مرسله في
دخول أم هارون بيت دعيج ب نفس لحظة طرد جبر توقيت صدفة أوسكارية
محمد وراحيل وبعدين بعدين ليه كل الفريج دروا ب قصة حب راحيل ومحمد بس مادروا ب قصة حب جبر ومريم #اشمعنى_يعني خصوصا دعيج يعني هالإشارات ولا إنتبه العمي يشوف.
علياء فجأه إنسحب عليها،
بعدين اللي بيطعن محمد مالقى الا ب وسط الديرة وتحت الاضواء والعسكر البريطانيين يدري يتمشّون (تخطيط القتل 101: ترصّد له ب شارع مظلم).
-------------------- المشاركات: 2095 | من: السعودية | تاريخ التسجيل: مايو 2016
|
مرسله في
الظاهر ماصدقوا المسلسل يحصل ضجه ومشاهدات قاموا أعلنوا عن جزء ثاني. ومرة قالوا بتجي نيللي كريم ومره امل العوضي..الخ الظاهر بيحلبون المشاهدات والمدينة التراثية اللي بنوها على غرار أجزاء العاصوف،
توني أنتبه دور فاطمه الصفي كوبي بيست من دورها ب دفعة القاهرة
-
من اللامنطقيات اللي ماينسكت عنها :
القسيس يدور بالفريج وصليبه بإيده ولابس لبس القس صليب من فوقه لتحته! سلامات حتى بالفاتيكان مو كذا، ويوم قال لزوجته: أنا عايز أقولك حاجه... على طول طبت بعينه: في ايه؟ كل ده عشاني مش بخلّف... (يعني هم كبار بالسن ومفترض نقاش الحمل خلصوا منه ألفين مره).
الملا أبو محمد ماغير قاعد بالقهوة والغناوي تردح. وشخصيته ماغير يهاوش ويصارخ ويتطنز. حتى بالحوارات ماقط سمعناه قال حديث نبوي أو آيه. قمة اللامنطقية، بعدين زوجته مفترض عايشه معاه عُمُر. مع هذا راحت قصت شعرها وهي تدري بيهاوشها. وتسمع اغاني. ولاه راحت معهم للساحر تبي يسوي له سحر. أمحق زوجة ملا.
زنوبه + أم هارون = بات مان + سوبر مان، يطلعن ب جميع المواقف الحرجه والغير حرجه، وهن اللي ينقذن الفريج، ويحلّن المشاكل (غوغل الفريج).
-------------------- المشاركات: 2095 | من: السعودية | تاريخ التسجيل: مايو 2016
|
مرسله في
كل ملاحظتج هذه انا قايلتهم من كم حلقه والله وضع المسيحين مستحيل كان جذي اكبر هم القس كيف ينشر ديانته يعني لو اجنبي قلنا احتلال واستعمار بس هذا قس عربي انزين شو كان اسمه لو هو صدق شخصيه حقيقيه؟وبعدين هذه ضد فكرة التعايش اللي يطرحونها والزوجه المسيحيه مريم اللي تعطي ريلها انجيل وتقوله الرب يهديك وهو بكل سماحه يعطيها درس في الدين الحاخام اللي ماذبح بنته يوم شردت وماذبح اللي سرق حلاله بس يوم تبرعت بالدم حاول يقتلها الحين هذه فضيحه تستحق القتل ؟ وفي المعبد بعد اللي هو مسؤل عنه وبيكون اول حد يشتبهون به لا ويقلك خططت لها
ولا العاشق الولهان اللي طايح بالمستشفى مب محصل حد يتبرع له بس عرف يظهر من مستشفى واستغفل الكل وسار بيت حبييبته يفتن ويحرض اهلها عليها ورد المستشفى بسلام
ولا زنوبه بنت الفريج اللي كلهم مربينها ياخذونها جذي من بينهم ولا حد فزع لها وسار وياها يعني اهل الفريج اغبيا يصدقون سالفة الملجا بنص ليل!
