للأسف أغلب المدخنين عارفين مضار التدخين لكن في داخلهم ما عندهم عزيمة انه يتركوه
يقولوا نبغى نتركه بس ما نقدر
ما في شي اسمه ما نقدر
لو من جد يبغى يتركه راح يتركه لكن العزيمة من جوه مو موجودة
الله يهدي الجميع و يجعلهم يبطلوا تدخين
أنا ما أعرف أصلا ليش يباع ما دام قد كده مضر ... طبعا تجارة بالملايين ... و الناس للأسف كل همها الفلوس
المدخن مو بس بيدمر صحته ... كمان صحة اللي حواليه
خاصة انه الضرر عاللي حواليه أكبر من الضرر اللي عالمدخن نفسه لأنهم بيستنشقوا دخان السيجارة و الدخان اللي طالع من المدخن
أنا عن نفسي أعاني من هذي المشكلة ... يعني أنا يا ربي لك الحمد الجيوب الأنفية عندي معدومة ... مو ناقصني أحد يجي يزيدها علي ... الحساسية على طول تشتغل معايا من الدخان
و عالأقل في أمريكا ممنوع التدخين في الأماكن العامة... بس في الشارع أو في بيتك و حتى في أوروبا بدأوا يطبقوا هذا الشي في كتير من البلدان
لكن للأسف في بلادنا العربية ... تلاقي محطوطة اشارة ممنوع التدخين قدام الشخص و هو و لا فارقة معاه ... و المؤسف كمان انه محد يجي يكلمه يقوله ممنوع
محد يراعي انه في ممكن ناس تتضايق
يمكن الشباب ما يبان عليهم أثر الدخان دحين لكن حيبان لما يكبروا
انا بابا حبيبي الله يهديه و يصرف عنه الدخان ... دحين اللي بدأت تظهر عليه عوارض الدخان و أولها نتوءات في الحبال الصوتية و من وقتها ما عاد يبغى يراجع دكتور و زيادة على كده هو أصلا كمان الجيوب عنده تعبانة فالدخان متعبه زيادة ... الله يحفظه يا رب
و المشكلة كتير يبدؤا تدخين على خفيف و يقولوا بس حق روقان بس بعدين للأسف يقلب لمدخن بشراهة
و كمان التعسيل أسوأ و أسوأ
الله يهدي الجميع و يحميهم و يحفظهم و يصرف عنهم الدخان ياااا رب