منتــدى الســالميــه: Once Upon a Time

الموضوع مغلق

»	منتــدى الســالميــه » القسم الـفـنـي » ســـاحــة الفـــن الغـــربــــي » Once Upon a Time — Season 3 (الصفحه 12)

إرسال هذه الصفحه لصديق!

الموضوع متكون من صفحات: 1 2 3 ... 9 10 11 12 13 14 15 ... 36 37 38

الكاتب

الموضوع: Once Upon a Time — Season 3

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

المشاركات: 27170 | من: ~ NeverlanD ~ | تاريخ التسجيل: يوليو 2002 |

أرسل ملاحظه لمشرف الساحه عن هذه المشاركه

.... Amr ALi ....
عضو متميز
رقم العضويه 26891

This user is from Egypt

مرسله في

ميغسي عاللينكات بس انا مخلص لاي زيد تي في [Big Grin]

الولد هنري شكلو بقا وحش وملامحو اتغيرت

--------------------

اللهم احسن خاتمتنا

المشاركات: 23847 | من: مصر | تاريخ التسجيل: أبريل 2005 |

.... Amr ALi ....
عضو متميز
رقم العضويه 26891

This user is from Egypt

مرسله في

رد مقتبس:
المرسل الأصلي هو [ L.O.V.E.R ]:

عمرووو

يعني فرقت الحين .. ماطاح الا انبطح .. كل الطرق تؤدي الى روما

انا حطيت توقعي .. اتوقع ابو رامبل

الا اذا بيفاجئونا ويخلون اللي داخل الصندوق تينكر بيل!!

وهو رامبل اختفى امتى ؟؟؟ ماهو موجود معاهم ازاي يبقا بالصندوق ؟

--------------------

اللهم احسن خاتمتنا

المشاركات: 23847 | من: مصر | تاريخ التسجيل: أبريل 2005 |

iDoc
دكتور السالمية
رقم العضويه 74592

This user is from Canada

مرسله في

رد مقتبس:
المرسل الأصلي هو [ L.O.V.E.R ]:

بخصوص ارسولا ترى كانت موجودة امامنا طول الوقت بقاعة رقص الامير ايرك

ماخذت بالي الا بعدين

وبخصوص قاعة رقص الامير اريك .. فيها تشابه فظيع من قاعة رقص الامير هينري اللي شفناها بحلقة كورا

WTF

يخرب بيتك كيف أنتبهت لها

-------------

الصندوق مدري ليش توقعت بالأول أنه إريل حابسها بان
بعدين مو طلعت
المهم في حد مهم جدا حابسينه

--------------------

المشاركات: 47828 | تاريخ التسجيل: أكتوبر 2006 |

.... Amr ALi ....
عضو متميز
رقم العضويه 26891

This user is from Egypt

مرسله في

انا اعتقد ان بان نفسه هو المحبوس في القفص وان اللي موجود ده ظله مثلا وانفصل عنه واتمرد عليه وعمل كل البلاوي دي

--------------------

اللهم احسن خاتمتنا

المشاركات: 23847 | من: مصر | تاريخ التسجيل: أبريل 2005 |

HolyAngemon
عضو متميز
رقم العضويه 89162

This user is from Norway

مرسله في

ترجمة الحلقة 7

http://subscene.com/subtitles/once-upon-a-time-third-season/arabic/816827

متوافقة مع:

Once.Upon.a.Time.S03E07.720p.HDTV.X264-DIMENSION

Once.Upon.a.Time.S03E07.HDTV.x264-LOL

بقلم المبدع علي رمضان

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

iDoc
دكتور السالمية
رقم العضويه 74592

This user is from Canada

مرسله في

كل ما أقول wow حلقة قوية أشوف دعاية الأسبوع الجاي تطلع ألعن منها [heartpump]

وأخيرا عرفنا منو المحبوس بالقفص بس مدري ويندي شخصية ديزنية او لأ أول مرة أسمع فيها

[ نوفمبر 13, 2013, 04:24 AM: تم تحرير المشاركه من قبل: [ L.O.V.E.R ] ]

--------------------

المشاركات: 47828 | تاريخ التسجيل: أكتوبر 2006 |

HolyAngemon
عضو متميز
رقم العضويه 89162

This user is from Norway

مرسله في

معليش غبت عن الموضوع الفتره الماضية و امس شفت الحلقات 4 و 5 6 7 سحبه وحده [eyelove]

ايه ده كلو ايه ده كلو [nut]

المسلسل ماشي بشكل حلو جدا و من غير اي ملل و كل حلقه احلى من اللي قبلها

و الحين بدا الصراع على حقيقته مع بيتربان [worried]

