Zak ما كنت متوقعة ميليسندرا تروح للاخوة ، بس كنت اشوفه عادي يعني ما حسيت في شي غلط بس بعد كلامك جد حسيت انهم لخبطوه ، اساسا كان بيطلع الموضوع اسهل واكثر منطقية لو عملوه مثل ماهو خصوصا ان الباسترد الثاني موجود في دراغونستون وصديق لبنت ستانيس ، بس يمكن كانوا حابين يطولون السالفة خخ ، ويسوون رابط بين هالشخصيات - ميليسندرا ، الاخوة ، وآريا -
روب ، شكلهم فعلا مستقصدين يكرهونا فيه ،وإذا كان صحيح ، فأكيد في سبب ورا هالشي روب شخص عاطفي ، وهالشي له سلبيات مثل ما له ايجابيات ، خصوصا اذا كان تحت ظروف معينة - مثل الحروب وما شابه - ، لكن رغم ان اوضاعه احيانا تنرفز ، بس ما وصلت لدرجة إني اكرهه
رد مقتبس:المضحك في القصه ، ان فاريس ما عاد يحس بالوحده في ويستريس بعد الي صار مع ثيون خخخ
جا فبالي وقتها فاريس خخخ بس فاريس خلاص تأقلم مع الوضع ، ثيون احسه بيتعقد خخ
-
رد مقتبس:بتزكر حلقة موته حردت وبطلت كمل المسلسل من القهر
هالمشهد لآخر لحظة كان عندي امل ان يصير شي وما يتم قطع رأسه ، جد ضاق خلقي يومها
رد مقتبس:مارتن تيس يقول هذي قصته يبي ينهيها ع مزاجه
بالعكس احسن كل شي يطلع من راسه بدون ما يتأثر بآراء الفانز ، والله يطول بعمره خخخ ، وينهي القصة مرة قريت انه قال لكم شخص عن كيف حاب تكون النهاية ، في حال ما قدر يكمل لا سمح الله ، بس مادري عن مدى صحه هالشي ، بس اتمنى يكون صحيح وان شاء الله ناوية ابتدي في قراءة الكتب في العطلة ،
رد مقتبس:أخيرا لقيت أحد يحب جون سنو غيري
تطمني انجي ، في وايد ناس يحبونه خخخ انا ما يقهروني الا اللي يحطون صوره مع صور دينيريس ان يعني الثلج والنار وجذي خخ ،
--------------------
المشاركات: 3139 | من: Bahrain | تاريخ التسجيل: أكتوبر 2010
|
رد مقتبس: بس يمكن كانوا حابين يطولون السالفة خخ ، ويسوون رابط بين هالشخصيات
هذاكي قلتيها و جبتيها من الاخر بس يبون يمطون بالقصه و يعملوا ربط خاصه ان ديانه مليساندرا هي نفسها ديانه ثورس اوف مير - r'hllor / اله النور - و هي تقريبا الدستور السياسي خخخ الي ماشيين عليه جماعه الاخوه بدون رايه
رد مقتبس: بس فاريس خلاص تأقلم مع الوضع
اما عاد تآقلم خخخ بس نظريتك صحيحة ، فاريس تم له هالشي هو صغير يعني كان لسه ما اكتشف فايدة شسمه خخخ و دواعي استعماله ، عكس ثيون الي مقطع السمكه و ذيلها و اصلن سمعته في ويستروس سابقته ، كانسان شهواني بشكل مفرط
رد مقتبس: مرة قريت انه قال لكم شخص عن كيف حاب تكون النهاية ، في حال ما قدر يكمل لا سمح الله ، بس مادري عن مدى صحه هالشي ، بس اتمنى يكون صحيح وان شاء الله ناوية ابتدي في قراءة الكتب في العطلة ،
اتذكر اني شفت لقاء له ، يقول شي من هالقبيل ، انه في حال اذا توفى ، عاطي تعليماته للمشرفين ع المسلسل كيف يمروا ل plan b ، بس هالشي ما يعني انها version الي ممكن ينهي بها كتبه اما الكتب ، صحيح اوقات فيها ملل يغث خصوصا الكتاب الثاني - بعض شابترز حرب النيرا او حتى بدايه كل كتاب - الا انها ممتعه اكثر من التلفزيون بتفاصيلها و شخصياتها الكسيره و الملونه
رد مقتبس: ان يعني الثلج والنار وجذي خخ ،
نفسي والله ، بس اذا تجيين للحق ، من خلال بعض clues الي في الكتب ، الواحد يحس ان في تقاطع ممكن بيصير بينهم خصوصا مع غياب تفاصيل عن الباك ستوري الي تخص ماضي جنو سنو - ولادته و شهوره الأولى -
[ مايو 28, 2013, 04:25 AM: تم تحرير المشاركه من قبل: ´Zak ]
مرسله في
