أول شئ السفرة كانت بشهر 3 اللي طاف, يعني تقريبا من سنة بالظبط.
والجو كان وايد حلو فأجرت سيارة كشف من المطار.
في المطار
أذكر أول ما وصلت الفندق بطلت اللاب توب ودشيت المسنجر وكانت الكويتية الوحيدة أون لاين (أجمل إحساس) طبعا على طوووووووول قلتلها اني بالكويت وعطيني نصيحة وين أول مكان أروح له لول وطبعا ما قصرت وياي وعطتني ليستة الاماكن اللي لازم أزورها. (بس مادري شفيها زعلانة, رادة بكل موضوع بالمنتدى الا موضوعي هذا )
المهم, انا ما أدل بالمرة في الكويت بقدرة قادر وصلت الفندق (بمساعدة التاكسي اللي كنت اتبعه لووول) والشوارع الحمدالله ما تضيع (كفاية شارح الخليج العربي وشارع البلاجات)
طبعا زرت معظم المولات اللي بالكويت من بينهم سوق شرق والمارينا والفنار والراية وفيلا مودا لول
وهذه بعض الصور
بره سوق شرق
المارينا
أبراج الكويت
طبعا كنت لازم أدخل الأبراج وأشوف المنظر
منظر ليلي من السيارة
برج التحرير
صحيح زيارة كانت قصيرة للكويت بس جد جد كانت وناسة وأكيد أكيد راح تتكرر الزيارة
وفي النهاية أبارك لكل الكويتيين والخليجيين بذكرى التحرير والعيد الوطني لدولة الكويت
[ فبراير 27, 2008, 07:17 PM: تم تحرير المشاركه من قبل: [ ROYAL ] ]
شكلك مارحت المرقاب و الشرق و الاماكن اللي من هالنوعية, صج زحمة و فيها اماكن مو نظيفة بس لها طابع خاص. انا احب الفنار و مارينا بالنسبة لمجمعات التسوق, الافنيوز ماحبيته, احسه كئيب, و فيه وايد محلات مكررة (يعني موجودة برة, مو مكررة داخل المجمع لول). شي حلو انك ييت الكويت بس صج صج حسافة اني ماعرفت بييتك و اللا كنت صرت المرشد السياحي الفي اي بي