انقطعت عن وسائل التواصل الأجتماعي امس لين حملت الحفل اتش دي و شفته
نيل مين حطه يا فرحه امك بيك دمك خفيف ياخويا ؟
هو بأول الحفل كان اوكي مسلك و حبيت الأفتتاحية الموسيقية و كان ماسك نفسه
بس بعد اول نص ساعة بدت السماجه و ثقل الدم تقطر منه و تشرشر و على نص الحفل صار يبي يخلص الحفل و بس
عيل يقط النكته و يضحك هو عليها لا أحلى شي يوم قط نكته اوبرا انها غنية و فلوسها اكثر من ارباح الأفلام المشاركة
ماحد فهم شيقصد قام يضحك مع نفسه و يشرح
الحفل كان باهت و لأول مره ابيه يخلص عشان اعرف من فاز و خلاص قمت اسوي forward
و اللي زاد من رتابة الحفل هو النتايج اللي الكل كان متوقعها ومافيها شي يصدم
كل النتايج على مزاجي ماعدا البيست بيكتشر و البيست اكترز باتريسيا الهي يترسونها زقاق و بول
مدري على أي اساس دورها يستاهل كل شي فيها فيييك كلامها فيك شكلها فيك تمثيلها فيك
فيس يتذكر لما تصيح بأخر الفيلم
لا بارك الله فيهم و فيها خرتيته النهر
و البيست بيكتشر
بيرد مان فيلم قوي و اخراج و سينماتوغرافي خرافي ماشفت مثله هالسنه بس بيست بيكتشر حرام فيه
مش عارف الفيلم ما ينتمي انه يكون بيست بيكتشر صح انه مافي فيلم ثاني خارق يتنافس معه بس بوي هود و بودابيست كانو احق منه
بوي هود فيلم نخبوي بحت و فيه دراما نظرة انسانية عميقة
بالأول الكل حولي سفلو فيه و انه فيلم ممل و تافه وما يستاهل كل هالضجه
بس لما شفته استمتعت فيه من أول ثانية لأخر ثانية
الفيلم يمس كل واحد فينا بكل مراحل حياته اللي تمر قدامه مثل الحلم و مايحس الا بأيامه تمشي
الفيلم وايد اثر فيني خصوصا اني امر بفترة حنين للماضي و اشياء كانت حولي و راحت
و الأخراج فيه بدعة وماحسيت بلحظه ملل و هالشي يدل على عبقرية المخرج اللي قدر يختصر لنا حياة ولد صغير لشاب بساعتين و نص
اللهم الفيلم فيه شويه ثغرات و اخطاء بس بشكل عام الفيلم يستاهل بيست بيكتشر و نفس الشي بودابيست
بيرد مان فيلم فلسفي بحت و الفيلم كله عبارة عن فكرة صغيرة تدور بالراس بس كفيلم ماشوفه ممتع ابدا بالعكس نعست و نمت على نفسي بنص الفيلم
و هالشي بالنسبة لي يدل انه الفيلم في غلط ..
باقي الفايزين كلهم بأمكانهم و يستاهلون
Best Directing
اخراجه ماعليه كلام و يستاهل
Best Actor
على ثقل دمه بس كلمه ابددددع قليلة عليه .. يا ناس انسلخ عن جللللده لدرجه اني قرفت من منظره اخر الفيلم
ابدع ابدع الكلب
Best Actress
تستااااااهل و اخيرا ما بغت كنت اتمنى روزمند تاخذ الأوسكار لما شفت جون غيرل بس لما شفت دور جوليان قلت صج دور عمرها الواطية و اذا ماخذتها الأكاديمية تستهبل
بدعت بدعت اول مره اشوف ممثل يعيشني معاناه مرض الزهايمر بهالشكل
Best Supporting Actor
و مين غيره .. وحششش الشاشة كان هالسنة صج طول الفيلم جسمي كان مقشعر من اللي شايفه سوالي ارهاب نفسي الحقييير
هالفيلم كان من اول الأفلام اللي شفتهم حق المرشحين و قبل ما اشوف باقي الأدوار قلت هالأوسكار له و نقطه عالسطر
باقي الجوائز الكوستيومز و الأيديتنج و الميوزك و السكرين بلاي و الأيفكتس كله بمكانه
بس بخصوص افضل فيلم انيمشن ..
