اول ماوصلنا ديزني رحنا دزني لاند هوتيل .. بس مالقينا حجز للأسف .. احنا كنا حاجزين فيه بس ما تأكد الحجز .. فـ رحنا هوليداي ان وكان لابأس يعني .. الفندق بعيد عن دزني بارك و في باص الفندق كل 10 دقايق يمر وياخذ الناس على ديزني ..
هذا ديزني هوتيل وهو البوابه الرئيسيه لديزني بارك
ولازم ناخذ تيكت
وهذا الشارع الرئيسي اللي يمر عليه العرض ..وفيه المحلات ومحلات الحلويات عجييبه وكل يوم في عرضين .. العرض الاول يكون العصر والعرض الثاني عقب ماتغيب الشمس مع الالعاب الناريه .. شي خيالي والالعاب الناريه مع موسيقى فلم انشانتد
ومثل ماتشوفون القصر على اخر الشارع ..
وهذا القصر من قريب
وتوني اكتشفت انه قصر الاميره النائمه princess arora
القصر من داخل فيه قصة الاميره النائمه على صور وتماثيل
وهذي البلكونه من القصر
ويوم طلعنا من القصر بالصدفه كان في عرض princess arora كل يوم في عرض لها قدام قصرها وهو عرض عن قصة الفلم
وبعدين دخلنا بيت سنووايت
يعني مناسب للأطفال اكثر شي ..
بعدين رحنا بلاد اليس في بلاد العجائب .. صج عجائب من قلب .. متاهه كبيره تعور الراس حتى ضيعت اخواني لول ..
وهذي الصور
بعدين دخلنا كذا محل .. محلاتهم رهيبه فيها كل شي بمعنى الكلمه .. اغراض البيت المطبخ اغراض الحمام عزكم الله .. واغراض المدرسه والثياب والدفاتر وطبعاً تاج ميني ماوس .. الكل يلبسه هناك البنات الكبار والصغار ..
وهذي صور من كذا محل ..
[ أغسطس 29, 2008, 02:38 AM: تم تحرير المشاركه من قبل: G.i.s.e.l.l.e ]
--------------------
المشاركات: 61 | من: Magical World | تاريخ التسجيل: فبراير 2008
|
دخلنا السفينه من داخل بس يعني تشوفونها مافيها شي .. بس داخل الجمجمه فله الاجواء والاصوات ..
عقب رحنا انتغدى .. شوفوا شطلبت .. mickey burger
والله لذييذ معني ماكل برقر وايد بس كلت من الجوع لان على كثر المطاعم نفس الطلبات .. ميكي برقر وناقتس و سلطه وبعد في اسكريم واشياء بعد ماتذكرها بس ماعندهم وجبات وايد ..
بعد الغدا رحنا مدينة البايرتس .. من احلى الالعاب .. عجييب انصحكم اذا رحتوا والجو كان حار دشوا لعبة البايرتس لانها بارده ..
صور من داخل ..
هو تركبون في مركب واحنا نركض نبي اول سيد لانه اونس .. ويطوف هالمركب ويروينا حياة القراصنه .. ويرتفع المركب وعقب ينزل بسرعه وفي نزلتين النزله الاولى مافيها تصوير والنزله الثانيه فيها تصوير .. وتتخيس بالماي بس وناااسه ركبتها مرتين ..
بعدين رحنا قطار شوي بعيد .. ويمكن قعدنا فالطابور ساعه الا ربع من الزحمه .. بس والله يستحق الانتضار .. وكنا انا واختي بس ومعانا اخوي الصغير .. وماقدرنا نخلي اخوي بروحه وشفنا الناس يدخلون عيالهم عادي .. ف دخلناه .. بس مسكييييين تخرررع من القطار .. وعقب يوم طلعنا يقول ابي بعد .. بس للأسف ماصورته من قريب وهذي صورته من بعيد .. بس القطار مايبين ..
