مرسله في                   

رد مقتبس:

---

انا احب اهدي والاقي متعه كبيرة في صرف فلوسي في هدايا مع انها احيانا تهز ميزانيتي لكن احب اسعد اللي حولي

---

ياااه يا أصيلة .. لو قلتلك هالجملة اللي كتبتيها بحزافيرها ناطرها من لما كان عمري 14 سنة

ناطر حدا يكتبها بهالشكل لحتى حس أني مو الوحيد اللي طايش بالصرف او بالاحرى انا بشبه غيري وآخد نمط معين بعلاقاتي الإنسانية متلو متل البخل متل الحرص إلخ إلو ميزاتو وحسناتو ومساوئو

طيب

انا بموت بالهدايا مرسل ومتلقي يعني من الجهتين بحب الشعور والتحضير لهالقصص

أنا غالبا بهدي مجموعات عطر مع بدي لوشن مع اشانتيون مع مع إلخ او بهدي غيار كامل من وكالة تياب وازا شخص كتير عزيز عقلبي ومسلف معي بهديه تلفون أو ليرة انجليزية

أوقات في اشخاص بعرف شو اللي بفرحن دبل الفرحة العادية مثلا رفيقي مهووس رياضة وبودي اتفاجا بعيد ميلادو عطيتو وردة مع كرت فيه اشتراك 6 شهور بأفخم نوادي الشام

واللي بحب بطنو بهديه قسيمة لعشرين وجبة مثلا من معطم فلان الخ بحب الهدايا اللي بتمد مع الشخص فترة منيحة

آه واكره عليي اهدي حدا شغلة مو زوقو وانا عارف انو رح يزتها بالخزانة لتجيه مناسبة يروح نفسها يهديها ويوفر عحالو هدية بحس حالي هديت شخص ما بعرفو

_ _ _

وبستقبل هدايا كتيرة حسب الشخص والمناسبة ومعزتي عندو وأتقل هدية باخدها بحياتي للأسف بقولها من حوالي اسبوع شقة سوبر ديلوكس باهم شارع بالبلد بإسمي ولبشاعة ومأساة الحظ من ستي يلي ماتت وتاركتها الي كرهان البيت وكرهان العيلة وكرهان كل شي والخبر كان صدمة عمري مش عارف ابكي ولا افرح ولا اتنازل عنها لورثة صرت يهودي بنظرن وعم ينتفو لحم بعض.

نرجع للهدايا التقليدية

انا بتمنى بالمناسبات آخد هدايا مش رمزية كتير ولا مادية كتير بميل للالإكسسوار والشوز واللبس

من أحلى الهدايا اللي وصلتني نظام إضاءة كامل للتصوير الداخلي و تلفون و الورد بأنوعو

أبشع هدية وصلتني بحياتي مصلاية مع مسبحة الشخص اللي هداني ياها مخربط بالعنوان بس ماما كيفت عليها

أصيلة الموضوع بجننننننننننننننن

--------------------




Au point, je sais, que tu serais perdu sans elle

المشاركات: 51761 | تاريخ التسجيل: نوفمبر 2006  |