مرسله في
اهلا عزيزي انت تقول لي صدقني ان النصر اكثر فريق ينظلم في البطولات صح ؟؟؟ ليه النصر من 9 سنوات كم مره لعب على النهائي مع الهلال ؟؟؟ سواء كاس خادم الحرمين او ول العهد ؟؟؟ كيف يكون مظلوم ؟؟؟؟ وليش الهلال مايظلم الا النصر بس ليه ؟؟؟ يعني الشباب والاتحاد عاادي خلهم ياخذوا بطولات لكن النصر لا ؟؟؟ كلام مو منطق ابد ابد اعتذر عن الكلام اللي قلته ...
سلاموز ...
المشاركات: 213 | من: الرياض | تاريخ التسجيل: مايو 2006
|
ووصل لنهائي الدوري وخسر من الإتحاد1/0 رغم فارق الإمكانيات والماديات..وبدون اجانب..وكان قريب من خطف اللقب لولا هفوه طيب الذكر محسن الحارثي في الدفاع..قبل ثلاث سنوات..
ولعب مع الهلال في بطولة بلقوله الشهريه وفاز الهلال ببلنتي ظلم في البطوله العربيه في نصف النهائي والكل يعرفها...وخرج النصر من البطوله العربيه بظلم واضح وفاضح..
عموما اخـوي..انا اعترف ان النصر ينقصه اشياء كثيره جدا..ومستواه حاليا مايأهله انه ياخذ بطوله..لكن...مو معناها ان الهلال أفضل فريق..الهلال كان ينقصه اشياء كثيره ومثله مثل النصر وكان ضعيف وماكان فريقه يأهله لأنه ياخذ هالبطولات..يمكن الآن وضعه أفضل من السنوات اللي راحت.. والنقاط الكثيره اللي يجمعها الهلال من النصر او غيره بالظلم ويوصل لنهائيات..
يمكن الهلال الموسم اللي راح والموسم هذا كان كويس بوجود ياسر والشلهوب..اللي كان سابقها قبل وجود ياسر ماعنده أحد يدعمه ويسجل اهداف مثل ياسر..ماكان فيه الا سامي يالله الخراج..
المهم اخوي انا الحين مانيب اتكلم عن ظلم الهلال للنصر وبس..انا اتكلم عن فضائح الهلال بشكل عـام وبطولاته والأشياء اللي تسمونها انتم اخطاء تحكيميه وهي بالأصل فضائح تحكيميه ..وطلبت دليل مادي وعطيتك دليل مادي وهو إعتراف رئيس الهلال..وماعتقد فيه شي بيقنعك إذا ماقنعك هالشي..خصوصا انكم في البدايه انكرتو انه لمحمد بن فيصل..وقلتو تمثيل..وبعد ما اعترفو وانكشف كل شي..ماقتنعتو فيه؟؟
يعني الحين ان فريقي ضعيف زي ماقلتو..مايجوز لي اتكلم عن فضيحه واضحه وإعتراف واضح وصريح؟؟
..مثلا لو حرامـي سرق بيت واحد..نقوله والله انت مو مسـور بيتك كويس..ومنت حاط حارس لبيتك..ولا ندور عن الحرامي هذا ونعاقبه؟
عمومـا..اخوي..انا ما ألومكم ابد..
دام سلطان الرياضه الظالم..حسبي الله ونعم الوكيل فيه..ماسأل ولا تكلم عن تصريح خطير مثل هذا..ولا قال...تعال يامحمد بن فيصل..وش قائمة الحكام اللي ساعدوكم..عطني هالقائمه وخلنا ننظف رياضتنا..ومين الحكام اللي تقول يساعدونكم في المباريات؟؟؟
عزيزي..فكر بعقل..وخلك صريح مع نفسك..وشوف..إيطاليا..وهي تلعب بكأس العالم..وفي وقت إيطاليا تلعب بنصف النهائي لكأس العالم..ماقالو والله منتخبنا يلعـب بكأس العالم ومو وقته نتكلم بهالأمور..وبعدين هالأمور ماضرتنا..هذا حنا الحين واصلين لنصف النهائي؟؟؟
لا ...دام فيه فساد..متى ماشفناه..نحله..ونشوف الحلول..ونعاقب الظالم..ونرجع حق المظلوم.. تخيل انهم هبـطو أقوى ناديين في إيطاليا للدرجه الثانيه..ومن ظمنهم نادي جوفنتوس..