المسلسل مب بس تاااافه لكن يسبب الغباء قمت اتململ منه والله
[ مايو 10, 2020, 12:10 PM: تم تحرير المشاركه من قبل: عالياااا ]
المشاركات: 12373 | تاريخ التسجيل: نوفمبر 2015
|
رد مقتبس:المرسل الأصلي هو عالياااا: كل ملاحظتج هذه انا قايلتهم من كم حلقه والله وضع المسيحين مستحيل كان جذي اكبر هم القس كيف ينشر ديانته يعني لو اجنبي قلنا احتلال واستعمار بس هذا قس عربي انزين شو كان اسمه لو هو صدق شخصيه حقيقيه؟وبعدين هذه ضد فكرة التعايش اللي يطرحونها والزوجه المسيحيه مريم اللي تعطي ريلها انجيل وتقوله الرب يهديك وهو بكل سماحه يعطيها درس في الدين الحاخام اللي ماذبح بنته يوم شردت وماذبح اللي سرق حلاله بس يوم تبرعت بالدم حاول يقتلها الحين هذه فضيحه تستحق القتل ؟ وفي المعبد بعد اللي هو مسؤل عنه وبيكون اول حد يشتبهون به لا ويقلك خططت لها
ولا العاشق الولهان اللي طايح بالمستشفى مب محصل حد يتبرع له بس عرف يظهر من مستشفى واستغفل الكل وسار بيت حبييبته يفتن ويحرض اهلها عليها ورد المستشفى بسلام
ولا زنوبه بنت الفريج اللي كلهم مربينها ياخذونها جذي من بينهم ولا حد فزع لها وسار وياها يعني اهل الفريج اغبيا يصدقون سالفة الملجا بنص ليل!
المسلسل مب بس تاااافه لكن يسبب الغباء قمت اتململ منه والله
بالنسبة للقس، يستهبلون يعني جاي لمريم عند بيتها ويقول لها عيني عينك عند باب البيت: هاه وش صار عليك يابنتي؟ معقوله عايله وحده وماقدرتي تدعينهم للمسيحية...
بالنسبة لسالفة الدم، اللي اعرفه اليهود مستحيل يسمحون لأحد يتبرع لهم دم، وهم بعد مايتبرعون، الموضوع بالنسبة لهم ديني، أتوقع عشان مايختلط دمهم بزعمهم شعب الله المختار بدم غيرهم، فممكن أجد مبرر لإن داوود اشتط بسبة سالفة التبرع بالدم.
سالفة زنوبة برضو نمشّيها على مضض، باعتبار عنبر النساء ب قسم الصحة النفسية تبع الحكومة يعني محد يقدر يعارض جهة حكومية من الفريج.
لكن المسلسل إجمالا مليء "بالرفسات" على قولة لقيمات،
الممثلين الكومبارس بحكم تصوير المسلسل بالشارقة يا إماراتيين أو مقيمين بالإمارات، واللهجة باينة تفضح (سواء زوجة محمد، أو زوج راحيل وأهله، والشرطة والفريج..الخ، يعني مفروض فيه مدقق لهجه يوحّد اللهجة لو بالمينيموم).
بعدين شلون جبر عايش طول حياته معهم بالبيت قبل زواجه ب عليا، وعليا وأمها هند (غُرب) عنه. كانوا يقعدون بالليوان بالعِبي مثلاً
-
بعد ماشفت اللي شفته، لو مسوين قصة أم جان الدايه اليهودية اللي كانت عايشه ب البحرين ك توثيق ومصورينه بالبحرين واجد أصرف من هالفانتازيا والخنبقة (الظاهر الحلقة الأخيرة بيقولون أصلا هالقصة كلها من خيال وتأليف شخصية هيا عبدالسلام اللي عايشه ب لندن بعد ماطردوها من الخليج )
[ مايو 10, 2020, 12:53 PM: تم تحرير المشاركه من قبل: سدّئت حالا يابيب ]
-------------------- المشاركات: 2095 | من: السعودية | تاريخ التسجيل: مايو 2016
|
رد مقتبس:المرسل الأصلي هو عالياااا: ترا بعد لو تزوجته راحيل بيختلط دمهم بدم غيرهم يعني نفس الجرم
المسلسل ماله لهجه معينه حتى ماقالو ولا حددو المكان لكن اليهود واضح من لهجتهم عراقيه والقس مصري وجاني سمعت حد مسيحي يرمس شامي
مطلعين مريم بس الخليجيه
دام ماحدددو اسم الدوله مابيحددون
ولا يوحدون لهجه بالعكس هذا يسهل عليهم الخرط والجذب اللي بالمسلسل
وفاطمه بعد كل شوي الرب يهديك والرب يساعدك والرب والرب شو هالغباء بس عساس جذي مسيحيه! ترا المسيحين يقولون (الله بعد مثل مانحن نقول الرب بعد ومفروض هذيلا مسيحين مختلطين بمسلمين ولهم ثقافه مشتركه
اليهود جزء منهم إلى الحين مايتبرعون بالدم حتى لو لشي إنساني، فالموضوع ديني عندهم، بس ب أم هارون دخلوا القصة ب شكل (مفتعَل)، والسالفة مره (تيبيكال)، زين ماخلوها تتبرع له ب كليتها
القس المصري وزوجته آليس يرطنون مصري، ومريم مسيحية بس تتكلم ب لهجة أفنيوز الكويت (يعني مادري ع اساس من وين)
هم لو مخلينه فانتازيا بحته، كان مشّينا أشياء واجد، بس دام انهم حددوا السنة (1948م وإقامة مايسمى ب اسرائيل) يعني هم بنفسهم لازم يلتزمون ب درجة دُنيا من التوثيق والمنطقية.