وبعدين رحنا haunted mansion
هذي صوره من القصر من برا
اول ماتدخلون القصر يدخلونكم قاعه ويسكرون عليكم الباب والقاعه مدوره بس مب كبيره وايد .. ويقولون لكم move you dead bodies to the middle وبعدين تنزل القاعه تحت كأنها لفت .. عاد مع الاصوات والظلام شي رهيب .. عقب كل الموجودين صرخوا عقب اخوي الصغير صااح .. عور قلبي .. عاد هم بالعماله يصرخون .. وبعدين فتحوا الباب وطلعنا على قاعه ثانيه كأنهم ودونا البيسمنت ونمشي في ممر علشان نوصل للكراسي اللي تمشينا فالبيت .. والكراسي ماتوقف نفس كل الالعاب تمشي وانتوا تراكضون لها .. عاد كسر خاطري اخوي وهو يركض ..
وهذي صور من داخل
من كثر الزحمه خذنا وقت طويل على كم لعبه ابوي قال لنا روحوا العبوا .. وماكان متوقع ان بنطول هالكثر وقاموا يدورون علينا .. وانا جوالي مافيه رصيد .. عاد امي مايبيلها شي تخرعت علينا .. حتى هاوشونا يوم رجعنا .. p=
وعقب شفنا الناس قاعدين على طول الرصيف من بداية الشارع لين القصر .. عاد انا قلت اكيد في عرض ولا شي .. خبركم اول يوم مانعرف شنو نظامهم .. رحت وسألت وقالولي بيبتدي العرض بعد ساعه بس لازم تقعدون من الحين لان بيكون زحمه عقب ماراح تلاقون مكان ..
هني توه المكان ما انترس ..
وهني بعد ماظلمت الدنيا شوي
بعدين طفوا كل الليتات وكان المكان ظلام وبدا العرض .. بليز اللي يعرف شلون يحمل فيديو يقول لي لان ودي ارويكم لو جزء بسيط من العرض والالعاب الناريه ..
صور من العرض ..
الحين بحط لكم صور العرض بس من اليوم الثاني .. ابي احطهم مع بعض احسن .. وهالمره موقعنا كان احسن من اليوم الاول كنا قريب من القصر حق الالعاب الناريه .. وهاليوم كان مطر ..
وبعدين ابتدت الالعاب الناريه .. وفاليوم الثاني تأخرت لان كان مطر ..
اول شي يطلع ميكي وميني ويتكلمون بس ماتذكر شكانوا يقولون بس اللي اتذكره انهم قالوا lets start the enchanted fireworks وبعدين تبتدي موسيقى فلم انشانتد كانت الموسيقى يوم تغني جيزيل فالحديقه .. نسيت اسم الاغنيه .. عقب تبتدي موسيقى اغنية ثانيه من نفس الفلم .. واخر اغنيه كانت موسيقى هاديه كلاسك .. كان في منتهى الرووووعــــه شي خيـــــــــــالي ..
وبعد ماتخلص الالعاب الناريه تسكر البارك .. نروح بعدين disney village , فيها المطاعم والمحلات تتم مفتوحه لين الساعه 12 ..
[ أغسطس 29, 2008, 08:26 PM: تم تحرير المشاركه من قبل: G.i.s.e.l.l.e ]
--------------------
المشاركات: 61 | من: Magical World | تاريخ التسجيل: فبراير 2008
|
وثاني يوم اول شي مارحنا البارك .. رحنا disney studio وكان بنفس روعه البارك كانوا مسوين عرض حق high school musical حتى اخوي الصغير حافظ اغانيهم .. اللي انا خبر خير ولا ادري شالسالفه اقول لهم هذي هانا مونتانا من بعيد وهم يقولون لي لا .. يمكن انا الوحيده فالعالم اللي ماشافت الفلم p= ..
