الاسم: "شيرين مشاكل".. المهنة: مغنية.. اللقب: مش مطرربة مصر الأولى.
#شيرين الفترة اللي فاتت اسمها بقي مرتبط بالمشاكل والقضايا والمحاكم وبقي ده العادي بتاعها.. مننكرش انها صوت حلو ولكن الحقيقة والواقع أنها لا تصلح انها تمثل مصر والدليل عمرها مكانت في اي حفلة رسمية لأي مناسبة رسمية مصرية.
#شيرين حكايتها حكاية ونقوول فيها وعنها كتير وفي كواليس وتفاصيل محرجة لو اتنشرت كفيلة انها تقعد في البيت تقريبا بس (كل وقت وله ادان)... الفكرة ان علي مدار الزمن التاريخ اثبت مع كل الأجيال ان الموهبة مش بس هي اللي تخلي الفنان في القمة.. لان لو في موهبة ومفيش التزام وادب الفنان عمره ما هيكون في التاريخ.. وافتكروا ام كلثوم وعملاقة الزمن الجميل بيه باقين لحد النهاردة.
#شيرين حاليا في مشكلة كبيرة هنحكي تفاصليها الحقيقة هي أنها كانت ماضية مع شركة نجوم ريكودز علي 3 ألبومات.. فجأة بعد اول البوم قالت انا مش عايزة اكمل العقد.. طب والفلوس الللي اخدتيها قالت ارجعها.. راحت عملت عقد جديد مع الشركة اسمه "عقد فسخ" واللي بينص انها ترجع الفلوس اللي أخدتها بفوايدها لأن استحالة الفلوس تكون معاها من 2014 وترجع زاي ما هي.. وبعد كده هوب فص ملح وداب اختفت.
#شيرين عندها عقدة من كلمة "النيل" في اول السنة كان عندها قضية عشان اهانت "نهر النيل" ودلوقتي عندها قضية عشان اخدت فلوس من شركة النيل للإنتاج الاذاعي ومش عايزة ترجعها 😊.
طب نيجي نبص علي جيل شيرين وعلي طول هنشوف تامر حسني اللي طلعوا مع بعض.. هتلاقي نجم الجيل نزل 12 البوم .. وشيرين 7 شوف سعر كل واحد فيهم في الحفلات برا مصر وجوا مصر.. شوف فرق النجومية في السينما.. فرق النجومية في تقديم البرامج هتعرف الفرق ما بين الموهبة + التزام واحترام وبين موهبة بس.
#شيرين عندها عقدة حقيقة من اسم عمرو دياب مش عارفين ليه وليه اصلا المقارنة مع اننا لو رجعنا برضه بالتاريخ وبينا علي كده علي اول 15 سنة في مشوار الهضبة هتلاقي ان الهضبة نزل 17 البوم .. وشيرين خلال فترة 16 سنة نزلت 7 ألبومات عن فارق الإمكانيات ما بين دلوقتي وزمان ودي مقارنة بسيطة اصلا في مقارنات كتير عن كده بس هي اسمها لا يمكن يذكر جنب الهضبة لا من قريب أو من بعيد.
#شيرين كل اللي حواليها مستفيدين سواء جواز رسمي او مش رسمي او مدير أعمال او او او او الخ.. كلهم مستفيدين ماديا وكلهم عملوا من وراها حاجات حلوة عشان كده محدش قلبه عليها ولا حد بينصحها ويوجهها.
لك ان تتخيل لو فرضنا ان دي مطربة مصر الاولي او وجهة مصر .. هل في وجهة بلد تاخد فلوس دون وجه حق.. هل في وجهة بلد تدخل في كم المشاكل والصراعات دي تحت مسمي "عفوية". اللي اعرفه ان اي حد ممكن يبقي عفوي ولكن لما تبقي عايز تكون مصنف في بلدك لازم تحترم نفسك وتكون مقدر وحاسب كل حاجة.
بالنسبة ليا البوم #نساي هو اقل البوم في مشوارها واضغعهم لأن يلخص في "الألبوم الحرام" قارن كده أغانيها زمان ودلوقتي وتعرف الفرق مع ان المفروض المطرب لما يكبر بيزيد خبرة ودقة في الاختيار وحاجات كتير.. وده طبعا غير ان الأرقام اللي علي يوتيوب ملعوب فيها 😂 لأن للاسف مفيش غير اليوتيوب عشان يبان ان في حالة علي الألبوم.. تخيل شيرين ألبومها ينزل يويتوب بس يعني بقي زايها زاي اي مطرب صاعد للاسف.
شيرين هتفضل كده لحد ما تقضي علي نفسها تماما ليه؟ عشان ببساطة مصر مقدمتش صوت نسائي قوي خلال السنين اللي فاتت.. وده موضوع تاني هنبقي نتكلم فيه بتفاصيله.