شوف وين وصلو..أنتصرو..وأخذو كأس العالم..للمره الرابعه..يعني باقي بطوله..ويتساوون مع البرازيل..ومافي أحد احسن من احد..اللي يعمل..يوصل..
تخيل يا اخوي العزيز هذا وماعندهم أدله..هم بحثو وحاربو الفساد... وشوف الفرق بين رئيس نادي عاصمي يطلع ويعترف ويقول احناااا نعترف بإن فيه فساد وإن فيه حكام كثير كانو يساعدوننا في المباريات..يعني الأعتراف سيـّد الأدله...مافيه أحد يحرك ساكن..بقيادة الظالم سرطان الرياضه..
اخـوي..لما تجي تعالج مشكله معينه..لازم تلمس الجرح الحقيقي..والجرح الحقيقي أن الرياضه..أمراء ومحسوبيات وظلم ورشاوي..وواسطات..واكبر واسطه خلت سامي الجابر يركض 20 سنه في المنتخب..وآخرها بطولة كأس العالم سامي ماكان نادي الهلال يلعبـه..والكل عارف مستواه..ولعبوه بالمنتخب..بل ان فيه مباراة أسبانيا كان فيه تغيير أجباري لأصابة الحارس..لكن المدرب ماغير..لان خلصت التغييرات وباقي تغيير محجوز لسامي..تنضاف له مباراه دوليه..والله حرام ..ويزيح مواهب افضل منه...وانا مابي اغلط على سامي الجابر او حاقد عليه زي ما انتم بروسكم تتوقعون..لكن هذي هي الحقيقه...صحيفة الجعيره والملحق الرياضي بصحيفة الرياض وصحيفة الرياضيه..خربـت الرياضه بالتعصب ..وياكثر ضحايا الإعلام..فهمتكم الرياضه وحب الفريق غلط..
واتمنى ماتزعل من كلامي او يضايقك ويكون نقاشك بشكل عقلاني وواضح وتحيه لك..
-------------------- المشاركات: 1545 | من: رياض الغرام | تاريخ التسجيل: يناير 2003
|
رد مقتبس: دام سلطان الرياضه الظالم..حسبي الله ونعم الوكيل فيه..ماسأل ولا تكلم عن تصريح خطير مثل هذا..ولا قال...تعال يامحمد بن فيصل..وش قائمة الحكام اللي ساعدوكم..عطني هالقائمه وخلنا ننظف رياضتنا..ومين الحكام اللي تقول يساعدونكم في المباريات؟؟؟
مساعده بالاخطاء التحكميه
عالم الكوره فيه حاجه اسمها اخطاء تحكميه
وماتوقع فيه فريق ماستفاد من اخطاء تحكيميه
هذا القصد
مو القصد انو الحكام ساعدوا الهلال عمدا
اتمنى تفهموا هالنقطه
كيف تبغى الامير سلطان يحاسب كذا !!
كاس العالم في المانيا
الفيفا ماجمع الحكام اللي غلطوا وحاكمهم
الامير محمد بن فيصل قصده انو حنا استفدنا من الحكام واخطائهم زي اي فريق في العالم ..
بس للاسف كثير راح يفسر الكلام على حسب مصلحته وعين طبعه .
والله من وراء القصـــد..
--------------------
حبيبي حبك وطن ووطني حبك مهما قسيت مهما بعدت مهما غبت
المشاركات: 5616 | من: من الريـــاض احلى الديـــار | تاريخ التسجيل: ديسمبر 2002
|
إرسال هذه الصفحه لصديق!
لطباعه هذا الموضوع
![الملف الشخصي لـ [دلــوعةالسعـــوديه]](http://salmiyaforum.net/ubb/profile_ubb6.gif)
![البريد الإلكتروني [دلــوعةالسعـــوديه]](http://salmiyaforum.net/ubb/email_ubb6.gif)
![[Smile]](smile.gif)
![[Confused]](confused.gif)
![[Big Grin]](biggrin.gif)
