مرسله في
البومه كل حياتي كان فيه وايد اغاني حلوة و التوزيعات مستواها قوي ..
اللي نجحوا اكثر شي ده لو اتساب و يتعلموا و الثنتين مقسوم ..
بس في اغاني ستايل مثل تعالي و يا هناه و انت مغرور ..
و كنت فبالي من الاغاني الرايقة اللي تعودناها من عمرو ..
كمستوى فني البومه اللي فات ينحط مع اقوى البوماته القديمة ..
اللي قبله (أحلى و أحلى) يمكن اقل البوم مستوى، بس كان فيه معاك قلبي .. وحده من احلى اغاني عمرو بالنسبة لي .. و توزيع الريمكس اللي نزلها للصيف كانت خيالية ..
اللي يفرق ان قبل كل الساحة العربية كانت تنزل اغاني محلية .. يعني الفنانين المصريين ينزلون اغاني مقسوم و تخت .. مافي اغاني ستايل و توزيعات غربية .. هو اخذ هالخط قبل الكل .. و بوقتها ما كان في يوتيوب و انترنت منتشر بكل مكان .. و ما كان الفن الغربي واصل للوطن العربي مثل الحين ..
بعد اليوتيوب و الانترنت و الكل قام يطلع على كل الفنانين بالعالم .. صار شغل عمرو دياب مكرر ..
حتى الفنانين الشباب مشوا على نفس السكة اللي كان ماشيها عمرو دياب .. ف بدال ما يكون هو الوحيد ((حالة خاصة)) صار ضمن مجموعة .. و اللي يقدم اغاني احلى هو اللي ينجح ..
هو الفنان الوحيد اللي ناجح من اخر الثمانينات لليوم .. و يحاول من فترة للثانية يقدم الوان جديدة عليه
المقسوم طول عمره عمرو يقدمه .. مافي ولا البوم نزل لعمرو من غير اغنية مقسوم .. حتى علم قلبي و وياه اللي الكل يستشهد فيهم ..
و البومه اللي فات انا استغرب لما في ناس يقولون ما نجح .. دخلوا يوتيوب و شوفوا اغلب فنانين الصف الثالث و الرابع بمقابلاتهم يغنون الاغنية ...
انا بس خايف ان بعد النجاح الكبير ليتعلموا و ده لو اتساب .. ان بهالالبوم يركز اكثر شي عالمقسوم خصوصا ان اللي يغامر معاه اكثر شي ((عمرو مصطفى)) مو معاه بهالالبوم ..
اتمنى يكتشف ملحن شاب جديد و يقدم معاه 3 اغاني بهالالبوم يكسرون الدنيا .. عشان عمرو مصطفى و تركي ال شيخ شوي يستريحون
مرسله في
عمرو مصطفى معوضه بمحمد يحي و في اغنية كمان المفروض من محمد رحيم و توزيع حميد الشاعري
هو عيبه انه قارفنا بالموزع اسامة الهندي.. في اغاني مممن تطلع احلى و اجدد لو مع موزعين ثانيين مثل نادر حمدي او نديم الشاعري ابن حميد او النابلسي
المشاركات: 4958 | تاريخ التسجيل: يوليو 2011
|
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
خصوصا ان اللي يغامر معاه اكثر شي ((عمرو مصطفى)) مو معاه بهالالبوم .. 
![[heartpump]](graemlins/heartpump.gif)
![البريد الإلكتروني [ مـختلـف ]](http://salmiyaforum.net/ubb/email_ubb6.gif)
![[rofl]](graemlins/rofl.gif)