-
عموما بعد ما عدينا نص الحلقات، الوكاد اننا أكلنا مقلب ب أم هارون، وهو بالنهاية (تيبيكال - بيسك) مسلسل خليجي:
مو من مواخيذنا = مو من ديننا. بنت الحاخام ماتاخذ ولد المُلا = ولد الغنايا ماياخذ بنت الفقارى. مريم تقول لـ حلوه: ترا بطلعج برا الديره = والله لأسفرج. تزوجها بالسر لأنها يهوديه = تزوجها بالسر لأنها بنت فقارى، مو قبيلية، مو بنت تاجر..الخ
-------------------- المشاركات: 2095 | من: السعودية | تاريخ التسجيل: مايو 2016
|
مرسله في
ماكنت اعرف ان عند اليهود ممنوع تبرع بالدم مفروض يوضحون هالشي للمشاهدين لان ردة فعل الحاخام كانت قويه واقوى من هروبها ويا محمد اللي سامحها وردها البيت وهاللي كنت مستغربتنه
صح كلامج اللي اسمها علياء هي بصوب والتمثيل بصوب ماشي شي يتحرك بويها غير براطمها وبطريقه مستفزه بعد يييع
[ مايو 11, 2020, 01:53 PM: تم تحرير المشاركه من قبل: عالياااا ]
المشاركات: 12373 | تاريخ التسجيل: نوفمبر 2015
|
مرسله في
أنا عكس الأغلبية هني أحب تمثيل إلهام علي لول ..
المهم .. عدم منطقية الاحداث في المسلسل مستفزة! مش عارف من وين أبدا .. إذا فعلاً رح يكون في جزء ثاني الكتاب لازم يغيرو أسلوبهم و يخففوا شطحات مالها داعي ..
بس نجاح المسلسل و ردود الأفعال الإيجابية أتوقع تدل على إنه مو كل الناس تنظر للأعمال بعيون الناقد الفني .. فئة كبيرة هدفها تشوف قصص مصورة بغرض التسلية مثل ما قال مختلف .. ومن إيجابيات المسلسل إنه مليان شخصيات و أحداث وهالشي سوى نوع من الـ entertainment ..
--------------------
. .
المشاركات: 19704 | من: United Arab Emirates | تاريخ التسجيل: فبراير 2006
|
مرسله في
المسلسل ناجح في وين؟ فرق بين النجاح والشهره المسلسل انشهر اكثر بس معظم الناس سحبو عليه وماطلع ترند ولا مره عقب الحلقه الاولى مثلا دليل ان محد يسولف عنه من الاساس.
المشاركات: 12373 | تاريخ التسجيل: نوفمبر 2015
|
مرسله في
الحاخام يقول نحن حاقدين عليهم من ايام الخيبر ترا مفروض حتى بالخيال ماتنقال هالجمله اليهود اذكى من جذي بوااايد يوم انهم اقليه بس الكاتب ماعنده سالفه اشك ان يعرف تاريخهم او قرا عنهم .
[ مايو 12, 2020, 06:50 AM: تم تحرير المشاركه من قبل: عالياااا ]
المشاركات: 12373 | تاريخ التسجيل: نوفمبر 2015
|
إرسال هذه الصفحه لصديق!
لطباعه هذا الموضوع
![[battingeyelashes]](graemlins/battingeyelashes.gif)
![[crazy]](graemlins/crazy.gif)
![[Roll Eyes]](rolleyes.gif)
![[Cool]](cool.gif)
:
![[Big Grin]](biggrin.gif)
![[Razz]](tongue.gif)
![[worried]](graemlins/worried.gif)
![[help]](graemlins/help.gif)
.. إذا فعلاً رح يكون في جزء ثاني الكتاب لازم يغيرو أسلوبهم و يخففوا شطحات مالها داعي ..
