منتــدى الســالميــه: الله..... يعينه

»	منتــدى الســالميــه » القسم الـفـنـي » الســـاحـــــــة الــثــقــافــيــة » الله..... يعينه

إرسال هذه الصفحه لصديق!

الكاتب

الموضوع: الله..... يعينه

بشوره
عضو جديد
رقم العضويه 40438

This user is from Quatar

مرسله في

الصراحه قصيده عجبتني واهي حق سلطان المسلم وحبيت اشاركم فيها
قبل لا اقول لكم القصيده اسمحولي اقول لكم قصتها

كان في واحد يحب وحده حيل وبينهم قصة حب بس لما صار ما في مجال يكملون مع بعض لانه قصة حبهم مستحيل تكتمل
لظروف اقوى منه ومنها

وشاف ان البنت متعلقه فيه وقاعده تظيع على عمرها فرص ثانيه بالسعاده مع واحد احسن منه

قام ومثل عليها انه يخونها عشان تكرهه
وفعلا البنت صدقت انه خانها ومرت الايام والسنين والايام لعبت لعبتها
وتلاقى اهو وياها في لندن وشافها مع واحد ثاني
وكلكم تدرون شنو نوع المشاعر الي حس فيها
فقام صاحبنا وكتب هالقصيده

تقول القصيده يا طويلين العمر

حبيبتي اسمحي لي بخونك من غلاك
اكرهيني واتركيني وقتليني يا ملاك
لا صار في موتي حياتك من اكون
اجرحيني واهجريني بس اخون
ادري طريقي صعب
وادري فراقك صعب
حتى رجوعي صعب
ما به حلول,, لكن بقول
اتعذبي يوم,, ويمكن شهر
وانسي السهر وانسي القهر,, وانسيني

******* * *

عيشي حياتك كلها
بحلوها ومرها
يمكن تلاقيك حبيب
يصير لجروحك طبيب
وترجع فرحتك ثاني
وتنسى الحب وتنساني
وتترك ديرة احزاني
واشوفك في ليالي الصيف
تمر جنبي كأني طيف
واشوفك مع حبيب ثاني
اشوف بعيونك الفرحة
وحزني شوه اجفاني
وقلبك انبرى جرحه
وقلبي انجرح ثاني
جلست اذكر امانينا
ودمعي حرق اجفاني
تذبحني اغانينا
وهي جنبي مع ثاني
تضم ايدينها بيده
كأن اليوم ذا عيده
وانا يدي على خدي
وهمي والزمن ضدي
وجتني بنظرة الشفقان
تسأل ليه ذا الاحزان
وبيدها تمسح دموعي
واطفت وقتها شموعي
وتسال من تكون انت
ردي صار بعيوني

شفاتي تكتم العبرة
وجهي اظهر حزوني
انا ضحيت من قلبي
وحبي سبة جنوني
رضيت الموت لي وحدي
وتحيا دامها عيوني
بديت بقصتي ابكي
وتبكي من بكى روحي
وقالت قصتك عكسي
حبيبي سبة اجروحي
يخون وعني ما يدري
ولا همه كثر نوحي
تركني مكتفي بغدري
ندهته وكنه ما يوحي

**** * *

مشيت ودمعتي تبكي
وقلبي سجنه ضلوعي
يبي يصرخ يبي يحكي
وباسي صار في طوعي
رضيت بحكمها القاسي
رضيت السم في كاسي
رسالة حبرها احساسي
احبك لو تكون ناسي

--------------------