شفت مجموعة أفلام في الفترة اللي مرت بكلمكم عن
بعض هالأفلام اللي شفتها..



ما حبيته أبدا.. وحسيته ينقل صورة غلط عنا..
وكالعادة الأمريكيين هم الابطال والعرب ما فيهم
غير 3 ولا 4 شخصيات طيبة.. الباقيين كلهم أشرار..
اللي يشوفه يشوفه على أساس انه فلم أكشن هوليوودي
بدون ما يركز وايد على الصورة اللي يحاولون ينقلونها
عن العرب..



من الأفلام العائلية الخطيره.. مب بس مصخرة وضحك مثل
أغلبية الافلام العائلية هاليومين.. بالعكس فيه
رسالة حلوة واذا عندكم يهال خلوهم يشوفون الفلم
وياكم
لورنس فيشبيرن ضبط الدور بشكل رهيب.. والممثلة
الصغيرة بعد حلو تمثيلها



يقطع القلب هالفلم بس فيه رسالة حلوة
تبين انه الفلوس مالها أي أهمية مقارنة بالعايلة
والأصدقاء.. قصة الفلم انه ريال غني ترك لأحد أحفاده
مجموعة هدايا عبارة عن دروس يتعلمها.. وبعد ما
يتعلم كل درس يكسب هدية من هالهدايا.. والهدايا كلها
مالها أي قيمة مادية..
أبيجيل أول فلم أشوفه الها.. ومثل ما توقعت تمثيلها
رائع.. بس تصرفاتها مثل الاولاد مو مثل البنات



فيه ناقد كتب رايه بالفلم وحسيته وصف الفلم
بشكل دقيق جدا

رد مقتبس:

---

"...an illustration of what can result when the filmmakers possess a solid understanding of the romantic comedy formula and decide never to stray from it by one iota."

---

الفلم وايد Predictable لكن بنفس الوقت مكتوب
بطريقة حلوة و مسلي.. يعني اللي يحب يشوف فلم
رومانسي كوميدي خفيف وكيوت يشوف هالفلم.. بتحسون
احساس حلو بعد ما يخلص و كاثرن وجيمس أحسهم ويههم
حلو على أي فلم يطلعون فيه.. دايما تنجح أفلامهم



ما أقدر أتكلم وايد عن هالفلم لأني أصلا ما فهمته..
بس مسلي و رنة الموبايل اللي يموت كل واحد حاطنها
في موبايله حطيتها في موبايلي بس مازلت
متعطش لفلم رعب محترم