مثل ما تعرفون الحبيب تركي كان غايب ورجع لنا بالسلامة .. مع انه وايد أعضاء تولهوا عليه والدليل وصايف اللي نزلت موضوع تناشده بالرجوع والردود اللي جت من اعضاء في موضوعها بس انا ما تولهت عليه كثرهم .. موب لأني ما احبه كثر ما أنتوا تحبونه كلا وألف كلا (حقوق الطبع محفوظه لمنال القلب) أصلاً انا احمل في قلبي معزه خاصة لتركي ما احملها لحد غيره هو بالذات بس السبب بسيط انه مشاركاتي محصورة فالساحة الفنيه ونادراً ما ادخل ساحه الصداقة والتعارف .. انا أصلاً ما كان عندي خبر انه تركي غايب إلا من موضوع وصايف .. واليوم الحمدالله في موضوع يجيلك يوم وبالتحديد فالصفحة الرابعة شفت رد اخوي تركي استانست حيل ومن فرحتي ركض على ساحة الصداقه والتعارف ولا أقرأ موضوعه اليديد .. موضوعه الصراحه وايد حلو وضحكني التعبان بخفة دمه وحلاة سوالفه .. ومن دون سابق انذار نزلت له هالموضوع خشيتاً من انه احد غيري يسبقني.
ومن خلال هالموضوع حاب ابارك له عالرجعه الميمونة .. قسم بالله انه المنتدى بكافة فرعه الأصليه والنقليه اقصد الفرعيه نورت برجعتك حبوب .. بعدين تعال تركي .. شو هالتوقيع الحلو .. روعــه ما شاءالله .. الف مبروك .. بس شو قصة المعادلات اللي عليه .. خذيت لك فالصيف كورس رياضيات ولا حنيت للدراسة ولا شو .. ابشرك انها يايه عالأبواب ما في مفر يعني لوول .. والله لو كنت ادري بالفوتو شوب جان سطرت لك كرت لا صار ولا استوى ولو كنت اعرف اكتب شعر ولا شي موزون جان كتبت فيك معلقه موب قصيده بس انت ادرى بالحال العين بصيره والأيد قصيره .. اللي اقدر عليه اني اهدي لك اغنيه ملح الحياة من احلى ما غنت الفنانة البحرينية هند .. وعلى أمل انها تنال اعجابك حبوب .. تستاهل كل خير
ملح الحياة انت ... بالنسبة لي يا زين الشوق لك شلته ... وسط الحشى والعين افرح انا بلقياك ... إذا اعتذر ملقاك مالي سوى الفراق ... بين الجسى والليل _____________________
بعدك تحملته ... واكثر لا تتحمل الورد لو شفته ... دون الهوى يذبل انت هوى روحي ... يا بلسم جروحي مالي سوى لوحي ... اذا القمر ما هل _____________________
طبع الوفي فيني ... ما أنسى خلاني تجرحني سنيني ... لو زين خلاني أقدار ومكتوبة ... ما أترك دروبة امشي انا صوبه ... كل ما الوله جاني
والأهداء لكل اللي دخلوا الموضوع للي ما اشتغلت معاه الأغنيه للإستماع
--------------------
المشاركات: 15243 | من: |-|●|-| U.A.E |-|●|-| | تاريخ التسجيل: نوفمبر 2003
|
المشاركات: 8667 | من: مابي اكون الا معاه ..! | تاريخ التسجيل: أبريل 2002
|
يجيلك يوم
عضويه مشطوبه
مرسله في
[T u R k I]
و اخيـــرا عمدة الصداااقه رجع لنا من اجازته الطووويله ولهناااا عليك وعلى ملاقتك الزايده بس انشالله هالمرره راح تثبت ريولك فالمنتدى مو نفس ذيج المره رديت يوم واحد و اختفيت ولكم باااك ترووووك تور ما نورر المنتدى و على فكره توقيعك يجنن ..ثانكس سر سر عالموضوع واايد احب هلأغنيه و احب مغنيتها بعد مع انها قديمه بس لين الحين اسمعهاو لا ينمل منها..
