مرسله في
قاعد اقرى الكتاب من الصبح و خلصت اكثر من 100 صفحه جد كتاب مسلي وسلس و فنفس الوقت محزن وايد اتأثرت بوايد اشياء قريتها بقولك اياها اذا كلمتك !
عتبي الوحيد انه الكتاب فيه اخطاء املائيه و لغويه فادحه و هذا الشىء اكيد ما الومك عليه و لكن الوم دار النشر اللي المفروض ينتبهون لهلأخطاء قبل طبع اي كتاب
--------------------
المشاركات: 13760 | من: United Arab Emirates | تاريخ التسجيل: مايو 2003
|
اول مرة قراتو كصديقة و محبة وبكل حماس وكنت مبسوطة و معجبة بكل حرف كتبتو و عشت اللحظات بكل تفاصيلها .. حبيت كل ذكرياتك بطفولتك و مراهقتك و مغامراتك بلندن و تجاربك بالحميات بساطتك في الكتابة بتحمس القارئ يكمل الكتاب لاخره وياويلي من اخر فصل بالكتاب كنت خايفة اوصل لهالرحلة من قصتك بس تمام قرأتو و بكيت مع كل مرة بقرء اسمك والدتك و والدك فيه الله يخليك اياهم و يفرحهم فيك و بشفاك ضحكتني بس قلت ليش كل غرف العمليات في السراديب هههههههههههههه الكتاب رائع كتجربة شخصية ولأول مرة وكمان لاحظت قديش استعملت كلمة طبيعي بالكتاب كتتتتتير و كنت بفضل لو ذكرتها بالعنوان
اه تعليقي الوحيد عالعنوان لو ما كانت كلمة معاناة(كلمة سلبية جدا و محبطة ) موجودة واستبتدلها بأي كلمة تانية
القرءاة التانية للكتاب قرأته وانا بدور بين السطور على الامل و التفاؤل و النجاح بصفتي هالفترة فاقدة لكل ما سبق ذكره وحرجع اقرء كمان اتمنالك التوفيق صديقي العزيز
--------------------
بدر 😔😔
المشاركات: 34768 | من: من: من: من: من | تاريخ التسجيل: ديسمبر 2004
|
مرسله في
طبعا انا يأست جدًا من انتظار نزول الكتاب بالسعودية .! فعلا شي ينرفز ويحرق الدّم :/
اخواننا في قطر <3 ممكن تعطونا تفاصيل وين ممكن احصّل الكتاب عندكم .؟ بحكم وجودي بالدّوحه حاليًا .. ممكن اسماء أهم المكتبات بـ قطر عشان اقدر اسأل فيها :$
المشاركات: 1452 | من: <3 | تاريخ التسجيل: أبريل 2011
|
ألف ألف مبروكك حصول الكتاب على المركز الثاني .. ومتأملين بالمركز الأول =$ شي يفرّح والله ألف مبرووك .. إن شاء الله ألاقي الكتاب بـ قطر اليوم .. واستمتع بقراءته <3
المشاركات: 1452 | من: <3 | تاريخ التسجيل: أبريل 2011
|
مع اني المفروض اكون اول واحد خلصت من الكتاب .. لكن ماحبيت اقراه بسرعه واخرب علي الاستمتاع بكل سطر فيه بس عشان اكون الاول اللي خلص منه .. حاولت استلذ بكل فصل واقراه على روائه وما استعجل .. وهذا رايي بالكتاب:
الكتاب اشبه مايكون بروايه سينمائية مكتوبه بحرفية عالية لكن بأشخاص حقيقيين واحداث حقيقية .. اسلوب السرد احد اجمل الاشياء الموجوده بالكتاب .. اسلوب عفوي ويدخل القلب .. ويعكس شخصية بدر الحقيقيه اللي كل اصدقائه واللي حواليه يعرفونها .. مابالغ لما اقول اني تأثرت بكل سطر بالكتاب .. وبالرغم من اني ضحكت واستمتعت بخفة دم بدر المعهوده الا ان عيوني دمعت على مواقف كثيرة تعرض لها بدر بحياته .. اللي يعور قلبي جد هو ان بدر صديقي من 10 سنين .. متواصلين مع بعض بالتليفون بشكل مستمر .. فلما مسكت الكتاب اول مره ظنيت اني راح اعرف سلف اللي راح اقراه عن بدر بحكم معرفتي فيه كل هالمده .. لكن تفاجأت بهالانسان اللي اسمه بدر العليان .. واللي ظنيت اني كنت اعرفه بما فيه الكفايه ..
اللي يميز الكتاب من وجهت نظري ويخليه من انضج التجارب العربية اللي قريتها من خلال كتب السيرة الذاتيه هو ان بدر ما اضطر انه يخفي سلبياته .. او انحرج من انه يبرز عيوبه لنا .. ماحاول يظهر بمظهر الملاك (العقده اللي نعاني فيها بأعمال السير الذاتيه) .. بدر كان شجاع لدرجة انه مسخر نفسه عشان يضحكنا على معاناته ..
