طلال ! انا فاهم ان لك طريقة .. بس تقييم الأفلام ابدا ما له خص بالأغاني .. يعني انا لما اتكلم عن فيلم انتاج 2008 .. ما اروح اقارنه بكازابلانكا او Gone With the Wind .. بس في نفس الوقت ما اقول ان هالزمن تغير ومستحيل افلام اليومين توصل لهم .. اجل ليه بالأوسكار ما يسوون فئة للكوميدي وفئة للدراما وكذا .. ؟ انا معك طريقتك حلوة .. بس بعض المرات ما تكون مفهومة .. يعني فيلم WHIV انت عطيته 8 .. في موقع مثل Rotton Tomato اخذ 27% !! يعني تقريبا 2.7 .. لول شفت الفرق ؟ بتقولي ان الطريقة العالمية انت ما تتبعها .. بأقولك بالأفلام غير عن الأغاني .. الأفلام هي نفسها .. Timeless .. لما نزل No Country for Old Men كلنا انجنينا عليه .. وخلاص قلنا هذا تحفة كلاسيكية .. وجونو بعد .. وThere Will Be Blood .. الطريقة العالمية مو تبرير .. انا ما اقولك ترى هذي الطريقة العالمية بس اقولك هذي الطريقة الواقعية .. صعب يا طلال انك تقارن الأغاني بالأفلام .. الأغاني ما عندك الا 3 اشياء تقيم عليها .. الكلمة اللحن التوزيع .. حتى الصوت ما عاد يهم هالأيام .. اما الأفلام .. عندك التمثيل .. الكتابة .. الإخراج .. التصوير .. الموسيقى .. الأزياء .. التحرير ومليون شغلة ثانية .. عشان كذا لازم تكون الأفلام خاضعة لنفس الستاندرد .. ولا كيف بنعرف تفوقها ؟ احنا ما كنا نتمسخر بس كنا مذهولين لول .. يعني لما يجي خليفة مثلا .. ويقرا انك عطيته 8 بيعتقد انه بيشوف تحفة من تحف السنة هذي !! في نفس الوقت اقولك لو تشوف اي مراجعة للفيلم صعبة انك تشوف احد مدحه مدح كثير .. انا ممكن اعطيه 4 .. بس بنفس الوقت اقول اوكيه الفيلم ينشاف وممتع .. فهمت علي ؟ بنف الوقت فيلم مثل ذا هلك انا اعطيه 4 بس باقول انه ممل ومضيعة وقت .. يعني انا اقصد ان فيه افلام سخيفة بس تنشاف .. بس لما الواحد يطلع منها ما راح يحس بأي شعور على الرغم من انه ما حس بكثير ملل .. ويمكن لما يسترجع الفيلم يكتشف انه سخيف .. في هذي تعتمد على النوعية اللي هو يحبها .. سواء كانت رومانتك كوميدي او آكشن او غيرها ..
اتمنى انك تتفهم ..
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
بس مقارنة الافلام بالاغاني تجوز و خلني اقولك ليش ..
بالنهاية اي عمل فني له متغيرات ، و متغيرات الاغنية هي 5 اذا بندخل بتفاصيل .. الكلمات ، اللحن ، التوزيع ، الاداء ، هندسة الصوت
و الفيلم له متغيراته اللي ذكرتها ..
سو التقييم بيكون على اساس هالمتغيرات ، و زيادة عددها او قلتها ماراح يأثر على التقييم في اي عمل فني ..
و بالنهاية الاعمال الفنية هي خلق لشيء ، سواء كان هالشي له قيمه او لا هذا يعتمد على الشخص نفسه ..
و ليلحين اعتقد ان طريقة تقييم الافلام حسب نوعيتها هي الافضل و خلني اقولك ليش ..
تقدر تقارن شريك بـ titanic ? او تقارن the notebook مع spider man ?
و ليش في المسلسلات يكون التقييم على حسب النوعية ؟ يعني افضل مسلسل كوميدي .. افضل مسلسل اكشن .. الخ ؟
اما بالنسبة للاختلاف في تقييم الاعمال الفنية .. حتى النقاد المعروفين تلاقيهم يختلفون في تقييم اي فيلم ، و لا ليش تلاقي ناقد يعطي عمل A بينما يعطيه ناقد ثاني D ?? مع ان اثنينهم نقاد و لهم تاريخهم ؟
كل شخص له ناس معينين يميل لاراءهم ، عشان جذي لو انا شخص دقيق ، كنت بشوف راي الناقد ( اللي احس ان اراءه تكون قريبة مني ) و اخذه بعين الاعتبار ..
