أنو ميس جوردون إلها أسبوع ما عندا شغلة ولا عملة غير تشتكي عليي وتبعت رسايل خاصة وتشرشحني بسبب وبلا سبب وهي نفسها يلي حولت موضوع أحد الفنانين من شوي ل كلمة (زعران الشوارع) يلي كرمت فيها الموضوع المزكور
تاني شي يلي بشوف الموضوع من أولو بيعرف تماما انو كنت مسالم لحد ما فات واحد إسمو بحب فغرامك وبلش يستهزأ ويحكي حكي طالع نازل ويعمل حالو مهرج بالموضوع ليضحك العالم عليه وهو من الأول فات لحتى يوصل لنقطة محددة حاططها ببالو وبلش يسب ويشتم وأنا من أول ما فتت تجاهلتو بس هو صار بكل أدب ورقي ومفهومية يسخر من ردودي لحد ما حول الموضوع لفلم بورنو للأسف
ويا ريت لما تقولو كرم زودها وكرم وقح وكرم ردودو أوفر وكرم خرب الساحة الفنية وكرم تواسخ بالحكي وكرم مدري شو يا ريت تسألو حالم سؤال واحد مقابل كل هالكرمات؟؟؟
ليش كرم عمل هيك؟ لانو وقتها إذا ما سألتو حالكم هالسؤال صارت المعادلة مضحكة وغير كاملة وأنا لما واحد بتهجم علي بألفاظ.... وحكي ما بيحكوه غير ... ما رح أسكتلو ولو على جثتي وما بسمح لإبن مرا على وش الأرض يجيب سيرتي بالعاطل مين ما كان يكون وأنا ماأخدت غير حقي
بعدين في كتير أعضاء بحبوني كتير كتير كتير كتير وحاطيني على راسهم من فوق لانو ببساطة منحترم بعض وحاططهم أنا بعيوني التنتين
والمحترم هو يلي بيفرض إحترام العالم لألو والخايس بيفرض إستحقار العالم لإلو
وبظن ما عندي مصلحة أبدا إني أتهجم على أي عضو من الباب للطاقة هيك بدون سبب إلا إذا قرب على مواضيع شخصية بحتة وهالشي فينكم تتأكدوا منو بكل ردودي يلي رح تاخد كل نهاركم مإنتو عم تشرشحوا فيها
والدليل أنو لما العضو بحب فغرامك صار يتهجم قلتلو بالحرف الواحد بلييييز بعد عني واترك كل واحد فينا بحالو لأنو أنا رايق ومو حابب نحكي حكي طالع نازل قدام العالم وطبعا متل عادة رد بطريقة.... وحول ردي لسريك تهريج وفينكم تتأكدو وتفوتوا على الموضوع يلي حطيتو الودودة جدا ميس جوردون
ويلي مستعد يحلف بحياة أمو فيكم أنو كان رح يسكت على كلام.... من النوع يلي توجه لإلي وقتها أنا بعترف إني غلطت بالرد
وعلى فكرة مواضيعي كلها موجودة بالسالمية وفينكم تراجعوها واحد واحد
لأنو الصادقة جدا ميس جوردون الها اسابيع عم تحرض الاعضاء لينسحبوا من مسابقتي
وبحب فقرامك عم يدور دوارة على مواضيعي ليورجينا مواهبو بالتهريج ضدي بس على كل حال متل ما انا أخدت حقي كتااااااااار أخدو حقهم
وبالنسبة ل يلي عم يتهجموا علي مشان ردي على سمير صفير ونضال الأحمدية روحوا تاكدوا منيح وحطواا نضارات ورح تعرفوا أنو ردي ولش بالنسبة لغيري ويا ريت تاني مرة تحكموا بعلقكم قبل عاطفتكم
رد مقتبس:المرسل الأصلي هو [ M i s s Star ]: انا كنت باليوم الواحد اشارك فوق ال 30 مشاركه .. كانت المواضيع غير وحلوة .. والاعضاء كانوا بجننوا وحتى خناقاتنا كانت راقيه الله يرحم ايام بداح وخلوديز ومي
اما هلا والله عم بقرف فوت الساحه .. مش معقول الي عم بصير واحد بقول للتاني انت gay والثانس انت مسوي سكس وين قاعدين نحنا ؟
ماعندي تعليق غير يا عيب الشوم
وياريييييت المشرفين مو يسكرون الموضوع وبس يتصرفون مع هالاعضاء احسن مايضلهم مخربين كل الساحه !!!
والله كنت بدي اكتب هالحكي بموضوع لحاله بساحة الشكاوي
بس قلتيه عني .........
والله صرنا نقرف نفوت المنتدى والساحة الفنية
عنجد بطل متل قبل وانقلب الوضع 180 درجة
--------------------
المشاركات: 5410 | من: P@lest!ne | تاريخ التسجيل: يوليو 2004
|