ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم العـــام » ساحه العنايه العامه بالصحه والجسم » تجربتي مع عمليه شد البطن ..صـ4 _________ (الصفحه 4)

إرسال هذه الصفحه لصديق!

الموضوع متكون من صفحات: 1  2  3  4  5  6  7

الكاتب الموضوع: تجربتي مع عمليه شد البطن ..صـ4 _________ طبيعي مراقب رقم العضويه 11956 مرسله في                    مشكورين كل اللي سالوا عني ودقوا علي واللي كلمتهم واللي ماكلمتهم مشكورين حبايبي انا بخير بس مستغرب مسو مافي رغم من الاردن ياني؟ ليكون دقيتي على رقمي الثاني؟ ماخذيته المستشفى معاي زينات صدقي رجعي جهنم سالم حبيبي انا بخير لاتحاتي طلعت من المستشفى واموري احسن من امس الحمدالله راح احط لكم التجربه كلها وكل اللي صارلي المشاركات: 44721 | من: الـكـويـت | تاريخ التسجيل: أكتوبر 2003  |  طبيعي مراقب رقم العضويه 11956 مرسله في                    السلام عليكم راح ابتدي معاكم واحاول الخص لكم الي صارلي بعمليه شد البطن العمليه بتاريخ : 19-10-2010 الدكتوره: منيره بوعركي المستشفى: البابطين مستشفى حكومي بالكويت العمليه: شد وازاله ترهل البط وقليلا من الصدر وتصليح فتق كبير من عمليه الباي باس اول يوم بعد ماتصلت علي الدكتوره منيره تبلغني انه العمليه باجر حاولت اتزهب نفسيا خاصه انه ماكو وقت كل شي صار بسرعه بسرعه وبلغت اهلي بالخير والصراحه محد كان مرحب بالعمليه لانهم مايدرون ان كان الام اس يتعارض مع البنج او العمليات او الشد ولالا ..بس حاولت اوضح لهم انه كل شي تمام ودكتوري الاعصاب قالي ماكو مشكله بس حسيت بعيونهم الخوف ووودهم اهون لكن اصراري على العمليه خلاهم يقتنعون قعدت الصبح الساعه 6 الصبح بدلت ملابسي وخذيت اغراضي ووصيت امي ماتروح معاي قتلها كل شي بسيط ماكو شي يخوف خلج بالبيت تعالي وانا بالعمليات قبل لا اطلع بنص ساعه ...وحنيت على هالشي بيني وبينكم مابي تيي وتشوف كل الخطوات وتخترع زياده وفعلا رحت انا والسايق بس وقطني وكنت بروحي مع النيرس ياخذون كل التحاليل وبعدها حلقوا جسمي والدكتوره قالت لي العمليه الساعه 12 لكن لكن استغربت انهم نزلوني تحت على ال1 الظهر ومابلشوا بالعمليه الا الساعه 3 ...ماقولكم بهالوقت كل الخوف تملكني وتم نقلي الى غرفه العمليات والدكتور بدى يخطط جسمي بالالوان وانا مو وياه بس افكر متى اصحى لول شعور طبيعي يصاحبني بكل عمليه وفعلا طقوني ابره بديت احس بالدوخه شوي شوي والثقل بعدها حطولي الكمام وقالوا تنشق و رحت بعالم ثاني بعد العمليه صحيت ارجف وموقادر اتكلم من الرجفه والتنسم لك عليه وكان الدكتور يقولي بدر كل شي تمام العمليه تمام وسوينا بطنك تمام لاتحاتي شي ونقلوني الغرفه واول ماطلعت من العمليات لقيت امي واختي وبنت خالتي بنت خالتي تقول للدكتور ميخالف اعطيك الكامره تصور الي انشال من جسمه والدكتور يقولها: جان قلتي من قبل ماندش العمليه حسافه قطيتهم لووول ونقلوني غرفتي وكنت خايف التنسم كان خفيف احس مادري شنو كاني خايف من شي ماعرف اوصف الشعور كنت فقط اتمنى صحتي ترجع بعد مافج البنج تفاجات وانصدمت من العوار الفضيع كل ماتحرك لو اقل حركه شي موطبيعي عوار فضيع كرهت العمليه وكرهت الشد وقلت انا شسويت بنفسي والتنسم كان قليل جدا فكنت انسدح اتعب اوقف ماقدر اقعد ماقدر قكنت بحال لايعلم فيها الا الله مانمت اول ليله من التعب والالم وكنت اون طول الوقت واطلب مسكنات بس ماكو فايده طلع الصبح وكان وقت فعلا فضيع يمشي شوي شوي وحاول اتفطر بس كنت اكل من كل شي لقمه موقادر ...يه الطبيب والطبيبه منيره وزفوني لول قالوا ليش ماتشرب ماي لازم ماي وسوائل واااااايد واكل وامش ووو من راحوا قلت انت مو تبي تطيب؟ خلاص سو اللي قالولك عنه ورحت وكليت وحاول وتغصبت الاكل وشربت ماااي وااايد وعصاير وكنت اتالم بس اتصبر وبديت امشي محندب شوي شوي وكنت احس بقمه الالم كل شوي اقول اكيد بطيح واكيد بدش العمليات مره ثانيه واكيد واكيد وكل الامور السيئه مرت على بالي ومشى اول يوم على كذا مابين الم ومحاوله المشي والصبر ومافي اي تحسن يذكر حاولت انام ثاني ليله وقدرت انام 4 ساعات ويوم صحيت حسيت بتحسن واستانست على هالتحسن ولو انه بسيط بس حطيت كل املي فيه وبديت ازيد بالمشي وازيد الاكل عشان صحتي ترجع شوي شوي للحين متحسف من العمليه تصدقون؟ بطني طبعا ملبسنه مشد كورسيه فمادري للحين شنو النتيجه صحيح انه في مكان ببطني اختفى خاصه اسفل البطن بس العوار والالم مومفرحني للحين ثالث يوم بديت اتحسن اكثر والعصر رخصني الدكتور رغم انه اهلي مستغربين يقولون حالتك صعبه للحين شلون تترخص؟ انا كنت مايد الدكتور لاني ابي فراشي يمكن اقدر انام عليه ورحت البيت وشوي شوي لي غرفتي وهذا انا ماطلعت منها من امس لي اليوم والحين قاعد على الكرسي اكتب لكم التجربه رفيجي يقول انه المستشفى فاجاني بالعمليه لذلك انا مومستوعب العوار والالم ويقولي بس ولامافيك شي ورفيجي الثاني يقول ماعلييه باجر تنسى وتكمل العمليه الثانيه الخاصه باليد والفخوذ بس انا اقول لااااا ثم لاااا خلاص كافي لي هنا تعبت وايد وتعبت اهلي وخوفت امي وابوي علي وايد احس ابوي نزل عليه السكر بسبتي وانا اسوي العمليه تدرون عمليه التحوير حسيتها غشمره جدام الشد نسيت اقولكم الطبيبه بوم يات لي قالت لي لقينا فتق كبير مال عمليه الباي باس وسويناه وكانت تشرح لي بطريقه انها منصدمه من حجمه الكبير بالنهايه اشكر كل من اتصل علي سواء حصلني ولالا وزارني واشكر اللي دعوا لي بالبلاك بيري وحطوا صوري وحسسوني اني جونقر زماني لول احبكم [ أكتوبر 22, 2010, 09:08 AM: تم تحرير المشاركه من قبل: طبيعي ] المشاركات: 44721 | من: الـكـويـت | تاريخ التسجيل: أكتوبر 2003  |  [ سميره سعيد ] عضو فعال جدا رقم العضويه 2150 مرسله في                        حمدلله عالسلامه بدور مالت عليك اول مره اخاف عليك يوم كلتني وقلتلي العمليه تعور كسرت خاطري الحمدلله عسلامتك وباجر يصير بطنك احلى من بطن هيفا ويطلعلك السكس باكس مثلي واروح اقز فيك عالبحر خخخخ -------------------- The One and ONLY is BACK .. Stay away.. المشاركات: 15893 | من: الزمن الجميل | تاريخ التسجيل: يوليو 2002  |  v . e . l . v . e . t عضو مستمر رقم العضويه 87344 مرسله في                    الحمد لله على سلامتك بدر .. اجر وعافية وان شاء الله الايام الجاية تشوف النتايج الحلوة وتنسى الالم وتعيش ايام حلوة -------------------- المشاركات: 3250 | تاريخ التسجيل: يناير 2009  |  Miso ( asma ) عضو رقم العضويه 19623 مرسله في                           سلامتك طبيعي -------------------- بدر 😔😔 المشاركات: 34768 | من: من: من: من: من | تاريخ التسجيل: ديسمبر 2004  |  طبيعي مراقب رقم العضويه 11956 مرسله في                    بداح : لوول اي انت شهدت الحدث من بدايته كلمتني وانا بقمه الالم ...الحين نبي العافيه بس النتيجه لاحق عليها مشكور حبيبي فلفيت: مشكور حبيبي ماقصرت الله يوفقك مسو: كنت بدق عليج مشكوره حبيبتي ماقصرتي بس اقولج انتي دازتلي مسج من الاردن؟ مادري قريت مسج اليوم بس من رقم مو رقمج بس نفس فتح الخط؟ اليوم تعب كثير موقادر انام ولا قاعد اقعد ساعات اقول انا شسويت بنفسي ليش لعبت بعمري وساعات اقول اتحمل هالفتره بس وبعدين بيروح المشكله ماعرف انام على ظهري لازم على خصري والجرح ممنوع التف ولا اسوي اي شي بس على ظهري عذاااب اتمنى انام ساعه المشاركات: 44721 | من: الـكـويـت | تاريخ التسجيل: أكتوبر 2003  |  [ سميره سعيد ] عضو فعال جدا رقم العضويه 2150 مرسله في                        تستاهل من قالك تحورف بعمرك انا الحين منسدح على بطني وشابك -------------------- The One and ONLY is BACK .. Stay away.. المشاركات: 15893 | من: الزمن الجميل | تاريخ التسجيل: يوليو 2002  |  •.NiN.