مواقف كثيرة عورت قلبي بجد .. منها لما كان بدر يتكلم عن ذهابه لمراكز التسوق وكيف ان مشاهدة الاطفال له بالاماكن العامه يثير بقلبهم الرعب .. وكيف لما حاول مره يبتسم لطفل صغير وهالطفل خاف منه وبدا يبكي .. في ابشع من هالشعور؟ ما اعتقد .. ولما بعدها بدا يتجنب يزور بيوت اصدقائه اللي عندهم اطفال عشان مايضايقونه .. اي معاناه هذي اللي كان عايشها بدر بهالمرحله؟ شي ماينوصف .. ولما تكلم عن يوم العيد وكيف كان يقضي يومه بمشاهدة التلفزيون عشان يتجنب يطلع ويشوفونه الناس بهالمنظر .. كنت اقول فقلبي فديتك بدور معقوله انت اللي تزرع فينا الابتسامه تعاني هالكثر ومولاقي احد يخليك تبتسم واحنا بيوم العيد! .. واللي كسرني وعور قلبي اكثر لما تكلم عن معاناته بركوب سيارة رفيجه بلندن وكيف انه اضطر يومها يستلقي على ظهره وراسه موجه فوق كأنه نايم على سرير وهو بالسياره ورفيجه يقوله يابدر استمتع وشوف المناظر اللي حواليك على يمينك ويسارك .. وبدر مو قادر لان سمنته كانت مانعته ومو مخليته الا انه راسه يكون ناحية سقف السياره ..
وكل ما اتقدم اكثر واخلص فصل وابدا بفصل جديد بالكتاب احس بمرارة اكثر من قبل .. الحلو ان بدر اوحالي انه كتابه ممكن يكون كله ضحك من الثلاث صفحات الاولى .. لكن ما ان القاريء يخلص منهم حتى يلقى نفسه بدوامة من الدراما والحزن والفرح اللي مر فيهم هالانسان .. بعد ماقطع قلوبنا عليه بأول فصلين وفرحنا بالفصل الثالث .. نزل ورجعنا لنقطة البداية وعور قلوبنا بعد ما اصابه مرض التصلب العصبي .. المرض اللي بجد ماكنت عارفه عنه اي شيء والان احس نفسي ماخذ فكرة كاملة عنه بعد ماقريت الكتاب .. كمية من الانفعالات النفسيه المو طبيعيه اللي يحطها فينا بدر من اول فصل لاخر فصل .. والحلو ان بعد كل هالتجارب والمواقف اللي ممكن انها تهد جبال نشوف بدر واقف على رجله وانسان مليء بالطاقة والامل والسعاده ..
الكتاب بإختصار يعبر عن فكرة الحياة بحلوها ومرها .. ممكن بأي لحظه تقدم لنا هديه مفرحه غير متوقعه .. وممكن انها تاخذ منا شي ثاني غير متوقع بالمقابل .. المهم ان الواحد يكون راضي ومقتنع بقضاء الله وقدره ويحمد ربه على نعمة الحياة ويحاول يعيش سعيد حتى وهو بأحلك الظروف .. درس مهم ماكنت منتظره من الكتاب بصراحه .. كنت منتظر ان الكتاب يتناول قضية محدده يمكن ماتعنيلي كثير وهي قصة البدانة والرشاقة .. لكن بعد ماخلصت الكتاب اكتشفت ان بدر كان يحاول ياخذ صورة اشمل واعمق تهم كل انسان ..
بدر من خلال هالكتاب ضرب لنا درس لاينسى بالتفاؤل وكيف لازم نلقى الجانب المشرق بأي حدث يمر علينا .. حبيت لما جا له التصلب العصبي وقال الحمدلله انه عالاقل ماجاني وانا متين .. لان العلاج بيكون اصعب .. شوفوا كيف يحاول يلقى اي سبب عشان يشكر ربه عليه .. حتى وهو مبتلي بمرض مامنه شفاء .. صج صج صج احبك يا بدر
وبخصوص الجملة اللي انكتبت ورا الكتاب يمكن ماحسيت فيها كثير وماعنت لي شي بالبداية .. لكن لما قريتها بسياق الكتاب حسيت وقتها انها احد اجمل الاسطر اللي انكتبت على كثر ماتأثرت فيها .. يمكن الشي الوحيد اللي كنت انتظره بالكتاب ومالقيته هو اسم جدة بدر اللي ذكرها بالاهداء غنيمة الغانم الله يرحمها .. توقعت ان بدر راح يذكرها ويسلط الضوء عليها بما ان كان لها هالاثر الكبير عليه اثناء فترة العملية ..
