مرسله في
بصراحه انا لي معرفه بالانسان هذا وودي اقول كم كلمه مهمه وهي ان السالميه هو المستفيد الاكبر من اشرافه
شهادتي فيه مجروحه لانه كاتب كبير في عالم المنتديات وهو شخص عزيز علي وكلامي عنه بعيد جدا عن المجامله
المشاركات: 10 | من: بلاد العـــــــز | تاريخ التسجيل: ديسمبر 2005
|
لازم تقولنا شنو ممكن تقدم للساحه حتى نشوف اذا تستحق او لا
اكيد انت شخص محترم وخلوق واسلوبك رائع , بس حتى المشرفيين الحاليين مثلك عندهم نفس هالميزّ
شنو ممكن تقدم لنا شي يختلف عنهم .. ؟؟ شنو الشي الجديد الي عندك ؟! لا تقول المراقبين يعرفون لانكم طلبتوا موافقتنا احنا فلازم نعرف ..
بعدها راح اوافق وانا مغمضه
--------------------
ليكـ وحشـــه
المشاركات: 8890 | من: الســــعـــوديه | تاريخ التسجيل: مايو 2004
|
devil_mind
عضويه مشطوبه
مرسله في
نبي مشرفين وسطيين و متفتحين اكثر اسف لكن اكستريم بوي راح يخرب توازن العامة وهو متطرف جداً وبعدين على الساحة 4 مشرفين ممتازين هم رزان ووصايف و بدر و الكوت ماشوف ناقصها شي الا اذا ناوين تخربطون العامة وتسونها احادية هذا شي ثاني بس ما اشوف محتاجين مشرف ثاني المشرفين الاربعة وايد ممتازين ومعتدلين
اكستريم يبي يفرض رايه و ردوده كله يتمسخر من غيره و يقلل منهم ويبي يطلع انه اهو الصح بتأييد الهي والباجي ما يستاهلون يتحجون لأنهم مو بالمستوى الثقافي لاعطاء الرأي (غير توجهه فقط)
[ فبراير 20, 2006, 03:56 AM: تم تحرير المشاركه من قبل: devil_mind ]
|
اشكركم جميعاعلى ابداء رأيكم سواء بالموافقه او لا .. رأيكم احترمه جدا .
------------
بالنسبه للأخ (divil mind) .. فوجهة نظرك محل تقديري واحترامي التام .. لكن حط ببالك ،، ان اشرافي ينسيني من انا وما ديني وملتي وطائفتي .. فأنت وغيرك عندي **سواء** .. واحد اهم الاسباب الي جعلتني اتردد قبل قبولي هو ان الاشراف راح يحد من حرية قلمي بشكل كبير.
تظل محل احترامي وتقديري .. وشكرا لابتعادك عن المجامله.
---------
بالنسبه لمن سئل عن البرنامج .. ما اظن انه من المفضل اني اطرح كل ما عندي هنا .. فكل مافي الموضوع اني ما ارضى اتولى شي بدون رضى الناس عني .. وللسبب هذا انا طلبت رأيكم بنفسي في حين كان بإمكاني القبول مباشره.
لكن بشكل عام :
اول شي راح اعمل عليه من اجل الساحه العامه .. هو استعادة كل الاقلاااام الي هجرت الساحه هذي لأي سبب .
اعرف ناس كثيره تركت الكتابه في الساحه العامه بسبب ظلم سابق تعرضت له بموضوع .. اساءه ممكن لدوله ،، معتقد ،، طائفه
ممكن اكون بيوم من الايام انا احد المشاركين فيها .. رغم اني ما شاركت الا طرحا لرأيي .
لكن اظن اهم واول خطوه عندي اني اشيل المفهوم الي ببال الكثيرين عن الساحه هذي .
فالجميع راح يكونوا ((سواسيه)) .. الاحترام واجب .. وقبول الطرف الثاني شرط اساسي للكتابه
واحد عوامل استقطاب الكتاب مره ثانيه غير العدل .. التشجيع على الكتابه .. راح اركز اني اخلي غالبية مواضيع العامه هي نتاج فكرنا كأعضاء بعيدا عن النقل .
راح يكون في اسلوب جديد للتثبيت ممكن بالاتفاق مع بقية المشرفين .. اي عضو يساهم ويبدع ويتعب في موضوع فمن حقه التثبيت لكم يوم نحددها سلفا مع بقية المشرفين.
