Mothers Knows Best & Mothers Knows Best & Mothers Knows Best OmG Best Song Eveeeeeeeer
رأيي بالباقي زي مهو ماتغير من أيام السامبلز
بس When Will My Life Begin عجبتي عل الأخر Im in Love With This Song حتى من شوي شغلتلهم اياها بالحفلة و الكل اتجنن عليها
بس مازلت مصر انو أغنية بهالشكل ما ينفع تنحط بفيلم كلاسيكي أنا طول عمري متعود على ستايل خاص بأفلام ديزني صعب أغيره بين يوم و ليلة و ناس كثير موافقيني على هالفكرة
اكثر شي حبيت الأعادة الثانية شوفو نهايتها OmG طول عمري تمنيت هالنوع من الاغاني يرجع بس الاولى انها تنحط بالفيلم اسمحولي بس أنا حنظر لها أنو البنت متحمسة تغير جو و تطلع من هالبرج مش انها عايشة مأساة و تبغى تخلص لأ لأنو في ربط بين الأغاني مثلا في أغنية غوثل غوثل كانت تقول عن المخاطر و العالم المتوحش اللي بره و رابونزل موافقتها و مش زعلانة فهي راضية بهالعيشة مش بأسة و خلاص بتموت عشان تغني أغنية حزينة أنا حنظر للأغنية بالفيلم على هالشكل
الباقي أحلى شي أغنية الفايكنز حبيتها من قلب طريقة الغناء فظيعة
سمعتو Waiting for the Lights ؟ أكيد هالمشهد هو مشهد الأنوار الطايرة بالسما اتخيلوه على هالموسيقى
Prologue اوووووه ماااااي جااااااد الموسيقى تخووووف بشكل و صوت غوثل طالع بالأول لوووول كأنه فيلم رعب اتوقع انه مشهد اختطاف رابونزل حبيت صوت رابونزل الصغيرة كيووووووت
Healing Incantation أكيد أغنية الوردة المسحورة لا تعليق على هالأبداع
مرسله في
انا اكتب لكم الحين من جولتي المسائية بالسياره خلصت الاستماع الاول للساوندتراك واقدر اقول ان السكور عجبني اكثر من الاغاني بس مش معناته ان الاغاني سيئه الموضوع هو ان سقف توقعاتي مع ألان مينكن كان عالي جدا ماذر نوز بيست واي سي ذا لايت بلا شك افضل اغنيتين لحد الان اغنية حانة الفايكنج جوها حلو بس ماحسيت ان اللي لحن بي اور جيست وفريند لايك مي هو نفسه اللي لحنها مقدمة الفلم رهيبه وكريبي عالاخر خصوصا صوت غوثل لما تكون عجوز وبعدين يتحول بشكل تدريجي لصوت شابه صغيره .. اوف رعب السكووور قصة ثانيه .. جد من اجمل ماسمعت مؤخرا كل مقطوعه بمثابة قطعه فنيه حسيت ان السكور فعلا ينتمي لبقية اللوحات الموسيقيه اللي عملها ألان مينكن .. هيركوليز وعلاء الدين والاحدب متحمس اشوف المشهد اللي بيصاحب التراك رقم 13 اجمل لحظه سمعتها بسكور هالسنه تبدا من الدقيقه 1:17 .. صوت الفلوت او الناي او وات ايفر يجنن وساحر بشكل .. وحبيت سكور رقصة المملكه .. ابدع فيها ألان مينكن .. اغنية سامثنج ذات اي وانت حلوه واتوقع تناسب جو الفلم مع اني تمنيت اسمع نسخة ثانيه من اي سي ذا لايت .. بس عادي حبيت الاغنيه الاخيره تفرفش وتسوي جو بشكل عام الساوندتراك جميل واستمتعت فيه .. بعض الاغاني راح تاخذ مكان مميز بين اغاني ديزني المشهوره .. والسكور جدا رائع وساحر ومش قادر اصبر عشان اشوف كيف راح تطلع النتيجه النهائيه بالفلم ماندي مور صوتها رهيب وعطت رابونزل مكانه خاصه بين اميرات ديزني بخامة صوتها المميزه .. ودونا ميرفي ابدعت ورجعتنا لزمن جولي اندروس وستايل البرودواي بذاك الوقت يالله خلاص اخليكم الحين بارجع اسمع الساوندتراك مره ثانيه لين ماوصل البيت لول
[ نوفمبر 17, 2010, 01:25 AM: تم تحرير المشاركه من قبل: [ L.O.V.E.R ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
