_____فكرة الموضوع_____
تماشيا مع موسم السفر قررنا انا طبيعي وشركائه
تقديم موضوع ترفيهي منه نتعرف اكثر عن العضو
والتقرب منه خاصه في السفر...انشالله يحوز على رضاكم



____العضو الاول______
في هذيه الحلقة وهي الحلقة الاولى سوف تكون مع العضو بداح



[قسم ..السفر]


السؤال الاول: الى اين ينوي الذهاب بداح هذا الصيف؟

خلصت بارت مصر من يومين وشهر 8 بروح لندن

السؤال الثاني: هل تحب عند زيارتك الى احد البلدان الغربية ان تكون ممتلئه بالعرب والخليجين؟

عادي ما تفرق معاي فيني طبع اذا بروح مكان اسوي اللي ابيه بغظ النظر خليجيين والا اوربيين وبعدين ماشاءالله الخليجين والعرب تلقاهم بكل مكان لول سواء كان موسم او لاع مش حلال علي وحرام عليهم

السؤال الثالث: ماهو هدفك من السفره هل الاستجمام والراحة ام التبضع والتسوق ام الذهاب الى الحدائق والملاهي الترفيهية

بكل اللي قلتهم طبعا وانا سفراتي دايما تكون باول يوم اجازه يعني اول ما خلصت الكورس الثاني رحت مصر على طول وكمان لندن اول ما حخلص الصيفي بروح انشاءالله يعني منها راحه ومنها تمشي وتسوق ومطاعم وكل شي


[قسم ..شنطة]


السؤال الرابع: هل يحرص بداح ان يشتري شنطة سفر ماركة معينة او تكون باهضة الثمن او شنطة عاديه تفي بالغرض؟

اي شنطه بس تكون قويه لان بالمطارات ما يرحمون لوول يحذفون الجنطه مني ومناك

السؤال الخامس: ماهو اول شي يخطر في بالك عندما ترتب حقيبتك؟

عندي جنطة ادويه لونها ازرق لول هذي اول شي تنحط بالجنطه لاني كل ما اسافر امرض مو عارف القصه للحين سو هالجنطه فيها كل ادوية حساسية الصدر ومسكنات ومنومات وكل حاجه لول

السؤال السادس: اختار بين هالخمس اشياء فقط شيئين منهم ليكونوا في شنطة سفرك
1-كاميرة 2-معجون اسنان3-نعال حمام 4-زقاير5-خريطه للدولة التي سوف تزورها

كاميره ومعجون

السؤال السابع: هل بداح متعود عند رجوعه الى الكويت ان يفاجئ بالمطار بزيادة الوزن المسموح فيه للحقائب؟ وهل يدفع لذلك

ولا مره صارت معاي بس بلندن نشحن مليون جنطه مع الشحن لول وبالمطار نكون محترمين كل واحد جنطه

السؤال الثامن: اذكر لنا موقف حدث لك في احدى المطارات

ولا مره انسرق مني شي الحمدلله بس بقول شي صارلي وانا رايح مصر من اسبوع , انا مو متعود اشيل معاي جنطه صغيره بالمطار لكن هالمره كان معاي وايد اغراض لازم امسكها بايدي موبايلين معاي وجوازي وفلوسي وناس مطرشين معاي هم فلوس حق ولدهم والايبود و مفاتيح الشقه فامي قالتلي هاك الجنطه حط فيها اغراضك لول , الحين قبل ما ندخل البوابه مالت الطياره في سير نحط في الجنطه حق التفتيش المهم حطيت جنطتي وكنت اتكلم بالتليفون ومندمج بالكالمه ونسيت الجنطه لول ودخلت لي الطياره وقعدت وربطت الحزام @@ فجأه رفيجي قالي عطني جوازي شوي لول والا اقول الجنطه ! واركضض لي بره الطياره لول والا جنطتي ليلحين عالسير والشرطه متفرغين يقولولي اثبت انها جنطتك جان اخمطها لول قلت فلووسي!! لول


[قسم ..الطيران]



السؤال التاسع: ماهو القسم المتعود بداح الجلوس فيه الدرجة الاولى ولا رجال الاعمال والا السياحية

والله حسب الميزانيه وحسب الرحله لوول اذا رحلات قصيره اقعد بالسياحيه اذا رحلات طويله بيزنيس او فيرست ماعندي مشكله

السؤال العاشر: ماهو الطيران المفضل لبداح

للاسف مجبورين على طيران واحد وهو الكويتيه لاني ما بحب الترانزيت وهالاشياء بس اذا قصدك الطيران اللي احبه عندك البريتيش و الاماراتيه وخاطري اجرب الاتحاد والقطريه

السؤال الحادي عشر: هل تحب اكل الطيران عموما والكويتية خصوصا وهل تحرص عليه؟

واللهي شوف انا نادر ما اكل داخل الطياره مادري ليش ما اشتهي لول دايما اكون ماكل قبل لا اركب الطياره اما اكل الكويتيه فزوين ما بيشكي من شي بس خل يغيرون السويت مالهم لول ويقولون قامو يلقون فيه زهاويه وبريعصيه لول

السؤال الثاني عشر: ماهو اكثر مايزعجك بالطيارة اثناء الرحلة

اذا انسدت اذوني وكمان صراخ اليهال وكمان الاقلاع وعلى فكره انا اخاف من الطياره لول ولما تطير الطياره لو تشوف ويهي تقول جنه ميتلي احد

السؤال الثالث عشر: هل تشتاق الى بلدك وانت في احد البلدان البعيده وهل تتشوق الى العودة


لاااااااااااااااااااااااااااااااا...اصلا كل ما ارجع من السفر يضيق خلقي


اذن نتمنى لك رحله سعيدة الى ربوع لندن مع السلامه..








قريبا مع عضو أخر