مرسله في                    

رد مقتبس:

---

المرسل الأصلي هو Poilist:
اليوم كان يوم اسطوري بكل معنى الكلمة .. من ايام العمر اللي ما تنسى ابداً

اول حفله احضرها لنوال وبإذن الله مو الاخيره .. اول شي ابتكلم عن الحفله
من احلى الحفلات .. صوتها لايف ولا اروووع كانت راكزه ما فيه حركة كثير ونطنطه عالمسرح والنتيجه الصوت كان ولا غلطة ولا نقطة نشاز .. اطربتنا ورقصتنا وامتعتنا بالاغاني بين الجديد والقديم .. من القديم غنت روحي يا روحي / عينيك كدابين / مين حبيبي انا / ميدلي بيلبقلك / الليالي / اغلى الحبايب وغيرها
ومن الجديد غنت صبح صبح / كده باي / جوا قلبه / محاية / اللي براسي عملتو .. وابدعت فيهم كلهم ❤
اكثر شي حبيته هو صبح صبح 😍 مو طبيعي كيف تعطي حماس عالمسرح بشكل مو طبيعي ( لازم لازم تصورها ، حتفجر الدنيا لو تصورت كليب بطريقة صح) ،، وكمان جوا قلبو كانت روعه لايف ❤

نجي للجزء الاهم وهو مقابلة نوال 😭 ... هو كان فيه تذاكر عشان تدخل وتقعد وتقابل نوال لكن للاسف نفذت قبل اشتريها 💔 بس قلت بروح اجرب حظي .. المهم السيكورتيس تبع الحفل منعوني انا وكم واحد معاي ندخل ونسلم على نوال لان ما معنا تذاكر لهالشي (وكان من ظمن الموجودين الاعلامي علي نجم) .. المهم بعد عدت محاولات طلع مارسيل وكلنا هجمنا عليه وهو مسكين انفجع وقعد يهدي فينا 🤣🤣 من الحوارات اللي صارت مع مارسيل انو قالنا هذا المكان صرح حكومي وما نقدر ندخلكم لان ممكن يسولنا مشاكل .. بعدين قال راح احاول بس انطروني 5 دقايق وقلنا اوكي .. مرت كم دقيقه بعدين رجع مره ثانيه وحاول يدخلنا ورفضوا السيكورتيس .. بعدين قال اصبرو شوي كمان .. وبعد دقيقه رجع ومعه المسؤوله عن الحفل وقالو راح نسمح ل 3 اشخاص يدخلو بس ، لكن شافونا اكثر من 15 وكلنا كنا نبغى ندخل ف فدخلونا 🤣 .. المهم صفينا طابور وجلسنا ننتظر تقريبا كل 3 اشخاص يدخلو ويصوروا مع نوال ..
المهم جت اللحظه المنتظره ودخلت ع نوال 😭😭 كنت كثير متوتر في البداية ، طبعاً اول شي نوال سألتني ايش اسمك ومن وين انا طبعاً ما رديت وجلست اطالع فيها وهيا ضحكت بعدين قالت تعال وظمتني 🥺😭😭 .. تقريبا اخر الوقت انا فكيت وجلست اسولف انا ونوال 🤣 وقلتلها قديش اني اعشقها وقديش ان الالبوم روعه واني احب اكثر شي الجمال ليه ناسه ( وغنيناها سوى)
من الاشياء اللي صارت وقت اللقاء .. واحد من الفانز طلب منها تغني ايام صعبه وغنتها .. كمان كانت نوال ما تفضل احد يصور بجواله وكان فيه مصور خاص يصورنا مع نوال بعدين يرسلهم واتس اب .. المهم انا طلبت من نوال اني اصور سناب وقالت يلا تعال ❤❤ وكمان واحد من الفانز قال لازم تصوري مش خايفه وقالت راح نصور اكثر عدد نقدر عليه ...

نوال عالطبيعه ... جداً جداً جميلة وقمر 😍 احلى الف مره من التي في واحلى شي فيها هوا طيبة قلبها مو معقول كيف كانت طيبة وصبوره عالفانز لان جد جد كان زحمه ونوال واضح انها كانت مرهقة بعد الحفل ومع ذلك كانت تضحك وتصور مع الكل (باختصار صدرها كان وسيع حييييل) ❤❤❤

يوم من العمر لا ينسى الصراحه 🥺🥺😭😭😭 واحلى شي ان نوال ظمتني لما حست اني متوتر 😭😭😭

---

مبروك شوفتك لنوال و فعلاً نوال شكلا حتى صوتها بلايفات غير عن ال TV والتسجيل و حفلاتها من أروع ما يكون

--------------------

.
.
.



#الجمال_ليه_ناسه

المشاركات: 3885 | من: USA | تاريخ التسجيل: يونيو 2003  |