باخذ لفه سريعه عالحلقات اللي ما تكلمت عنها

الحلقة الثالثه

من أروع الحلقات بوانس كله من اول سيزن للحين و كنت ناطرها من اول عرفت انه بيكون في حلقة لتنه و رنه [heartpump]

ما توقعت انه حتى تنه ماسلمت من شر ريجينا [rofl]

المسكينه كسرت خاطري كيف كانت حابه تساعدها

بس ريجينا فشلتها و خسرتها انها تكون حورية و خلتها تتنفي من عالم الحوريات [Frown]

شخصيتها نفسسس شخصية تينك بالظبط متمرده و عنيده و اللي تبيه بتسويه [Big Grin]

مشهد مواجهه ريجينا و تينك بنيفرلاند كان رهيييب و حبيت لما خلتها تسحب قلبها و قالتلها يلا موتيني و انتقمي

بس بكل ذكاء قدرت تلعب فيها ريجي و تلين قلبها [Big Grin]

الحلقة كانت روعه

.....................

الحلقة الرابعة

مسكين رامبل كيف حاب يعوض النقص و الجبن اللي عنده بالقوه و بنفس الوقت يبي يحافظ و يسعد ابنه اللي كان تعيس بسبب هالشي

كسر خاطري لما اختفى من قدام بيتربان و واجهه بيلفاير بالبيت و قاله ليش ما قبلت بالصفقه ؟

كنت رح ارجع معك البيت بس مشكلتك انك ما تثق فيني

حسيت رامبل بهاللحظه متمني بس الارض تنشق و تبلعه او الوقت يرجع و يقبل بعرض بان و يكسب ابنه

بس لانه عارف نفسه و خايف من رفض بلفاير له [Frown]

لقاء نيل و رامبل بنيفرلاند [worried]

لا و اخر شي قال صدق انه يبي يقتل هينري و راح ساب ابوه

اكرهه اكرررهه مليق مليييييق [crying]

على فكره الممثل اللي يمثل بيتربان مبددددع

في اوقات جد اخاف منه احسه فعلا يخرع لول طريقه كلامه انفعالاته تعابير وجهه

مبدع [heartpump]

............

الحلقة الخامسة

حلقة هوك كانت رووووووعه

اخيرا عرفت شلون طارت سفينه الكابتن هوك لارض الأحلام [Big Grin]

بيجاسوس

و ان شالله يتطرقون لهرقل بعد بالمستقبل

تأثرت بقصه هوك مع اخوه و كيف مات [Frown]

الاخ مصدقلي الملك حقه و كأنه الله استغفرالله العظيم

و سماجه تشارمينج هو و جرحه و ثقاله دمه يا الهي

ليش كذا صاير مليق بهالسيزن ؟ ما كان كذا .. ماعدت طايق وجوده اففف

و مخبي عليهم و مسوي سالفه و مدري شو خف علينا انت و الدراما حقك

حبيت لما مسكو ولد من الأولاد التايهين و ايما مسكت سنوو عشان تخلي ريجينا تطلع قلبه و تستخدمه [Razz]

الشر لابد منه لول

قبله ايما و هوك كانت ساخنه [nut]

مدري ليش اول شي خطر على بالي و تذكرت قبله كورا و رامبل المقرفه السيزن الماضي [crazy]

ياريت ايما تسحب على نيل و تحب هوك [heartpump]

اتفق مع ناصر و اشوفهم الثنين ثنائي احلى من زفت الطين نيل شيله تشيله

..............

الحلقة السادسة

حلقة ارييييل [eyelove]

من اروع الحلقاااااات من قلب 3> و اخيرااا الحلقة المنتظرة

الممثله مبددددعه كيوت و خفيفه عالقلب بشكل [heartpump]

اكيد مافي مثل اريل ديزني [Razz]

بس حبيتها كثير و فيها نفس الطموح و الحماس و الجنون اللي بأريل الحقيقية

و اللي حبيته انها ما كانت انانية بعد ما اكتشفت انها انخدعت من ريجينا و ساعدت سنو تهرب و رجعتلها رجولها

اما ريجينا و سالفه ارسولا فقعت عليها ضحك [Eek!]

