تقريبا يعطوكي 15٪ تخفيض، حاليا عندهم عرض (ايضا للطلاب فقط) يعطوكي مجانا Ipod touch 16 M، ما ادري لو كان انتهى او لا. اعتقد العرض يتضمن 3 سنوات ضمان (وهو نقطه ايجابيه عموما انك تشتريه من امريكا)
خذي Macbook Pro 15، بالنسبه للرام ومواصفات الجهاز فهو يعتمد على استخدامك، الوسط دايما خيار ممتاز للمستخدم العادي، لكن المميزات العاليه في النهايه تزيد من عمر الجهاز لانك بعد كم سنه جهازك راح يظل صاحب سرعه ممتازه مقارنه بالاجهزه الجديده الموجوده في السوق.
بالنسبه لسؤالك عن انك تنزلي ويندوز انا ما انصح، والسبب ...... ما راح تحتاجيه لانك تستخدمي افضل منه ، ما اظن في مشاكل لما تنزليه، لكن في البدايه اعطي نفسك شهر على الماك وصدقيني ما راح ترجعي للويندوز.
لاحظي لو اخذتيه من السعوديه بيكون معاه كيبورد عربي، في النهايه حتى الجهاز الامريكي يكتب عربي، الكيبورد في الويندوز والماك (العربي) 95٪ متشابهين، 3 احرف تقريبا مختلفه اماكنهم ومع الوقت راح تتعود يدك على اماكن المحروف.
بالنسبه للاوفيس، له اصدار خاص بالماك (نفس اصدار الويندوز) ويجي مع الجهاز غالبا، لو لا كل محلات Apple تبيعه، لكن اكيد بيكون مع الجهاز (تقدري تاخذيه مخفض لو ما كان موجود من نفس الموقع فوق).
الماك عندهم سوفتير شبيه اسمه IWork، فيه برامج اهمها: Number, Pages, Keynote نفس الوورد والاكسل والباوربوينت لكن افضل الف مره. والملفات الي ينتجوها بنفس صيغة ملفات الاوفيس، المشكله انه بعض الاحيان لما تكوني شغاله في بحث طويل مع قروب من 5، وتستخدمي Pages بدل الوورد، ويكونو البقيه من مستخدمين ويندوز، احيانا لما تشتغلي عالملف وترسليه لبقية المجموعه ويشغلوه عالوورد في الويندوز، ممكن تكون في مشاكل او فروقات في التنسيق بينك وبينهم، يعني ما راح يوصلهم الملف مثل ما انتي شايفته قدامك تماما، ووقتها افضل تستخدمي الاوفيس (يكون موجود عندك في الجهاز)، لكن لو شغاله على شغلك الخاص وفي النهايه بتطبعيه مثلا، السوفتير هذا Iwork روعه واستخدامه سهل وممتع وفيه اشياء مو موجوده في الاوفيس.
بما انك تحبي الصور، الماك يجي معاه افضل سوفتير صور او كاميرا ممكن تستخدميه Iphoto، يرتب صورك باسلوك مره حلو اول ما تشبكي الكاميرا على الجهاز، وفيه تطبيقات تحرير وتعديل الوان على الصور لكنه مو محترفه. تقدري تستخدمي وقتها برنامج خاص بالماك اسمه Apertue وابدا ما راح تحتاجي بعده شي.
هذا ما يجي مع الجهاز مثل البقيه، وتحتاجي تشتريه من اي محل Apple
عن نفسي استخدم ماك من 5 سنين تقريبا، سواء اجهزه او لابتوب وبصراحه لا مقارنه، ايامها كان مافي ولا محل في جده عنده ماك غير واحد في مركز المدينه ومو معتمد الحلو ان الجهاز يستمر معاكي سنوات طويله بدون اي مشاكل، هو صح سعره مرتفع بس يستاهل.
