لقيت تحت اسم هالساحه " لكل مايخص الطفل والاسره " وذكرني بمشكله ماعرف لو هي مشكله او مكبر الموضوع شوي
ماعلينا المهم انا عندي طفل عمره سنه و7 شهور الله يحفظه , المهم الولد ماشاءلله عليه لا اله الا الله كثير حركي يحب يعلب ويتحرك من يوم ماكان يحبي وهو مايحب يقعد
اللحين لما صار يمشي زاد شطانه ويقلد كل شي انسويه احنا او اهلي لكن اللحين صار فيه طبع جديد مادري وين تعلمه او من شايف
لما صرنا نرفض نعطيه شي ولا مانفذ الي يبيه , صار يعصببب ويضررب اخر مره شمخني ويمسك خدودي يجرررهم بالقووو او ينتف شعري
حتى ملامح وجهه تتغير يبين انه معصب
الولد كثير عنيييد والي في باله يسوويه , مادري شهالحللل ؟ هل بيكون عصبي خلاص يعني ؟ لانه حتى قام يضرب اي احد ومايفرق !! وطبعا ماراح اضربه او اصارخ لانه احس هالشي راح يزيده اكثر
+
ثاني شي للحين ماتكلم كلام مفهوم يقول مرات اشيا ماتنفهم , احاول اسولف وياه يرد يسولف بس كلام عجيب غريب
بس يقدر يقول بابا وماما وكاكا ودادا .. حرف الثاء والشين مايقولهم ليش ؟
متى المفروض يتكلم ؟ لانه قريت بكتاب اليوم انه قبل السنتين ممكن يتكلمون ! هل هالشي راح يوصل للنطق المتاخر لا سمح الله ؟
وشكرا لكم ..
[ أكتوبر 21, 2011, 02:41 AM: تم تحرير المشاركه من قبل: Ryan * ]
--------------------
المشاركات: 4196 | من: قطر وكلي فخر 3> | تاريخ التسجيل: يوليو 2011
|
اجمالا كل طفل له وقته ت يحكي ويمشي وحتى ت يطلع اسنان
ممكن انت تشوف طفل تاني بعمر ابنك يمكن يمشي او يحكي كلمتين وابنك بعد ما بيحكي وما بيمشي بس بيحبي
عادي
يعني في اطفال ب جيل سنة ونص بكونو يحكو كذا كلمة في بجيل السنتين وبعد ما بيحكو في بجيل سنتين وبيحكو كتير كلام ولفظهن بكون كتير منيح للكلام
نفس الشي الامور نفسها للطفل امتين يمشي و يطلعله اسنان
يعني كل طفل مختلف عن التاني
موضوع العصبية بصراحة ما عندي فكرة معقول يكون عصبي هيك طبيعته
بس نفس الوقت ما بصير تخلوه ع راحته ت ما يبكي لان هيدا غلط للمستقبل
يعني عندك اطفال من لما كان عمرهن سنة ونص ب نفس حالة ابنك الشغلة الممنوعة يمنعو او ياخدو منه الشغلة يصير يبكي ويصرخ وهيك لما يكبر بده يصير يكسر ويزعل اكتر
ف كرمال هيك من هلا لازم تعوده على انه لما انت ما بدك شغلة انه يعملها وتقله ممنوع لازم يبدا يعرف انه ممنوع حتى لو بكي شوي معليه
يبكي ويفهم انه انت هيك بدك احسن من انه ما يبكي وتعود ويكبر على هالاساس لان سبق وخبرتك انه هيدا بيبدا اسلوب غلط
وفي كتير اولاد كانت هيك ولما كبرت صارة تعمل يلي براسها وتمشي وتتحكم ب اهلها
ممكن يكون ابنك مدلل و اتعود على انكم دايما تلبولو طلباتو لما ما بتعملولو شو بدو بيصير يعصب و يصرخ كنوع من الضغط عليك و لا على الماما
طبعا انك تضربو او تصرخ عليه رح يكون النتيجة عكسية اذا الكن مراق روقوه بالهداوة و هو يصرخ و اشرحولو غلطو او ليش منعتو عنو هالشئ .. رح يفهم ما تخاف انت اشرحلو بكل الطرق
و في شئ تاني يمكن يكون هو طبعو هيك عصبي اذا انت او امو عصبيين اكيد ابنكم بياخد منكم احسن شئ توديه طبيبه نفسية او طبيبة اطفال هي تقلك
