على ذاك الطريق اللي يسمونه غرام أحباب وطت رجلي على دربه ولا ادري وش نوى فيني تبعته لأخر دروبه لين القمر قد غاب تعب قلبي ولاتعبت مسافاتن توديني لقيت الليله الجردى هدب ظل وسما وأعشاب بعد ذاك الظلام اللي توهني عناويني صدفتج معجبه فيني وياليت الغرام أعجاب وتراج انتي الهنوف اللي هقيتج تستحقيني عطيتج عشق من قلبي وسلمت لغلاج أرقاب وغيرج يحترق قلبه ولا يقدر يحاكيني انا قبلج صدفت عيون لاكن ايش جاب لجاب ترى كل العيون اللي لقتني ماتكفيني رماني حظي الحاثر عليج وجيتج طلاب ولا انتي اللي عشقتيني ولا انتي اللي عتقتيني تعالي ورحمي ذاك الخفوق المولع المرتاب ماهوب لجلي عشان الله يجازيج ويجازيني تعدي في سما عشقي ولو عشقي خراب أصحاب وصوني بالهوى نفسج قبل لاانتي تصونيني وشيليني على متنج خفوقن بارين منصاب وفوق غرام العذب شيليني وحطيني ولامنج هقيتينيي شجاع ولايطيق يهاب انا لج بالهوى والله مثل ما انتي هقيتيني انا مامشي ورى غيرج ولو يطق الباب وترى عيب علي اطعن ولو كثرت سكاكيني زهودن مايطيق الدم لاداين ولا طلاب شجاع وعارف نفسي وظن انج تعرفيني غيورن ماعرفت اضحك مع الغدر ببرود أعصاب ابيع عيوني الثنتين قبل انج تخونيني واذا شد الغرام احط قلبي بين نار وناب فرقى تكسر ضلوعي ولا عشقن يوطيني انا رجلن ولي غيره واذا شفت الهوى كذاب تثور بقلبي الفزه ولا تهدى شياطيني سؤالج ولو يزعزع بي كياني ماقبلت اعتاب اجيلج وأسألج نفس السؤال اللي سألتيني عن العشق القديم أبوب وتقفيها كثير أبواب بعد ذاك الحبيب اللي خدعني وانخدع فيني أبي عشق تحسب له كل نظرات العيون أحساب وأبي قلبن على قلبي وابي دينن على ديني وأبي كلمت عهد توقي ولاتخلف بدون اسباب وابي منج قبل لانتي تصديني توديني وابي دربن على العذال صعب ومتعب وغلاب وابي نفس الطريق الصعب يبعدهم ويدنيني ترى لوالقلب عيون ولدموع العيون أهداب حشى ماتنزل الدمعه لغيرج لو تركتيني أنااول من عرف قدرج وانا توني صغير شاب وأبي منج دام انج عرفتيني تحبيني مدام اني لقيتج بطريق اسمه غرام أحباب دخيل الله وبعد الله دخيلج لاتخلني مدام كل من يحيى على وجه التراب تراب عسى تنساني الدنيا دام انتي ذكرتيني