ترى هالكلام مو عشان ادافع عن رايي ، بس عشان نتناقش و نعرف ليش النقاد اتبعوا هالاساس مع ان في تقييم باقي الاشياء تكون الطريقة مختلفة ؟
تحياتي
[ يونيو 29, 2008, 12:59 PM: تم تحرير المشاركه من قبل: موسيقي ]
طلال .. كلامك منطقي صحيح .. بس احنا ما نقول ان مقارنة .. التقييم مختلف اختلاف كلي عن المقارنة .. لما تقارن .. معك حق صعب انك تقارن فيلمين مختلفين عن بعض .. بس لما تقييم .. الموضوع مختلف .. التقييم على حسب المتغيرات اللي تكلمنا عنها .. في موضوع التقييم يتساوى The Godfather مع The Hottie and the Nottie .. اما في المسلسلات .. الموضوع مختلف .. هم يقيمون لأن لكل نوعية جمهورها .. حتى تلاقي التقييم يكون على حسب الدراما او كوميدي .. لأن المسلسلات فيه الـSitcomes (مثل فريندز، ساينفيلد، ويل اند غريس .. إلخ) وفيه الكوميديا العادية (ديسبريت هاوس وايفز، ويدز) وفيه الدراما ( هيروز، سوبرانوز، لوست) .. كل فئة لها جمهورها .. عشان كذا بالجوائز يقيمون على حسب الكوميدي او الدراما .. بعدين نفس الحكاية .. صعب تقارن مسلسل طوله 20 حلقة بفيلم طوله ساعتين .. لأنك بالمسلسل .. لو شفت حلقة راح تقول مثلا المسلسل فكرته ما عجبتني .. مو النوعية اللي احبها .. اما مسلسل يعجبك .. بتتابعه وتقيم كل حلقة لحالها .. لول
اما ليه النقاد اتبعوا هذي الطريقة .. اولا لأن التقيم غير عن المقارنه مثل ما قلت .. ثانيا الفيلم الممتاز يفرض نفسه .. فيه افلام سخيفة تنشاف .. وافلام سخيفة ما تنشاف .. طريقة تقييم الأفلام اكثر تعقيد من الأغاني .. بحكم ان الصورة اصعب من الصوت ..
اتمنى انك فهمت اللي احاول اوصله
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
في ناس يكرهون افلام الاكشن و يموتون بالكوميدي .. و في ناس يكرهون الكوميدي و يموتون بالرعب ..
بعدين عامل الوقت ما يلغي ان متغيرات الفيلم هي نفسها متغيرات المسلسل .. صوت و صورة و اضاءه و سيناريو و حوار و اخراج ..
و انا لما قلتلك قارن الافلام مابيك تقارنهم ، بس ابي اوضح لك ان حتى بتقييم هالافلام ممكن تظلم فيلم على حساب فيلم ثاني .. لمجرد انك تميل لنوعية معينة من الافلام ..
بس لما الناس يعرفون ان هالناقد يميل لافلام الاكشن .. ماراح يقرون تقييمه للافلام الكوميدية لانهم يدرون انه مو تخصصه اولا ، ثانيا لان هالنوعية من الافلام ما تستهويه عشان جذي بيكون تقييمه قاسي ..
من هني كنت اقول المفروض يكون التقييم على اساس النوعية و ما يحطون كل الافلام تحت نفس المسمى او يقيمون كل الافلام بنوعياتها المختلفة
مرسله في
طيب ليه ما يكون العكس .. لما واحد يحب افلام الكوميدي ويقيم الكوميدي يمكن يكون معطيه اكثر من حقه .. بعكس لما يقيم غيره .. بعدين لا تنسى شغلة .. انا واحد شبه مستحيل اني اشوف فيلم آكشن .. عشان كذا ما تشوفني اقيمه .. بس تشوف تقييماتي للدراما/الكوميدي/الرومانسي/الإثارة احاول اني اكون حيادي .. بعدين على موضوع التقييم على حسب النوعية .. انا كمشاهد لما ابغى اشوف اخراج متميز يمكن هذا اللي يرفع من قدر الفيلم عندي .. No Country for Old Men - اللي بكل رد اذكره - لو بتصنفه يمكن تقول افلام المطاردات .. وانا مو من جمهورها .. بس لأن المخرج قدم شي مختلف وجديد + سيناريو ذكي + تمثيل متميز انا اعلنت ان بنظري هذا افضل فيلم للألفية هذي .. فيلم Juno على الرغم من التكرار بالقصة وتصنيفه تحت كوميديا المراهقين اقدر اقارنه بفيلم Crossroads مثلا ؟ لأ طبعا .. جونو بجدارة كان افضل عمل كوميدي السنة الماضية .. كروسرودز كان فيه تشابه بينهم بكون وحدة مراهقة حامل وهالخرابيط .. إذا طريقة تقييمك هي المعمول فيها .. كيف الافلام تتميز من ناحية المراجعات ؟ فعلا راح يكون صعب .. إذا بانظر لها من مبدأ الكوميديا واعطي WHIV 8 كم راح اعطي Superbad .. اللي خذ مراجعات ممتازة وهم ينتمون لنفس الفئة .. كأني اقول ان ذا هلك يستاهل 8 .. إذا ذا هلك يستاهل 8 كم اعطي آيرون مان .. 12 من 10 ؟
طريقة تقييمك ولو انها نظريا ممتازة .. عمليا ظالمة .. لو انك قايل الفيلم ممتع وانصح الكل يدخله لأنه ما راح يمل .. وعطيته 5 كان تحمست ودخلته على اساس اني راح اشوف فيلم سخيف شوي بس راح اضحك واستمتع .. في النهاية الأفلام كلها تعتبر افلام من ناحية التقييم .. اما من ناحية النصيحة بالمشاهدة .. فهي جدا مختلفة ..