دايما جرعه الدراما تكون زايده في الحلقه التاسعه من كل سيزن ، بس هذي غطت عليهم بمراحل ، قدر اقول انها افضل حلقه في المسلسل للان صحيح ان الكتاب اوقات عليهم حركات جمبازيه في تغيير الاحداث ، الا انهم دايما بيبيضوها في المشاهد الايقونيه الي عليها الانتظار من فانز الكتب زي the red wedding يعني قد ما كان التخيل حلو بس التنفيذ التلفزيوني كان مجنون بمعنى الكلمه - ميشيل فيرلي اتعب و انا اقول ابدعت فهالحلقه ، تستحق ترشيح من الايمي عن هالحلقه بشكل خاص اتذكر اني لما وصلت للشابتر الي بتصير فيها هالمفاجعات ، بالتحديد لما ابتدى عزف اغنيه اللانسترز الشهيره - رينز اوف كاستمر - قلبي انقبض خخخ هالاغنيه ما تنعزف الا بالشديد القوي لول ، صرت اقرى بقيه الصفحات الي بعد بسرعه لحد ما وصلت للفاجعة و تقريبا هالشي وصلتي لي اياه بشكل اكثر من رائع ميشيل فيرلي بملامحها لما ابتدت المعزوفه ما ابغى احرق عليكم الاحداث لو اني نفسي خخخ ، بس تقريبا هيكليه اخر حلقتين من هالسيزن بتكون على غرار باخر حلقتين من اول موسم - في 109 كان حدث اعدام نيد ستارك و 110 ولاده التنانين -
[ يونيو 03, 2013, 08:27 PM: تم تحرير المشاركه من قبل: ´Zak ]
مرسله في
إلهام شاهين هههههههههههههههههههههههههههههههههههههههههههههههههههههههه فرق فرق وشوف شلون انصدمت كات .. شي فخم مب لوك الصدمة حق نادية الجندي ههه الحلقة صدمة امس بالفراش كنت أفكر فيها ماقدرت أنام من زمان ما صار معاي جذي مع مسلسل ... والتويتات بعد الحلقة عجيبة وتضخك الكل منصدم واللي قارين الكتاب كانوا يتشمتون فينا ههه شوفوا هالتويت What I just witnessed on #gameofthrones hurts more than when my parents got divorced. My therapist and I have a whole new set of issues بس للحين مقدر أتخيل المسلسل بدون كات بالذات ,, شخصية مهمة ومؤثرة وشي يعور القلب إنه بنتها أريا كانت قريبه من مكان الزفت الريد ودنق بس ماشافتها .. وقريت إنه زوجة روب ماتموت بالكتاب بس المؤولفين حبوا يخلون النهاية تراجيدية وكل شي ينتهي فعشان جذي ذبحوا شخصيتها ... الحلقة تذبح وللحين متضايق اوووف نظرة روب لأمه آخر شي وصرخة كات كات الطيبة الحنونة ذبحت طفلة عشان تنقذ ولدها .. تفووو عليكم وعلى اللي خلفوكم يالانسترز من أكبركم لصغركم تفوووو
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
مرسله في
بالنسبه لموضوع فانز المسلسل و فانز الكتب ، اكثر شي ضحكني فيديو لمجموعه فانز قاعدين يحضروا الحلقه سوا و ردات فعلهم ع مشهد الريد ويدينغ lol http://youtu.be/D9yaY1gRQgQ - البنت الي قاريه الكتب ، انواع تبلد المشاعر خخ ميته من جوا من ورا صدمات الكتب خخخ -
بالنسبه لزوجة روب بالاساس كثير محرفين من قصتها ، اول شي اسمها و عيلتها الخ ، بالكتب هي ظلت في riverrun مع عم كات ، الي هو كمان ما كان معهم في الزواج المراد من المجزره الي صارت ، الانتقام من روب ستارك بسبب كسره لحلفه ، كمان لاسباب ثانيه تتوضح في الحلقه الي جايه او السيزن القادم اما اغثيال كات في الكتب فما كا مخطط له ، هي الي جابت البلى لنفسها ، لما انقتل روب جتها حاله هيسترية و قعدت تصارخ و تندب ع بالها بقتلهم لروب قتلوا اخر ابناءها ع اساسا ان بران ، ريكون و اريا ميتين و سانسا بزواجها من ثيرون بتصير لانستر - فما خلت حل للفرايز الا يذبحوها حتى يفتكوا من صداعها عموما متحمس للحلقه الاخيره عنوانها mysha تعني mother ب high valyrian اخر مشهدين اظن بيكونوا بالشق الخاص بدينيريس المتخصصه في انهاء المواسم و يمكن - cliffhanger - يكون بالشي المتعلق بتوابع الي صار في twins
[ يونيو 04, 2013, 01:06 AM: تم تحرير المشاركه من قبل: ´Zak ]
مرسله في
هههههههههههههههههههههههههههههههههههههههههههه شلون تبتسم الجلبه بخباثة جنها تقول حسوا باللي حسيت فيه هههههههه ..الفانز يقولون في شخصية مهمةيمكن بتموت في الحلقة الجاية ,, لا يذبحون دينيريس
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|