شلت ( تكرمون ) الجوتي والدلاغ .. وإلا أشوف صبع رجلي واقف والباقي نازلين من التعب شكله كان غلط مادري شلون صاير و طالع برا .. وهو الصبع اللي بالنص في رجلي اليمين لول
المهم رحت ممتشفى هادي وما سووا شي .. بس ربطوه مع الصبع اللي جنبه ولفّوه
ثاني يوم صبعي صار أزرق على أسود .. وإلا أقول مالت على المستشفى الخاص .. مالنا إلا الحكومة لول رحت مع نسيبي مستشفى الرازي الخاص بالعظام
قالولي لازم يحطون له سيخ .. قلت حق الدكتور أنت تتغشمر ولا شنو ؟ السالفة ما تسوى لول لو تدري شلون انكسر راح تضحك .. ما يحتاج لها سيخ
قالي : إن المفاصل مكسوره مو العظم ولازم يثبت بـ سيخ
أنا خفت وقلت ما يسوى .. بس نسيبي أقنعني
دخلوني غرفة .. لبسوني مريول وعقموني كأني وسخ لول ونطروني ساعة وأنا أتحلطم على راس نسيبي لول
سحبوني غرفة العمليات ودخلوا علي دكتورين .. واحد عطاني " بنج موضعي " يعني بس على القدم .. يعني العملية وأنا صاحي
قاموا يلعبون بصبعي و يعدلونه و يلفونه و يسحبونه و يشدونه يقلبونه فوق تحت بطريقة بهلوانية أنا قاعد أشوف شنو يسوون بس مو حاس بشي لول بس لو مو البنج كان مات اللي يسوون فيه جذي لول
لما تعدل الصبع .. شفت الدكتور ماسك مسدس فيه سيخ ( السيخ مثل سيم علاّق الملابس )
دكتور مسك صبعي و دكتور حط رأس المسدس بطرف صبعي وقعد يضغط السيخ داخل الصبع بطريقة موازية لصبعي
أنا على بالي راح يدخل سيخ على طول صبعي .. يعني 2 أو 3 سنتيمتر .. بس شفته يدخل السيخ وايد .. طلع مدخّل 10 سنتيمتر من السيخ لما وصل لكل طول القدم بالتوازي .. و ظل خارج الصبع طرف صغير من السيخ عشان يطلعونه منه وحطوا عليه بلاستر
المهم .. جبسوا ريلي كلها لول مادري ليش كلها مع إن بس القدم .. عطوني موعد بعد 4 أسابيع .. ورجعت البيت
4 weeks later وصرنا في شهر 8 لول طبعا ماراح أقول لكم عن العذاب والألم والحبوب المسكنه بهالفتره
رجعت المستشفى وشالوا السيخ عن طريق السحب على غفله من غير بنج يبون يوفرون أغراض المستشفى لول .. بس ما أقدر أحرك صبعي ( يعني لما أسكر أصابعي كلهم يظل واقف لول ).. الدكتور قالي : بعد أسبوع راح يرجع كل شي لوضعه الطبيعي
صار شهر .. شهرين .. ثلاث .. ما يتحرك الصبع لول
صاير مثل قطعة الخشب
رجعت للدكتور مره ثانيه .. وقالي عن المفصل ( نسيت شنو قال بالضبط لول )
المهم قالي الحل إن يكسرون المفصل و يحطون عليه جبس موضعي والصبع يكون مبروم
لووول والله العظيم سويت جذي بالضبط قمت على طول و قلت له مع السلامة و مشيت
قلت طز فيه ما يسوى أتعذب مره ثانيه .. صبع صغير ماله فايده ولا هدف بالحياة لول حتى لو شكله صار شوييييييييي يختلف عن أخوانه بس مو مشكله لول
مرت الأيام والشهور وتقريباً السنة وصبعي خارج منطقة التغطية لول وكل ماله يتصلب اكثر
بس اليوم الاثنين الموافق 2-6-2008 الصبح
صارت معجزه طبيه بـ صبعي
كنت على السرير .. وفجأة قلت بروح المطبخ لول
بدل ما أنزل من السرير على طول .. مادري ليش وقفت على السرير مثل الأهبل وبعدين نزلت لول
بس شوفوا النزله
نزلت على ريلي اليمين ( اللي فيه الصبع المخلوع لول )
نزلت بالغلط على أطراف الأصابع
وحسيت بطقه و صدمة كهربائيه ثانيه نفس الصدمة لماانكسر حسيت بألم خفيف بس مو قوي
لما نزلت صارت فيني شقلبه أماميه تلقائيه
صبعي شوي ورم .. صار أحمر .. مافي إحتقان .. كل شي طبيعي
حركته بإيدي شوي شوي أشوف إذا انكسر أو لأ
وإلا يتحرك قبل كان صلب ما يتحرك ولا نتفه
أنا عبالي إنكسر المفصل وصار يتحرك
بس لما نطرت شوي و حطيت ثلج ..
