هههههه ومين سمعكم صرت شايف الفيلم 6 مرات للحين هبلني الفيلم بس بصراحة عطاني شحنة امتاع وسحر تكفيني لين ما يطلع تانجلد السنة الجاي واو واو واو روعة روعة وانا كمان معلق على اغنية نيو اورلينز اللي فالاخر مافي غير اعيد وازيد بهلمشهد الموكب يجنن ياريت اتزوج بموكب مثل هذا شارلوت تفطس ضحك هي وماما اودي هسترت عليها اليوم من الضحك قال قاعدين يكلموها بعدين تنام على نفسها بعدين تصحى وتنادي على جوجو مافي غير اعيد بهلمشهد الحقوني الفيلم لحس عقلي ماعدت افكر بشي الا فيه
ميرسي ميرسي ميرسي كثير روح ديزني شكراااااااااا انت تجنن انت مبدع انت فنان مدري ايش اقولك م يرسييييي
[ أبريل 20, 2010, 12:08 AM: تم تحرير المشاركه من قبل: Wasim Abdul Hamid ]
مرسله في
مش قصة مبدأ العين بالعين والسن بالسن .. انا ما بأامن بهالمتل .. وبأامن انو التسامح والمحبة والسلام هو الهدف الاساسي من خلق البشر مش الحروب والمشاكل يلي بتاخد لون ديني او طائفي او عرقي او اقليمي ومناطقي.. لو شي مرة منحط حالنا مكان عدونا .. ساعتا رح نحبو ونسامحو ونتفهمو.. طيب.. هلأ في ناس بدن يقولو.. هالمجنون علي شو عم يحكي؟ وشو الو دخل هالحكي بأفلام ديزني.. طيب هيدا حقكن الطبيعي .. بس أخي الدب هو مدرسة بالانسانية .. هو قمة بالتفكير العميق جدا.. هو نظرة ورؤية مختلفة جدا ليلي منشوفو يوميا بحياتنا الطبيعية.. هو فلسفة بالتفهم مش الثأر
بفيلم اخي الدب, كناي ما نقتل متل ما قتل والدة كودا ! كناي عاش حياة والدة كودا وعرف شو يعني انو يكون دب , يعني عاش حياة ومعاناة عدوه! واكيد مطاردة خيو الو هو خير دليل .. يعني تعلم الدرس وندم وعرف انو القتل والتعذيب وحتى ولو كان لحيوان عدو وخطر وبيسرق السمك وبخرب السلة .. عرف انو القتل ما بوصل لنتيجة والتعذيب لا يجوز حتى لو للأعداء !! كناي كان بيعرف انو قتل الدب !! مش رح يعمل منو راجل!! وانو اذا قتلو لهالدب ما بكون حل مشكلتو واكيد سيدكا ما رح يرجع من الموت اذا قتل الدب.. و بس تحول لدب شاف حكمة جديدة وتعلم انو القتل والتعجرف والتهور والاستهزاء ما بوصلو لنتيجة ابدا !! وانو الثأر كل عمرو كان مضر بصاحبو والحقد ما بجيب الويل الا ليلي بيحملو بقلبو !!
طيب.. كمان في البعض رح يتفاجأ وما رح يفهم كلامي التالي.. بس رح حاول قدر الامكان وصلكن الفكرة وليش ربطت اخي الدب بالقصة يلي رح احكيها هلأ..
انا من النوع يلي بقرف من الحيوانات (ما عدا اللاما لول) ما بحب الحيوانات ابدا بس اكيد ما بحب عذبن وائذيهن.. وحتى اوقات لما شوف خروف او دجاجة عم تندبح ولو هالشي حلال .. بتعذب وفي كتير مرات بكيت بس كنت شوف هيك مناظر..
انا من عائلة مهووسة مجنونة ابا عن جد (يعني والدي وجدي وجد والدي) , عائلة مهووسة ومجنونة بشي اسمو صيد الطيور !!! ومن وقت جد والدي لليوم , بعدن افراد عائلتي بروحو الاف الكيلومترات عالحدود التركية السورية حتى بتصيدو العديد من انواع الطيور.. وانا بحياتي كلها ما كنت أاكل من لحم هالطيور واقرف وقول لأهلي انتو بلا قلب .. انتو مجرمين وربنا بدو يعذبكن.. لانو عم تقتلو طيور بريئة .. يمكن من بين هالطيور يكون في أم عم تربي فراخها وانتو حرمتوهن من امهن..
بحياتي كلها ما حملت بارودة رغم انو عندي 10 بواريد بالبيت بس بحياتي كلها ما بعرف كيف حط رصاصة بالبارودة لاني ما بحب الصيد !! بكره الصيد !!
عندي أخ لالي بحب يتصيد الطيور شو ما كان نوعا.. وما بياكلن وبكبن بالزبالة !! طيب يا حبيبي انت ليش بتعمل هيك؟ مش حرام عليك؟ مع مين عم حكي!؟!
انا اهلي بقولو عني مجنون, مش من هالعيلة ! ومريض و مفصوم لوووووووووول , لان كل عيلتي مهووسة بالصيد الا انا, حتى ابن خيي يلي عمرو سنيتن مجنووووووووون بالصيد...
