تسلم حبيب قلبي وينعاد عليك يا غالي والله يبارك فيك
غلا حصة
شكرينيشن يا غالية وينعاد عليكي انشالله
فانز ام الرور
بما انكم مضرب مثل بالوفاء و بالوحدة وانكم دوما قلب واحد وايد وحدة فما رح ارد عليكم واحد واحد لاني رح اعتبركم شخص واحد واشكركم مع بعض
دوما انا بامن ان الوفاء والاخلاق ما بتتجزا والانسان اما بيكون خلوق بالمطلق او ما بيكون نهائيا
وانتم يا فانز ام الرور كلكم اخلاق وكلكم وفاء وضمير واحساس وانا اذا بتحبوني معناها انا انسان رائع لاني استحقيت محبتكم وصدقوني مهما كان مقدار حبكم الي اتاكدوا ان مقدار حبي الكم اضعاف الاضعاف
برايفت فتات خبز
لا تصدق اني بنق هيدي اشاعة مغرضة اطلقوها عليي اعداء النجاح
قمر الدوحة
شكرا يا قمر عالمرور وربي يسعدك يا غالية وانت من اهم الاشخاص الراقيين بالمنتدى وكتير بحترم علاقتك بفن كاظم الراقي وهيك فن راقي ما بيستسيغه الا ناس راقية متلك ينعاد عليكي انشالله وكل سنةوانتي سالمة
--------------------
.
.
.
.
المشاركات: 15851 | من: أنـــا الـــدمــــشـــقــي | تاريخ التسجيل: نوفمبر 2006
|
ما شاء الله كاني بشوف وجه اعلامي عم بيحكي سعيد خليط بين الهضامة و الثقافة ردودو بتبين اديش ها الانسان مثقف و اديش عندو سرعة بديهة و اديش اهبل و طيب مؤذب لدرجة انه ما بيقدر يجرح اللي قدامو حتى لو كان ها الشخص هو اللي غلط عليه او جرحو نفسي اشوفو يوم وهو معصب بحياتو ما بيعصب ع حذا احيانا بشوفوا مجامل عندو قدرة عجيبة ع الاقناع في ردودو بيخفي اهات و لوعة الحنين للوطن و للاهل و يا ويل لو حد قرب ع اي شئ له علاقة بريحة سورية بحسو عايز يختنق و ينفجر في صمت و يا فرحتو لو حدا تغزل في سوريا و ناسها لما تتقرب من شخصيتو بتلاقيه ما لو علاقة بسعيد اللي بالمنتدى انسان كثير بيحترم اللي قدامو و ع خلق عيبو انو كثير عنيد و صعب انك تغير الو رايوو او ذوقو عندو خجل مخفي مع الوقت بتلمسو باختصار هو مجموعة انسان ع قول محمد عبدو
طبعا انا بحب علم النفس فعملت الك تحليل لشخصيتك من خلال معرفتي بيك الشخصية و من خلال ردودك ايه رايك بتحليلي صح
[ سبتمبر 29, 2007, 01:04 AM: تم تحرير المشاركه من قبل: نســرينـــا اه و نـــص ]
المشاركات: 7042 | من: #عيش_سكر_وطن 🇸🇾 🇲🇦 | تاريخ التسجيل: نوفمبر 2006
|
مرسله في
نسسرينا ششكرا يا قمر عالهدية الغالية بهالشهر الفضيل وانششالله مع قراءة كل حرف بنول ثواب عشر حسنات باذن الله وانششالله بتبقى معانيه واحكامه هي النور لطريقنا والدليل لعقولنا والمطهر لارواحنا
بس انتي قدرتي تحللي شخصيتي الزاي يا مدهولة على عينك على حد علمي انتي ما شاء الله من سجن لسجن ومن عملية سطو لعملية اغتيال ايمته فضيتي ودرستي علم النفس
وهي كلمات اغنية طل الصبح ولاد علوش ابقى اسمعيها ونفدي كلماتها حرف بحرف يعني تفيقي الصبح تطعمي الجيجات والغنمات وتسقي السكوبات وتنقي البندورات
طل الصبح ولك علوش
سبقونا هالحصادي
هات المنجل والمنكوش
والحقني بالزوادة
قوم عجل الله يخليك
صارلي ساعة بفيق فيك
صارلو قبل صياح الديك
بيك ينطر بالوادي
امك طعمت هالجيجات
وراحت تتشوف الغنمات
خيتك تسقي السكوبات
هي وعمك بو شادي
من ساعة بالحاكورة
جدي ينقي البندورة
راحت ستي تنينورة
تصبح عخيتا سعادة
--------------------
.
.
.
.
المشاركات: 15851 | من: أنـــا الـــدمــــشـــقــي | تاريخ التسجيل: نوفمبر 2006
|
اولا انا مو قمر انا عمتي الغولة و اوحش وحدة بالتاريخ بسلامتي في حاجة
ما شاء الله ناقص تقولي طعمي السبع و التمساح و الديناصورات اذا كنت بخاف من كل الحيوانات و الصراصير اطعميهم ازاي يا ابني
ميخسي كثير اخي ع الكلمات انا كنت حفظاها مقلوبة و الكلام غير و انشاء الله المرة الجاية راح ركز ع العيوب يعني ديفو ينطح ديفو فبلاش تشوف حالك و اعرض نفسك ع اقرب دكتور نفساني
بدي شرح ها الكلمات حتى لو اتستدعى الامر تشرح بالصور
ولك
المنكوش
بالزوادة
السكوبات
بالحاكورة
--------------------
-
-
-
المشاركات: 7042 | من: #عيش_سكر_وطن 🇸🇾 🇲🇦 | تاريخ التسجيل: نوفمبر 2006
|