الكاتب
الموضوع: دليل إصدارات ديزني • الجزء الأول من عام 2007 إلى 2012
A M I R
عضو نشيط جدا
رقم العضويه 90355
مرسله في نوفمبر 24, 2012 07:14 PM
^ --------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
[ L.O.V.E.R ]
سوبر مصمم
رقم العضويه 3004
مرسله في نوفمبر 25, 2012 08:39 AM
غلاف بلوراي ركت رالف .. الالتمت كولكترز اديشن شكله حلو والله مع اني اشوف سونيك والشله كلها اللي ماظهرت الا ثواني بسيطه عالشاشه مالهم داعي بس حلو البوستر والاصدار نفسه مغري وثقيل --------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
[ ف ]
عضو فعال
رقم العضويه 81979
مرسله في نوفمبر 25, 2012 09:04 AM
^ ^ ياخي هالأبهة اللي بالإصدارات الأمريكية ما تذكرك فيني و بشموخي و كبريائي؟ حتى أنا أتذكرني! بس مررررررة حلو و حبيت وجود Sonic و خمته في الغلاف هو للتسويق، و للتسويق فقط تعلم يا ابني -------------------- . .
المشاركات: 5990 | من: Saudi Arabia | تاريخ التسجيل: أغسطس 2007
|
[ ف ]
عضو فعال
رقم العضويه 81979
مرسله في نوفمبر 25, 2012 09:53 AM
Finding Nemo is a Twitter trend for some reason -------------------- . .
المشاركات: 5990 | من: Saudi Arabia | تاريخ التسجيل: أغسطس 2007
|
طبيعي
مراقب
رقم العضويه 11956
مرسله في نوفمبر 25, 2012 12:11 PM
ديزني خذت الشخصيات الكارتونية بالعالم كلها هي ماخذه ماخذه ياليت تاخذ لولو الصغيرة وبومبو
المشاركات: 44721 | من: الـكـويـت | تاريخ التسجيل: أكتوبر 2003
|
Zyood
عضو نشيط جدا
رقم العضويه 90699
مرسله في نوفمبر 25, 2012 05:55 PM
وصبي الماي على الباجيلا ------- اهم شي انه بريف بيوصلني قبل ما اسافر بيوم،يعني سهرة السفرة بتكون عليه
المشاركات: 1327 | من: ابوظبي | تاريخ التسجيل: يونيو 2012
|
Zyood
عضو نشيط جدا
رقم العضويه 90699
مرسله في نوفمبر 26, 2012 12:27 AM
وانا قاعد اشوف بريف،في الكريدتس حطو اهداء لستيف جوبز وانه غير حياتهم واو معقولة محد منكم ذكر هالشي او شافه؟! لفتة جميلة من بيكسار انهم تذكروه
المشاركات: 1327 | من: ابوظبي | تاريخ التسجيل: يونيو 2012
|
[ L.O.V.E.R ]
سوبر مصمم
رقم العضويه 3004
مرسله في نوفمبر 26, 2012 01:03 AM
^ ^ زين منهم ذكروه؟ المفروض غصبن عنهم يحطون هالشكر! لولا ستيف جوبز ماكان في شي اسمه بيكسار! والخبر قديم وعارفين عنه من قبل حتى لا ينزل بريف بالسينما .. بيكسار قالت بأنها بتحط شكر له ببريف لو تابعت موضوع تغطية بريف والدليل صفحه بصفحه كنت شفتنا تكلمنا عن هالموضوع بس اللي يفرح اكثر ان ديزني بالنسخه العربية لبريف عربت الشكر يعني بعد ماتظهر اسامي الكاست العربية بتشوف الشكر الموجه لستيف جوبز بالعربي هذا اللي صج خطوه حلوه منهم رد مقتبس: المرسل الأصلي هو [بس دقيقة]: ^ ^ ياخي هالأبهة اللي بالإصدارات الأمريكية ما تذكرك فيني و بشموخي و كبريائي؟ حتى أنا أتذكرني! بس مررررررة حلو و حبيت وجود Sonic و خمته في الغلاف هو للتسويق، و للتسويق فقط تعلم يا ابني واااو فصول شهالتواضع .. عيل يذكرني بشموخك وكبريائك؟ خخ مابي انكد عليك بس اليوم امازون نزلوا غلاف نسخة البلوراي العادية لول وبصراحه شكله احلى من الالتمت اديشن شرايك؟ --------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
A M I R
عضو نشيط جدا
رقم العضويه 90355
مرسله في نوفمبر 26, 2012 02:08 AM
^ صراحة الاثنين ما عجبوني عاديييين جدا --------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
Angie-Q8
عضو نشيط جدا
رقم العضويه 90667
مرسله في نوفمبر 26, 2012 03:00 AM
شلونكم فانز ؟ وحشتوني , كنا لاهين بعرس أخوي الفال لكم إن شاءالله وللحين ماشفت ريك ات رالف عشان جذي ماقريت شي من ردودكم أعرفكم تحللون كل شي LOL مابي أخرب على عمري شي --------------------
المشاركات: 1363 | تاريخ التسجيل: أبريل 2012
|
[ ف ]
عضو فعال
رقم العضويه 81979
مرسله في نوفمبر 26, 2012 08:19 AM
^ ^ ألف مبروك، الله يسعدهم و يوفقهم ان شاء الله نويصر للأمانة كلهم نفس مستوى الحلاوة لكن الثاني يمكن يكون أضبط شوي لأنهم حطوا الشخصيات الرئيسية بالمقدمة المأخذ الوحيد اللي بالغلاف الأول ان العنوان ما حطوا وجه Ralph بالنص أحب العنوان لما يكتبونه بوجهه بالنص كذا و هو معصب و قافلة معه -------------------- . .