وبعدين رحنا hollywood tower hotel المشهور .. انا ماعرف قصته بالضبط بس انه فندق مسكون واللفت ماله سريع ينزل بسرعه ويرتفع بسرعه .. بس وناسه اللفت السريع ..
عجييب من داخل كل التفاصيل مسوينها ..
عقب خواتي راحوا محل وانا وياهم ..
صور من داخل المحل .. والمحلات في دزني ستوديو غير عن محلات دزني بارك .. تكثر فيها التماثيل والالعاب .. اما دزني بارك يكون فيها كل شي ..
وانتهت رحلة السحر والخيال في دزني ..
[ أغسطس 29, 2008, 09:45 PM: تم تحرير المشاركه من قبل: G.i.s.e.l.l.e ]
--------------------
المشاركات: 61 | من: Magical World | تاريخ التسجيل: فبراير 2008
|
طبعاً فيينا هذي رابع مره اروح لها .. بس اخر مره كانت في 2005 long time no see وفي فيينا تعرفت على مس ميلانو وبعدين طلعت امي تعرف امها .. الصراحه استانسنا مع بعض خصوصاً بعد الساعه 9 فليل لوول احلى شي فالبراتر لين نكون كلنا مع بعض .. واحنا ساكنين في الماريوت اللي جمب فندق مس ميلانو ساس .. الفندقين عكس بعض الماريوت على ستايل حديث والساس على ستايل القصور .. الماريوت حشششره كله اهل قطر خصوصاً بعد الساعه 1 فليل وساس هاديييييييي مافيه حد ..
وهذا شارع الكيرتنر ..
هاليوم في شباب من اهل قطر متفقين انهم يلبسون ثياب قطريه .. عاد مر علينا واحد يوم راح بعيد صورته p=
وهني في قهوة اليوروب .. قهوتنا المفضله ..
دايم اطلب هالطلب ..
ستروبري ايس
ومس ميلانو تطلب هوت شوكلت
وهذي الصوره فالحديقه ..
كل الاولاد حتى الشباب الكبار يأجرون هاي السيكل << لول نسيت شسمه .. شكله فله راح في خاطري اركبه بس للأسف ماركبت ..
وهذي الدوناانزل .. هي بحيره وفيها مراكب تأجير ..
والله يسامحها مس ميلانو خلتني اسوق وانا ماعرف p= بس تعلمت عقب ..
شوفوا الغيم مشالله .. مب احنا حتى سحابه مافي ..
وهني صوره للمطر من غرفة فندق مس ميلانو .. وغرفتهم تطل على الحديقه المنظر احلى ..
وطبعاً افضل مكان عندنا في فيينا وخصوصاً عند مس ميلانو P R A T E R كل يوم نروح لها فليل بعد الساعه 9 ونروح عند مكان التجمع القطري بعد جان زين الخليجي لوول ..
كله اهل قطر .. بلدنا الثاني فيينا ..
هذي صورة لعبتنا المفضله سيايير التصادم نحبها لان فيها اغاني خليجيه .. راعي اللعبه عرف شلون يجذب القطريين .. حتى فالمطر كل الالعاب مسكره الا السيايير .. ربحان ربحان .. كل يوم اخسر 70 يورو والباقي حق العشى P=
سوري ان الصور مب واضحه وانا تعمدت احط لكم لان الاشكال تكون واضحه ومابغيت احط صور الناس
وهذي لعبة الماي .. بس الاولاد يلعبونها لان تخيسهم بالماي ..
اخواني مرضوا منها ..
وهذي لعبة الصحن .. استغليت الفرصه يوم كان فاضي علشان اصوره لكم ..
وهذي كانت اخر صوره في تقريري .. وسوري على قلة الصور في فيينا لان اكثر الصور احنا فيها .. وان شالله عجبكم تقريري البسيط وماطولت عليكم ..
