This is topic __ [ خـــاص للـرجــــــال ]____________ in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=006143

---

مرسلة من iDoc (رقم العضويه 74592) on :
 



!
!
!
!






السلام عليكم ورحمة الله وبركاته

موضوعي عن الحلاقة و الأدوات و الطرق و تجارب إلخ

لا أخفيكم سرا أني أخر فترة تعبت من الحلاقين سواء كانوا الهنود او الأتراك و من قرفهم ما تدري يده وين كانت

وقررت إني أشتري عدة حلاقة شخصية لول

الادوات مهمه جدا لانك تستخدمها في الاسبوع مره او مرتين

لذلك فهي من الاوليات ان كل شخص تكون معه ادوات كامله بدون نقصان


لان الصراحه الواحد تعب ورا الحلاقين اللي يقولك انا اجيب لك شنطه كامله وكلام فاضي ويحسبها لك بالسعر الفلاني وبعد شهر والا اثنين تخرب المكينه مثلا تبع التخفيف فيجبرك علي انك تشتري غيرها او تستخدم اللي عنده

ولما تشتري وحده ثانيه راح تكرر غلطك
ولما تستخدم اللي عنده ما كأنك استفدت من الادوات الثانيه لان الفكرة في النظافة الشخصية والوقايه من الامراض عافنا الله واياكم منها


الخلاصة من موضوعي

تجميع ادوات كامله ذات جودة تدوم لفترة طويله

1-شنطه
2-مقصات
3-مشط
4-مكينة تنعيم
5-مكينة تخفيف اللحية والشنب
6-موس (حسب الرغبة)

أبيكم تكتبون تجاربكم و طقوسكم بالحلاقة شو تستعمل و شو طبيعة بشرة وجهك و أذا كان عندك حبوب و أختفت إيش عملت !
يعني بإختصار يكون متل مرجع







[ مارس 08, 2015, 05:28 PM: تم تحرير المشاركه من قبل: iDoc ]
 

---

مرسلة من Angie_S (رقم العضويه 91565) on :
 


+

حط تجربتك انت
 

---

مرسلة من طـبـيـعيـے (رقم العضويه 11956) on :
 
انا مثلك دوك

قرفت من الحلاقين لاعت جبدي

ان رحت للهنادوة لاعت جبدي يمسكون ويهي ويمرس فيه وان رحت للبنانين يتغدى كباب وبعدها ايي يحلق لي وشوف الريحة وان رحنا صالون مرتب الي كنت اروح له اول ايام عندي براسي شعر ههه تعال انتظر دور واحجز بالتلفون واخر شي بس لحية 5 دنانير ولا مكانه باخر الدنيا


قررت بعدها كلا احلق لحيتي بالبيت وعندي مكينة نفسها هيه تسوي اكثر من وظيفة وعندي مواس ومعجون وكل شي

بس ساعات اسوي زلف اطول من زلف وشوي اقص من اليسار شوي يمين وشوي يسار لين اطلع من الحمام ماعندي زلوف

عاد الحين شوي شوي قمت اسوي كونترون واتاكد قبل ماحلق بتحديد اللزلف


الان احلق اذا في مناسبة عرس طلعه مع الحب او سفر بس الباجي بالبيت
 

---

مرسلة من iDoc (رقم العضويه 74592) on :
 
طلعتي حلوة يا إنجي خخخخخخ
اهم شي جمال الروح لول

+

طبيعي طيب احكيلنا شنو تستمع موس ولا شفرة حلاقة وايش نوع الماكينة عندك
 

---

مرسلة من علوووش (رقم العضويه 17300) on :
 
بحياتي ما كان عندي ذقن لول

اكترهم بكون شعر زايد مبعثر يعني مش ثابتين وما ينعمل فيهم لوكات مدري كيف اشرح

بحلق كل اسبوعين مرة

شفرة بيمشي الحال
 

---

مرسلة من @Mr.M (رقم العضويه 90141) on :
 


مكينة حلاقة شعر معاها درجات للتخفيف
امواس
جل حلاقة
كريم بعد الحلاقة

بالنسبة للحية احلق مرة بالاسبوع في البيت

طبعا شعر الراس لازم بالصالون مره إلى مرتين بالشهر


 

---

مرسلة من حمـزة (رقم العضويه 82337) on :
 
الصراحة شي حلو حلاقة المنزل لانها انظف وتضمن ان كل شي تحت نظرك.. لكن الدقة الي يسويها الحلاق مفقودة. للأسف الزلف ووايد شغلات يبيلها محترف.. انا أحلق حق نفسي اذا سافرت لكن في الأيام العادية ما أقدر احس الحلاق يرتبني أكثر


ضيف على كلامي اني انسان جدا جدا جدا وسواسي وعندي النظافة شي جدًا مهم يعني حياتي كلها تعقيم وديتول وهالأمور.. ف تحيل اروح حلاق واستعمل ادوات مستعملينها مليون واحد غيري.