المشاركات: 5990 | من: Saudi Arabia | تاريخ التسجيل: أغسطس 2007
|
A H M A D
عضو فعال جدا
رقم العضويه 87758
مرسله في نوفمبر 26, 2012 10:13 AM
عندي سؤال يقرقع في قلبي ألحين بيكسار كل أفلامها من أفكارهم الشخصيه ولا ديزني تشارك بـ بناء الشخصيات ، أو ديزني بس تنتج لهم !! -------------------- When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
المشاركات: 8459 | من: Bh-Rain | تاريخ التسجيل: مارس 2009
|
[ ف ]
عضو فعال
رقم العضويه 81979
مرسله في نوفمبر 26, 2012 10:51 AM
^ ^ Pixar كل شي تسويه يكون منها فقط Disney هي مثل الـfairygod mother لهم، تمولهم بفلوس و إنتاج و توزيع و كل شي و تاخذ نسبتها بحكم انها الشركة الأم لها لكن كعمل، Pixar تسوي كل شي بنفسها [ نوفمبر 26, 2012, 10:52 AM: تم تحرير المشاركه من قبل: [بس دقيقة] ] -------------------- . .
المشاركات: 5990 | من: Saudi Arabia | تاريخ التسجيل: أغسطس 2007
|
[ L.O.V.E.R ]
سوبر مصمم
رقم العضويه 3004
مرسله في نوفمبر 26, 2012 11:29 AM
بس ترى ديزني وجهت بيكسار كثير بأول فيلم (توي ستوري) ولو ما ديزني ماكانت بيكسار بدت بدايه سليمه .. تذكرون السيناريو الاول البشع اللي انكتب لتوي ستوري؟ لو تنفذ الفيلم بوقتها كانت بتكون كارثه .. لكن الحمدالله ان ديزني رفضته .. وفوق هذا ارسلوا طاقمهم لبيكسار عشان يساعدونهم .. مثلا من يذكر المخلوقات الفضائيه الخضره؟ هذي فكرة وتصميم كريس ساندرس (اعذروني اذا الاسم غلط) هو السبب بوجودهم وكريس رسام لوحات ستوري بورد بأفلام ديزني رسم فيلم مولان ومشهد تذكر انت مين المشهور بالاسد الملك واخرج ليلو وستيتش .. هذا مثال بسيط على تدخل ومساعدة ديزني بتوي ستوري .. اكيد بيكسار بعدها صار لها كيانها الخاص وصارت تعتمد على نفسها .. لكن هالشي مايخلوا من تدخل ديزني ببعض النقاط من باب ان ديزني تمول مشاريعهم وعندها خبره بهالمجال ^ ^ خخ عذاب قاعد اكتب بالجوال --------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 27, 2012 02:53 AM
في مثل هاليوم وهالدقيقه بالتحديد قبل 5 سنوات انولد موضوع دليل اصدارات ديزني الموضوع اللي اعتبره بمثابة بيتي الثاني واللي تعرفت من خلاله على مجموعه من احلى الاصدقاء بالدنيا .. ماكنت متخيل ولو للحظه يومها بأن الدليل ممكن يستمر او يصمد لاكثر من اسبوعين ثلاثه! كنت اقول اكيد راح يغرق بوسط زحمة المواضيع! كيف اتجرأ وافتح موضوع عن افلام اغلبية الاعضاء بالمنتدى يعتبرونها افلام اطفال؟ لانها انميشن ومن ديزني! كنت متأكد اني انجنيت رسمي عشان افكر افتح موضوع يتابع اصدارات ديزني بالسالمية! والشي الثاني اللي كان مخليني استبعد نجاح واستمراية الدليل هو اني كنت اقول مستحيل احصل احد مهووس بديزني مثلي لكني لقيت ناس مهووسين بديزني ضعفي بألف مره وبعدين كيف اجي واقول للناس اشتروا النسخ الاصلية بالوقت اللي كل الناس كانوا يحملون فيه من النت! كنت اقول مستحيل ينجح هالموضوع .. حده يومين ثلاثه وينسونه الناس! لكن الايام اثبتت اني كنت غلطان والايام اثبتت ان الدليل ماكان بس مجرد موضوع عادي انفتح عشان نتناقش كم يوم عن افلام ديزني وخلاص! الدليل صار المحطه الاولى اللي تنطلق منه اخر الاخبار المتعلقة باصدارات ديزني وقبل العالم كله! صرنا ننفرد بحصريات مش موجوده عالنت .. الناس والمواقع الاجنبية والعربية ياما خذت منا اخبار وصور احنا اول من نشرناها .. تذكرون بلوراي فيلم طرزان لما وصل لحمدان بالغلط؟ وكانت هذي اول نسخه تتسرب من البلوراي بالعالم كله .. وكان اول مكان استعرض هالبلوراي هو الدليل! المواقع الاجنبية كلها انفجرت بعدها وكلهم تناقلوا الخبر والصور والتغطيه منا لما افكر بهالشي جد احس بالفخر! تفردنا كذلك بمقابلات مهمه ماتكررت مع القائمين خلف دبلجة هالاعمال قابلنا مديرة مصرية ميديا نفسها "عائشة سليم" واللي بعد هالمقابله محد قدر يوصل لها وياخذ منها تصريح واحد .. وتواصلنا مع اهم ممثلين الدوبلاج وكلمناهم شخصياً بالتليفون! ومش كذا بس! الاهم من هذا كله هي الثقه اللي اعطونا ياها المسؤولين بشركة روتانا للترفيه المنزلي وامدادهم لنا بالدليل بأخر الاخبار الحصرية وقائمة باصدارات افلام ديزني اللي راح تنزل بالوطن العربي مع مواعيد طرحها .. والاحلى ان الدليل ماكان مجرد موضوع عن ديزني وبس الدليل كان عباره عن حياة كامله عمرها 5 سنين عشناها مع بعض بهالصفحات .. ياما فرحنا .. وزعلنا .. وتهاوشنا .. وتصالحنا فيها هالصفحات اللي عدت كانت بمثابة كتاب ذكريات والبوم صور فيه اللي يفرح واللي يحزن واللي يضحك! ما انسى اللحظة اللي فرحنا فيها لما وسيم بشرنا بأول مشاركاته بإعلان الاميرة والضفدع لما نزل بالعربي! ساعتها كان هذا اول اعلان عربي ينزل لديزني لفيلم جديد ماشفناه ومع ان تسجيل وسيم كان معفن وماينشاف ولا ينسمع لول بس فرحنا فرحه ماصارت يومها وما انسى لما زفيت الخبر الحزين اللي قلب عالم محبين ديزني من عالم سعيد لعالم تعيس .. خبر استبعاد اللهجة المصرية واعتماد الفصحى بدلاً منها كان يوم اسود خيم عليه الحزن مو بالدليل بس .. بكل مكان انتشر فيه الخبر عالنت .. من بعد ماتفردنا فيه بالدليل! وماقدر انسى حماسنا لأي اصدار جديد قبل لا ينزل! وفكرة الكاونت داون اللي استمتعنا فيها بكل معنى الكلمة .. طبعاً الا الكاونت داون اللي يمسكه زيود لول اعوذ بالله بإختصار .. انا شخصياً عشت ايام ماراح انساها بين صفحات هالموضوع ومو هاين علي اسكره بعد كل هالسنين! تخيلوا؟ 5 سنين مرت بسرعه ماحسينا فيها فنفسي والله اخلي الموضوع شغال للابد .. لكني مضطر اسكره عاجلاً او اجلاً .. لان اللي عاشر منتدى السالمية عارف ان هالمنتدى مامنه امان وياما مواضيع كانت ماشيه عادي والردود وصلت فيها 400 او 500 وفجأه كل الصفحات صارت خالية وانمسح كل شي فيها! بعض المواضيع يصير لها عطل غريب لما توصل لحد معين من المشاركات .. مش كل المواضيع لكن بعضها وانا بصراحه ماقدر افرط بهالدليل! وماعندي قلب انتظر اكثر لين ما هالعطل يصير وبعدها اندم واقول ليش ماسكرته من الاول! عشان كذا اشوف اني اسكر الدليل الحين بعد ماوصلنا لـ 644 صفحة وبيوم ميلاد الدليل الخامس احسن من ما اتحسف بعدين اتمنى ان الدليل في جزءه الثاني يخبي لنا ايام احلى واحلى من هالدليل .. وتقوى صداقاتنا وتكبر شلتنا اكثر واكثر واسمحولي لو قصرت مع اي واحد فيكم .. او زعلتكم مني بدون ما اقصد .. او خيبت املكم فيني وتذكروا ان اخوكم انسان يصيب ويخطي تحياتي لجميع من شارك وزين صفحات دليل اصدارات ديزني بأي كلمه او مشاركه ونلقاكم على خير ان شاء الله في دليل اصدارات ديزني الجديد .. واللي اتمنى انه يكون عامر بالنجاحات والاخبار الحلوه اخوكم اللي مهما سوى راح يظل مقصر معاكم / ناصر -------------------------------------------------------------------------------------- Kenny Loggins - Your Heart Will Lead You Home فيلم المغامرة النمورية --------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|