اليوم عندي لكم موضوع وهو التقليد او تقليد فستان معين او ل شي بعرض لكم هالصوره
هذي صوره بمجله الجرس وكان العنوان فضيحه الاميره سماهر تقلد فستان امل حجازي يعني عشانها سوت زي فستانها صارت فضيحه والله ذي نضال جعلها ما تولى مسلم المهم دايم نشوف مجلات خاصه اجنبيه مخصصه لكفش النجوم الي يقلدون بعض سؤال انتي خيطتي او شريتي فستان حلو واعجب كثير ناس وطلبت منك وحده الفستان عشان تطبق مثله هل تعطينها ياه بنفس زينه بترفضين او بتعطينها ياه ونتي مستانسه وما عندك مشكله ؟
انا اذا كانت البنت تقرب لي يعني نحضر نفس المناسبات صعب اعطيها الفستان لاننا بنلبسه يمكن بنفس المناسبه ويطلع شكلنا غلط بقولها ما اقدر لاننا بنروح نفس المناسبات اذا كانت صديقتي بعطيها الفستان عادي وانا مرتاحه لان مناسباتنا مو مشتركه ]سؤال ثاني اذا رحتي مناسبه ولقيتي وحده لابسه نفس لبسك شيكون موقفك؟ انا يمكن انحرج شوي بس عادي ماراح اتأزم لان فيه بنات اعرفهم صار لهم هالموقف الي طلعت من الزواج والي ضاق صدرها مرره يعني احس الامر ما يحتاج كل هذا
سؤال ثالث هل تحبين تنقلين موديل لفستان نجمه معينه بالظبط بدون تغيرات منك؟ انا ما حب هالحركه ليش لان كل الي بيشوفني ماراح واااو شووفو يا حلو فستانها بيقولون وااو شوفو فستانها مثل فستان المغنيه الفلانيه بعدين لازم الواحد اذا جا يطبق شي ما ينسخه يضيف عليه اشيا ويعطي للفستان من شخصيته انتو شرايكم
قبل الختام
لازم نراعي بالتقليد ديننا وعادتنا وتقاليدنا مو كل شي في اللبس يعجبنا يصلح لنا وتقدرين انتي بذكائك تضيفين قطع على اللبس عشان ما يصير عاري وخالع فيه شي قاهرني اذا شفت بنت لابسه عاري او تنوره قصيرره وقلتي لها ليش لابسه كذا تقول يختي السوق كله كذا شسوي طيب لو رحتي يوم للسوق ما لقيتي الا بكيني بتلبسين بكيني
--------------------
المشاركات: 1489 | من: السعوديه | تاريخ التسجيل: فبراير 2004
|
حيالله نجد .. من طول الغيبات جاب الغنايم.. و رجعتي بموضوع حلو بفكرته..
أول شي بالنسبه للصورتين بين فستان أمل حجازي والاميره سماهر.. التقليد في الحركه اللي تحت بس يمكن الغلطة من المصمم.. يعني الاميره سماهر ماتكون عارفه ان فستانها تقليد
رد مقتبس: سؤال انتي خيطتي او شريتي فستان حلو واعجب كثير ناس وطلبت منك وحده الفستان عشان تطبق مثله هل تعطينها ياه بنفس زينه بترفضين او بتعطينها ياه ونتي مستانسه وما عندك مشكله ؟
والله مامريت بهالموقف من قبل.. بس صدقيني شغلات كثيره يسألوني عنها ويطلبونها وما ارفض لهم طلب أبدا..
الحمدالله ماعندي مشاكل من هالناحيه .. يعني ما ازعل او اتضايق لو وحده لبست مثلي بالعكس استانس لان ذوقي عجبها.. واي وحده تسألني من وين شريتي هالشي مثلا اقولها على طول وبدون تردد
رد مقتبس: سؤال ثاني اذا رحتي مناسبه ولقيتي وحده لابسه نفس لبسك شيكون موقفك؟
مممم.. ولو اني من زمااان ما حضرت اعراس او مناسبات بسبب الجامعه.. بس اظن عادي وماراح انقهر.. مافيها شي لما تكون الاذواق متشابهه..
بس عموما انا احب اني اركب القطع وأبتكر في كل شي لاني احب البس شي يواكب ذوقي و يعجبني 100%.. فنادر اني القى وحده لابسه مثلي 100%..
رد مقتبس: سؤال ثالث هل تحبين تنقلين موديل لفستان نجمه معينه بالظبط بدون تغيرات منك؟
لا ما اتوقع اني راح اسويها لاني مثل ما قلت لي ذوقي الخاص واحب اغير بالموديلات بحيث يواكب ذوقي وشخصيتي وشكل جسمي.. أحب أترك بصمة خاصه على القطع اللي البسها لاكون دوما مميزه
عجبتني خاتمة موضوعج وأحب أضيف عليها ان الوحده لازم يكون عندها ذوق شخصي و رأي خاص فيها.. يعني التقليد الاعمى مرفوض تماما... وللاسف نلاقي الكثيرات تصبح أشكالهن أضحوكه ومنهم من يصبحن بشعات بسبب التقليد الاعمى الذي قد لا يناسب أشكالهن ولا أعمارهن ولا تقاليدهن..
