيـوب ومثالي من كل الجوانـب جان تبغي تشوف الثاني شـوفه بس أوصي بوجود ترجمة ليش أذكـر إني ضـعت خلال مشاهدتي له لول هو روعـة بس أكيد مش من مستوى الأول أما الثالــث فهو أشبه بـ دبكـة فما أنصحـك فيه -------------------- المشاركات: 7100 | من: || Dubai || | تاريخ التسجيل: فبراير 2004  |  Kuwaity^Cool عضو فعال رقم العضويه 10667 مرسله في                     دريمر طيعني لا تروح هاري بورتر 5 سخيييييييييف وافلام هالاسبوع شايف Vacancy و Mr. Brooks اثنينهم حلويــن بس The Simpsons مصخره -------------------- المشاركات: 6194 | من: k u w a i t | تاريخ التسجيل: أغسطس 2003  |

الموضوع متكون من صفحات: 1  2  3  ...  44  45  46  47  48  49  50  ...  108  109  110

الموضوع مغلق

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1