طبعا ما يحتاج أقول لكم شكثر مشتاق لكم .. بس أكيد عارفين العيد والعطله والمخيم تخلي الواحد بعيد عن النت .. على العموم عيدكم مبارك و كل عام وأنتوا بخير
الأيام اللي طافت كنت أدخل السالمية كل فتره بس ما كنت أشارك لأن مافي وقت
والحين لما رجعت لقيت نفسي مشرف على ساحة ثانية غير الفنية وهي ساحة العناية العامة بالصحة والجسم
وأشكر Mak وكل المراقبين على الإشراف وإنشاء الله أكون قدها
وأشكر قلب حساس + أجمل إحساس على دعم النغزه اللي قطيتها في ساحة المشرفين واللي بناء عليها صرت مشرف
بما إن أغلب مواضيعي في هذي الساحة عن أشياء صحية تتعلق فيني لول
حبيت يكون أول موضوع لي يكون عن تجربة مريت فيها استفدت منها وايد وايد وايد
أكيد الكل راح يشوف إن هالموضوع جرأة كبيرة و قوية إني أحطها عن نفسي
وهي عملية تقويم + تجميل الأنف
كل اللي أعرفهم بالسالمية سألوني عن هالعملية
وفيه أشخاص ميتييين عشان يشوفون النتيجة أكثر من شخص عارفين نفسهم لول
وخصوصا بعد ما سويت العملية وااايد رسايل خاصة و وايد ناس في المسنجر قتلهم الفضول يبون يعرفون كل شي لول
حبيت الحين أرضيهم
بس أول شي بقول قصتي للناس اللي ما يدرون شالسالفه لول
أنا لما كنت صغير ( 4 سنوات تقريبا ) سوينا حادث بالسيارة و منخاري ضرب قدام لول وقتها انكسر منخاري وطبعا وقتها كانت العناية الطبية في المستشفيات = zero لول حطوا على منخاري لزقه وتركوه يتعدل بروحه من غير عملية ولا حتى جبس لأن منخاري صار وارم وأهلي قالولي صار أكبر من ويهي لول بعدها رجع منخاري لشكل طبيعي بالنسبة لطفل ينمو و يكبر
وبعد ما كبرت بديت أحس في مشاكل بالنسبة للتنفس + الشكل لما صرت 14 سنة بدا منخاري يكبر وتطلع عظمة بالنص وبديت أحس بصعوبة في التنفس من الفتحة اليمين بالمنخار ولما صرت 18-20 سنة بدا المنخار يصير مايل لجهة اليمين بسبب الغظروف لأن الغظروف كان مايل لجهة اليمين وكان شكل الغظروف واضح من الفتحة اليمين وهالشي كان يسبب لي احراج لما الناس تدقق لول
وقتها بدت المشاكل في التنفس والشكل .. لأن المنخار كان مايل بسبب العظمه والغظروف و بالتالي الفتحة اليمين كانت شبه مسدوده تصعب التنفس بالمنخار والفتحات كانوا مختلفين عن بعض ( وحده مختلفة عن الثانية ) لأن الحاجز اللي بين الفتحتين كان مايل مع الظغروف
فكرة عملية الأنف اقترحها علي خالي دكتور .. وقالي أسويها في ألمانيا بما انه عايش هناك وهو راح يضبط كل شي مع مستشفى زين
فكرت بالموضوع و وافقت بس وقتها محد كان راضي أسويها لول وبعدها نسيت الموضوع ..
فجأة قررت أسويها حتى لو ما كان أحد راضي .. لأن جد كنت أحتاج العملية لأني ما كنت أعرف معنى التنفس الصحيح ولأني من صغري وأنا متعود على مشكلة التنفس
كلمت خالي عن العملية بس هو وقتها كان رايح تايلند كدكتور زاير بمستشفى .. بس قالي حتى تايلند معروفه بعمليات الأنف والمستشفى اللي هو فيه وايد شاطرين وقالي أسويها هناك .. بس أنا من نفسي خفت وما حبيت أسويها هناك لول
بعدها قررت أسويها بالكويت .. بس لما سمعت و شفت ناس سووها بالكويت قمت أقول " قل أعوذ برب الفلق " لول مستحيل أسويها .. أقعد على خرابي ولا أدمر نفسي زيادة لول مافي دكتور شاطر وغالي عالفاضي
بعدين سمعت عن عمليات الأنف في إيران كللل الناس تمدح العمليات هناك لول لقيت مكتب يسوي رحلة علاج على أساس يضبطون كل شي رحت أول شهر 8 اللي فات المكتب و حجزت كل شي مع صديقي مرافق ( تذكرة + فندق + سايق و مترجم + العملية والمستشفى + الوجبات ) يعني شغل المكتب كان مرتب و ثقه على أساس أطير إيران تاريخ 22-8 وكنت ناطر هالتاريخ لول بس قبل تاريخ 13-8 بكم يوم .. اختي الكبيرة قالتلي انها تبي تسافر لبنان مع صديقتها بس محتاجين مرافق لأنهم رايحين من غير أزواجهم لول
وقتها من غير تفكير ولا تخطيط ولا شي قلت بسويها بلبنان لول رحت مكتب إيران كنسلت الحجز و حجزنا حق لبنان
بعد البحث عرفت عن الدكتور إيلي غاريوس
وتم الاتصال فيه والاتفاق معاه
وأشششكككررر حمودي " mndks " و صديقته كاترينا من كل قلبي على مساعدتهم لي بكل شي
تاريخ 13-8 وصلنا الحبيب لبنان