بالتوفيق
[ يونيو 20, 2009, 02:46 AM: تم تحرير المشاركه من قبل: ابراهام بركوفيتش ]
--------------------
المشاركات: 4400 | من: Dhahran | تاريخ التسجيل: فبراير 2004
|
جزاك الله خير ... الله يسعدك و يوفقك و يسخرلك دايما الناس اللي تساعدك
مررة شكرا
تصدق نصيحتك نفس نصيحة صحبتي .. قالتلي أحسن أجيبه من أمريكا و في كلا الحالتين الجهاز ممكن يكتب عربي و أقدر بعدين أطبع الحروف عال كي بورد
محتارة بس يمكن فعلا أفضل اني أشتري الجهاز من هناك خاصة انه لا قدر الله لو صارت أي مشكلة في الجهاز و ما عرفوا يحلوها على طول يبدلولي الجهاز .. هنا الجهاز يروح 3 شهور و لسه مو عارفين يصلحوه
بس لو كده لسه لازم أستنى لسبتمبر
بالنسبة للخصم أعرف عنه بس جنب سعر الجهاز يعتبر مررة قليل الخصم، و العرض حق ال ipod مو دايما موجود بس حتى هنا في جدة لقيت محل عندهم هالعرض و الضمان بس سنة واحدة لكن لو دفعت زيادة يعطوني 3 سنين ... أي شي زيادة أبغى أضيفه للجهاز لازم أدفع عليه
قبل كده حاولت أشوف كيف أقدر أشتريه بس المشكلة لما تشتري جهاز من الموقع حقهم انت تقدر تبني الجهاز بالمواصفات اللي تبغاها و أنا يا ربي لك الحمد نص الأشياء ماني عارفة ايش أسوي فيها
فكرت اني أنزل ويندوز عشان سمعت مو كل البرامج تستغل عالماك ولا أنا غلطانة؟؟؟
و تنصحني أجيب ال iwork ولا ال mac office ؟؟ لو جبت ال mac office مثلا، يغنيني عن ال iwork؟؟ و لا كمان راح أحتاج له؟؟
بالنسبة ل aperture سمعت انه البرنامج مررة خطييير ... مررة تحمست اني أجيبه لما أشتري الجهاز ان شاء الله
و الله مررة مررة شكرا أخ علاء ... أعطيتني فكرة أوسع عن الماك
بالنسبه للتخفيض اعتقد يعطو عندنا تقريبا 300£ من سعر الجهاز، حدود ال 600$، مدري لو كنت غلطان بس عموما على قولك مقارنه بسعر الجهاز الخصم قليل.
الضمان هو فكرته اساسا عند آبل انك تشتريه زي ما تشتري برنامج. بمعنى لو رحتي محل آبل تلاقي علب نفس مقاسات علب البرامج، الاولى يكون مكتوب عليها ضمان لمدة سنه والثانيه لمدة 3 سنين وكذا. فالعرض الي انتي شفتيه مثلا يكونو معطينك الباكيج ابو سنه ولما تدفعي زياده يكونو اعطوكي الي اعلى منه. في النهايه اي مكان تشتري منه الجهاز حتى لو ما معاه ضمان انتي تشتري الضمان وللفتره الي تعجبك مع انك مو مره بتحتاجيه، عندي لابتوب الان من 3 سنين ما حصلتلي معاه ولا مشكله مع اني مو مقصر فيه واقفله السنه مره
ما ادري لو كنتي دايما تحتاجي تبني المواصفات لنفسك اذا حبيتي تشتري من الموقع؟ اعتقد انه خيار تملكيه لكن عندهم اجهزه بمواصفات جاهزه. لو مره محتاره في حكاية المواصفات لما ترجعي امريكا روحي محل آبل، واحجزي 1-1 tutorial، مجانا في كل محلات آبل بره تقدري تاخذي كلاس في نفس المحل مع واحد من الاخصائيين عندهم وتجلسي على جهاز يعلمك او تعلمك عليه بالتفصيل، وتقدري تسألي عن المواصفات واكيد يساعدوكي تختاري اكتر شي مناسب لو كنتي مهتمه فعلا انك تاخدي مواصفات تناسب استخدامك، وبالنفس الوقت تتعلمي على السوفتير وتسألي لو حبيتي، مع انك بتتعلمي عليه بنسبة 95٪ من ساعتين استخدام بس.
