أنا حمار لأني تسرعت و قلت رأيي في الحلقة بهالطريقة
بداية الحلقة عجيبة لما ربطوها في نهاية سيزون 3
من كلامهم واضح إن جون لوك زار جاك و كيت وقال لهم : صارت أشياء سيئة في الجزيرة لما طلعتوا من الجزيرة ولازم ترجعون
و جاك صدق كلامه .. أما كيت ما صدقته وما تبي ترجع لأنها خايفة على آرون مثل ما كلير خايفه عليه بعد
بس مادري ليش سموه جيرمي بنثام .. يمكن هذا كان ضمن اتفاقهم بالكذب حتى في الأسامي عشان لا ينكشفون .. لأنهم مراقبين و سعيد قال : لا تقول إسمه فيه أحد يراقبنا قصده عن اللي كان يراقب المشفى .. والرجل الأسود اللي زاره في بداية السيزون
مشهد الضرب بين سعيد و رئيس الجيش أقوى من 10 أفلام أكشن
و بن كان كل خوفه من جماعة السفينة إنهم يقبضون عليه .. بس بعد ما قتلوهم بمساعدة ركاب الطيارة خلوهم على كيفهم يطلعون من الجزيرة
جون لوك ( جيرمي ) زار والت لأنه من ضمن الناجين ولازم يرجع معاهم .. عشان جذي عارف كل القصة من جون لوك وإنهم يكذبون
أما العلماء ( دانيال و شانون و مايلز ) استنتجت عنهم شي خطييييير .. أقوله لكم عنه آخر شي بعد تعليقي عن الحلقة
أما الOrchid قصتها قصة .. من شريط الفيديو فهمت إن الغرفة الصغيرة تنقل الأشياء من مكان لي مكان بس ما فهمت حركة شريط الفيديو لما رجع بروحه في آخر 3 دقايق بعد ما حط الأرنب في الغرفة وعندي بعد استنتاج خطير عن هالغرفة أقول لكم عنه آخر شي
أما الهوشه اللي بين بن و رئيس الجيش فطست عليها ضحك .. سعيد اللي هو سعيد .. أكبر معذب بالعالم العربي لول رفع راسنا إحنا العرب بالمسلسل ما قدر له .. بن هالزعطوط يقدر له من غير ما ينطق
أتوقع كان فيه تحدي كبير بين بن و ودمور على الجزيرة و كانوا ماشين على قوانين متفقين عليها وهدفهم كان الجزيرة .. بس الحين كل شي تغير وصار انتقام .. معقولة بن يقلب كل الموازين ويغير هدفه بس عشان قتلوا بنته ؟ مع إنها مو بنته لول متبنيها وهي آخر أيامها كانت كارهته الشي الوحيد اللي عجبني في جون لوك إنه خايف على الناس اللي في السفينة وقعد يحاول ينقذه
سوير بكل المسلسل كان قوي و مواقفه تعجبني .. أما حركته لما نط من الهيلوكبتر أبدا مالها داعي ! لنفرض إنهم محتاجين يخففون وزن وحذفوا كل شي من الهيلكوبتر ( مادري شلون ما حذفوا قارب وسترات النجاة اللي احتاجوهم بعدين لول ) معقوله بعد كل هذا وزن سوير راح يأثر ؟ عيل شنو نقول عن هيرلي والله لو هيرلي حاذف نفسه كان البنزين كفاهم يرجعون أمريكا حركة سوير ما حبيتها .. على الأقل كان حاول يتعلق بالهيلكوبتر و يسد فتحة البنزين بإيده
ومع هذا ما عرفنا شنو قال لـ كيت تسويه في الفور وورد
وسعيد لما زار هيرلي وقال له تعال معاي .. يبي يحميه من الناس اللي يراقبونه ومن اللي يقنعونه يرجع الجزيرة .. لأن الظاهر سعيد ما يبي يرجع لأن هيرلي قال له : ما راح نرجع ؟ قال له سعيد : لا ماراح نرجع .. بنروح مكان آمن صاحب هيرلي الميت " إيكو الأهبل بو جوتي " رجع .. أنا حركات الكرسي الفاضي و الكلام مع الأموات و خصوصا لقطات كراسي جيكوب و إيكو يخرعوني حسيت برعشه لما كلمه هيرلي لول
أما مشهد الدموع .. مشهد إنفجار السفينة وصراخ صن يقطع القلب لول
