يقولون السرعه تقتل .. و قالوا في العجله الندامه حبيت أطبق المثل أسوه بمقولة "من خاف سلم" ، تأخيري في الرد ما له علاقه بالامثال بالعكس تمنيت لو كنت اول عضو يرد على الموضوع .. لأن الاهداء من مسيو حمزه و الاهداء الاول من نوعه .. الف شكر على الاهداء حم حم احلى شئ بالاهداء خطك , انصح كل شخص يعاني من الكآبه يقرأ خطك انفجر ضحك بس أشوفه , و اسوأ شئ بالاهداء انك (كنت) ناوي تهديني لنيللي مقدسي لإعتـقادك بأني احبها .. الحمد لله انك تشاركني كراهية هالمخلوقه .. لو نزلت الاهداء لها كنت تقيأت بمجرد سماع صوتها "وانت بكرامه" . جوانا ملاح ماشي حالها .. و الاغنيه هذي على ايامها سوّت جو حلو .. بحة صوتها تعجبني و لكن (لو) كان الاهداء لحبيب قلبي اكيد راح يكون له مذاق البيبسي لو كان الاهداء لراشد و لأي اغنيه كانت كنت حلقت في الجو بدون الريد بول <<-- طرار و يتشرط الاغنيه حلوه حمزاوي و لكن لو كان الاهداء لراشد كنت حسيت فيه .. احياناً اكره كل الفنانين و احياناً اكره نفسي تصوّر ! راشد الوحيد اللي ما قدرت اكرهه في كل حالاتي , بالعكس راشد ملاذي الوحيد لما اهرب من نفسي .. فإختار اغنيه لراشد على ذوقك و نزلها في هالصفحه عشان اقبل الاهداء على فكره . طلبت مني اركز على ثاني كوبليه من الاغنيه و لكن والله ما قدرت اسمعها لأن النفسيه زيرو و الاغنيه اللي تشتغل في اذوني الحين لراشد طبعاً .. اذا تعدّلت نفسيتي راح اسمع اغنية جوانا و بعد كل هالشرشحه اسمح لي اشكرك على الاهداء الغالي
هالمره خيّبت ظنك , رجعت يوم 29 نوفمبر و للحين ما اختفيت هل تتصوّر حياتك من غير السالميه ! انا عن نفسي ما اتخيل .. على الرغم من غيابي الطويل الا ان هالمكان شغلي الشاغل .. حتى لو غبت عن النت يظل تفكيري في السالميه .. فغيابي لظروفي مو حباً في الاختفاء و ان شاء الله ما راح اغيب لأني مشتاقه لكم وايد , اسعدني ردك حمود .
± ||[ يجيلك يوم ]|| ±
رد مقتبس: مادري ليش احس منال تحب هلأغنيه و كان يفضل انك تحط لها نيللي مقدسي عشان تستانس منك يا حمزه
الحين عرفت مصدر الاشاعات حمزه كان ناوي ينزل اهداء لبنت الارندلي لإعتقاده بأني احبها .. و انتوا السبب , اسمها صار مرتبط بإسمي .. خليتوها تشتهر على حسابي .. من حسن حظي رجعت 29 عشان اشوفك قبل ما تسافر وحشتني يا الدب .
± ||[ حمزه ]|| ±
رد مقتبس: بغيت احط نيللي لكني ما اوطنها خير شر.. قلت احط جوانا .. انا بعد حسيت ان منال مزاجها هالاغاني
انا خبري ان اللي يبي يهدي شخص اهداء , يهديه على مزاجه .. و انت عارف منو اللي يرضي طموحي ليش الحوسه في اختيار الاغنيه ! لو اخترت اي اغنيه لراشد تسوي عن كل الاصوات في كوكب الارض و بلوتو ان وُجد .. بالنسبه لقائمة الاصوات المفضله عندي (نجوى كرم . أصاله . غريس ديب . كارول سماحه . كلودا الشمالي . جوليا بطرس . ماجده الرومي . ذكرى . شيرين احمد . نوال الكويتيه . أحلام . رويدا المحروقي . مرام ) هذي بعض الاسماء و عندي أسماء اكثر في القائمه .. الحين صرت عارف الاصوات المفضله عندي و اذا استعصى الامر انك تحفظ الليسته راح اسدحها في التوقيع .. بس لازم تعرف "اذا حضر الماء بطل التيمم" راشد يغطي على كل الاصوات . اذا تبي ليسة الاسماء الشبابيه راح اعطيك .. بس اعتقد انك تميل للأصوات النسائيه اكثر صح ! "مجرد اعتقاد" و اعتقد انك ما تسمع غير نوال الزغبي اصلاً لأنك عدائي اتجاه كل الفنانات وما الومك لأني مثلك .. حمزه لا تزعل مني ولا تظن بأن الاهداء ما عجبني بالعكس .. انا اتعمد هالاسلوب معاك عشان احرق رزاتك لا اكثر .. الاهداء غالي لأنه منك حتى لو كانت الاغنيه لنيللي مثلاً <<-- جذابه