مــبــدعــه

مش طبيعية كيف كانت تقلد ارسولا اللي بديزني لوووول

و فعلا اخيرا طلعت حرتها و مثلت ارسولا ولو انها مش الحقيقية بس المهم انها طلعت اللي فيها خخخ

و حبيت بعد كيف ريجينا كشفت ظل بيتربان اللي يظل يتجسد لرامبل عل هيئه بيل و يلعب براسه

و اخيرا توحدو مع بعض و بدو الخطه بالقضاء على بان

مشهد كهف الصدى اللي كان محبوس فيه نيل كان رهيييب و كيف كل واحد صار يفشي بأسراره و الكهف يفتح جسر لنيل مع كل سر

كان مشهد روعه و نفس الشي حبيت بعد مشهد اريل لما توصل لأريك اخر شي و فجأه تكتشف انه صوتها راح [Frown]

كانت من احلى حلقات السيزن للحين هي و حلقه هوك و تنه و رنه

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

HolyAngemon
عضو متميز
رقم العضويه 89162

This user is from Norway

مرسله في

الحلقة السابعة [heartpump]

اللي ما شافها ***سـبـويلـر***

حلقه حماسية من اولها لاخرها [eyelove]

زمان عن ستوري بروك و جو الحماس و الترصد و الخطف [Big Grin]

بيل هذي اول مره ابلعها و مو بس ابلعها حبيتها بعد [Razz]

يا حليلها صارت الكل بالكل بستوري بروك و مع ذلك حاسه انها مالها فايده و كانت حابه تساعد رامبل و الشله بانقاذ هنري

مشهد القاء لعنه الأخفاء كان روعه و خصوصا الغرباء الجدد اللي كانو جايين المدينة

قلت انا ايوااا رجعنا لسالفه اتباع بان تمارا و زفت و مدري من ناقصين احنا بعد

بس الصدمة كانت اخر شي لما اكتشفنا انهم مايكل و جون ماغيرهم اخوات ويندي [Eek!]

و عالجانب الأخر اخيرا عرفنا مين اللي كان محتجر بالصندوق عند بيتربان

ويندي دارلينغ بنفسها [Eek!]

و الأخ بان قاعد يستخدمها كطعم عشان يتسغل هينري و ينفذ له اللي يبيه

حبيت المشهد لما بيل تدور عالشي اللي محتاجه رامبل عشان يتغلب على بان و اخر شي تذكرت تشب الفنجان [heartpump]

و تنه و رنه رجعت للعبه ورح تساعدهم الحين بعد ما مسكو ظل بيتر اللي هو وسيله خروجهم من نيفرلاند

ابي اعرف شو الشي اللي يبيه بيتربان و الموجود بصخره الجمجمه ؟! [thinking]

و اللي محتاج هينري عشان يقدر ياخذه

لوول تذكرت علاء الدين و المصباح خخخ كهف العجايب كان محتاج شخص يكون جوهره في الوحل عشان يقدر يدخل جوا

كانت حلقة رهيبه و جاوبت على تساؤلات كثيرة و كانت مليانه مفاجأت [heartpump]

بانتظار الحلقة الثامنة [super]

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

HolyAngemon
عضو متميز
رقم العضويه 89162

This user is from Norway

مرسله في

رد مقتبس:
المرسل الأصلي هو [ L.O.V.E.R ]:

بخصوص ارسولا ترى كانت موجودة امامنا طول الوقت بقاعة رقص الامير ايرك

مانتبهت لها [Big Grin]

حبيت لول

بس تدرون لما ظهرت لريجينا اخر شي حسيتها مسخره و ذكرتني بملعونه اللي مسحو فيها الارض [crazy]

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

HolyAngemon
عضو متميز
رقم العضويه 89162

This user is from Norway

مرسله في

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

ماشاءالله متى كتبت هالردود وسيم [Eek!]

توني اشوفهم لول .. استمتعت فيهم مثل استمتاعي بحلقات وانس هالموسم [heartpump]

بخصوص رايي عن الحلقه السابعة

* حرق احداث *

اخيراً عرفنا شنو داخل الصندوق .. حسيت ان سالفة هالصندوق ماراح تعدي على خير!!

بس الله يهداه دوك حرق علي لول

قريت رده قبل لا اشوف الحلقه

فحطيت في بالي طول الوقت ان ويندي بتكون داخل ..

ولما ظهروا جون ومايكل عرفتهم على طول من شكل نظارات جون والفريم الاسود [Big Grin]

طبعاً دخولهم بمنتصف الاحداث كان رائع وغير متوقع بالمره

خلقوا خط جديد ومثير للمسلسل

بس السؤال هو كيف جون ومايكل مازالوا صغار بالسن بالرغم من انهم مولودين قبل 100 سنه؟

احتمال بيتر بان اخذهم مع ويندي وحبسهم بالنيفر لاند عشان كذا وقف النمو عندهم كل هالوقت

وقبل كم سنه بس اخرجهم من الجزيرة عشان يدمرون ستوري بروك!!