• عضو رقم العضويه 21036 مرسله في                    الحمدالله عالسلامة بدور اصبر شوي و رح تعجبك النتايج و انشالله لا بقى تشوف مستشفيات بحياتك بس ليش تروح لحالك على الاقل كنت اخذت معك شخص ترتاحلو كان نساك قلق ما قبل العملية المهم الله يشفيك شكلك بتعمل كاستينج و بتضارب عخصر نعومي كامبل -------------------- المشاركات: 23512 | تاريخ التسجيل: فبراير 2005  |  [ عبـد الـعزيـز ] عضو فعال رقم العضويه 17637 مرسله في                     بدير الحمدلله عل السلامه .. وبعدين ليش ماتشيل التلفون ؟؟؟ من قبل العملية بإسبوع أدق وتسحب علي ترجع تسولف معاي على البلاك بيري عادي ؟؟ يابرودة دمك ياخي عقبال مايصير بطنك مثل بطني دقايق وأحط صورة بطني المشدود على الفيسبوك .. -------------------- مـن يـومها شـو عـاد صـار ..؟ مـا صـار شـي كتـيـر ..! المشاركات: 6796 | من: عــيون فــيروز | تاريخ التسجيل: سبتمبر 2004  |  [ SaLeM ] عضو نشيط رقم العضويه 86127 مرسله في                    لوووول بداح الف لا باس عليك بدر وانا اقوول خلاص كافي عمليات وبس خلاص صرت شحلاتك لوووووول يلا ان شااء الله يخف الالم وتنام يوم كامل بعد ؛) -------------------- المشاركات: 209 | من: الكويت | تاريخ التسجيل: سبتمبر 2008  |  L'Original Creative رقم العضويه 82918 مرسله في                    حمد الله ع السلامه بدور انت عملت اصعب عمليه فيهم يعنى الايد و الفخوذ مش هالقد مهمين و no pain no gain الوجع لانو شال جزء من جسمك فالجسم مفزوع انو وين راح لول مع الوقت بيقل الوجع و بترتاح و تروح الجيم و نشوفلك صور ع البحر و حركات الف سلامه انت قطعت مشواررررر طويل كل ما تتعب اقرى اول ردود قبل ما تعمل العمليه -------------------- Long Live The Queen المشاركات: 20260 | تاريخ التسجيل: ديسمبر 2007  |  Muna™ العضوة الهادئة رقم العضويه 73925 مرسله في                    الف الحمدلله على سلامتك بدر وان شاء الله هالوجع كله بروح بس طمننا عالوضع بعد ما تشيل المشد بعتلك مسج على رقمك بس يمكن ما صحلك ترد انا لما عملت العملية القيصرية تقريبا نفس الوجع اللي عم تحكي عنه بس ازود شوي ما قدرت امشي لبعد يويمين وكنت اترجى اللي حوالي ما يضحكوني لأنه جتى الضحك كان يموتني وجع بس الأيام بتمرق ودايما الحمد لله على كل شي... المهم انك صرت موديل اصلي...طمنا عليك -------------------- وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27) يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا (28) المشاركات: 9617 | من: P.A.L.E.S.T.I.N.E- وطن الأحرار | تاريخ التسجيل: أكتوبر 2006  |  طبيعي مراقب رقم العضويه 11956 مرسله في                    الله يسلمكم من كل شر يابعد فوادي انتوا ام ادم صح صح صح وربي صح ماقدر اضحك امس ربعي جوني وقتلهم بليز لاتضحكوني تصير كارثه فجاه حبوا ينتقموا من كل شي عملته فيهم وهات يضحك ونكت وانا احاول واحاول وتذكر اشياء موزينه عشان ماضحك بالاخير طردتهم المشاركات: 44721 | من: الـكـويـت | تاريخ التسجيل: أكتوبر 2003  |  •.NiN.• عضو رقم العضويه 21036 مرسله في                    ^^ -------------------- المشاركات: 23512 | تاريخ التسجيل: فبراير 2005  |  ZoLiTo. عضو فعال رقم العضويه 10437 مرسله في                      بدوووووور الف حمد لله على السلامة <<<<< بدري لووووول و انشاء الله من احسن لاحسن و تخلص من العمليات و تشوف حياتك بعد كده -------------------- أنا أفريقي...أنا سوداني فتحت باب الاسئلة المشاركات: 7554 | من: الســ أرض النيلين ـــــــودان | تاريخ التسجيل: يوليو 2003  |

الموضوع متكون من صفحات: 1  2  3  4  5  6  7

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1