هالاسبوع كان استثنائي الامس كنت اول واحد يوصله بلوراي فلم بوكاهونتاس .. واليوم اول واحد بالمنتدى يوصله كتاب (كان بالامس) .. من كثر ماكنت متحمس للكتاب ما انتظرت كنت كل شوي اسوي ريفريش لصفحة الـ DHL .. واول ماوصل عندهم الساعه 1 الظهر طلعت من الشغل ورحت وخذته ..
قريت تقريباً 50 صفحة اول مافتحته .. ماقدرت اهده من يدي من كثر ما جد جد استمتعت فيه
انا عادة مستحيل اقرا واندمج مع اي كتاب الا وانا بالسياره .. ولازم تكون في طقوس معينه مثل اني اختار قبل اي كتاب الموسيقى التصويرية اللي تناسبه عشان اندمج وانا اقرا .. مع كتاب بدر حاولت احط موسيقى دراميه تصيح بالبدايه .. لكن بعد اول سطر حووووولت لموسيقى كوميديه من كثر ما اول صفحه ضحكتني لول .. شكنت افكر فيه عشان اقرر اني اقرا كلام بدور على موسيقى دراميه؟ لول
اول شي لفتني بالكتاب طبعته الفخمه
وثاني شي لفتني ان الكتاب فيه كم صوره لبدر .. والحلو ان الصور كلهم ملونين .. توقعت ان الصور تكون ابيض واسود نفس كتب السير ذاتيه اللي اقراها بالعاده .. يمكن عشان تكون تكلفة الطبع ارخص .. لكن الصور بكتاب بدر كلهم ملونين ..
هنا شكل الكتاب بعد ماطلعته من ظرف الـ DHL والنيل والفرات
الكتاب من الامام وعلى جنب
الكتاب من الخلف
الغلاف طالع رهيب بالواقع .. والاحلى من الغلاف الامامي هو الغلاف الخلفي من الكتاب والرسم اللي عليه .. كيوووت الفكره .. المصممه مشاعل شاطره وقدمت شغل جامد الصراحه
هنا صفحة اهداء الكتاب ..
الله يرحمها جدتك يا بدر ويغمد روحها الجنه ان شاء الله .. من فتره كان في موضوع تعزيه لها بالساحه العامه لو تذكرون! .. لما قالي بدر شكثر هالانسانه كانت تحبه وهي الوحيده اللي احجزت له ثمن المستشفى وقدمت له كامل الدعم جد احترمتها وحبيتها ..
هنا الصفحه الاولى من الكتاب
لووووووووول عاد كنت ساعتها للحين ماتغديت والصفحه هذي ماقصرت خلت عصافير بطني تغرد عدل ..
وهنا مثال على شكل الصور بالكتاب ..
هالصوره لولاي ماكانوا العالم شافوها المفروض تكتب اسمي تحتها مع شكر خاص مالت على ابليسك بدور .. كان مطرشها لي بدور ولما انحذفت من كمبيوتره بعد الفورمات طلبها مني ولحسن الحظ كانت موجوده عندي وارسلتها له .. احم احم يعني البركه فيني
المهم هذا اهم جزء بالكتاب لاعضاء السالمية
والله ومنتدانا صار ينذكر حتى بالكتب .. عسى الله لايفرقنا ونكمل كلنا مع بعض بالسالميه للابد ..
الكتاب لحد الان روعه .. ومسلي لابد حد .. وفي اجزاء قريتها خلتني فعلاً افكر بأخوي الصغير اللي صار عمره 15 سنه ووزنه 120 .. كل الوصف اللي قريته على لسان بدر عن طفولته وشلون كانت وجبه وحده من وجبات هالمطاعم السريعة تفرحه اكثر من اي هديه ثانيه ينطبق على اخوي وولعه بهالامور .. لازم اخليه يقرا هالكتاب يمكن يتأثر شوي لانه الحين وهو بهالعمر مو فارقه معاه ..