بالنسبة للكلام شئ طبيعي لساتو صغير في حروف ما ينطهم
و الاطفال كلن حسب محيطو يعني اذا كنتو عايلة كبيرة بالبيت و الكل يتكلم وياه اكيد بيتعلم اسرع من الطفل الي يتربي مع اموو ابوه فقط
خليكم اتكلمو وياه دايما اهم شئ تكلمه كلمات صحيحة يعني مثلا في عندكم تقولو انبو يعني اشرب غلط الطفل وقت يكون يتعل النطق تكلمو كلمات غلط هالشئ بياثر عليه و بياخر نطقو للحروف او استعابو للكلمات احسن شئ وقت تكلموه انطقو الكلمات زي ما تنحكي بعدين هو يحورها بمزاجو
و يمكن تاخر النطق هو الي يعصبو .. اوقات تحس بدو يقول شئ و بعدين يصير يصرخ لانو مو قادر يعبر
قلتلك انت و امو كلموه دايما و حتى لما يتكلمم صيني ردو عليه و اعملو حالكم فاهمين عليه و اتناقشو وياه
انا ياما متناقشة مع عيال ما عرف شو يحكو
رح ينبسط الله يخليلك ياه يا رب شو اسمو
[ أكتوبر 21, 2011, 03:38 PM: تم تحرير المشاركه من قبل: •. BeBe.• ]
حياك الله اخ ريان, شيء جيد و الله انك تحرص و تراقب ولدك, بس نصيحة لا تشغل بالك كثير مع اني اعذرك كونه الابن الاول ,
سالفة العدوانية عند الاطفال منتشرة, و يصير شاف ولد اكبر منه بشوي عمل شي مماثل, فدغري قلده بالبيت و صر يتدلل على الوالد ما شاء اله عليه, المهم انتو لا تخلوه يعتقد انه خلاص وجد السلاح اللي يحصل بيه على كل شي يبيه, و حتى و لو الوالدة حبت ترضيه او العكس ما يكون جدام الطرف اللي رفض, لانه هني يترسخ فيه هذا السلوك,
سالفة الحروف, اشوفها طبيعي, لانو لساته صغير و ممكن توصل معاه لحتى سن الرابعة, بعدها يصير شوي مش طبيعي, و أنا احب وايد الاولاد اللي جذي لانهم فعلا يونسون ,
عندي اولاد أختي وليد خولة و أمين كلهم كان عندهم مشاكل مع حرفين, اذكر كانوا ينطقوا الفاء حاء = تحاحة لول, و حتى انا بصغري كنت ما انطق الـ صاد,الزاد, و السين, يعني كنت مثيو حمذة ايوب لول ,
الله يوفقك و يخليلك ابنك و يجعله من الصالحين .
--------------------
المشاركات: 15652 | من: نفسيه سودة وثقالة دم | تاريخ التسجيل: مايو 2001
|
الكبيرة حساسه جداً ,"وكانت عصبية في سن السنتين والثلاثة" كانت لمن تعصب ولا تصرخ "اتجاهلها تماماً" ولاكأن فيه احد جنبي لغاية ماتسكت من نفسها
بعدين بديت اكتشف ان المشكلة فيني خصوصاً لمن تطلب حاجه واتكاسل اني اعطيها اياها فتصير تزن تبغاها وانا اطنش "وهذا سبب" انتبهت بعدين لهالشيء وصرت بس تطلب اترك كل شي في يدي والبي طلبها والحمد للـــــه مررررة صارت هاديه.
حاجة ثانية ممكن الضرب يكون عامل رئيسي للعصبية. عموما الطفل الاول دااااايما ًمسكين ومظلوم يكون مستودع للتجارب وكل شيء جديد.
بالنسبة للنطق: الكبيرة عندي تكلمت بعد السنتين .. باستثناء ماما وبابا وجدتي كانت قبل السنتين .
الصغيره ماشاء الله عليها من عمرها 8 شهور تقريباً تتكلم في السنة والنص كانت تقول : زنقة زنقة.. دار دار.. بيت بيت.. مخارج الحروف عندها ماهي مره واضحه يعني الراء, السين, الجيم لكن بصفة عامه ينفهم عليها
بالمقابل 3 اطفال في عائلتها اكبر منها في سن الثلاثة سنوات والسنتين ونص للحين ماتكلموا.