حركت أصابعي كلهم مع بعض و صار الصبع المخلوع ( سابقاً لول ) يتحرك معاهم كأنه مافيه شي
وبعدين .. حتى شكله رجع طبيعي لأن قبل كان شوييييي فيه ندبه صغيره
ومن الصبح وأنا أحرك أصابعي فوق تحت من الراحه والوناسه خخخخخ قبل كان كأنه مخنوق مافيه حياة ما يتحرك فيه دم
أحد فيكم عنده تفسير حق اللي صار ؟ لووول
حتى الدكاتره عجزوا يصلحونه من غير عمليات لول
[ يونيو 02, 2008, 01:21 PM: تم تحرير المشاركه من قبل: [ Hamad ] ]
كـل هذا صار مايسوى لعب كورة عن جد شي غريب وبعد كل المدة الي عدت سنه تقريبا يرجع بدون مستشفى بس انا اتوقع شي طبيعي ليش من اول ماحاولت تنط ع السرير يمكن يدل على فشل الدكاترة الي رايح لهم
ع العموم الحمدالله على سلامتك صبعك
-------------------- (بنت النور) المشاركات: 9623 | من: الـبحر | تاريخ التسجيل: نوفمبر 2003
|
مرسله في
حمد فعلا المستشفيات الخاصه موبكل شي ناجحة .انا مره انكسرت ريلي كنت اشيل طاولة الكمبيوتر ورجعت وطحت لي ورى وظلت ريلي تحت الكمبيوتر خخخ وقتها حسبت اني مت لول وقعد احبي مثل طيف في مسلسل دارت الايام وناديت اهلي وطقوا على الاسعاف واللي يو مساكين يوم شالوني طلعت لهم عضلات عمرهم مايحلمون فيها ...المهم اول شي رحت الاميري جان يقول ماكو شي رضه بسيطه ولفوا ريلي ورجعت البيت احبي ...مو احبي لالا...قعدت بالحوش على القاع وادني ورى شوي شوي جان امي وابوي يقولون ...امش الهادي شنو هذا منت قادر تحط ريلك ....رحنا الهادي قالوا مكسورة كسر لول قلنا وصلنا خير اكيد بيحطولي جبس ...ولا يحطون لي خشبه جني قطوه وقالوا خلاص ...
رحت البيت ريلي قامت تعورني حيل حيل من الخشبه صارت حمره من العوار ...ودوني السلام جان يقولون هذا ريله رايحه واحتمال عمليه وحطولي جبس من صبعي لين فوق لول يعني كل ريلي جبسوها من اولها لي اخرها زين ماجبسوا شسمه ولا جان ماروح الحمام المهم يوم رحت البيت يو اهلي يزوروني خايفين علي اول مادشوا بيتنا قالوا: ويييييييه شنو هالصبه اللي بيتكم قالوا لالا هذا بدور ولدنا ...قالوا شنو؟ كل هذا جبس ...لووول واتذى وماعرف اتحرك ورحنا الرازي وهني عرفوالي عدل وحطولي ذاك الجبس اللي يحبه قلبك مابقى احد ماوقع عليه لول
[ يونيو 02, 2008, 02:42 PM: تم تحرير المشاركه من قبل: طبيعي ]
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
يقطع بليسك ضحكت سنة بساعة عيني دمعت لوول واحلى شي سالفة الصبع اللي كل واقف لووول
صار شهر .. شهرين .. ثلاث .. ما يتحرك الصبع لول
صاير مثل قطعة الخشب لوول زين ما قاول لك راح نقطعه ما فيه فايدة
بس سالفتك كانها مسلسل مكسيكية يوم تطيح تفقد الذاكرة وانت يوم حدثة الواقفه صار صدمه كهربائية وتوقف عن العمل ويوم يطق راسهم بالمسلسلات ترجع لهم الذاكرة انت بعد طقت صبعك وصارت الصدمه الكهربائية ورجع كل شي مثل قبل احين حسيت ان المسلسلات المكسيكية صج لوول
يلا حمدالله عالسلامة وتذكرة ما تنعاد
--------------------
المشاركات: 5859 | من: مملكة البحرين | تاريخ التسجيل: أغسطس 2004
|
إرسال هذه الصفحه لصديق!
لطباعه هذا الموضوع
![الملف الشخصي لـ [ حـــمـــد ]](http://salmiyaforum.net/ubb/profile_ubb6.gif)
![[crazy]](graemlins/crazy.gif)
![[rofl]](graemlins/rofl.gif)
شكله كان غلط مادري شلون صاير و طالع برا .. وهو الصبع اللي بالنص في رجلي اليمين لول![[Eek!]](eek.gif)
.. قلت حق الدكتور أنت تتغشمر ولا شنو ؟ السالفة ما تسوى لول لو تدري شلون انكسر راح تضحك .. ما يحتاج لها سيخ![[crying]](graemlins/crying.gif)
![[Big Grin]](biggrin.gif)
![[happy]](graemlins/happy.gif)
![[worried]](graemlins/worried.gif)
![[dance]](graemlins/dance.gif)
![[kiss]](graemlins/kiss.gif)
![[Frown]](frown.gif)
![[heartpump]](graemlins/heartpump.gif)
![[bgrlaugh]](graemlins/bgrlaugh.gif)