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
مرسله في
لما واحد يكون يحب الافلام الكوميدية ، راح يكون شايف مليون فيلم و اكيد المستويات بالنسبة له تختلف ..
يعني مو عشان انا احب الافلام الكوميدية كلها راح تكون ممتازة بالنسبة لي ..
اما بالنسبة لهلك و ايرون مان ، اكيد اللي يشوف هلك افضل راح يعطيه نتيجة اكبر من ايرون مان ، و العكس صحيح ..
يعني انا اذا بعطي هولك 5 \10 او 6 او 8 ..
راح اعطي ايرون مان 6 او 7 او 9 \ 10
مو بالضرورة اعطيه 12 \ 10 عشان ابين انه افضل من هولك .. لكن لو تقييمي كان عقلاني و واقعي من البداية لاي فيلم ، راح اعطيه اللي يستاهله ( حسب وجهة نظري ) ، و الفيلم الافضل منه راح ياخذ نتيجة افضل و رقم اكبر ..
اما بالنسبة للتقيم والنصح بالمشاهدة .. انت قلتها من قبل .. الفيلم المتميز راح يفرض نفسه ..
مرسله في
طلال .. كلامي لك اقوله بكل احترام ومحبة والله .. الجزئية اللي عليها الخلاف هي واقعية تقييمك .. يعني انا ونصور حسيناها ابد مو واقعي .. حتى بفرضية كلامك صحيح .. اجل كم تعطي Dan in Real Life على سبيل المثال؟ الأفلام اللي تقدر تاخذ 10 نادرة جدا .. و8 .. بكل المقاييس تعني ان احنا نتكلم عن فيلم اوسكاري .. هذي نقطة الخلاف اللي احنا فيها .. بتقولي 8 بالنسبة للأفلام الكوميدية .. طيب لو فيه فيلم كوميدي بمقاييس اوسكارية (مثلا، As Good As it Gets).. كم راح تعطيه إذا انت عطيت هذا 8 ؟ فهمت انا ايش حاب اوصل له ؟! خاصة ان كل الريفيوز والمراجعات لهالفيلم سيئة .. ولو ترجع تشوف افلامنا كم نعطيها .. راح تعرف ليه احنا مندهشين وعلقنا .. حتى في موقع IMDB اللي انا ما اعترف فيه كمقياس لأنه ما يعتمد على مرجعات مختصين .. اخذ 5.5 .. اعيد واقول .. هل تعتقد تقييمك واقعي بالنظر لمستوى الفيلم ؟!
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
مرسله في
على فكرة موسيقي لازم اقولك شي .. ترى انت اسلوبك يعجبني لما تتكلم عن فيلم .. جد احسك تعرف تجيبها .. انت من اكثر الناس اللي اتحمس على مشاركاتهم عشان اقرا وش قالوا عن الأفلام .. بس الجزئية الوحيدة اللي هي اني انصدم شوي بالنتيجة .. ترى والله مو قصدي شي بس ترى حتى احنا عندنا خلاف على اسلوب التقييم .. انا اقيم بالحروف وناصر وخليفة يقيمون بالأرقام .. ودي انزل موضوع عشان كل واحد يتكلم عن طريقته .. يعني عادي الخلافات بيننا كلنا تصير لول
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
الموضوع مغلق
إرسال هذه الصفحه لصديق!
لطباعه هذا الموضوع
![[Razz]](tongue.gif)
.. ويقرا انك عطيته 8 بيعتقد انه بيشوف تحفة من تحف السنة هذي !! في نفس الوقت اقولك لو تشوف اي مراجعة للفيلم صعبة انك تشوف احد مدحه مدح كثير ..![[Big Grin]](biggrin.gif)
.. فهمت علي ؟ بنف الوقت فيلم مثل ذا هلك انا اعطيه 4 بس باقول انه ممل ومضيعة وقت ..
![[Eek!]](eek.gif)
![[Smile]](smile.gif)
![[heartpump]](graemlins/heartpump.gif)
-![[worried]](graemlins/worried.gif)
![[kiss]](graemlins/kiss.gif)
![[rofl]](graemlins/rofl.gif)
