مرسله في
بدر حبيبي ترا مو شرط الأفلام الي اشوفها تعجبك عادي. في فيلم يمكن يكون عندك التوب من بين الأفلام وشخص ثاني يعتبره بأسفل السافلين. المسألة لها علاقة برؤية الشخص نفسه.. ف عادي
فيلم ديانا جيد فقط ويمكن أقل مش من أفضل أدوار ناعومي ولامن أفضل أفلامها الفيلم كقصة حب الواحد يتقبله أما كـفيلم بيوغرافي لليدي ديانا ...
واضح وواضح جداً أن العائلة الملكية الي صفتها طيبتها وعاطفيتها الزايدة وتعاملها الغير مدروس مع الصحافة ضروها كثير
+ ناعومي طالعة تجنن بلوك ديانا لابق عليها كثير
---
فيلم جوبز أحلى من الي فوق ،أشوف الحلقة الأضعف بالفيلم التمثيل للأسف آشتون كانت فرصة له يثبت نفسه بهالفيلم بس طلع بأداء ضعيف بنسبة لي مو ثوبه المفروض صُناع الفيلم يهتمو بأداء أكثر من ألشكل أو الشبه وأختارو واحد تاني
طويل وممل وما حبيته والتريلر غرني حسيته مسلسل أكثر من كونه فيلم وتمثل فيه عايدة استاذة التمثيل في ستارك الموسم الأول والثاني ومبدعة بالدور عدددل.
==========
أباوت تايم
طويل شوي.. بايخ أول نص ساعة بعدين يحلو. والقصة باختصار أب يصارح ابنه انه يقدر يعود بالزمن الى ورا ويعدل اوضاع معينة بحياته علشان لا يطيح في مواقف محرجة وكل الي عليه انه يدخل داخل الخزانة ويغمض عيونه ويذكر الموقف ويلقى نفسه الزمن رجع فيه للموقف الي يبيه ويعدل فيه. حبيت الفيلم وايد الصراحة ويستاهل المتابعة
==========
ذا آتاك ( فيلم فلسطيني )
الفيلم أغلب الحوارات بالعبرية ومافهمت شي منه الصراحة والقصة باختصار طبيب فلسطيني عايش في اسرائيل واسمه أمين وهو مسلم ومتزوج فلسطينية مسيحية وعايشين مع بعض. وقت تكريمه كأفضل دكتور زوجته راحت تفجر نفسها في أحد الأماكن الحيوية في اسرائيل وبعدها يعتقلونه السلطان الاسرائلية ويروح " نابلس " حتى يعرف منو الي أقنع زوجته بانها تفجر نفسها. كنت أطوف بالفيلم لأني حيل تنرفزت مافيه ترجمة ولا شي كأني أطرش بالزفة. بس كقصة أوكي مو قوية وايد..
=============
جاكاس جراندبا
مضحك بس صار ويهي قد الكاب كيك وانا أشوفه مع اخوي والسبب فيه لقطات حيل حيل حيل محرجة ووصخة وانقص ويهي. ( انا وأخوي ما نشوف لقطات جذي خخخخ ) بس حلو وهو شبيه بسلسلة أفلام جاكاس.. وأغلب مشاهد هالفيلم تكون حركات محرجة يسويها الجد مع الناس. وبنهاية الفيلم عند عرض تتر الأسماء يحطون كل لقطة سووها وبعدها يقولون للناس انه تمثيل مو صج.. حلو بس نصيحة لا تشوفونه الا بروحكم..
===============
سايرب
ويع فيلم فاشل وما حبيته واحس مسوينه حق فئة معينة من الناس. الفيلم عبارة عن شاب وفتاة يبون يسوون مشروب للطاقة ف يقعدون يفكرون بأسم وشكل يجذب الناس وكل القصة تدور حولها ونظام اجتماعات وشركات وارباح. التريلر خدعني. فيلم أفشل من الفشل..
=============
البرنسيسة ( فيلم مصري )
بطولة علا غانم مسوية اسنانها تبييض لكن فيه سواد من كثر ما تدخن شيشة وصوتها صاير خشن حتى صوتي انعم من صوتها لول. الفيلم مدته 1:30 دقيقة و 70% من مشاهد الفيلم رقص وأغاني شعبية وكبريهات ويع أكره جذي. القصة باختصار بنت فقيرة تنحاش من أهلها وتروح السكة الغلط وتشتغل في الدعارة بعدها تشتغل رقاصة في احد الكبريهات وتحب صاحب الكباريه ويموت وتورث فلوسه وتصير البرنسيسة. وبنت صاحب الكباريه تنتقم بالاخير وتاخذ حقها وتقطها في السجن. وهذي هي القصة. ماحبيت الفيلم أبدًا..