والشي اللي صج فرحني وانا اقرا الكتاب .. هو ان بدر مانساني وذكرني فيه .. ولو انه ماذكر اسمي مباشره لكنه جاب طارينا انا وطلال موسيقي وعاشق نوال الكويتيه .. تقريباً احنا الثلاثه اللي تكلم عنا بالكتاب من اصدقائه عالنت حسب ما اذكر .. عاد انا من الوناسه ماخليت احد ماقريت له السطر اللي انذكرت فيه
اول واحد انذكر كان طلال .. اتصلت فيه وكلمته عن الفقره وقريتها له وقلت له يا السوسه اتاري بدور مافكر بالعملية الا من ورا راسك
بس قعدت اشكره من كل قلبي لانه كان رحوم عليه وماتطنز على بدانته اول ماشافه .. مادري ليش حسيت اني لازم اثني على تصرفه مع اني عارف ان طلال هذي اخلاقه وانسان مرتب ومحترم .. يمكن لاني احب الانسان اللي يحس بغيره .. وطلال طول عمره كذا .. لكن لقيتها فرصه اني اشكره واثني عليه هالمره ..
وهنا السطر اللي انا انذكرت فيه
والله ماتوقعت ان بدر يذكر هالاتصال .. اذكر يومها كنت بالدوام الصبح ولا فجأه يوصلني ايميل يتناقلونه الموظفين عن شخص كويتي كان متين وضعف وحاطين صورته قبل وبعد! .. قلتلهم هذا اعرفه @@ رفيجي بدر .. قالوا اي اي قص علينا .. من بين كل الناس بالعالم اللي تنتشر صورهم عالايميلات تطلع انت تعرفه .. فإتصلت في بدر على طول وقلت له عن السالفه .. وتكدر .. لكن كنت متوقع انه يتظاهر بالزعل وانه يسوي روحه قدامي كلش مايبي يصير مشهور لول .. لكن مسكين لما قريت الكتاب وهالفقره بالتحديد عرفت انه فعلاً كان زعلان من سالفة الايميلات
وهنا تكلم عن عاشق نوال الكويتيه
يحليله
استمتعت بالكتاب واحس ان خاطري اقراه مره ثانيه بعد واشوفه من زاويه مختلفه هالمره ..
على فكره بدر فعلاً في اخطاء املائيه ولغوية بالكتاب وكنت طول ما انا اقرا ماسك ورقه وقلم واسجل الاخطاء اللي احس انها لازم تتعدل في حال صار في طبعه ثانيه .. اذا تبيهم قول لي بس ..
وبالاخير احب اقول الله يوفقك ويخليك لنا يا احلى واعز صديق .. ويارب بكره نشوفك كاتب الجزء الثاني ويكون كله افراح ووناسه ومانشوف اي حدث يزعل فيه .. لانك انت بالذات يا بدر ماتستاهل انك تزعل
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
رد مقتبس:المرسل الأصلي هو NEX-5: طبعا انا يأست جدًا من انتظار نزول الكتاب بالسعودية .! فعلا شي ينرفز ويحرق الدّم :/
اخواننا في قطر <3 ممكن تعطونا تفاصيل وين ممكن احصّل الكتاب عندكم .؟ بحكم وجودي بالدّوحه حاليًا .. ممكن اسماء أهم المكتبات بـ قطر عشان اقدر اسأل فيها :$
والله للاسف اخوي الكتاب للحين مانزل في قطر .. الكتاب للحين محتاج وقت عشان ينزل بكل مكان
لو انكم طالبينه من النيل والفرات كان وصلكم من زمان وقريتوه وخلصتوه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![[super]](graemlins/super.gif)
![[happy.]](graemlins/happy.gif)
![[applause]](graemlins/applause.gif)
![[Eek!]](eek.gif)
![[dance]](graemlins/dance.gif)
![[heartpump]](graemlins/heartpump.gif)
![[Frown]](frown.gif)
الله يخليك اياهم و يفرحهم فيك و بشفاك ![[Smile]](smile.gif)
![[smoke]](graemlins/smoke.gif)
![[Big Grin]](biggrin.gif)
.. ولو انه ماذكر اسمي مباشره لكنه جاب طارينا انا وطلال موسيقي وعاشق نوال الكويتيه .. تقريباً احنا الثلاثه اللي تكلم عنا بالكتاب من اصدقائه عالنت حسب ما اذكر .. عاد انا من الوناسه ماخليت احد ماقريت له السطر اللي انذكرت فيه ![[iwantattention]](graemlins/iwantattention.gif)
![[rose]](graemlins/40.gif)
![[girlie]](graemlins/girlie.gif)
![[nerd]](graemlins/nerd.gif)
![[Razz]](tongue.gif)
![[crying]](graemlins/crying.gif)