المهم التويست بهالحلقه كان سوبر رهيب

الشي الثاني اللي صج حبيته هو العوده لستوري برووووك [heartpump]

بس عورني قلبي لما شفت جدة ريد والاقزام وجيمني .. لهم وحشه والله [pleased]

واللي صج صج بديت احبها واستانس عليها .. اريل

هبله ومتفائلة ومسويه جو [Big Grin]

وبرافووو لريجينا انها نفذت وعدها وخلتها تتحول لانسانه وقت ماتحب .. تطور كبير بشخصيتها

وكلام سنوو لشارمنغ كان حده مؤثر

لما قالت له ليش ماعلمتني عن اصابتك؟ كنت مستعده اتخلى عن كل شي عشانك

مستعده ابني بيت على شجره بنفر لاند ..

واعيش ايامي الاخيره كلها وانا اتجنب سهام الاولاد التائهين المسمومه وانت جنبي

[heartpump]

احس شامرنغ أكل تبن من الزين بعد ماسمع كلامها لول

وعرفنا الحين ان الايام اللي قضوها الشله في نيفر لاند ماتعدت الخمس ايام .. طبعاً على حسبة ستوري بروك

وبخصوص اخر مشهد لما راحوا بيتر بان وهينري لصخرة الجمجمه

فعلاً حسيت مثل ماقال وسيم كأن الموضوع صاير مشابهه لجعفر لما اخذ علاء الدين لكهف العجائب

لانه مايدخل هالمكان الا الانسان اللي يخفي بداخله جوهره حقيقيه

وهينري نفس الشي

الحلقه كانت روعه ومليانه اجابات والغاز واحداث غير متوقعه

من حلقاتي المفضله لهالموسم [applause]

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

طبيعي

مراقب
رقم العضويه 11956

This user is from Kuwait

مرسله في

سوال عشان افهم المسلسل, هو كيف كل قصص ديزني فيه وهو مش انتاج ديزني ؟ والا انتاج ديزني وانا الي بس داش بالطوفة؟

المشاركات: 44721 | من: الـكـويـت | تاريخ التسجيل: أكتوبر 2003 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

بدر المسلسل من انتاج قناة abc

القناة اللي قدمت لنا ديسبريت هاوس وايفز ولوست وجريز اناتومي .. وهالقناة تملكها شركة ديزني

عشان كذا بنهاية كل حلقه تشوف شعار abc وشعار ديزني طالعين

فأي مسلسل تنتجه abc هو بالاساس يعتبر ملك لديزني بالنهاية

ومسلسل وانس مايتكلم عن افلام ديزني بالضبط

انما يتكلم عن ابطال القصص الخيالية المعروفه اللي تربينا على قصصهم من واحنا صغار

سواء بالكتب اللي كنا نقراها .. او المسرحيات اللي كنا نشوفهم فيها .. او من خلال الافلام والمسلسلات

مثل ليلى والذيب .. والجميلة والوحش .. وعلاء الدين .. وغيرهم

وتصادف هنا ان اغلب هالقصص الخيالية المشهوره سبق وان ديزني قامت بإنتاج افلام كارتونية عنهم

ونسخة ديزني لاغلب هالقصص لقت رواج اكثر من القصص الاصلية نفسها

فتم الاستعانه ببعض القصص الخيالية مثل ما ظهرت بالضبط من خلال افلام ديزني

مثلاً حورية البحر في القصة الاصلية للكاتب هانس كريستيان اندرسن ماكان عندها اسم اساساً

لكن ديزني لما حولت هالقصه لفيلم كارتوني سموها "أريل"

وبالتالي لما حبوا يستعرضون قصة حورية البحر بالمسلسل طلعوها باسم اريل مثل فيلم ديزني

وعشان تكون حركة حلوه منهم خلوها تشبه اريل بفيلم ديزني من ناحية الشكل ..

لون الشعر ولون الزعانف ولون الصدفات

منها ان هالحركه تكون تحيه منهم لافلام ديزني ومنها عشان الجمهور مايلقى صعوبه بالارتباط فيهم [Big Grin]

وبنفس الوقت يضيفون لمستهم الخاصة على هالقصص ويغيرون فيها شوي

لكن في وايد قصص مثلاً ماظهرت خير شر بأفلام ديزني .. وعادي تم استعراضها بالمسلسل

مثل قصة ليلى والذيب وفرانكشتاين وهانزل وجريتل

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

HolyAngemon
عضو متميز
رقم العضويه 89162

This user is from Norway

مرسله في

الحلقة نزلت

حددددي متحمسسس اشوفها اليوم [heartpump]

--------------------

♬♥ a h l a m ♬♥

•

• W.A.S_Signature •

المشاركات: 17682 | من: K.S.A | تاريخ التسجيل: فبراير 2010 |

الموضوع متكون من صفحات: 1 2 3 ... 9 10 11 12 13 14 15 ... 36 37 38

الموضوع مغلق

لطباعه هذا الموضوع

إتصل بنا | منتدى السالمية دوت نت

UBB.classic™ 6.7.1