مساء الورد والياسمين لكل اعضاء و زوار السالميه اليوم بحلقتنا الثالثه مع شخص معروف بقوه شخصيته و صراحته يلي ممكن مرات تزعج ناس و مرات تحبها ناس ضيفنا الليله معروف انه من اقدم مشرفين الساحه الفنيه , يلي يقرا ردوده يعطيه اكبر من عمره الحقيقي رغم إنه لسه شباب
ضيف الليله المشرفه القدير موسيقي
[ أغسطس 02, 2009, 10:23 PM: تم تحرير المشاركه من قبل: XDj KhaledX ]
المشاركات: 16430 | من: London | تاريخ التسجيل: مايو 2005
|
عايزة اسألك انت كنت بتكتب مقالات فى arab2000 ليه بطلت...مش ناوى تكمل فى الكتابة...
ثانيا...مفيش امل فى اعادة مسابقة "الناقد الفنى" مع مى؟؟؟...بجد الساحة الفنية محتاجة مواضيع كده...بفتقد الايام دى ...كان فيه خناقات بين الفانز و حركشة بس بأدب...و كان فيه مواضيع على مستوى عالى من الرقى...
عندك اى افكار للساحة...حساك يئست ...
اممممممممم...هفكر فى اسئله تانية و ارجع...but that's it so far
مرسله في
بالنسبة ان الساحة تتعدل .. انشالله ليش لأ .. بس لازم التغيير يكون من الاعضاء نفسهم ..
بالنسبة لاشرافي على ساحات ثانية .. رحم الله امرئ عرف قدر نفسه ..
الساحة الفنية اهي اللي مركز عليها و اهي بيتي مثل ما قلت .. باقي الساحات اشارك فيها بس في اعضاء ثانيين فيهم الخير و البركة و يستاهلون الاشراف اكثر مني على باقي الساحات ..
-----------------------------
شايف حالي او مغرور ؟؟
والله مادري ليش في البعض ياخذ عني هالفكرة ..
بس بشكل عام انا ماحب اني اتصنع ردودي .. اللي فبالي على طول اكتبه ..
يمكن البعض يشوف ان اسلوبي رسمي شوي .. بس انا مو جذي ولا استقصد هالحركة ..
اغلب نقاشاتي الفنية احب اني ادعمها بحجج و يكون اسلوبي فيه ادلة .. يعني لما اتناقش ماحب يكون نقاشي لمجرد النقاش .. ابي افيد غيري و استفيد ..
يعني مثلا لما اتكلم عن مجالي اللي احبه وهو الموسيقى .. يمكن لما اكتب مصطلحات و تفاصيل بالموسيقى .. غيري يشوفها غرور .. بس انا عن نفسي اشوف اني ابي افيد غيري .. و احاول اكتب كل اللي اعرفه ..
اما الاعضاء اللي ما ارد عليهم يكون واحد من 2 ..
يا ان هالعضو يحاول انه يستفزني .. و انا بهالحالة اشوف ترفعي عن الرد عليه افضل حل لأني مابي اعطيه اكبر من حجمه و لا ابي اسوي مشكلة ..
او اني اكون فعلا ما شفت رده و ما اقصد هالحركة ..
عالعموم انت تعرفني عدل الحين .. ششايف ؟؟
و السؤال لا محرج ولا شي بالعكس .. السؤال حلو و حبيته كثيييييييييييييييييييييييير
فعلا ممكن انا اول 3 سنيين بسالميه ما كنت اطيقك بس بنفس الوقت ما قليت ادبي او كلمتك عموما هذا كان حالي مع كم مشرفين وسبحان الله تعرفت عليهم و بعضهم قابلتهم شخصيا و نحنا اصحاب وانت بكل صراحه لا مو مغرر ولا شي
السوال من المرشرفه ومس سالمية والمراقبة السابقة ومراقبة المراقبين مستقبلا الصغيره
موسيقي
طلال منور ساحة الاهداءات واكيد استضافتك بتكون مميزه اكيد عندي لك جم سؤال بس اول شي حبيبت اقول لك انت من الناس اللي تشرفة بمعرفتهم وانت اخو عزيز وغالي ما شالله عليك انسان ذوق وواخلاق والله يكثر من امثالك ويوفقك يارب بحياتك
1- تذكر بيدايتك بمنتدى السالمية ماودك يرجع المنتدى مثل قبل؟
2- اممممم اذا انصدمت بشخص يعني تغير فجاه او جدامك يسوي نفسه يحبك ومن وراك يتكلم عليك تواجه او تتركه وتسكت؟
3- موقف مر عليك بحياتك واثر فيك وخلى عينك تدمع؟
4- صفه تكرها بالبنت؟ مثال البنت اللي تدلع غصب او اللي تكلم بصوت عالي الخ الخ الخ
وووبس نورت ساحة الاهداءات وان شالله تكون اسئلتي خفيفه ويعطيك العافيه سديغي خلودي
انتي من الناس اللي جد جد تشرفت اني تعرفت عليهم بالمنتدى .. محد مساندني بدوامي الصبح غيرج لووووووووول
نروح للاسئلة:
1- اكيد ودي .. و تكلمت باسهاب عن هالموضوع بردودي اللي قبل ..
2- هالموقف صار فيني .. انا احب اواجه و واجهته عشان اعرف الغلط كان مني ولا منه .. و الحمدلله ما كان في تقصير مني .. اما المنافق اللي جدامي شي و وراي شي ثاني .. هالفئة من الناس اكرههههههههههم .. و دايما اعطيهم ظهري و امحيهم من حياتي ..
3- موقف ما انساااااااااااااااااااااه لو شنو ..
كنت قاعد بالصالة و قاعده يمي الوالده .. كنت حاط اللاب توب بحضني و بايدي الثانية قاعد اكلم رفيجي بالتليفون ..
فجأة ولا اسمع الوالده تطلع صوت غريب جنها مختنقه .. اشوفها ولا قاعده على الكرسي و مادة ايده و عينه مبققه .. ولا مختنقه فجأة مادري ليش .. اذكر حذفت اللاب توب و قطيت التليفون و ركضت عندها .. مادري شسوي بعمري !!
مختنقه و تستنجد فيني وانا ماعرف شلون اتصرف ..
قمت ارفعها يمين و يسار و اشيلها و احاول اسوي لها تنفس صناعي ما ضبط .. ويهها كل ماله و يحتقن ..
قمت سدحتها بالارض و اضغط على صدرها ماكو فايده ...
جان اصير مينون و اوقف ورا ظهرها و اشيلها باقوى ما عندي و انزلها .. لي شهقت بصوت عالي و تنفست
اذكر قعدت و حطيتها بحضني و اهي تبجي و انا وياها ..
انشالله ما يمر عليكم هالموقف .. و من يومها و احنا ما نخلي امي بروحها ..
وديناها الدكتور قالوا بسبب تضخم الغدة اللي كان فيها و الحمدلله الحين تعالجت .. و كل ما اذكر الموقف اتضايق اني شلون ما قدرت اساعدها على طول ..
و قمت اعرف اكثر عن الاسعافات الاولية ..
الله يخليلي امي انشالللللللللللله
4- اكره البنت اللي تتدلع و تتصنع الدلع .. و اكره البنت اللي تحب تسوي شو عشان تجذب الشباب باي طريقة .. و اكره البنت اللي تصرخ بصوت عالي جنها قاعده فبيتهم و ما تحترم نفسها او غيرها ..