فالمسألة تختلف من شخص لشخص .. ولاتقلق
[ أكتوبر 21, 2011, 05:13 PM: تم تحرير المشاركه من قبل: *الأصيلـــة* ]
--------------------
اللهم لك الحمد أطعمت وسقيت وكفيت وأغنيت لك الحمد رب ولك الشكر على ما أنعمت به وأوليت
المشاركات: 14833 | من: حيث تُمطـــــــــر | تاريخ التسجيل: يوليو 2001
|
ربييع , نسرين , حمزه اشكركم والله عالنصايح ماعندي اصحاب اتكلم وياهم بهالموضوع , ردودكم بالنسبه لي راحه كبيره والله
لانه هالموضوع كثير افكر فيه , لانه اشوف عيال اخواني تاركينهم ومخلينهم على راحتهم احسهم طبيعيين اكثر
اما انا من النوع الي احاول اسوي كل شي بيرفكت من الاشيا الي اقراها بالكتب والبرامج
حتى موضوع الاكل وايد نسوي مشاكل مع امي ههه لانه تبي تاكله كل شي
واللحين الولد ماصار ياكل وايد
دايما عندنا هالخووف انه احنا قاعدين نضر الولد بدون ماندري , يعني ساعات اخاف اخليه يسوي الي يبيه ويتضرر وساعات اقول اخاف اسلووبنا معاه يحرمه من اشياء
وبما انه هو الولد وراح يكون معاي انا اكثر بالمستقبل ان شاءلله احس اني قريب منه كثير , دايما اخذه معاي لما اطلع
مش من النوع الي دايما رامي الولد على امه تتصرف معاه ولو اني مرات اقول يارتني لو كنت كذا
رد مقتبس:خليكم اتكلمو وياه دايما اهم شئ تكلمه كلمات صحيحة يعني مثلا في عندكم تقولو انبو يعني اشرب غلط الطفل وقت يكون يتعل النطق تكلمو كلمات غلط هالشئ بياثر عليه و بياخر نطقو للحروف او استعابو للكلمات احسن شئ وقت تكلموه انطقو الكلمات زي ما تنحكي بعدين هو يحورها بمزاجو
و يمكن تاخر النطق هو الي يعصبو .. اوقات تحس بدو يقول شئ و بعدين يصير يصرخ لانو مو قادر يعبر
قلتلك انت و امو كلموه دايما و حتى لما يتكلمم صيني ردو عليه و اعملو حالكم فاهمين عليه و اتناقشو وياه
هالكلام المفروض امه تسمعه , تبط جبدي دايما تكلمه على اساس بنت , أو كلامات مادري من وين تألفها
انا الما ارجع من برا اسولف معاه بكل شي يصير معاي حتى لو عن الجامعه على فكره نسرين انا عمري 21 يعني للحين صغير شوي
الولد اسمه رشوود ( راشد )
رد مقتبس: بس نفس الوقت ما بصير تخلوه ع راحته ت ما يبكي لان هيدا غلط للمستقبل
يصيييح من قلب بحررقه مانقدر مو بيدنا ! بعد يرمي نفسه على الارض ويتقلب , يكسر الخاطر خصوصا انه الطلبات مو مستحيله , مابي احس اني مقصر !!
انا قلت لما يعقل اكثر راح نعلمه ساعات نحاول نعوضه بشي ثاني من الي يطلبه نلهييه شوي
الله كرييم
رد مقتبس: عندي اولاد أختي وليد خولة و أمين كلهم كان عندهم مشاكل مع حرفين, اذكر كانوا ينطقوا الفاء حاء = تحاحة لول, و حتى انا بصغري كنت ما انطق الـ صاد,الزاد, و السين, يعني كنت مثيو حمذة ايوب لول ,
الله يحفظهم ويخليهم لكم يارب
رشوود يسمي كل شي تأتاه , يعني لو بيقول حق امه ( عطيني تفاحه ) يأشر على التفاح ويقولي ( تأتا تاأتاااه ) تعطيه امه التفاحه يرجع يأشر على السكينه ( تأتا تااتاه )
انا عندي امي , لما رشود يسوي اي شي تقوول تعالو شوفو لما كنتو انتو صغار هادييين وماتتحركون من جنبي وكلامكم سلييم تسوي دعايه تبينا نخليه عندها تربيه لنا
ماتجاملنا ابداً
[ أكتوبر 21, 2011, 05:52 PM: تم تحرير المشاركه من قبل: Ryan * ]
--------------------
المشاركات: 4196 | من: قطر وكلي فخر 3> | تاريخ التسجيل: يوليو 2011
|
اللحين اي شي يطلبه مثل ما قلت يا أما نسويه او نلهييه بشي ثاني , مثلا هو يحب الحيوانات وايد اقووله تعال برويك القطووه ( البسه او القطه يعني ) يسكت علطول
ومرات يجرب يصيح بس مافي دموع ولا صووت هههه اموت ضحك عليه
رد مقتبس:حاجة ثانية ممكن الضرب يكون عامل رئيسي للعصبية. عموما الطفل الاول دااااايما ًمسكين ومظلوم يكون مستودع للتجارب وكل شيء جديد.
صادقه 100 ٪
عموما مشروع الطفل الثاني مأجلينه لبعديييين
رد مقتبس: حاجة ثانية ممكن الضرب يكون عامل رئيسي للعصبية.
صادقه 100 ٪
هالشي ممنوع عندنا ولله الحمد
رد مقتبس: باستثناء ماما وبابا وجدتي كانت قبل السنتين .
