مرسله في
دام تتكلمون عن اليسا .. خلوني اقولكم شي صار معاي ..
كانت عندها حفلة بفبراير سنة 2014 مع عمرو دياب .. المهم وقت وصلتها دخلت باغنية من اغانيها .. بعدها 3 اغاني ورا بعض كلها اغاني قديمة للجيل القديم .. و بعدين اغنية لها .. بعدها اغنيتين قديمة .. المهم بالاغنية ال 8 بلش الجمهور يطلب اغانيها! هي عصبت و ردت عليهم ((تركوني غني الاغاني اللي اخترتها)) .. و الله بعدها يمكن ربع الصالة طلعوا من المسرح و راحوا عالكافتيريا لول
لما شخص يجدد اغنية .. حلاته يجدد اغنية ما تكون ميجا هيت و كل يوم تتغنى ببرامج المواهب .. تختار شي ضرب بوقتها و نسوه الناس .. مو الكل يعرفه من هالجيل ..
ناقص تجدد انت عمري و سيرة الحب عشان تكمل
عموما مقارنات اليسا و شيرين واجبة .. قبل كانت اليسا هي السباقة في الجرأة و التوزيعات الجديدة .. حاليا لما نقارن البومها بالبوم شيرين .. تحسون البومها ديمو قدام البوم شيرين .. و تنفيذه من كثر ماهو ضعيف تحسونه البوم قديم لاليسا كانت راكنته من سنة 2003 لول
لازم كل التيم اللي معاها يتغير و يتجدد .. و لازم احد يزفها على شغلها
مرسله في
عاليا كل وانتي بخير والعمر كله بسعادة وكل عام واليسا قاهرتك ( امزح معاج)
بخصوص اليسا أتفق معاكم بكل اللي تقولونه .. اليسا من "تصدق بمين" وخلاص احسها استهلكت نفسها حيل ! نفسيتها المحمضة اول شي خلى الكل يبتعد عنها ويتجنب الشغل معاها ماظل اسم مميز إلا و عملت مشكلة معاه بداية ب(محمد الرفاعي) كانت بدايتها معاه ولا أروع بأغاني عايشالك وأحلى دنيا ! لكن عقب اغترت بحالها و صارت تتحكم في اشعاره وتبدل كلمات وتضيف مقاطع من عندها ! نفس الشي مع جان ماري على كل اللي سواه معاها ما بين بعينها ولا حتى طرته بكلمة حلوة وحدة نفس الشي مع مروان خوري مع انه حيوان وpsychopath بس هم اليسا ما قصرت معاه بنفسيتها المحمضة يعني طلب منج تعملين معاه دويتو كان أجدر تردين باسلوب احلى و سالفة أحمد ماضي ( مع انه كذلك حيوان و سافل) لكن فعلاً اللي عملته كان غلط ! ماخذة اغنية من 4 سنوات و بعدها حابة تبدلينه ؟ ههههههههههه محلات الملابس اللي اهيه الملابس يعطونك اسبوعين للاستبدال انتي جاية بعد 4 سنين ههههههههههههه
عموما اليسا مشاكلها كثيرة بس بحاول اختصرها :
1- كسولة ثم كسولة ثم كسولة ! تتنظر توصل لها الاغاني عن طريق الايميل او المسجات وتختار ... والمشكلة توصل لها الاغاني كاملة من كلمات والحان ما تتعب عمرها تاخذ كلمات وتروح حق احد شاطر يلحن لها !! لا تبي كل شي جاهز
2- جعصة, بخيلة , حزرة .. ماصارت تهتم بجودة الأغاني مثل قبل ولا تهتم بالكوفرز و التوزيع والخ ... صار شغلها كله سلق بيض ( أخر شي كان متعوب عليه من ناحية الماديات البوم اسعد واحدة) بعدها دخلت مرحلة الجعصنة حتى تصوير outdoor صارت تستثقل الروحة
3- السوشيل ميديا.. والفرافير والمطبلين صار عندها ثقة بنفسها ان كونها الأكثر متابعة على السوشل ميديا يعني خلاص اي شي انزله ينجح و يكون حلو وTop 1 و الفرافير اي شي تسويه وااو وبيرفكت صار ما عندها خط رجعة ابدا حتى لو شي فاشل والكل متفق على فشله بالنسبة لها لا هذا واو أبسط شي البوم ( سهرنا يا ليل) اللي الاخت تعتبره ألبوم ظاهرة
4- اختياراتها للأغاني ما صارت مثل قبل قبل كانت ملكة الرومانسية وملكة الإحساس وملكة الاختيارات الحين صارت مصدقة حالها وعبالها مصلحة اجتماعية وصارت تختار بس الأغاني اللي فيها مشاكل ... وصارت تختار أغاني ما تناسبها أبداً ولا تناسب طبقتها ولا تناسب أصلاً امكانياتها
رغم ان البومها الأخير ماكان بذاك السوء مقارنة بالسابق لكن مع ذلك يظل هذا مو مستوى اليسا لي الحين أحس في خلل أو في شي ناقص مع انها رجعت لنفس مهندس الصوت لكن مافي فايدة ... لأنها هم ردت تتحكم بشغله .. ارفع الصوت .. خل الصوت أعلى من الموسيقى ... والخ .. بالآخر ( صدقت حالا يا بيب ) وعبالها لو صرخت بالأغاني راح يطلع صوتها جبلي أو طربي !!!
نقطة أخيرة هم بعد اليسا حاطة فبالها ان وين ماتدخلت بشغلها بتبدع !
الشاعر يعطيها كلمات جاهزة تقوم تغير وتحذف وتضيف من عندها !!!!!
و ما أنسى اخوها كميل ... يعني اغنية نفس ( مريضة اهتمام) فوق كلماتها ال ولحنها الـ وتوزيعها الـ ... شلون تعطينها لواحد توه ببداية مشواره ؟! وعلى كلام ملحن الأغنية ان الصورة اللي طلعت فيها الاغنية مختلفة تماما عن اللي كانت بتكون مع عمر صباغ !!
يعني هي تتدخل بالتوزيع ... حتى لو كانت على خطأ تظن انها عارفة أكثر من الموزعين نفسهم !
تتدخل بهندسة الصوت .. وترمي راي المهندس بالطوف
تتدخل بالماسترنغ ... و تظن نفسها أفهم من اللي يمستر وينتج
[ أكتوبر 28, 2018, 02:32 AM: تم تحرير المشاركه من قبل: ماله داعي ]
المشاركات: 2551 | من: 00 | تاريخ التسجيل: يوليو 2005
|
الموضوع مغلق
إرسال هذه الصفحه لصديق!
لطباعه هذا الموضوع
![[worried]](graemlins/worried.gif)
![[crying]](graemlins/crying.gif)
![[heartpump]](graemlins/heartpump.gif)
![[rofl]](graemlins/rofl.gif)
![[kiss]](graemlins/kiss.gif)
![[thinking]](graemlins/thinking.gif)
![[pleased]](graemlins/pleased.gif)
![[girlie]](graemlins/girlie.gif)
![[crazy]](graemlins/crazy.gif)
( امزح معاج) ![[sick]](graemlins/sick029.gif)
ولحنها الـ ![[Big Grin]](biggrin.gif)