[ أغسطس 29, 2008, 04:42 AM: تم تحرير المشاركه من قبل: G.i.s.e.l.l.e ]
--------------------
المشاركات: 61 | من: Magical World | تاريخ التسجيل: فبراير 2008
|
مرسله في
اللللللله رجعتيني لورا لما كان عمري 10 انا رحت ديزني باريس ومافيها شي تغير حتى نفس ال show الي يصير بالليل اتذكر انه كان شي قمة في الابهار بالنسبة لي وفيينا من المدن الي اتمتى زيارتها حمدلله على سلامتك وان شالله تكوني انبسطتي
[ أغسطس 29, 2008, 06:21 PM: تم تحرير المشاركه من قبل: [Loza] ]
المشاركات: 11553 | من: UK | تاريخ التسجيل: أبريل 2004
|
رد مقتبس:المرسل الأصلي هو [Loza]: اللللللله رجعتيني لورا لما كان عمري 10 انا رحت ديزني باريس ومافيها شي تغير حتى نفس ال show الي يصير بالليل اتذكر انه كان شي قمة في الابهار بالنسبة لي وفيينا من المدن الي اتمتى زيارتها حمدلله على سلامتك وان شالله تكوني انبسطتي
[ أغسطس 29, 2008, 06:21 PM: تم تحرير المشاركه من قبل: [Loza] ]
ثانكس loza ع المرور حبيبتي .. والله يسلمج .. والحمدلله في هالسفره استانست وايد خصوصاً في ديزني لانها اول مره فكان شي خيالي ..
وبعد في فيينا استانسنا اكثر بوجود القطريين والاهل .. ومس ميلانو ..
واحلى شي في اوروبا انه لما تروحين لها من فتره وترجعين مره ثانيه لها .. هي نفسها نفسها ماتتغير .. من جي انا احب اوروبا اكثر شي ..
--------------------
المشاركات: 61 | من: Magical World | تاريخ التسجيل: فبراير 2008
|
الله يقويج مسووو والله لج وحشه .. واذا تبين تشوفين فيديو باريس من عيوني .. وفيديو البراتر بعد p= ..
وباريس مثل ماقلتي ماعجبني المحيط اللي فيها الصراحه مصخره من قلب .. يعني احس استعراض .. اما فيينا غير اجوائها .. عائليه مريحه امان .. غيييير عن كل اوروبا .. ومعاكم فيينا غير بعد
اما يوم تمرين على صورة جوني ديب وذاك القطري الشيبه يشوفج ويضحك .. لوول يحليله ولا يوم تحسبين اخوج ضاع هاليوم مأسااه كنا تونا بنروح الماريوت نلعب بيبي فوت قبل البراتر .. تذكرين موقف حجرة البيبي فوت .. مأساه .. محد عطاها وجه لوول تستاهل ..
مشكوره على مرورج الاحلى حبيبتي ..
--------------------
المشاركات: 61 | من: Magical World | تاريخ التسجيل: فبراير 2008
|
الحمد الله على السلامة جيزيل صور ديزني لاند عجيبة.. بس خسارة ما رحتوا ديزني لاند هوتيل, احلى بوايد من الهوليدي ان.. انا لو كنت مكانج بقعد بفندق من فنادق ديزني.. علشان تكونين في اجواء ديزني طول الوقت بس الهوليدي ان مش بطال بالمره.. التقرير أعطيج عليه A+ كوني واحد حافظ ديزني لاند عن ظهر قلب أحسكم في هاليومين تقريبا غطيتوا الأشياء الأساسية.. برافو عليكم
عندي خبر صغير بس مادري اذا لاحظتي انه اللابرينث قديمة شوي والصبغ طاير من بعض الاماكن.. في شهر سبتمبر بيسكرونها طوال الشهر وبيسوولها صيانه شاملة ويمكن يضيفون عليها كم شي ..
-------------------- [ المشاركات: 7335 | من: الامارات | تاريخ التسجيل: يوليو 2003
|