قاعد أسمع الالبوم الحين و مستمتع جدا بالأغاني.. ما قريت آراء المنتديات لاني أفضل اني أكتب الريفيو بعدين أقرا علشان ما أتأثر بكلامهم الموسيقى أعتقد بسمعها بعد ما أشوف الفلم.. لاني أفضل اني أعرف القصة والمشاهد قبل ما أسمع الموسيقى,, أحس انه معناها يتغير بعد ما الواحد يشوف الفلم ويقدر يتعمق فيها أكثر.. بشكل عام الالبوم ممتع وكان يبيله شوي علشان يوصل لمستوى توقعاتنا.. أول شي لاحظته انه ما فيه أغنية ختامية.. معقولة اعتمدوا عالموسيقى بس ؟؟ يا عيب الشوم يا الين مينكين.. كان ممكن تاخذ I see the light بدون ما تغير فيها وايد وبتطلع روعة.. الممثلة اللي تمثل دور ماذر غوثل صوتها خارق.. واضح انه عندها خبرة طويلة في برودواي.. بس بنفس الوقت مو من المطربات اللي بروح أدور على أغانيها بعد ما أسمع الساوندتراك.. وهالشي مناسب وايد لشخصية الشريرة .. صوتها وايد جاف وما فيه حنية أبدا.. على عكس ماندي مور.. حسيتها ضافت نوع جديد من البراءه + الدفء على أميرات ديزني.. حتى نقاط الضعف اللي بصوتها حلت الاغاني أكثر وحسستنا انه رابنزل نفسها هي تغني مو مطربة عمرها 30 ولا 40 سنة.. مع اني أحب كريستين شينيويث وأحس انها تقنيا بتغني الأغاني باتقان أكثر من ماندي.. بس اختيار ديزني لماندي ضاف وايد للشخصية زاكري في البداية ما تقبلته بس مع كل استماع اله أحبه أكثر خاصة في I see the light .. براد جاريت.. تحشيش و غناء كوميدي وأعتقد هذا المطلوب لدوره.. نرجع للاغاني..
- When will my life begin
حبيتها بنسخها الثلاث.. اللحن أبدا مب هين وحتى ماندي نفسها قالت انها من أصعب الاغاني اللي غنتها.. فاهم ليش بعض الناس مو متقبلينها.. بس بالنسبة لي الاغنية المناسبة لاميرة ديزني 2010 .. التوزيع ذكرني شوي بتوزيع Ever Ever after بس اللحن أقوى و يعلق بالذاكرة أكثر بوايد..
- Monther knows best
مادري ليش هالاغنية ما حبيت فكرتها.. يعني عندكم أغنية وحده للشريرة و تضيعونها على هالمشهد.. تخيلوا لو كانت مقدمة أغنية Out there هي الاغنية الوحيده لفرولو في احدب نوتردام.. اكيد كنتوا بتتضايقون صح؟ بس الاعادة أحلى بوايد وحسيتها ضرورية للفلم..
- I've Got a dream
خفيفة و حلوة .. أفلام ديزني ما تكتمل الا اذا حطوا فيها هالنوع من الاغاني..
- I see the light
أحلى أغنية في الساوندتراك.. من الاغاني اللي تدخل القلب من أول استماع.. ما أبالغ لما أقول انها بنفس مستوى A Whole new love من ناحية اللحن.. الكلمات في الألبوم بشكل عام كان ممكن تكون اقوى..
هذا رأيي في الساوندتراك.. دايما أوعد ناصر اني أكتب رأيي ومادري ليش ما أكتبه.. بس قررت هالمره اني اكتب لاني حاب الالبوم وايد.. حتى خففت السمايلات علشان تاخذون رايي بجدية لاني دايما أحس انه ذوقي بالموسيقى تعبان مقارنة سريعه بين هالساوندتراك وساوندتراك الاميرة والضفدع.. اذا بنقارن الأغاني أغنية بأغنية اعتقد I see the light و WWMLB لو قعد راندي نيومان مليون سنة ما بيقدر بكتب مثلهم.. بس كألبوم كامل ألبوم الاميرة والضفدع حسيته كان أقوى و منوع أكثر ..
[ نوفمبر 17, 2010, 01:24 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
لا ماجد ليش تقول كذا ذوقك الموسيقي لا يعلى عليه فعلا الكلمات كانت ممكن تكون أقوى على فكرة كل الفانز كانو متضايقين من المؤلف يقولو كلماته دائما ضعيفة ترا هوا اللي ألف أغاني عرض البرودواي ل حورية البحر استغربت انهم قالو عليه ضعيف بس فعلا كلمات الأغاني كان ممكن تطلع أقوى و احسن
بشكل عام الاعادات بالساوندتراك كلهم حلوين ومستواهم اقوى من اي اعادات ثانيه سمعناها بفلم لديزني
رد مقتبس: Prologue اوووووه ماااااي جااااااد الموسيقى تخووووف بشكل و صوت غوثل طالع بالأول لوووول كأنه فيلم رعب اتوقع انه مشهد اختطاف رابونزل حبيت صوت رابونزل الصغيرة كيووووووت
صوت البنوته الصغيره حسيته غريب .. كأنها ولد مب بنت
ماجد
رد مقتبس: أول شي لاحظته انه ما فيه أغنية ختامية.. معقولة اعتمدوا عالموسيقى بس ؟؟ يا عيب الشوم يا الين مينكين.. كان ممكن تاخذ I see the light بدون ما تغير فيها وايد وبتطلع روعة..