حتى موت جين ما كان له داعي أصلا .. حلايه ويهه شنو بيسوي يعني عشان يقعد مع القنابل ؟ أخاف بس كان شغال في المارينز عشان يعرف يفك القنبلة لول مسوي نفسه قوي يعني .. صن صارت أرملة مبكر و تعقدت كله من ورا راسه أتوقع نهاية جين كانت نهاية عقده مع المسلسل .. مو نهايته هو في المسلسل .. يعني نهايته سووها عشان ينهون دوره في المسلسل
بس إنفجار الجزيرة كأنه صج .. بيتنا اهتز وأنا أشوف الحلقة لول قوية
لما صارت صن Business Woman لول وراحت لـ تشارلز ودمور .. تذكرون لما صن قالت لأبوها أثنين اللي يتحملون سبب موت جين ؟ واحد منهم أبوها والثاني يمكن .. واحد من هالأثنين يا إما تشارلز ودمور و اتفاقها معاه كمين عشان تنتقم منه أو بن ( يمكن جون لوك زارها وقال لها بن ذبح رئيس الجيش وبالتالي ماتوا اللي بالسفينة عشان يقنعها ترجع الجزيرة تنتقم من بن ) و صن تبي مساعدة تشارلز ودمور عشان توصل لـ بن
مشهد إختفاء الجزيرة ولا أكبر أفلام الخيال قدروا يضبطون المشهد
بس مشهد سقوط الكوبتر أبدا مو مقنع أنتوا تدرون السرعه اللي كانت فيها الهيلوكبتر وتصطدم بالبحر شيصير فيهم ؟ و فوق كل هذا ما صار فيهم شي و حتى آرون ما صار فيه شي !!!! الصدمة كانت تكفي انها تقتلته لووول <<< يمكن فيه شخص حماهم من الموت لأن كيت قالت : معجزة .. بعدين أقول لكم منو هالشخص
سئلوني أنا كنا بسرعه سيارة عادية ودعمنا شصار فينا داخل .. كافي الغرز بالروس من التكفخ ببعضهم هذا غير الاصابات الثانية خخخخخ
لو إنهم ناطين من كوبتر أول ما بدت تطيح كان المشهد يكون أكثر إقناعا
مثل ما قال بن .. جيكوب إختار بن يخفي الجزيرة لأن هو سبب المشاكل وإن جون لوك أحق منه إنه يكون قائد لمواطنين الجزيرة .. واللي يخفي الجزيرة يتأثر بالقوة اللي تنقل الكائنات اللي في الغرفة من مكان لي مكان .. و بن انتقل لـ تونس الخضرا لول مثل ما شفنا قبل
وزيارة كلير لـ كيت مثل زيارة جون لوك لهم .. بس كلير خايفه على آرون انه يرجع الجزيرة من الأشياء السيئة اللي صارت ويقول عنها جون لوك
والحين خلاص عرفنا شنو سبب كذبهم .. لأنهم اقتنعوا إن فيه أشخاص يبون يقتلون كل اللي بالجزيرة وأسباب محاولة القتل راح نعرفها في الأجزاء اليايه
ديزموند و بيني .. من البداية أصلا هالكناري ما يهموني لول قصتهم مالها دخل في المسلسل
الكلام اللي دار بين بن و جاك .. أتوقع إن بن تخلص من أعدائه و رجع مره ثانيه شرير يبي يرجع الجزيرة وقاعد يقنعهم يرجعون عشان يرجع معاهم
تحليلاتي الخطيرة لول
العلماء ( دانيال - شانون - مايلز ) أنا متأكد إنهم من الجزيرة .. مستوطنين من مواطنين الجزيرة قبل لا يكون فيه شي اسمه oceanic 815 لأن مايلز قال يبي يقعد في الجزيرة ( لا تنسون ميزته اللي تخليه يسمع الأموات وهذا دليل على إنه من الجزيرة ) ولما شانون قالت لـ دانيال إنها تحتاج وقت عشان تبحث على مكان ولادتها ودانيال قال لها : إذا ما رحتي معاي الحين يمكن تظلين على طول في الجزيرة ( معنى هذا انه كان في الجزيرة ويدري إن الخروج منها شي صعب )
أتوقع مايلز الفلبيني .. في ميزه ثانيه لما يكون بالجزيرة انه يعرف المستقبل فتره قدام ( المدة للي تأخر فيها الإرسال بين دانيال والسفينة .. و وصول جثة الدكتور قبل موته على السفينه ) لأنه استغرب من شانون انها تبي تغادر السفينة بعد بعد كل المحاولات عشان تقعد في الجزيرة .. وصحيح بعد فتره بسيطه غيرت رايها