بدر صبرت ونلت .. الكتاب راقي والغلاف من ورا وقدام والاهداء وطريقة وضع الصور وكل الكلام اللي قريته كان فوق اللي توقعته .. يارب ان كتابك ياخذ حقه من النجاح .. وانت بعد لازم تشد حيلك وتطلع بمقابلات وتروج له .. جد مو خساره فيه اللي دفعته حتى لو كان شي بسيط .. راضي كل الرضى عن الكتاب
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
رد مقتبس:المرسل الأصلي هو الأمبراطورة حلـــويـــــــات ™: نصور كم أحقد عليك
والله توقعت ان الكتاب يوصلج اسرع يا اسما بحكم ان لبنان والاردن قراب من بعض .. انا شحنتني مرت على 3 مطارات .. من لبنان لدبي لقطر .. ووصلت اليوم .. فغريبه ان شحنتج تأخرت كل هالمده بالرغم من اننا طلبنا بنفس الوقت
حاولي تراسلين النيل والفرات وتستفسرين منهم!
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
نصور نصور نصور بعد ردك شعوري والحين انا قاعد مابي اتحرك مابي اكل مابي اغير الصفحة مابي اسوي اي شي لين الكتاب يكون بيدي
احس العربية للعلوم والنيل والفرات ودي اج ال كلهم متفقين انه يوصلك قبلي
انا الكاتب مايصيررر لول كتابي لووول ,, نصور كلامك روعه بعض من كلماتك قلتها لي قبل شوي بالتلفون وبعضها توني اقراها هني ,,,ابدعت يارب يارب يكون هذا رايك بعد ماتقري الكتاب كامل و تكون هالجمله راضي كل الرضى عن الكتاب نقولها لي بعد ماتخلصه
انت ابدعت واعطيت الكتاب حقه لكن من اهم الناس الي ناطر رايهم بعد ماتخلص الكتاب غير انك اخوي وعزيز على قلبه من سنين وغير انه اول واحد اعرفه يوصل له الكتاب لو تدري ربعي شكثر محترين يوم قتلهم مساع بالتلفون الكلوز اللي اطلع وياهم كل يوم لانهم ماقروا الكتاب كلش
نصور حبيبي ياخوي مشكور
[ مايو 09, 2012, 05:58 PM: تم تحرير المشاركه من قبل: طبيعي ]
المشاركات: 44721 | من: الـكـويـت | تاريخ التسجيل: أكتوبر 2003
|
رد مقتبس:المرسل الأصلي هو الأمبراطورة حلـــويـــــــات ™: نصور كم أحقد عليك
والله توقعت ان الكتاب يوصلج اسرع يا اسما بحكم ان لبنان والاردن قراب من بعض .. انا شحنتني مرت على 3 مطارات .. من لبنان لدبي لقطر .. ووصلت اليوم .. فغريبه ان شحنتج تأخرت كل هالمده بالرغم من اننا طلبنا بنفس الوقت
حاولي تراسلين النيل والفرات وتستفسرين منهم!
عملتهم كركبة راسلتهم و اتصلت عليهم اخر شي اتصل عليي واحد قلي يومين وبكون الكتاب عندك عموما كنت حابة اول من يوصلني الكتاب ازا انحرق بايدك و لا انشليت وانت بتقرءو انا ما خصني
حبيت كلامك عن الكتاب وحماس حماس
ناصر بدر
--------------------
بدر 😔😔
المشاركات: 34768 | من: من: من: من: من | تاريخ التسجيل: ديسمبر 2004
|
مرسله في
اوووله الاسبوع الياي؟ والا هالاسبوع؟ لا عيل طلبية المكتب الثاني راح توصل قبل راح اقولج نطري يومين
المشاركات: 44721 | من: الـكـويـت | تاريخ التسجيل: أكتوبر 2003
|