تاريخ 14-8 رحت عند الدكتور وقالي " بكرا العملية " <<< قالي العملية راح تكون ( إزالة العظمة المكسورة + تعديل الغظروف + تنسيق الفتحات )
وقالي سبب المشكلة هي إن وقت الكسر تركوا الأنف يتعدل تلقائياً و العظمه و العظروف المكسورين إلتأموا غلط و عن سبب ظهور المشكله بعد ما كبرت قالي لأن الطفل وهو صغير عظم وغظروف منخاره يكونون صغار وما يبين فيهم المشاكل .. بس مع النمو والكبر يبدا كل شي يكبر و المشكله تكبر .. عشان جذي ما يصير يسوون عمليات الأنف إلا فوق 18 سنة
تاريخ 15-8 كان الموعد المنتظر لول
العملية كانت بنج خفيف + بنج موضعي .. يعني كنت شبه صاحي لول كنت أنام وأقعد على صوت المطرقه والمبرد
وهذا اللي شاله من منخاري لول
وهذا فيديو مشابه لمشكلتي وعمليتي بكل حركة لقيته في يوتيوب لول
وقالي الدكتور إن الشكل النهائي للمنخار راح يكون بعد 6 شهور من وقت العملية
وأول 3 أشهر النتيجة راح تكون 80% من النتيجة النهائية
وقالي إن الخيوط اللي استخدمها داخل المنخار راح تطيح بروحها يعني تذوب و تختفي تلقائياً
وقالي إن لمدة شهر راح تكون فيه أورام وألوان تحت العين مثل : لول
ماشاء الله علي اليوم جريء أحط كل شي لول
من وقت العملية العملية لي تاريخ 15-9 : اختفى الورم واللون تحت العين
ومن وقت العملية لي تاريخ 15-10 : ظل المنخار وارم .. ورم وانتفاخ بس من غير ألوان
وخلال هالشهرين كنت أحط اللزقة على المنخار لول
ومن وقت العملية لي تاريخ 15-11 صار مثل ما قال الدكتور .. المنخار أخذ 80% من النتيجة النهائية
الحين بس باقي الجلد شوي ثقيل ومتين و الدوائر اللي على جنب الفتحات شوي بارزين .. راح يخففون شوي بعد الشهرين اليايين ( لما يصيرون 6 أشهر )
و باجر تاريخ 15-12 .. يعني 4 أشهر بعد العملية .. و كل يوم عن يوم يتحسن المنخار أكثر و خصوصا اللي مو شايفيني من زمان يقولون : خشمك صار وايد حلو
[ ديسمبر 14, 2008, 04:39 AM: تم تحرير المشاركه من قبل: [ حـمـد ] ]
كل اللي كانوا يحنّون و يطحنون و ينقون عشان يشوفون خشمي .. بحط لهم اللي يبونه بمناسبة إشرافي على الساحة + عيدية العيد لول
يلا
1
2
3
شرايكم ؟
على فكرة : بالـ after منخاري مرفوع من قدام .. بس لأني منزل راسي بالصورة مبين انه نازل .. بس هو مرتفع نفس french nose لول
يعني الbefore رافع راسي و الafter منزل راسي
وطيعا الفرق بين قبل وبعد هو : - المنخار صار أصغر و أضعف و أقصر لول - العظمه اختفت - الغظروف صار مستقيم ونحيف و مستقيم من فوق لي تحت من غير انحراف - الفتحات صاروا أصغر و متناسقين و ما تطلع فضايح المنخار من داخل لول
مثلا الغظروف كان واضح بفتحة اليمين سابقاً ( ما يبين بالصورة ) والشعر كان واضح من الفتحات لول هذا غير الفضايح وقت الزكام كان يلمع لول <<< بس الله يلوع جبدك
والأهم الأهم الأهم الأهم الأهم واللي على أساسه سويت العملية : قمت أتنفس طبيعي من الأنف
وطبعا مع فارق البشرة و لونها لول لأن صورة الbefore كانت بالصيف و تان .. و صورة الafter قبل كم يوم
و فيه شي سويته قبل فترة للبشرة عشان صارت جذي ( راح أقول لكم عنها في موضوع ثاني قريبا )
هذا الموضوع عن أول 3 شهور من بعد العملية
الحين أبيكم تقولون لي رايكم .. من غير تجريح لو سمحتوا لول تراني مشرف بهالساحة والله أرقعكم إنذارات
إنشاء الله بعد 3 شهور ثانيين لما أوصل النتيجة النهائية ( يعني بعد 6 أشهر من العملية ) راح يكون لي موعد معاكم في نفس الموضوع لول
وبس مع السلامة
[ ديسمبر 14, 2008, 06:15 AM: تم تحرير المشاركه من قبل: [ حـمـد ] ]
مرسله في
حياتي حمد معاناة والله عموما حمدالله عالسلامة و النتيجة ما شالله واضحة بس يا زلمة بلاش حركات المشاهير عملت حادث وغضروف وعضمة .. احكي كان منخارك قد البتنجانة ..
القصة بدها جرأة .. بس امتلك هالجرأة حعمل العملية بسرعة وعندك دكتورك كمان
--------------------
بدر 😔😔
المشاركات: 34768 | من: من: من: من: من | تاريخ التسجيل: ديسمبر 2004
|
مرسله في
الله حمد خشمك صار سله سيف مبرووووك واخيرا بس لاتقص علينا وتقول حادث خشمك خلقه كان غلط لول
المشاركات: 44721 | من: الـكـويـت | تاريخ التسجيل: أكتوبر 2003
|