أما طريقة خروج العلماء من الجزيرة بعد ما كانوا مواطنين فيها .. أتوقع كل واحد له طريقه غير عن الثاني
بس شانون .. أتوقع استخدمت نفس طريقة بن عشان تغير مكان الجزيرة وهي انتقلت وطاحت في تونس الخضرا ( نفس بن ) والدليل إن أول ظهور لها في المسلسل كان في تونس تبحث عن آثار ولقت آثار حيوان من دارما ( يمكن كان في الغرفة اللي تنقل الكائنات الحية ) وانها استانست انها لقت شي من الجزيرة اللي كانت فيها
وسبب رجوعهم للجزيرة :
لو تذكرون الرجل الأسود اللي كلف نعومي توديهم الجزيرة .. حتى قالت له شمعنى هالأشخاص ؟ ما لهم أي دخل ولا عندهم خبرة الظاهر هالرجل الأسود يشتغل عند تشارلز ودمور وعرفوا إن هالأشخاص كانوا بالجزيرة والوحيدين عن طريقهم يقدرون يلقون الجزيرة .. وهذا الشي اللي صار .. لقوا الجزيرة
و سعيد و بن كانوا يقتلون الأشخاص اللي يحاولون يكتشفون الناجين الستة ويستخدمونهم عشان يلقون الجزيرة مرة ثانية بعد ما تغير مكانها !
بس الحين بن اللي راح نفس الطريقة .. راح يستخدم الناجين الستة مع جثة بن لوك ووالت وكل اللي كانوا بالجزيرة .. عشان يلقاها مره ثانيه
وغرفة الـorchid
أتوقع هالغرفة تنقل بس الأشخاص ( مو مواد صلبه ) من مكان لي مكان عن طريق مصدر قوي تحت الأرض اللي هو المحرك الكبير الظاهر بن استخدم طريقته الخاصة عشان يستخدم مصدر هذي القوة كاملة وينقل الجزيرة بكبرها من مكان لي مكان بدل نقل الأشخاص فـ كسر الحيط بإستخدامه مواد صلبه عشان يوصل للمصدر الأساسي ويستخدمه عشان ينقل الجزيرة ولو تلاحظون فتحه الثلج اللي كسرها بن ( هذا يعني إن فيه أحد قبله كسرها و مع الوقت صار عليها ثلج .. مثل ما قلت لكم شانون هي أقرب وحده لـ تونس لول )
وتبون تعرفون شنو فايدة أبو جاك ؟ أنا أقول لكم يحمي ناس معينة من الموت .. والدليل مايكل ما مات لما حاول ينتحر .. وجون لوك ما مات لما جاك ضغط المسدس على راسه بس لما أبو جاك طلع لمايكل وقال له : you can go now ... هذا يعني قصده : روح في ستين داهيه لول تقدر تموت الحين ( يعني مهمته انتهت عندهم وما له فايده )
وأتوقع السيزونات اليايه راح تطلع شخصيات يديده في المسلسل لهم مميزات مثل أبو جاك يحمي من الموت .. مايلز اللي يسمع الأموات و يشوف مستقبل قريب ( هذا دليل على انه مايلز مميز من الجزيرة )
أوووووووووووووووف كل هذا طلع مني بعد ما كنت متحطم من النهاية و خاب أملي
أقوى سيزون بلا منازع وأحلى نهاية وراح تكون أحلى بداية لـ سيزون 5
ترا وايد تعبت وأنا أكتب تحليلي لول كل شوي أفتح ملف الفيديو وأدور لقطات عشان أتذكر تسلسل الأحداث و شنو قالوا .. so عبروني هالمره واقروا كلامي و عطوني رايكم .. لأني بصراحة قمت أحس عندي مواهب خارقة في مخي من ورا هالمسلسل
[ مايو 31, 2008, 10:23 PM: تم تحرير المشاركه من قبل: [ Hamad ] ]
[ يونيو 01, 2008, 03:15 AM: تم تحرير المشاركه من قبل: [ Hamad ] ]
ما شاءالله عليك حمد .. كاتب عن عشيره كامله ما شاءالله لول
انا كنت متأكد انك بتغير رايك لأنه الفينالي كان عجيب بمعنى الكلمه .. هالسيزن تخطى كل توقعاتنا