الحل اني بعد الحلاقة ارجع واحط شوي ديتول مركز مع صابون واليف وجهي وامضمض بغسول للفن وطقوس وبلاوي وطبعا اهم شي الشاور بعد الحلاقة. مادري شلون فيه ناس ترجع من الحلاق وبس تغسل وجهها وايدها وخلاص!! ما اتحمل جذي أبدًا..


الحلاقين الأتراك الي عندنا نصابين وانا قطعتهم ياخذون منك وايد على اساس شنو تركي وشغلي نظيف. الصراحة جربت اكثر من حلاق تركي وشغلهم كله خرابيط وما ينظفني عدل فحطيت عليهم اكس..


انا احتاج الحلاق لسبب اني انسان مشعر يعني لو المسألة يت على لحية وشوارب مو مشكلة. بس انا يطلع لي شعيرات صغيرة على خدودي وبهالحالة لازم لي خيط وشمع والخيط والشمع بإمكاني اشتري واخذ لي جهاز للشمع حق الشعر الي على خدي بس الصراحة مالي قلب اشلع الشعر.. طبعا كل ما أروح الحلاق معاناة مع الشمع.


أخوي صار يشتري عدة كاملة عبارة عن شطنة داخلة روب الحلاقة الي تلبسه حتى ملابسك ما تتدمر من الشعر ومشط ومقص وماكينة وفرشة ورغوة صابون وكل ما يروح الحلاق يوديها معاه. الشنطة صغيرة وتنحمل بالايد يعني مافيها ضرر.. بس انا كسول ومالي خلق.. لكن من ارجع من الحلاق مباشرة ع الحمام وهات يا تفريك وتعقيم


حمزة

 

---

مرسلة من iDoc (رقم العضويه 74592) on :
 
علوش ,
معرفين فانز هيفا ما عندهم ذقن

mr M

ياليت تكتبلنا نوع الماكينة إللي تستعمله
 

---

مرسلة من طـبـيـعيـے (رقم العضويه 11956) on :
 
دوك انا مكينة حلاقة - ماركة فيلبس سعرها اذكر 32 دينار كويتي
 

---

مرسلة من [ L.O.V.E.R ] (رقم العضويه 3004) on :
 
انا عندي شنطة خاصة فيها كل ادوات الحلاقة العادية اخذها معاي اي حلاق اروح له

الهندي شحلاته حلاقته نظيفه وهاديه .. واهم شي انه مايهذر على راسك ويزهق حياتك!!

نفس التركي او بعض الجنسيات العربية بدون تحديد لول اذا طنشته وهو يتكلم يخيس نفسه عليك

ابي واحد يشوف شغله وخلاص

والادوات مثل ماقلت كلها شايلها معاي عشان اضمن ان محد استعملهم غيري لان عندي وساس نظافه

اتمنى من قلبي اني استغني عن الحلاق واتعلم شلون احلق لنفسي

بس احس السالفه صعبه ومحتاجه فن خخ

بالذات لحالتي لان اقل شي لازم اروح الحلاق مرتين بالاسبوع بما ان الشعر يطلع عندي بسرعه

[ مارس 09, 2015, 10:10 AM: تم تحرير المشاركه من قبل: [ L.O.V.E.R ] ]
 

---

مرسلة من @Mr.M (رقم العضويه 90141) on :
 

رد مقتبس:

---

المرسل الأصلي هو iDoc:


mr M

ياليت تكتبلنا نوع الماكينة إللي تستعمله

---

Panasonic


 

---

مرسلة من la princesa _ (رقم العضويه 88536) on :
 




والله وطلعت عندكم سوالف ماكنت ادري عنها
متابعه بصمت



 

---

مرسلة من (haGash Yara) (رقم العضويه 91423) on :
 
بامريكا حلاقه اللحيه او حتى تحديدها بالموس ممنووعه بكل الحلاليق - لخوفهم من مخاطرها و نقل الامراض من شخص للثاني

تبي تحلق بموس اشتر من الجمعيه وحلق ببيتك شوفوا الفرق بينهم وبين حلاقين الكويت او دول العربيه الثانيه

وباجي الادوات دايما يغيرونها عقب كل شخص بأدوات معقمه والي يضحك ان الحلاق يدش مدرسه ولازم يكون عنده ليسن يتم تجديده كل جم سنه باختبار علشان يقدر يحلق للادوام

احسن حل انك تشتري بنفسك كل ادواتك وتوديها معاك وتاخذها معاك لا تخليها عندهم وانت نظفهم بين كل استخدام
 

---

مرسلة من بَعطوشْ (رقم العضويه 75) on :
 
عندي مشكلة مع الحلاقين من صغري لول مدري وش السبب و خلفيات المشكلة، حاليا :
اللحية ما احلقها ع الزيرو فالالة تكفي و توفي و بنفسي اعمل هالشي
الشعر كانت اختي و الحين زوجتي كل 5 ايام اسبوع بيقصولي منه شوي و بتوجيه مني طبعا.

 

---

UBB.classic™ 6.7.1