البرامج في الويندوز صيغتها exe وفي الماك dmg وهما اكيد مختلفين بشكل كامل، مافي سوفتير ويندوز يشتغل على ماك. لكن تقريبا كل البرامج المشهوره تنزل فيرجنز خاصه بالويندوز وثانيه خاصه بالماك. يعني الكلام صحيح، كل برامج الويندوز ما تشتغل على الماك بصيغهم الاصليه، لكن اهمها لها اصدارات ماك (ريل بلير، ميديا بلير، ادوبي فوتوشوب، اكروبات، فلاش، ماسنجر، سكايبي، فايرفوكس، كويك تايم، كل برامج الاوفيس .........)
وبعضها في برامج مشابهه لها خاصه بالماك وافضل، زي الفايرفوكس الي اعتبر السفاري افضل منه.
الماك جهاز ملتميديا، لو كان استخدامك لللابتوب انترنت وصور واغاني وفيديو وبرامج تحرير عاديه الماك اريحلك بكثييييير.
في برامج برمجه مثلا انا احتاجها لما نكتب برامج خاصه بدراستي ارجع فيها للويندوز واجهزة الجامعه، لكن زي دي البرامج حتى مستخدمين الويندوز ما ينزلوها على اجهزتهم لانها ثقيله وكلنا في النهايه نرجع لاجهزة الجامعه. بس زي ما قلتلك لو كان استخدامك للجهاز ملتميديا ابدا لا تشيلي هم وبتلاقي نفس برامج الويندوز واحلى.
الماك اوفيس ضروره واهم من iwork، لانك حتحتاجي الوورد والاكسل وبالوربوينت لان بقية الناس يستخدموهم. برامج الاي وورك تستخدم نفس صيغة الوورد والاكسل والباوربوينت، الفرق بينه وبين الاوفيس انه اسهل، فيه خيارات اكثر، ممتع. يعني اي ملف او بحث تكتبيه عالوورد عالويندوز او حتى عالماك تقدري تطلعي نسخه افضل منه بفرق مع برنامج pages بالاي وورك وبوقت اقل.
الاي وورك جديد نوعا ما، ماك قامت تركز عليه من نسخة 2009، وزي ما قلتلك هو اساسا يستخدم نفس صيغ الاوفيس.
يعني pages الي شغلته نفس الوورد ملفاته تنتهي ب doc، وتنفتح عالاوفيس في اجهزة الويندوز، لكن حاليا تسير شويه اختلافات في الملف واماكن الصور واكيد عالنسخه الجايه لو انحلت الحكايه ما اعتقد اني باستخدم الاوفيس. انا عندي الاثنين في جهازي، الاوفيس استخدمه لما اكون شغال على بحث طويل مع مجموعه ثانيه معايه، لان شغل تقريبا 35 صفحه احب اضمن انه يوصلهم تماما نفس الموجود عندي، لو استخدمت عليه مثلا حركات عالصور والرسوم البيانيه خاصه ب pages ما حتطلع عندهم لان الوورد ما يدعمها (مثلا).
لكن لما اشتغل على ملف خاص لوحدي وناوي اطبعه مثلا واسلمه استخدم pages.
زبدة الكلام، تحتاجي الاوفيس اكثر في الوقت الحالي.
[ يونيو 23, 2009, 03:43 AM: تم تحرير المشاركه من قبل: ابراهام بركوفيتش ]
--------------------
المشاركات: 4400 | من: Dhahran | تاريخ التسجيل: فبراير 2004
|
إرسال هذه الصفحه لصديق!
لطباعه هذا الموضوع
![[Smile]](smile.gif)
![[Big Grin]](biggrin.gif)
... و كمان دحين نقلة للماك و ما عندي أحد في البيت يستخدمه فما في أحد يفيدني![[worried]](graemlins/worried.gif)
![[rose]](graemlins/40.gif)
![[Frown]](frown.gif)
R.I.P Whitney </3 
![البريد الإلكتروني [ عبـد الـعزيـز ]](http://salmiyaforum.net/ubb/email_ubb6.gif)
![[Razz]](tongue.gif)
![[rofl]](graemlins/rofl.gif)
![[bgrlaugh]](graemlins/bgrlaugh.gif)