ماشاءلله
هذا الي كنت اقصده
انزين سوال , انتي كنت تتكلمين معاهم كثير ؟
وسوال ثاني , هل شوفة التلفزيون الكثيره تأثر بهالشي ؟
وشكراً جزيلا لج الشيخه عالرد
[ أكتوبر 21, 2011, 06:08 PM: تم تحرير المشاركه من قبل: Ryan * ]
--------------------
المشاركات: 4196 | من: قطر وكلي فخر 3> | تاريخ التسجيل: يوليو 2011
|
مرسله في
و الله ما دري في عندنا وحده من معارفنا مصرية تقول لولدها انبو تنرفزي يي ريان طبعا صغير .. هو للصراحة الخوف الزايد مو حلو انا اكتر خويفة بالدنيا اليوم اكلم خطيبي قلي انشالله خلفتنا كلها تكون بنات اخاف يجينا ذكور يطلعو مايصين من دلعك و خوفك
مرسله في
بما آنك من عمري .. وبما آني آنا اللي ربيت آخوي الصغير مع اني كنت بعمر المراهقه فبحاول شوي آقولك من اللي عندي
آول شي آنا مع الوالده آنه لازم ياكل كل شي .. وآنا آويد كل الاشياء اللي يسوونها حريم آول .. عندي آثنين من آخواني فرق بين بنت الاول والثاني آسبوع .. وحده تربت تربيه حريم آول والحين ماشاء الله عليها عمرها بعمر ولدك وتسوي كل شي وتفهم كل كلمه تنقالها وطويله ووزنها ممتاز .. الثانيه تربت تربيه آوربيه ونظام كتب ودايم يوسوسون باي شي تسويه والمسيكينه للحين ولا كلمه .. ماتمشي بس توقف وعندها حول صار بعد فتره لاسباب اعتقد صحيه "يارب يسعد اهلها بشفاها" ومرة حجمها اصغر من الثانيه لان ياكلوها اللي بالكتب وبس ! (طبعا ما آعمم لكن هذا من تجربه شفتها)
من ناحيه العصبيه آنصحك تشوف كم حلقه من برنامج "super nany" عندها افكار ممتازة تخليك تنظم طفلك على النوم باوقات معينه والتقليل من عصبيته
من ناحيه الكلام شي طبيعي اذا كنت ساكن بس مع زوجتك يتاخر الولد بالكلام .. لكن أذا كنت فبيت مليان او انت وامه تكونون اول ماتتفرغون تسولفون معه عن كل شي كانه كبير .. آعتقد هالشي بياثر بسرعه كلامه وبعقله بعد
آخوي الصغير تكلم بسرعه خرافيه ماشاء الله عليه وصار فيه كميه ذكاء خرافيه وبنفس الوقت لما تسولف معه تلقاه فاهم والسبب اننا ماعاملناه بالكلام على انه طفل وكان طبعا في وقت ندلعه بالكلام بس مو كثير عشان مايتعود
الطفل ياخدها عاده .. اذا بكى مرة وحققتله اللي يبيه توقع ان بكل طلب رح يسوي نفس الشي .. بس اذا انت ماتبي تقصر عليه وهالشي افضل .. عندك نظام حلو واللي هو نظام المكافئات .. مثلا اذا طلب شي خليه يستحقه بانه يسوي شي مقابله .. ممكن ينظف مساحه صغيره من غرفته "على حسب عمره" آو يحفظ دعاء صغير وغيرها من الاشياء
الله يخليه لكم ويخليكم له ويبلغكم فيه البلاغ الحسن .. موفق
--------------------
. . . . . .
اللهـم إنكـ عفـو تحب العفـو فإعفوا عنـي
. . . . . .
المشاركات: 2435 | من: وطنــــي | تاريخ التسجيل: فبراير 2008
|
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
![[Eek!]](eek.gif)
![[Frown]](frown.gif)
![[thinking]](graemlins/thinking.gif)
![[kiss]](graemlins/kiss.gif)
![[nerd]](graemlins/nerd.gif)
المتواضعة يعني ![[Razz]](tongue.gif)
![[bgrlaugh]](graemlins/bgrlaugh.gif)
و اشرحولو غلطو![[rofl]](graemlins/rofl.gif)
![[iwantattention]](graemlins/iwantattention.gif)
في حروف ما ينطهم ![[nut]](graemlins/nut.gif)
![[crazy]](graemlins/crazy.gif)
![[Smile]](smile.gif)
,![[battingeyelashes]](graemlins/battingeyelashes.gif)
,![[rose]](graemlins/40.gif)
.
![[Big Grin]](biggrin.gif)
![[Embarrassed]](redface.gif)
, أو كلامات مادري من وين تألفها 
![[Mad]](mad.gif)
![[crying]](graemlins/crying.gif)
![[Cool]](cool.gif)
