لما بنتجاهل : احلي مافيها اللحن وصوت اصالة ، الكلمات حاسسها تقيلة وفلسفية بزيادة 7/10
فوووق : اغنية تيبيكال اصالة يمكن بقالها فترة ماغنتش النوع ده من الاغاني الدرامية السلو اللي فيها قوة وكبرياء والنوع ده طبعا مختلف عن نوع الردح في الالبوم اللي فات ، الفواصل الموسيقية فيها حلوة جدا 8.5/10
الاخبار الحلوة : اغنية حلوة بس مش النوع اللي بحب اسمعه من اصالة بصراحة بس اللي معلي اسمهما عندي هو الموال اللي في الاخر 7/10
مانجا : هيت الجزء الاول وبقي اللون ده حصري لاصالة من بعد منازل وبنت اكابر ودلوقتي مانجا وماظنش يليق علي اي صوت غيرها وفكرتي بأغنية الهوى، ان شاء الله مايطلعش انه سميرة سعيد غنت اللون ده في السبعينات واصالة بتقلدها 8/10
مارس ابريل : اغنية فيها رتابة وملل "مقصود" حتى اداء اصالة نفسه فيه لا مبالاة فكرني بجو اغنية عادي ورتابة الاداء اللي فيه، اغنية مختلفة لحن وكلمات واداء بس توقعت حاجة احلى 6/10
راجل مثالي : لحن مركب ومكعبل مش مفهوم ومش قادر اتقبله، الكوبليه التاني حلو جدا بس تظل الاغنية الاقل استماعا عندي رغم اني بحب هالنوعية وبعشق عايشة ع اللي فات بس دي مش قادر ابلعها 4/10
الجزء الاول بشكل عام حلو ومتماسك وواضح انه فيه شغل وجهد غير سلق البيض بتاع معظم اغاني الالبوم اللي فات بس مازلت منتظر الهيت الاكس فاكتور وغالبا هتكون "قال انه جاي" او "بحبك اوي"
كمان رغم انه الاغاني قصيرة بس الغريب انك ماتحسش بكده بالعكس تحس انه كل اغنية واخدة وقت مظبوط عكس الالبوم اللي فات كنت تحس انه الاغاني ناقصة ومقطوشة
مرسله في
حاولت استلطف رجل مثالي لكن دون جدوى حاسها دخيله بين اغنيات الالبوم وشاذه عنهن بطه سوداء وحيده بين مجموعه من البط الابيض مع ان صوت اصاله فيها يعتبر الانقى بهالبارت
-------------------- المشاركات: 2908 | من: جدة | تاريخ التسجيل: أبريل 2008
|