تصدق كنت افتكر انه كل الأحداث اللي استوت حق ناجيين ocianic فالفلاش فورارد هالسيزون تستوي بعد نهايه سيزن 3 .. يوم شغلت عقلي وحللت الأحداث طلعت امعه بجداره .. كل الفلاش فورارد حق الشخصيات في هالسيزن استوت مباشره بعد ما طلعو من الجزيره ونهايه سيزن 3 تستوي بعد 3 سنوات من طلعوهم من الجزيره
الصراحه كبر في عيني سوير يوم عفد من الهليكوبتر مع إني اشوف ماله داعي كونها مش من صفاته التضحيه .. بس حسيت إنه الكُتاب يرمزون إنه سوير تغير طول فتره وجوده فالجزيره وياهم وتعلقه فيهم وحبه لكايت خلاه يعفد وينط البحر
رد مقتبس: مشهد الضرب بين سعيد و رئيس الجيش أقوى من 10 أفلام أكشن
وربي اشهد .. مشهد خلاني منفعل ومنشد على اعصابي لحد ما انتهى
انا وياك في سالفه جين .. يعني ابد ما كان له داعي وجوده فالغرفه مع مايكل .. وجوده من عدمه واحد .. لو راح ويا ديزموند كان اخيرله
بخصوص انتقام صن من الأثنين فـ هم اكيد ابوها وشارلز ويدمور .. لأنها ما تعرف بسالفه الجهاز المتحكم بالقنابل اللي عند رئيس العصابه .. محد يعرف في سالفه جهاز التحكم إلا اثنين وهم جون لوك وبن واستحاله بن يخربها إني انا كنت السبب في موت ريلج لأنه بيموت على ايدها حزتها وجون لوك موجود فالجزيره
وبخصوص العلماء اتفق وياك نوعاً ما بسالفه مايلز كونه عنده قوه غريبه تخليه يعرف المستقبل فـ يعرف إنه خروجه من الجزيره ما بيكون لصالحه .. اما شانون مستغرب منها في ثواني غيرت رايها
الوحيده اللي اتوقعها كانت فالجزيره قبل هي شانون بس مايلز ودانيال اتوقع ما كانو من قبل فالجزيره من قبل
مستانس إنه عيبج الفينالي سيستو .. صج صج فضيع وعلى قولتج ما في شي شرات لوست
انا الصراحه حبيت وايد مشهد إختفاء الجزيره ورده فعل اللي فالهليكوبتر .. تنفذ بطريقه متقنه تخليج تقتنعين إنه الجزيره اختفت فعلاً ولا حتى يراودلج شعور إنه خيال او جذب
صج والله انا بعد ابي اعرف شحقه بن مشتط ويبي الجماعه يردون الجزيره .. شكله يبي يرجع يتحكم فالجزيره ويتأمر فيها من بعد ما مات جون لوك كون مكانه صار فاضي ولازم احد يمسكه
على فكره ، في ناس ثانيين نجو اللي هو دانيال مع الجماعه الخمسه اللي فالقارب .. هذيل بعد نجو وكانو فالبحر رايحين السفينه بعد ما انفجرت
سوير قبل كنت اكرهه بس الحين صار مرفوع عنه القلم .. اشهد انه سنافي
رد مقتبس:المرسل الأصلي هو [ Hamad " s>: [center]أنا حمار لأني تسرعت و قلت رأيي في الحلقة بهالطريقة
[ Hamad ] ]
حلو الانسان يعرف قيمة نفسو
الحلقه جميله
بس كتر قوى نستنى لشهر 9
ليه مبتتسربش السيناريوهات ونعرف نهاية السيزونين الباقيين
عجبنى قوى مشهد التصارع بين سعيد والراجل الى فجر المركب بقيت عايز ادخل الشاشه افجرو كل الضرب ده ولسه بيقوم
وجين صعبت عليه كتير
مشهد الجزيرة وهى بتختفى حسيتو قصير او خلص بسرعه مش عارف بس فى حاجه مش مزبوطه
رد مقتبس: أتوقع مايلز الفلبيني في ميزه ثانيه لما يكون بالجزيرة انه يعرف المستقبل فتره قدام ( المدة للي تأخر فيها الإرسال بين دانيال والسفينة و وصول جثة الدكتور قبل موته على السفينه )
