رد مقتبس:المرسل الأصلي هو Ya Layali} ahmed}: لما حضوت حق احلام تقريباً كانت الحفلة متواضعة والامكانيات اكثر تواضع بالاضافة الى ان احلام كانت تعتمد بشكل مباشر على قدرتها في تحريك الكراسي و شلون تشعلل الحفل وهذا بحد ذاته صعب ، فساعات يغيب عنك ادائها..امس بالحفلة وبعد العمر الي وصلنا له بالتاكيد كنت رايح (اشغل حاسة السمع عندي بس ) خصوصاً مع اغاني الالبوم الي عجبني وايد و ودي اسمعه لايف ، توقعت شغلات حلوة بحكم الحفلات الي نشوفها بالرياض وغيرهم .. بس كلمة حق تقال ، احلام فعلاً فعلاً صوت ممممميز و جميل لدرجة خلتي استغرب ان في ناس تقول عن صوتها عادي ... ؟! سمعتوها لايف !!!؟ كل الاصوات الخليجية كنساء لهم خطهم لكن اكيد اكيد بدون منافس احلام الاكثر تميز واكثر تمكن واكثر قدرة على الغناء تقريباً بكل الاشكال الموسيقية في الخليج . كثر ما اقول ان الحفلة ترضي غرور اي شخص يحب يستمتع بكل اشكال الموسيقى ( شخص طبيعي ) ما عنده هوس الفنانين وحروب السوشيال ميديا،اكيداكيد بيتفق معاي .. من اول اغنية لي الاخيرة وانا مسلطن على صوتها و تمكنها الكامل من المسرح رغم وجود عرض مصاحب بس رنة صوتها اهم.
التحفة يلازمني خيالك مانعمل لها بروفا وطلبتها احد صديقاتها فشوي كانت الطبقة مو مناسبة،ولكن واهي على المسرح ما تحس بأن في زاوية ميته ، كان ودي اقولها يخرب بيتج ليش كل هالسنوات مقاطعة مسارح البحرين!!؟ بشكل عام الحفلة كانت على هواي ومزاجي مع انها ما غنت اهم اعمال في البوم عندي مثل (تشرق الشمس وتغيب ولا غنت ابن التراب و تسولف عبرتي) بس عوضت ب (لابارك الله بالغياب) وباقي الالبوم ، والاهم انها الحمدلله ماغنت من مرحلة التخبط (بالنسبة لي) فترةالالبومات من 2003-2015 مع ان لازم اسجل اعجاب شديد بـ البوم (هذا انا) لكن صوتهاوقتها والمكساج ما خدم الاغاني فيه، غنت هالسنين اتوقعاتوقع الا ناويلك \ الي شايف نفسة \ بغيضك ، والباقي كلاسيكياتها والجديد واغنيتين للبحرين.
اول مرة اكتب تعليق هالطول بس فعلاً لان انصدمت بجمال الصوت والاداء لايف ، تخليت بروح بستانس بس ما بتسلطن لكن الي سمعته
ياريت كل الي تسوية تختارالبومات و وتصعد تغنيه عالمسرح بلا لقاءات وسوشيال ميديا وبرامج مواهب بلا بطيخ.
الاختيارات رائعة كانت مابين القديم والجديد، هندسة الصوت ممتازة وافضل من كثير حفلات انعملت ع نفس المسرح ، اداء احلام بيرفكت ، لهالعمر وصوتها قادر يعطي ماشاءالله غنت 3 ساعات ونص تقريبا بدون اي تعب تفاجأت بعشان تتوب لايف ، حبيتها حيل وحبيت انها قادرة تغني العوالي بالايف
امير عبدالمجيد والفرقة هم ممتازين وكثير متفاهمين مع احلام. انا شخصيا اشوفه افضل مايسترو تعامل معاها. يذاكر صح قبل الحفلة وفي تفاهم بينهم ع المسرح قادر يعرف هي شنو ببالها وطبعا هالشي مع الوقت تحقق
ابرحل طبعا كوين الاختيارات اغنيتي المفضلة الي ماحب اسمعها الا لايف من كثر ماتجود فيها! وبعدها عيوني بس
+ راس قمة ومستغرب مفاتيح لاشعال اي جمهور، ضروري يكونون موجودين دائما باليست او ع الاقل وحدة منهم
المشاركات: 7894 | من: البحرين | تاريخ التسجيل: يونيو 2006
|
رد مقتبس:المرسل الأصلي هو HolyAngemon: حبيت انها غنت دلمون 😍 من احلى اغانيها الوطنية بس ليتها مسوية بروفات عليها اكثر
استغربت تلفزيون البحرين مانقل الحفل توقعت ينقلونه عارضينلي حفلات قديمة 😒
الحفلات الي على الدانة خاصة مو حكومية، الحلبة تنظم وتنتج تلفزيونياً من خلال عقودها مع الشركات والتلفزيون يشتريهم جاهزين، في كلام ان بس حفلة عبدة تكون لايف .
--------------------
الفن الراقي ..
المشاركات: 2394 | من: مملكة النور | تاريخ التسجيل: مارس 2010
|
رد مقتبس:المرسل الأصلي هو علايه الذهبيه: بس متنانه صح؟ شكلها كثرت برمضان من العيوش واللحم 🤣 احسها منتفخه شوي طبعا انا مهوسه ولا شفت الحفل لكن بتفق معاك خصوصا بصوتها محد يختلف عليه ك صوت خليجي بحت نتريا البوم المصري عسب نقول محد يختلف عليها ك صوت مصري بحت🤣
يفداج الجذب علاية بصراحة ما ركزت مع انها جدامي بس ان شاء الله لين عرضوا الحفل على الاضحى بتفهموني ، امس ادائها حكاية ولا شي مهم تخيلي لدرجة توني اليوم اشوف الجرايد اكتشفت انها كانت لابسة صورة الملك في العقد
ينعاد عليج بالصحة يا شيخة السالمية انتي وكل غالي عندج و عليج ... والالبوم المصري احس يبيله ما عليج من كلامها : ترى فدوة عيونك بارز من ٢٠١٧ حسب الحجي
--------------------
الفن الراقي ..
المشاركات: 2394 | من: مملكة النور | تاريخ التسجيل: مارس 2010
|
رد مقتبس:المرسل الأصلي هو HolyAngemon: حبيت انها غنت دلمون 😍 من احلى اغانيها الوطنية بس ليتها مسوية بروفات عليها اكثر
استغربت تلفزيون البحرين مانقل الحفل توقعت ينقلونه عارضينلي حفلات قديمة 😒
الحفلة مصورة وبتنعرض ، بس لزوم المونتاج والمكساج حركات الفنانين صف اول يعني راشد مجيد احلام ، حتى نوال ركبت القطار. هم يشرفون ع التصوير والهندسة وبعدها يعطوها القناة التلفزيونية الرسمية لكن تنزل بقنواتهم ع اليوتيوب كمنصة اونلاين. بارت من الديل
+ الدانة بشكل عام تصور حفلاتها بس تنعرض وقت ثاني مو لايف. راشد مثلا حفلته كانت في شهر 11 وانعرضت بالعيد الوطني و الجسمي شهر 3 وانعرضت بالعيد.
المشاركات: 7894 | من: البحرين | تاريخ التسجيل: يونيو 2006
|