طيب, من شي شهرين , رجعو اخوتي التنين والوالد وعمي من رحلة صيد دامت يومين عالحدود التركية السورية.. وجايبين معن بطة , عملولا فخ وقدرو يمسكوها .. وكل الطريق من الحدود التركية للبيت ( شي 24 ساعة سواقة!!) حاطين هالبطة بكيس نيلن !! قطعولا جوانحا حتى ما تقدر تطير!! وتاركينا بالكيس بلا اكل وبلا مي وحارمين عنها الهوا .. يعني لو للعدو الاسرائيلي ما بيتعامل بهالطريقة.. وصلو الشباب عالبيت, وطبعا !! لما يوصلو الابطال!! من رحلة الاكتشاف العظيمة!! لازم كل العيلة تجي تشوف الكنوز !! يلي جايبينا !! ومن بين هالكنز العظيم والانجاز الكبير !! هالبطة المسكينة !! وصارو يحكولنا كيف عذبوها هيك بكل اعصاب باردة!! وطبعا البيت كان مليان وهالبطة المسكينة عم تبرم بالزوايا حتى تلاقي مكان تهرب منو وجائعة وبدا تاكل وقطعولا جوانحا.. وكان في ضجة كتير بالبيت و والدتي فقدت اعصابا !! جنت !! شو عملت المحروسة ؟؟؟؟ مسكت البطة بأيدها وكبتها من الشباك بكل قلب بارد !!! طيب, شو بعمل ؟؟ ببكي؟ بسب للمجتمع والعادات والتقاليد والاديان والاخلاق وللمشاعر والاحاسيس؟؟ قلت لوالدتي الاسرائيليين ما عملو هيك !! ورحت عغرفتي وقلبي عم يدمع على هالبطة المسكينة!! بينزل عمي ليشوف البطة و بيمسكا وبيذبحا , قال شو هيدا الذكي؟ حرام بلا ما تتعذب !!! ويلي بضحكني (ببكيني) قال مسكو البطة كرمال ابن خيي الصغير حتى يشوفا وينبسط ويتسلى فيها !!
أنا بلحظة غضب واشمئزاز من يلي شفتو, تمنيت لو وهالعيلة كلها ومن بينن امي انن يتحولو لبطة بس لخمس دقايق ويعيشو العذاب يلي عاشتو هالبطة المسكينة, يعني بنفس طريقة كناي يلي تحول لدب وعرف وتعلم انو التعذيب مش حلو ابدا ولو منعيش مكان يلي عم نعذبو رح نندم ونصلح غلطنا وما رح نئذي غيرنا بيوم من الايام.. طبعا, هالقصة يلي حكيتا ما كتير بتشبه قصة اخي الدب, بس في كتير اوجه شبه بيناتن!! واكيد انا بطبعي انساني جدا وافلام ديزني زادت من انسانيتي, يعني لما بوكاهنتس بتقول للملك المتعجرف, ده حيوان غلبان !! ده تعذيب!! وكانت خربت السلام وخربت بيتها وبس لانها انسانية رفضت السكوت.. فأنا من عشاق هيدا المشهد.. وبزيد من انسانيتي.. ديزني برأيي, اول شي افكار ومشاعر ومعاني انسانية وفلسفة عميقة ما بيفهما الغبي يلي بقول ديزني وتوم اند جيري رسوم متحركة وبحطن بنفس المكانة, وبعدين بتجي المغامرة والدبلجة وطريقة الرسم .. وطبعا, العديد من الناس رح يقولو عني هيدا الصبي مش طبيعي .. مش مهم !! انا فاهم نفسي منيح وبعرف شو بدي من الحياة.. انا مش قديس انا انسان : لحم ودم ومشاعر!! يعني غريزة و روح !! شيطان وملاك!!
ف, من بعد قصة البطة مباشرة, كنت حابب فش خلقي لاني كنت كتير زعلان.. واكيد مش لحدا من اصحابي المخابيل يلي كل همن الاكل والصبايا.. حدا تفكيرو قريب شوي لتفكيري, حدا اذا حكيتلو عن الالم يلي عشتو يقدر يفهمني وما يضحك عليي وما يقلي علي !! هيدا حيوان مش أكتر !! واكيد ومن دون شك دغري فكرت بناصر وحكيتو وكتير رتحت..!! اخواني بالموضوع بعتذر منكن فردا فردا على هالرد الطويل وبعتذر من كل قلبي لاني حكيت شي خارج الموضوع.. ويعطيكن الف عافية .
المشاركات: 122 | تاريخ التسجيل: أغسطس 2008
|
فعلاُ عشت معاك في قصة و لا قصص الافلام حبيت وايد انك تعيش مع عائلة صيد وأنت ضد هالشي مب المفروض الواحد يكون نسخة من عائلته أو أخوانه ..
مثلاُ أنا أبوي عنده دورات هندسة و ما قدر يكمل في الجامعة واكتفى بدورات في الهندسة العامة و أثنين من أخواتي بالهندسة ولما تخرجت من الثانوية طلبو مني أدخل الهندسة أو الطب لان أبوك في الهندسة و أنا ميولي أبداً مب صوب الهندسة
حبيت سردك لقصتك ولو ان اللهجة اللبنانية كانت شوية صعبة لكن فهمت كل كلمة كتبتها حبيت الكفاح الي تعيشه لمجرد انك مختلف و دايما المختلف يهاجم
يو لاتذكرني بالضحكة طحت بالارض من الضحك يوم ماسمعتها حسيت نفسي بشارع الهرم بمصر هههههه يخرب بيتها مابتتزوج الا مايكون امير انت شوف بالاول لما تخش المطعم على تيانا كيف تتكلم و حركاتها ولا لما تطيح تيانا بالحفلة وتروح مع شارلوت تلبس الفستان اخر شي شارلوت تقول يلا نرجع للشغل شوف كيف تقولها