مرسله في
مادري ليش بالسالمية الفنان فاشل حتى لو اثبت نجاحه
عموما مو دفاعا عن نوال .. لكن ندري انها مسموعة بالخليج وايد اكثر من الوطن العربي، في لها محبين بالوطن العربي بس مو كثار .. يعني ما تنحط مع راشد او الجسمي كانتشار عربي ..
بس بنفس الوقت، نجاحها بالخليج ما يعني انها فاشلة او محلية ..
عندها حفلتين بدار الاوبرا بمسقط .. و خلال ساعات سولد اوت ..
حفلاتها بالخليج بشكل عام دايما تكون مفولة و من اكثر الاسامي المطلوبة ..
*****
نروح لنقطة مهمة .. وهي صوتها ..
نوال كان صوتها ممتاز لين سنة 2006 .. حتى بالحفلات متمكنة و نادرا ما تلاقون احد يتكلم عن صوتها انه ازعاج او جعير .. باستثناء استغراب الناس بدخولها باغنية اعرف رجلا بالبوم نوال 2004 لان الدخول كان قرار و بان المستخبي ..
من بعدها بلش يصعد و ينزل على حسب راحة الصوت بفترة تسجيل الاغاني و الطبقة اللي تغني منها الاغنية ..
البوم 2009 و 2012 كان الصوت مبين انه تعبان و انا شخصيا في اغاني ازعجتني .. البوم 2016 اغلب الاغاني كان صوتها جيد فيه ..
اما قضى عمري و دام .. صوتها مبين حيل تعبان و اعتقد بين الكبر فيه خلاص
***
نروح للاغنية
حبيت الاجواء اليديدة للاغنية .. حبيت اللحن و التوزيع .. احس في مشكلة بالمكس .. و الكلام مو بقوة باقي اغاني نوال
الاغنيه بشكل عام فيها كركبه كركبه تنحب و كركبه لا « اموت ع الشرح القصد فيها اشياء داخله فبعض وبعض مطارح مو حلوه وبعض مطارح تبان حلوه مثل لما صارت بالكورال وصار صوتها طبقة عاليه كثير حبيت
الاغنيه بشكل عام حليووه بس مش واو باين انه نوال مغيره سياستها بهالالبوم اتوقع ناويه تكرر تجربة البوم نوال ٢٠٠٤ اسماء شبابيه و اعمال شبابيه وتوزيعات شبابيه وغربيه اتوقع هذا خط البومها الجديد ثلاث ارباع الالبوم ملغوم شبابي وستايلات جديده وتلغم عملين او ثلاث ثقال من تركي و ناصر وتسكر الالبوم
تصدق كلامك صح والغريب انه صوتها يعني مو عالي او قوي عشان يخترب انا مستغرب انه صوت هادي واخترب اللي اعرفه اصحاب الاصوات العاليه اللي فيها بور يخترب مو الاصوات الهاديه او الواطيه
تصدق كلامك صح والغريب انه صوتها يعني مو عالي او قوي عشان يخترب انا مستغرب انه صوت هادي واخترب اللي اعرفه اصحاب الاصوات العاليه اللي فيها بور يخترب مو الاصوات الهاديه او الواطيه
المفروض فعلا الأصوات السوبرانو اللي تغني طبقات عالية و تهلك الصوت هي اللي تخترب بسرعة كمثال ماجدة الرومي
و اخر الناس اللي ممكن يخترب صوتهم اللي اصواتهم بسيطة بس تعتمد عالخامة و التكنيك و الأحساس مثل نوال و انغام و اليسا
نوال و اليسا اصواتهم باي باي و السبب التدخين غالبا اللي عدم صوتهم انغام محافظة على صوتها و لياقته
نوال افضل مراحل صوتها كانت بالبوم 2000 خصوصا شمس و قمر اللحن و الطبقة منحوتين نحت على صوتها