الكلمات هي الشئ الوحيد والأول الذي أختيار على أساسه الأغنية.
هل تعتمدى على المشاهير من الشعراء والمُلحنين فقط في ألبوماتها؟
بالعكس فـ”الألبوم” الأخير احتوى على أسماء جديدة سواء في الكلمات أو التلحين، ووجود الأسماء الكبيرة في الألبوم أمر ضروري، وعلى سبيل المثال الشاعر أمير طعيمة الذي يشكل تواجده شئ مهم جدًا بالنسبة لي.
في وجهة نظرك.. ماهي معايير نجاح المُطرب؟
العناصر المهمة لنجاح أي مطرب هي شخصية صوته واختياراته وتمييز نفسه بين الأصوات الأخرى، بالإضافة إلى “اللوك” لأنه بيقرب الفنان للمشاهد علشان كده مهم خصوصا اننا نعيش في زمن الصورة.
من بين أغاني الألبوم أيهما تفضلى؟وما هي تفاصيل تحضيرك واختيارك لكل أغنية في الألبوم؟
أغنية حبايبنا، من أقرب الأغاني لقلبي في الألبوم لأنها خرجت عن المألوف واتكلمت عن الحبايب في حياتنا بشكل عام
و فكرة الصور اللي في الكليب كانت فكرة حلوة و محترمة وكنت حريصه انها تتنفذ واشارك فيها الفانز، وأغنية “علي حسك في أيامي”: قدمتها لـ”لأب والزوج” واغنيه غالية عليا جدا، أما أغنية “ولا دبلت” و”بقول نسياك” هما شخصيتين عكس بعض ولكن تجمعهم القوة وانا مش أول مرة أقدم المرأة القوية، أما أغنية “بتوصفني بتكسفني” بقول فيها رسالة بتحبها كل ست لأن مفيش شك إن الست بتحب الراجل اللي بيدلعها ومعيشها أيام حلوة.
هل تُعبر أغنية حالة خاصة جدا عن حالة تعيشيها في الوقت الحالي؟
أغنية حالة خاصة جدًا بعبر بيها عن الألبوم لأنه في توفيق كبير في الاختيارات وألبوم مميز على كل المستويات في الكلمات والألحان والتوزيع والأفكار الغنائية، فهو البوم غني بالموسيقى جدا وعلشان كده هو “حالة خاصة جدًا” وألبوم للتاريخ مفيش كلام.
الغناء باللغة العربية الفصحى كان صعب عليكى في أغنية “ليلي”؟
بالعكس أنا بستمتع جدًا بالغناء بالفصحى وأنا تربيت على أغاني فايزة و نجاة وعبد الوهاب، بالإضافة إلى أن الشاعرة كاترين معوض كتبتها بطريقة سلسة وبسيطة بجانب أن لحنها مسرحي جدا.
هل قافلة في وش الحزن كل الأبواب؟
مش سهل ان الواحد يقفل في وش الحزن إذا جاءه الحزن بغتة بس الدنيا بتمشي طول ما قادرين نتقبلها ومش بحاول أخلي الحزن يغلبني. من صاحب فكرة طرح الألبوم بهذه الطريقة على يوتيوب؟ فكرة طرح الألبوم على اليوتيوب بالطريقة دي هي فكرة عادل جمال اللي صمم الكفر وصمم الألبوم كله على يوتيوب.
فترة غيابك عن الساحه الفنيه كانت لتحضير الالبوم ولا لأسباب اخرى؟
3 سنين تأخير مش كتيير ابدا و رد الفعل كان كويس جدا علي السوشيال ميديا، أخذت فترة طويلة بالفعل في الإختيارات لكن التنفيذ اخد 9 شهور فقط وزوجي أحمد إبراهيم هو اللي وقف جنبي في الالبوم وكل اغنية خدت وقتها المناسب عشان أنا خبرة.
ماهي طريقة تعاملك مع الحياة والشائعات؟
المواقف الصعبة بتعلم منها طبعا والسهلة كمان، وتعاملي مع الشائعات مش بلتفت ليها بس بحزن علي الناس القاسيه، مش ع الكلام اللي بيقولوه وراضيه و حابه حياتي، ومش بحب السوشيال ميديا لكن مضطرة اتعامل معاها لأن ده الأسلوب العصري للتعامل مع المعجبين و الناس فبحاول اكون مواكبة للعصر.
كيف كان ردك على الهجوم الذي تردد بعد زواجك من الموزع أحمد إبراهيم؟
لم أرد ومُحتفظة بحقي في الخصوصية وزواجي من أحمد إبراهيم لم يضر بشخص واحد ولست في حاجة لتبرير زواجي وأسباب وكيف حدث لأحد، ولا يعنيني حد ولا كلامه، لكن هذا الأمر أزعجني جدًا. كيف اختلفتى بعد الزواج من أحمد إبراهيم؟
زواجي من أحمد إبراهيم والحالة العاطفية التي أعيشها معه أثرت بشكل كبير على “شكلي” بطريقة كبيرة وأتمناها لكل الناس، والمسأله مسألة رضا وانا راضية باللي قسمه لي ربنا، بالإضافة أن أحمد شجعني على الظهور أكثر والاختلاط مع الناس بالإضافة لأنه شخص بيحب الحياة ومعندوش حاجه يخاف منها وانا كذلك، لذلك اتعاملنا بطبيعتنا جدا، وده واكب ظهور الألبوم و الحدثين خدموا بعض بشكل كبير.
بتتناقسوا في رد الفعل "السي" وسايبين الفعل نفسه رغم انه اسوأ
وبعيدا عن اصالة
انا مش فاهم انغام بشخصيتها دي قبلت ازاي كلام العربجي جوزها عالفيس لما قعد يقول مرتاتي الاتنين وبصرف عليهم من عرق جبيني والهطل ده واسلوبه في الكلام انه انا الحاج متولي والستات عندي مجرد عدد
مرسله في
تيتو انت شوف لقاءها وفاء الكيلاني في عز ما هي كانت ضاربه تعهد او ع وشك تضربه بتعرف انه كل كلامها و مبادئها ما لهم علاقه بالواقع ، و هي زي ما قالت بسمه وهبه كياده حتى اذا مو عاجبها فرضا كلام احمد في الفيسبوك ، راح تغض الطرف عنه لانه المخطط الكبير انها تزيح رقم واحد من الصوره هو اصر ع التمسك بها و هي لعبت لعبه حرق الاعصاب خاصه انها فنانه عليها الضوء فحرقه الاعصاب راح تكون ثري دي
[ أبريل 16, 2019, 10:13 AM: تم تحرير المشاركه من قبل: „Zak ]
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
![[rofl]](graemlins/rofl.gif)
![[help]](graemlins/help.gif)
![[Confused]](confused.gif)
![[Eek!]](eek.gif)
