الفيلم حلو ، فكرته مافيها ابتكار وايد ، بس بالنهاية استانست و انا اشوف الفيلم .. حبيت المقالب و التدرج اللي صار بالاحداث .. تمثيل كاميرون خطييييييييييييييير .. النهاية كانت متوقعة .. بس هم حلو الفيلم
القصه هي اياها, البنت الغلبانة اللي محد داري عنها وفجأة يكتشفوا موهبتها الرهيبة (بالحيل) وتاخذ حقها
وطبعا لازم فيه البلوند النذلة اللي ماكله الجو عليها
شوفوا كلمات أغنيتها بس:
me myself and i agree you'll never catch up with me coz i'm too cool to know you don't take it personal don't get emotional you don't know its the truth but i'm too cool for you
انا هذي طريقتي في التقييم ، مو بس بالافلام و لكن بكل عمل فني ..
اغاني ، مسرحيات ، او افلام ..
بتقولون لي ان الطريقة العالمية المتعارف عليها هي طريقتكم ، بقولكم ان الابداع هو انك تكتشف طرق يديده .. و لوما الواحد جرب او اضاف شي من عنده باي مجال .. جان ماتطور العالم و ما صارت في كلمة اسمها ابداع
ما تدرون يمكن في يوم من الايام تصير طريقتي هي المتعارف عليها عالميا ..
و بعدين عندي لكم سؤال ..
ليش يحطون نوعية الفيلم في كل مكان ؟
سؤال ثاني لكم اثنينكم ..
انتوا الحين لما تمدحون اي اغنية .. خلونا نقول اغنية من العصر الحديث .. و تقولون انها تفجير و وااو و و و ..
تقدرون تقارنونها باغاني ام كلثوم ولا محمد عبدالوهاب كمستوى ؟
ما كلهم اغاني !!
بس اكيد مقارنتكم بتكون على اساس الاغاني الحديثة اللي نزلت وياها ( يعني نفس نوعيتها ) و ماراح تشمل كل مستوى الاغاني ..
حتى لما تقارنون الاغاني .. تقارنون الخليجي مع بعض ، و المصري مع بعض ، و اللبناني مع بعض .. لان نوعية الاغنية تختلف من خليجي لي لبناني لي مصري .. الخ !
ناقشوني ، و بليز لحد يقولي ( هذي الطريقة العالمية ) لان هالكلام مأخوذ خيرة ..
ماقولكم اني احسن من النقاد المعروفين ، بس ابي احد يقنعني ان كلامي غلط .. و على فكرة انا ممكن اعترف اني غلط .. بس بالاقناع مو بفرض الراي و التمسخر