<< هذا المستخدم مو عارف يكتب كلمتين على بعض من الفرحه
أنا أشهد ياسرديفي انك رجال سناافي احرجتني كثير ابي اكتب كلمتين عشان ارد عليك او اوصل لمستواك في التعبير مو عاارف
بجد بجد أنت انسان الواحد يحسد نفسه انه تعرف عليه قسم بالله انت المفروض يحطونك بمكان محد يدله وفوق هذا يحطون عليك حراسه مشدده
انت انسان ناادر وربي في ذي الأيام صعب الواحد يصادف انسان يحمل قلب مثل قلبك وخاصه ان المعرفه اللي بيننا معرفة نت يعني الواحد واثق انها خاليه من اي مصلحه ليتني بس اقابل واحد مثل قلبك بحياتي برا النت..
عن جد لو أعرف خوياك كان قلت لهم صديقكم هذا لا تفرطوون فيه تراكم متصادقين مع جوهره نادره
وبخصوص المسئله بالتوقيع اي والله ياخوك حنيت للدراسه اربع سنوات وانا افكك واحلل بذي النظريات والحين لي سنه كامله ماحليت مسئله وحده عن جد فاقد السكشينات
وبعدين انت تعال هنا..وش سالفتك مع الصداقه ليه ماتزروها ياخي نورنا هنااااااك خلنا ننبسط بشوفتك كل يوم ترا ماتكلف بس حط الشماغ على الكتف وانطل الطاقيه ووسع صدرك
ما أقول وين المراقبين عنك بس لو انا صاحب المنتدى عينتك مشرف وربي تستاهل وكنت اتمنى اشوف اسمك مع الدفعه الجديده
ومشكوور كثير على الإهداء اللي فرحني كثير..وان شاء الله نردها لك حبوب ..
.....
رزوونه ليش تبكين وشايله الهم
بدل الموضوع موضوعين ترا تركي يستاهل
ولا وش رايك سرديفي
......
الله يسلمك صدى الحريه..
حركات والله صرتي مع المشرفين اللي اذا خلصو كلامهم اكتبوا أساميهم في أخر ردهم يعنني رسمي
......
خخخخخخخخخ تكفى عبووودي لا تبلشنا مع المرجوج ومعجبينه ترى لقب العمده له هوا لحاله
الا إذا تبون اصير العمده ماعندي مانع اصير لكم عمده وشيخ الكفر كمان
والتوقيع مو احلى من البنت الدبدوبه اللي مع جواد في مجنون ليلى
.......
هلا والله ام الشباب نوقه..
.......
الله يسلمك عيووني ..
وكلامك على العين والراس بس متى رزان تقتنع
وفي الأخير حاب اشكركم كل ابوكم وربي انكم اٌقدع ألأعضاء
ومن شان هيك بحبكم
سرديفي كل يوم بغيب عن المنتدى عشان تنزل إهداء << نشبه الولد ههههههههههههه
تشاااااااااو جعل عدوكم الشوي قولوا امين
[ سبتمبر 04, 2004, 04:35 PM: تم تحرير المشاركه من قبل: تـركـي ]
ملاك// أجل من قدي أذا بنحسد مره الحين بنحسد مرتين سرديفي الواحد يفتخر فيه ويكون له الشرف انه ينزل له موضوع فمابالكم اذا ثاني موضوع خاص بجد بجد فرحتيني بردك ياملاك
======
سنيوره//اجل الحين بتعشقينها لسببين اولا من ذوق سرديفي والثانيه لأنها مهداه لي ههههههههههههه
الله يسلمك غلاي
=========
..R.a.m.o.o.o.y.. // وااااااااااااو بجد كلامك على كثر مااحرجني كثر مااسعدني شعوور جميل لما تدري ان فيه ناس تحبك وتعزك بجد يارومي قلبك كبير الله لا يغير علينا..