رد مقتبس: حب النظام واعشق الطابور وبالبدور والمصيبه الاعظم الي اواجها بحياتي انا نص السنه اعيش في فرنسا وسويسرا زي مايعرفون اغلب الاعضاء الكلوز معاي والنص الثاني بالسعوديه البلد بالمجمل شعب يكره شي اسمه طابور وبالدور وكل واحد يحترم دوره ( اتوقع اغلب الشعوب العربيه ) وسويسرا بلد نظامي جدا جدا وشعب يحترم ثقافه طابور .. سري .. صف .. بالدور بالسعوديه عادي جدا يجيك واحد وكانك انت ولا شي ستناد تشوكلت ولا ثلاجة دجاج ويجي قدامك يعشقون عدم النظام ومخافة الطابور
فعلاً شعب يشوف انه منذل ومهان لو مشى على نظام"بسلامة الطيبين فيهم"
تبغى تجننه سوي له نظام وقوله امشي عليه, مع انهم بالخارج ماشيين مسطره سبحان الله.
وهالشيء ورثوه لعيالهم بنتي الله يحفظها الصغيره كانت معي طالعين للممشى والممشى عادة مايكون فيه العاب للأطفال وكنت اتابعها بعيوني وهي تلعب لاني كنت مشغولة بشغله بيدي.. وقفت تبي تلعب بالمرجيحة وهي صصغيرة وقفت قدام المرجيحة وماسكتها وتناديني وانا رايحة لها, شوي الا اشوف بنت حق عشر سنوات تسحبها وتبعدها عن اللعبة وبنتي متمسسسسسسكة بالمرجيحة والله رحمتها, ولمن شافتني البنت جايه انا ماكلمتها بس شايفه اللي صار, بكل ادب وقفت على جنب "يعنني انتظر دوري"
رد مقتبس: وكله كووم لما تحب تسوي Return بالسياره وفتحه الشارع بنص الشارع وانتم سيارات واقفين طابور وطابور طويل جدا تجيك سياره كان الشارع شارع ابوها وتزاحم اول سياره واقفه هنا اعصب ومستحيل اخلي احد يمشي قدامي لو توصل انه يصدم سيارتي عادي جدا جدا جدا تأمين موجود وسياره ثانيه سبير جاهزه بس مايعديني لول
اكره ذا الموقف + لمن تكون ذوق وتسيب اول سياره من الناحيه الثانيه "في الشارع المعاكس" تعدي.. وسيارة تسحب سيارة بدل مايكون الدور لك.. تصير تستنى ليييين يتكرم الطابور اللي في الشارع المعاكس انهم يوقفون عشان تمر
رد مقتبس: واخر موقف من شوي رايح بنده اشتري انا وماما اغراض للبيت والعربيه مليانه جاني واحد معاه باسكت صغيره يقولي عادي اجي قدامك اغراضي شوي والمصيبه احنا واقفين بالطابور تقريبا 5 اشخاص طيب انا اذنتلك الي وراي لازم يرفض ولا اطلع انا من الطابور واخليه يوقف محلي قلت له في كاشير هناك ل10 اصناف واقل روح والمصيبه ان نفس هالكاشير اسم بس كل واحد معاه عربيه فيها اغراض لعائله 20 نفر
تصير هالعشوائية عندنا وموجوده بوفرة الله يتوب علينا
رد مقتبس: وانا جدا عصبي في هالمواقف واصير اردح زي فيفي عبده ولا اسكت وخلي الي مايشتري يتفرج بس يخسي يجي قدامي
عمري ماكنت عصبية ولا استفز بسهولة لكن موقف الطابور هذا يخليني مره اعصب واحيانا ًصوتي يعلى وهالشي مرررره اتضايق منه بعد ماينتهي الموقف
شكراً لمرورك
[ يوليو 15, 2012, 02:50 AM: تم تحرير المشاركه من قبل: *الأصيلـــة* ]
--------------------
اللهم لك الحمد أطعمت وسقيت وكفيت وأغنيت لك الحمد رب ولك الشكر على ما أنعمت به وأوليت
المشاركات: 14833 | من: حيث تُمطـــــــــر | تاريخ التسجيل: يوليو 2001
|