ألف شكر أختي نجد على هالموضوع الاكثر من رائع ويعطيج العافيه حبيبتي
--------------------
أنا لا أملك جمال يوسف ولا قوة موسى ولا كنوز قارون لكني أملك في قرارة نفسي
"مالا يعلمه الآخرون"
المشاركات: 57172 | من: Kuwait & Dubai | تاريخ التسجيل: يونيو 2003
|
اول شي بالنسبه للفستان مره مو حلو من زينه عشان يسون مشكله عليه
نجي للاسئله ..
انا عن نفسي ماحب احد يسوي مثلي وماحب حكاية التطقيم خخخخخخ عشان مايصير فيه مقارنه بيني وبينها احب اكون مميزه واظن كل البنات يحبوو الشي ذاا
ممكن فحاله وحده اخليها تفصل مثلي زي ماقلتي انتي اذا كانت من بعيد لانه بصراحه اتكلم عن نفسي انا القريبات سوسات وماحب اعطيهم شي يعني انا اتعب وادور موديل ولا اذا كان جاهز الف السوق عشان القى شي عدل واكيد سعره غاالي وتجي وحده ماتستاهل تاخذه لا والله طبعا بقولك ليش عشان ماتقولي بخيله احكيلك موقف صار لي مرره فصلت فستان رووعه منجد وكلفني كثير واخد وقت المهم ولبسته فزواج وحده قريبتي
بعد كم شهر طلبته بنت خالي طبعا لسه ماحللته لاني مااروح زواجات كثير يعني يعتبر جديد
ومع هذا قلت مايخالف عيب واعطيتها لكن للأسف لمن رجعته لي كأنه واحد تاني مررره غيرت فيه على كيفه تضيق وتوسع ولا فوق هذا من قوة الوقاحه اعطته لصحبتها وهيه كمان ماقصرت الدبه وسعت فيه وعدمته مره المهم الي صار اني تضايقت من تصرفها لانه مالها حق ..
وبس عشان كذا تعقدت اعطي حد الا اذا كانت ثقه مرره وكويسه ..
السؤال الثاني الحمدلله عمرها ماصارت لي ولو لاسمح الله صار وشفت وحده لابسه مثلي بصراحه وجهي يحمررر خخخخخخخخ بس عادي بسوي نفسي ماشفتها واكمل سهرتي هههههههااي اهم شي ماعكر مزاجي عشان فستان اهم شي الوناسه ...
هل تحبين تنقلين موديل لفستان نجمه معينه بالظبط بدون تغيرات منك؟
والله ياستي ماعمري جربت اسوي فستان مثل فنانه
وانا احب اشتري جاهز مالي خلق تفصيل الا اذا ماحصلت بضطر افصل بس الي يعجبني مو شرط زي هيفا ولانانسي
وفالنهايه الوحده تلبس الشي الي يناسبها ويناسب جسمها وتكون مرتاحه فيه مو معاهم معاهم عليهم عليهم
.............
الف شكر نجد موضوعك روووعه ولاتحرمينا من الطله الحلوووه يابعدي
[ مارس 04, 2006, 05:18 AM: تم تحرير المشاركه من قبل: صــووووصـه ]
-------------------- مو لازم توقيع المشاركات: 2636 | من: جــــــــدة | تاريخ التسجيل: ديسمبر 2004
|
مرسله في
اجملووو شكرا على الرد الحلو والترحيب فيني في ساحتكم الرايقه
وكلامك ميه ميه انا مثلك تقريبا احب اضيف اشيا على اللبس واضبط فيه كثير بحيث يكون لي ستايل غير واذا احد سالني عن لبسي انشكح وافرح واقولهم من وين وبكم ما عندي مشاكل بس فيعه ناس ما يهون عليهم احد يسالهم عن لبسهم مدري ليش
رزان هلا والله رزان وينك ما رجعتي استناك ترى
صوصه صادقه الفستان مو مره حلو بس ما يمديك عاد تراه على امل احلى ما فيه مقارنه
حلو انتي مثلي م حلو التطقيم وين صبابات على غفله
بعدين السالفه الي صارت لك صارت لكثير ناس اعرفهم جد فيه ناس ما عندهم ذوق يخربون لك الفستان ويرجعونه يااك منهم
مشكوووووووووووره قلبو على الرد الحلو وخلينا نشوفك
--------------------
المشاركات: 1489 | من: السعوديه | تاريخ التسجيل: فبراير 2004
|
الصراحه حرااام بنت الفاسي وبنتها بيموتون قهر شكله الفستان غالي على الطل ولا ليته فنان تستاهل لابسته امل حجازي صج اهانه
وبالنسبه لتقليد الفنانات الى تقلدهم وعارفه انه مايناسبها غبيه اذكر وحده بعرس مقلده نفنوف لنوال الزغبي حتى نفس الخامه وكل شيء بس انها قصير ومتينه وام عيال بنتها طولها شكلها يفشل صج كان الفسان عاجبني من شفته عليها هونت ...
وعلى اذا احد لابس مثلي مريت بهل الموقف بنت عمتي لابسه مثلي كانت بدله وعيد صج لاعت جبدي كرهت عمري وكل شوي احن على امي خنروح
الي صج قهر بنت خالي شاريه نفنوف 850 دينار ومستانسه فيه الخبله لقينه وحد بالعرس لابسه نفسه بالضبط وشاريته 35 دينار شنو اكتئبة صج مت ضحك عليها
مشكوره حبوبه على الموضوع
المشاركات: 173 | من: عروس الخلـــ الكويت ـــيــــج | تاريخ التسجيل: يناير 2004
|