مايلز مالو علاقة الجزيره نفسهاالزمن فيها بيتغير اوقات بيتقدم واوقات بيتاخر زى اول ما مايلز وصل الجزيره ... وده بياكد انو مش من اهلها .... وعمل اتصال بالسفينه موصلش الا بعدها ب20 دقيقه وهى نفس المدة الى الدتور بالشريط الى شافو جون كان قال انو الارنب راح ل20 دقيقه بالمستقبل واعتقد ان الجزيرة متنقلتش من مكانها هو الزمن بتاعها اتغير يعنى لما كانو بالمحطة بن وجون وشاف الفيديو قالو انو الحيوان بيبان كانو اختفى بس الى بيحصل انو بيكون اتنقل لفتره زمنية مستقبليه واعتقد ده الى حصل بالجزيره
رد مقتبس: أتوقع هالغرفة تنقل بس الأشخاص ( مو مواد صلبه )
على اساس ان الاشخاص دول مواد غازية ولا سائله
•·.·°¯`·.·• `·.·• عمـــ على ــرو •·.·°¯`·.·• `·.·•
[ يونيو 01, 2008, 04:29 PM: تم تحرير المشاركه من قبل: عمـــ علي ــــرو ]
مرسله في
انا امبارح وصلت الحلقة 405 من لوست لما ديزموند صار عندو اختلال بين الماضي والمستقبل ولما شاف الورقة التاريخ اللي هما فيه كان ليلة الميلاد 24 ديسمبر 2004 والتاريخ اللي وقعت الطيارة زي ما شفت بسيزون الاول انه 22 سبتمبر 2004 يعني مو معقول احداث 3 سيزونز بس بثلاث شهور ؟؟؟!!!! اذا احد يقدر يشرحلي
--------------------
المشاركات: 3152 | من: -DuBaI- | تاريخ التسجيل: فبراير 2003
|
الموضوع مغلق
إرسال هذه الصفحه لصديق!
![[Eek!]](eek.gif)
لطباعه هذا الموضوع
![[iwantattention]](graemlins/iwantattention.gif)
![[Frown]](frown.gif)
![[eyelove]](graemlins/eyelove.gif)
![[rofl]](graemlins/rofl.gif)
فطست عليها ضحك .. سعيد اللي هو سعيد .. أكبر معذب بالعالم العربي لول رفع راسنا إحنا العرب بالمسلسل ما قدر له .. بن هالزعطوط يقدر له من غير ما ينطق ![[crazy]](graemlins/crazy.gif)
![[check]](graemlins/check.gif)
![[crying]](graemlins/crying.gif)
يقطع القلب لول![[Razz]](tongue.gif)
![[Mad]](mad.gif)
يبي يرجع الجزيرة وقاعد يقنعهم يرجعون عشان يرجع معاهم![[Big Grin]](biggrin.gif)
![[super]](graemlins/super.gif)
وأحلى نهاية 
![[applause]](graemlins/applause.gif)
، شو هالمواهب المخبية بصراحة لفتت نظري لاشياء ما انتبهتلها ![[bye]](graemlins/bye.gif)
![[dance]](graemlins/dance.gif)
![[heartpump]](graemlins/heartpump.gif)
على مستوى كل المسلسلات
![[Embarrassed]](redface.gif)
![[Roll Eyes]](rolleyes.gif)
.. كل الفلاش فورارد حق الشخصيات في هالسيزن استوت مباشره بعد ما طلعو من الجزيره ونهايه سيزن 3 تستوي بعد 3 سنوات من طلعوهم من الجزيره ![[worried]](graemlins/worried.gif)
.. شو استوى على جماعه الجزيره ![[Confused]](confused.gif)
.. ميت ابي اعرف عنهم عالأقل لو عطونا تلميح ![[nerd]](graemlins/nerd.gif)
.. بس حسيت إنه الكُتاب يرمزون إنه سوير تغير طول فتره وجوده فالجزيره وياهم وتعلقه فيهم وحبه لكايت خلاه يعفد وينط البحر ![[Smile]](smile.gif)
![[thinking]](graemlins/thinking.gif)
.. يعني ابد ما كان له داعي وجوده فالغرفه مع مايكل ![[Wink]](wink.gif)
.. محد يعرف في سالفه جهاز التحكم إلا اثنين وهم جون لوك وبن واستحاله بن يخربها إني انا كنت السبب في موت ريلج لأنه بيموت على ايدها حزتها وجون لوك موجود فالجزيره ![[Cool]](cool.gif)
![[battingeyelashes]](graemlins/battingeyelashes.gif)
.. صج صج فضيع وعلى قولتج ما في شي شرات لوست ![[kiss]](graemlins/kiss.gif)
![[bgrlaugh]](graemlins/bgrlaugh.gif)