طبعا .. احد العوامل الثانيه المهمه لارتقاء اي ساحه حواريه .. هي احقية كل عضو بعرض موضوعه اطول فتره ممكنه .. معنى الكلام هذا .. انه بالاتفاق مع بقية المشرفين ممكن نسن قانون مثلا يمنع انزال اكثر من موضوع واحد خلال 24 ساعه .. واي عضو ينزل موضوعين نحذف الموضوع الثاني ونرسل له نسخه منه بحيث اذا اراد طرحه من جديد لاحقا .. لكن عملية طرح 5 مواضيع مثلا من عضو واحد بنفس اللحظه اعتقد انها ظالمه للبقيه بحيث ان مواضيعهم انحرمت مدة العرض الي تستاهله من وجهة نظر كاتبها .
وبالنسبه للنقاشات الطائفيه او بين الملل المختلفه .. فهي بحاجه لتعامل حكيم من البدايه وسلاسة اسلوب .. ممكن واحد يسأل ،، كيف الانسان هذا يتكلم وهو كان بيوم من الايام احدد رواد المواضيع هذي
اقول .. بأني سبق وادرت ساحه حواريه تفوق السالميه 6 اضعاف تقريبا .. والاخ سفير عنده فكره عنها .. تعاملت فيها مع فرق وطوائف وطبقات اجتماعيه مختلفه .. فعندي خلفية تعامل مهمه .. اسلوب اظن انه كان من المفروض ان يتبع من زمااان ،، ولو اتبعناه ممكن كنا قدرنا نتفادى كثير من الاصطدامات الي حصلت .
اما من ناحية تغيير روتين الساحه العامه .. فهو مفاجأه ما احب الافصاح عنها اخليها لملاحظتكم لاحقا .. ووقتها ممكن تشعروا بالفرق .
فمن الملاحظ .. ان الرغبه بتطوير اي ساحه دائما افكاره ما تنتهي .. قوانين كثيره ممكن نفعلها تطور من ادائنا بشكل كبير.
وعامل مهم جدا ممكن يرتقي بمستوى اي مكان حواري .. هو تقبل رأي الاعضاء وتقديم اقتراحاتهم عمليا ..
ما احب اطول عليكم اكثر من كذا..
اسعدتني كثير آرائكم .. وانا متقبلها منكم جميعا بصدر رحب .. ولولا رغبتي بها ما كان طلبت الموضوع من الاساس.
اتمنى للجميع التوفيق
[ فبراير 20, 2006, 04:20 AM: تم تحرير المشاركه من قبل: Xtreme Boy ]
--------------------
المشاركات: 4400 | من: Dhahran | تاريخ التسجيل: فبراير 2004
|
رايح ارسل لك طرد فية علبة كبيرة من حبات البندول(لآلم وجع الراس) الله يكون في عونك ونتمنى لك التوفيق
نتمنى ان يسير بالساحة العامة الى ماهو افضل مماعلية الان
طبعا لاننسى تقديرنا لأخوتناالمشرفين في الساحة العامة وخواتناالمشرفات الفاضلات
بارك الله بهم جميعا ...بالتوفيق
--------------------
عليك بإخوان الثقات فإنهم...قليل فصلهم دون من كنت تصحب ونفسك أكرمها وصنها فإنها...متى ما تجالس سفلة الناس تغضب المشاركات: 8811 | من: في اي مـكان يـذكـر فـيـه اسـم الله | تاريخ التسجيل: مارس 2004
|
لان انسان فكرة طائفي وتفكيرة بعيد عن الوسطيه وشخص يلي يهين طائفه الشيعيه او حتي الغير مسلمين لاعضاء موجودة بالمنتدى ومحد قال عن هذي الطائفه روافض ويطعن بالسادة ورجال الدين الشيعه غيره شلون تبونه يصير مشرف اذا اهو مو مشرف على نفسه اكثر انسان طائفي بالمنتدى مع شخص اخر واحنا محتاجين مشرف يكون تكفيره منفتح اتمني من مراقبين مراجعة ردود الاخ وتشوفون طريقته وردة الاستفزازيه ...
اوكي حتي لو كانت مواضيعه مرات تكون حلوه بس تفكيرة متطرف وكفايه ان يشوف الشيعه كفار او حتي اخوانا المسيح او اي ديانه اخر كفار
اتمني لو انا اختار ..
نشوف 3 مشرفين من اخونا السنه ومشرف واحد شيعي
وبصراحه انا لو اشوف اختار مي الياس راح تعبر عن الطائفه المسيحيه او ديفل مايد او غير شخص ثاني