بالنسبه لي رائعه لان العمل الي من هالنوع يدخل تاريخ المطرب و يعتبر سبق و ذكاء ...
حتى لو ما كان فكرتها و العمل عرض عليها من الجهه المنتجه بس كونها اختارت تنفذه و بهالطريقه يعتبر ذكاء ...
اللهجه جيده جدا" قريبه من الممتازه ... 90٪ من الناس الي كانوا خايفين انها شيله الحين طايرين فيها في تويتر ... اصعب لهجه قدمتها اصاله الى اليوم فهمت تقريبا" 90٪ و الباقي قابل للتآويل و فعلا" مفرداتها صعبه جدا" ...
الغنيه بتلمس الشخص الي يحب الفلكلور و فئة القبايل و الي لهم في مجال المزايين و المطايا و هالجو ...
توزيع سيروس كان حلو ، مع ان الانترو كان ممكن يكون افضل بداية دخلة الالات ... لو بدوا بالربابه و موال و بعدين يتصاعد بدال الصفقه و اله بالافكتس ما حبيتها ...
ربابه " محمود سرور " ابدع كالعاده ...
كورال الامارات ... كنت حاس من اللهجه ... بس حلو كان ...
مونتاج الفيديو حلو طريقة الصوره تكون ابيض و اسود و يقطر عليها الخبر و تتغير لالوان .. حبيت
المفردان محليه بحته و ابدا" مش مستهلكه ف الشخص الي يحب يتعلم مفردات جديده بيستمتع فيها ...
مع ان صوته حلو صالح مانع بس لو انا الي بختار ،،، الصوت الي معاها بيكون يا عبدالمجيد يا عباس ابراهيم يا محمد عبده ... و حتى راشد الفارس كان ممكن تكون اقوى ...
الي ما حبيتها التطبيل للسياسيين ما احبه في الاغاني عموما" هذا الشي الوحيد الي بس خرب الغنيه ...
و ارجع اقول هاذي هي الاعمال عبيه و مصيحه ... هالنوعيه الي تحط اصاله في الكلاس المميز الي هي فيه عند الخليجيين و معطيها برستيج و هذا الي كنت اشجع انها لازم تحافظ عليه و يكون في تصاعد ...
اذا اهل المجال من شعار و ملحنين و حتى اصحاب القرار معطينها مجال و شايفين انها تستاهل انها ترتقي الى برستيج و نجوميه معينه ... لازم تستغل هالنقطه و تكون خطواتها في الاعلام مدروسه اكثر ...
هذا رآيي ... مع احترامي للجميع
بخصوص الابيات ممتعه و بنزل الي اقدر عليه من الي فهمته من الكلام
توضيح بسيط ... مناسبة الاغنيه مهرجان الابل الي يكون فيه مزاد و سباق الهجن و المزاين و هذا يشرح اخر كم بيت و الهدف منها تكون حماسيه للمناسبه ..
دمتم
[ ديسمبر 15, 2020, 10:05 PM: تم تحرير المشاركه من قبل: شخص يهتم ]
المشاركات: 622 | من: بعيد | تاريخ التسجيل: يونيو 2016
|
مرسله في
Asalah fan club
اغنية مصيحة مابيفهم مفرداتها الا قبائل الشرق بليبيا عندنا نفس الكلمات والشعر البدوي اللي يستخدمونه في شعرهم صراحة عجبتني الاغنية والألحان مخليه صوت اصالة فخم والأداء رائع. ذكرتني بأغاني سلسلة النجع عندنا اكيد بتصير هيت بليبيا.
--------------------
أصالة فى القلب للأبد
المشاركات: 5782 | من: ليبيا/بنغازي | تاريخ التسجيل: فبراير 2009
|