صج فرحت لديزني بالأوسكار الثاني لهم بس من جوا ما كنت فرحان من كل قلبي
يعني الحين يخسرون عن الأميرة و الضفدع و رابونزل و يفوزون عن بيج هيرو 6 ؟
مابي ديزني تفوز جوائز مهمه عن هالنوع من الأفلام عشان لا تحسب انه مرغوب و تغثنا فيهم كل سنه
و هالسنه اول سنه لديزني احس انه فيلمها ميت وماله اي شعبية بين الناس
[ فبراير 24, 2015, 01:17 AM: تم تحرير المشاركه من قبل: A H M A D ]
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
الحفل ممل جداً جداً , نيل نهائيا ماتوفق وهو ماعنده خبرة بالستاند اب والظاهر ماجاب تيم قوي من الكتاب يساعدونه .. الشي الوحيد اللي يضحك قاله كان ببداية الحفل
لما قال whitest .. بس الباقي كله سخيف وكان متوتر جداً وفكرة البوكس وتوقعاته كثير سخيفة وأدري كان يبي يسوي joke طويلة طول الحفل بس النتيجة كانت كارثية
والسوشل ميديا قطعوه , خلوا مجاملات الفنانين شوفوا رأي المشاهدين ,, الأغلب قالوا ممل وسخيف والمفروض مايدعونه مره ثانية
ياليت آنا كندريك تقدم الأوسكار , البنت خفيفة دم وطبيعية وكيوت , بس ماشاءالله منطلقة مابي تقدم الأوسكار وتخربط الدنيا
ويأثر عليها كممثلة
+
فوز جوليان مستحق 100% روزمند تستاهل بعد , بس جوليان غير قدمت دور عفوي طبيعي مؤثر ومن أهم أدوار السنة ,, وفوق هذا تكريم لها
جوليان على الأقل كان لازم تفوز مرتين قبل ,, وعلى الأقل 8 ترشيحات .. يعني الأوسكار اللي خذته أمس ما كان من فراغ , عبقرية
ومادري عنكم بس باتريشا كانت رائعة في بويهود , تمثيلها عفوي جميل ولها أكثر من مشهد حلو , يمكن فكرة الـ12 سنة ساعدتها
كانت ممتازة , وعلى فكرة أنا شايفة ميديم , بس شفت السيزون الاول وكم حلقة مني ومناك ( الحلقات اللي شاركت فيهم جينيفر لورانس )
المسلسل الحلقات فيها تفاوت من الجيد للسيء , وتمثيل باتريشا بعد في حلقات جيد وفي حلقات ممتاز , هي ممثلة جيدة
مو شي فوق العادة بس مو سيئة , وفي بويهوود طريقة تمثيلها وشكلها وكل شي ساعدها ماضرها ,, أشوفها تستاهل 100%
والسبيتش اللي قالته باتريشا كان حلووو ياليت بس كانت حافظته بدون ورقة , كان روعة وله بوينت مو بس كلام عاطفي
حتى ميريل تحمست مع الخطاب وطبعا لوبيز شاركت بالحماس LOL
وصحيح كنت أتمنى مايكل يفوز بس ايدي يستاهل وبصراحة ردة فعله كيوووووت وكان سوبر كيوت بالبرس روم , واضح فرحان ومو مصدق
بس إن شاءالله مايزودها ,, للحين تمام , واتوقع بيرجع السنة الجاية ينافس بعد يعني بنشوفه كثير لي سنتين جدام
وحبيت شلون كيت فرحت له , كان كيوت ما ألومها لو تحمست وياه LOL
وجي كي سيمونز يستااااهل , هو وإدوارود أكثر اثنين يستاهلون , وحبيت السبيتش ماله مع انه كرره بكل مكان بس على الأقل