كنت حاب ان النهاية تكون نفس الجميلة والوحش وان نسمع الكورال يغنون مع بعض
بس لما عرفت شلون بيختمون الفلم تقبلت عدم وجود هالنقطه بالساوندتراك ..
رد مقتبس: على عكس ماندي مور.. حسيتها ضافت نوع جديد من البراءه + الدفء على أميرات ديزني
اتفق معاك .. حتى لو قارنا امكانيات صوت ماندي مور بباقي الاصوات الغنائيه باميرات ديزني بنلاحظ ان اقوى صوت فيهم هو رابونزل
وهذا بفضل ماندي مور اللي عطت الشخصيه صوت مش ممكن
رد مقتبس: - Monther knows best
مادري ليش هالاغنية ما حبيت فكرتها.. يعني عندكم أغنية وحده للشريرة و تضيعونها على هالمشهد.. تخيلوا لو كانت مقدمة أغنية Out there هي الاغنية الوحيده لفرولو في احدب نوتردام.. اكيد كنتوا بتتضايقون صح؟ بس الاعادة أحلى بوايد وحسيتها ضرورية للفلم..
ههه حلوه نقطة فرولو .. فعلا في شبه بينهم
بس الفرق ان اغنية ماذر غوثل كانت فارضه عليهم تكون بهالمشهد عشان توضح لنا علاقتها برابونزل وتخدم الخط الدرامي الخاص بعلاقتهم
ماذر غوثل من اكثر اشرار ديزني اللي لهم خط مميز مايشبه غيره
كل شرير يكون عنده هدف اجرامي انه يقتل او هدف كبير انه يستولي عالسلطه
الا ماذر غوثل احسها اكثرهم طيبه مع انها ماتزال شريره اكيد ..
لان الشي الوحيد اللي تبيه هو انها تظل شابه للابد
ماتبي تقتل رابونزل .. ماتبي تكون اجمل وحده بالكون نفس زوجة ابو سنووايت .. وماتبي تستولي عالسلطه مثل ارسوله مثلا
فأحس ان اكثر مشهد يناسب ان تنحط فيها اغنيه خاصه لها هو مشهد علاقتها بهالبنت
اللي اخطفتها من مهدها وهي رضيعه وربتها على اساس انها بنتها
عكس فرولو اللي كان محتاج اغنية خاصه له عشان يبين لنا التضارب الكبير بشخصية والازدواجيه اللي عايش فيها
بين رجل المفروض يحقق العدل بين الناس
وبين نزواته ورغباته القذره وحصوله على ازميرالدا باي ثمن حتى لو ضرب بعرض الحائط ايمانه والتزامه كقاضي شريف ..
رد مقتبس: - I've Got a dream
خفيفة و حلوة .. أفلام ديزني ما تكتمل الا اذا حطوا فيها هالنوع من الاغاني..
معاك .. بس الاغنيه ناقصها شي مب عارف شنو ..
رد مقتبس:هذا رأيي في الساوندتراك.. دايما أوعد ناصر اني أكتب رأيي ومادري ليش ما أكتبه.. بس قررت هالمره اني اكتب لاني حاب الالبوم وايد.. حتى خففت السمايلات علشان تاخذون رايي بجدية لاني دايما أحس انه ذوقي بالموسيقى تعبان
ميود انت من اكثر الناس اللي اشوف ان عندهم قوة بالتعيير مايقدر احد يجاريها بدون مبالغه
ارائك دايما قصيره لكن تصيب الهدف تماما ..
وهالشي الكل متفق عليه .. من ايام كنا نسولف انا ووسيم بالتليفون ونقول هالشي عن ردودك
رد مقتبس: مقارنة سريعه بين هالساوندتراك وساوندتراك الاميرة والضفدع.. اذا بنقارن الأغاني أغنية بأغنية اعتقد I see the light و WWMLB لو قعد راندي نيومان مليون سنة ما بيقدر بكتب مثلهم.. بس كألبوم كامل ألبوم الاميرة والضفدع حسيته كان أقوى و منوع أكثر
ساوندتراك الاميرة والضفدع ماكان سهل ابداً واستمتعت فيه ..
لكن دايما اعمال الان مينكن لها مكانه خاصه عندي
واي عمل يسويه يلقى صدى اكبر بنفسيتي حتى لو نزل ساوندتراك فاضي
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[heartpump]](graemlins/heartpump.gif)
.. ماندي مور عطت رابونزل اجمل صوت صوت من بين![[nut]](graemlins/nut.gif)
![[kiss]](graemlins/kiss.gif)
![[Big Grin]](biggrin.gif)
![[super]](graemlins/super.gif)
![[eyelove]](graemlins/eyelove.gif)
![[Eek!]](eek.gif)
![[help]](graemlins/help.gif)
![[Mad]](mad.gif)
![[Frown]](frown.gif)
![[Razz]](tongue.gif)
بس الاعادة أحلى بوايد وحسيتها
![[thinking]](graemlins/thinking.gif)
![[rose]](graemlins/40.gif)
![[dance]](graemlins/dance.gif)
