ما شاء الله شايف التغطية ميتة هذا الموسم أتفق معاكم ان المسلسل مستواه قل عن المواسم الأولى بس مو للدرجة دي
المهم أنا الفترة اللي فاتت ما كنت أشارك في المنتدى حتى الفاينلي حق الموسم الرابع ما كتبت رأيي فيه
فخلوني أكتب رأيي فيه على السريع قبل ما أتكلم عن الموسم الحالي
------ حرق------
الفاينلي ما كان بنفس قوة الموسم الثالث بس برضه كان فيه حاجات ممتعة و حبيت إن إن هرجة أبطال و أشرار كانت خاصة بالفانيلي و ما طلعت محور أحداث الجزء الخامس زي ما أتوقعت " وقتها حيكون المسلسل فعلاً ممل "
بس أستمتعت و أنا أشوف قصص الشخصيات كلها معكوسة
سنووايت و هي الإيفل كوين تحفة
و لا شكل ريجينا و هي توقف قدام هينري لما رامبل كان حيقتله خخخ
بس النهاية فعلاً كانت صدمة و حركة جداً جداً عبقرية من كتاب المسلسل
و صارت عندنا مجموعة أسألة بعد ما خلص الموسم
إيما بعد ما صارت الدارك ون كيف حيرجعوها ؟ و إيش مصير رامبل ؟ و الساحر ميرلين إيش قصته ؟ و مين يكون أبو ليلي ؟
+
نجي للموسم الجديد
بالنسبة للإفتتاحية و أنا أشوفها وجهي صار كدة @.-
أول شي كاتبين التاريخ 1989 و فيلم السيف المغمور أصلاً نزل 1963 و ثاني شي خير إن شاء الله داخلين الفيلم على نهايته
و بكدة تكون عندنا 5 إفتتاحيات و ترتيبي لهم كالتالي
5 - إفتتاحية الموسم الخامس مافيها شي مميز غير سؤال مين دا اللي كان يكلم ايما في السينما و كأنه يعرف قصتها ؟ و بس
4- إفتتاحية الموسم الثاني إفتتاحية حلوة تخليك تسأل أنا فين دحين ؟ في الإنشانتيد فورست ولا في العالم الواقعي ؟
3- إفتتاحية الموسم الرابع إفتتاحية فروزونية 100٪ " وحشتني شخصيات فروزن في المسلسل ظهورهم كان حلو و ممتع جداً "
2- إفتتاحية الموسم الأول إفتتاحية كلاسيكية و تلخص قصة المسلسل في كم دقيقة
1- إفتتاحية الموسم الثالث إفتتاحيتي المفضلة بلا منازع ، ولادة هينري و النور يقطع أثناء الولادة و بعدين إيما تطالع فيه و تقول أنا ما أقدر أكون أم
نرجع للموسم الحالي
الحلقة الأولى كانت ممتعة جداً و ظهور مريدا كان عادي مافيه شي مميز و حركة إن خنجر الدارك ون هو عبارة عن جزء من السيف المغمور جداً عبقرية و نهاية الحلقة حلوة و تخليك تتسائل ايش اللي صار خلال الستة أسابيع اللي نسيوها الكل " و بعدين مع فقدانهم للذاكرة ؟ "
و إيما أبدعت في دور الشر
و بالنسبة لرامبل في نهاية الموسم الرابع قلنا أكيد ريجينا هي اللي حتوقف في وجه إيما بعد ما صارت الدارك ون طلع رامبل حيصير بطل و هو اللي حيوقف في وجه إيما برافو
أما آرثر شخصية كريهة و مستفزة ما حبيته لا و هو طيب ولا و هو شرير
و بالنسبة لميرلين مين الدارك ون المقنع اللي كان يواجهه قبل لا يتحول لشجرة ؟ و مين حبيبته اللي كان يتكلم عنها ؟
و في نهاية الحلقة اللي فاتت قال في رسالته دور على " نيماواي " و هي حتساعدكم
عندي إحساس انها هي حبيبته اللي كان يتكلم عنها
[ نوفمبر 07, 2015, 07:39 PM: تم تحرير المشاركه من قبل: Mazen Abdullah ]
--------------------
المشاركات: 635 | من: Disneyland | تاريخ التسجيل: يوليو 2011
|
الموضوع مغلق
إرسال هذه الصفحه لصديق!
لطباعه هذا الموضوع
![[Confused]](confused.gif)
![[worried]](graemlins/worried.gif)
![[rofl]](graemlins/rofl.gif)
![[Razz]](tongue.gif)
![[Big Grin]](biggrin.gif)
![[applause]](graemlins/applause.gif)
![[eyelove]](graemlins/eyelove.gif)
" وحشتني شخصيات فروزن في المسلسل ![[heartpump]](graemlins/heartpump.gif)
![[crying]](graemlins/crying.gif)
![[Embarrassed]](redface.gif)
"![[super]](graemlins/super.gif)
![[Mad]](mad.gif)
ما حبيته لا و هو طيب ولا و هو شرير 
![[nut]](graemlins/nut.gif)
![[Roll Eyes]](rolleyes.gif)
