طبعا وقبل ما إبدا بموضوعي .... بدي إعتزر أشد الإعتزار من كل شخص حكيت معه بالمسنجر على أساس إني باتريك ... باستثناء شخص واحد, وبدي إعتزر من كل شخص بالسالمية كان يحكي معي على إساس إني باتريك لإني كل هالتصرفات يلي عملتها كانت غصب عني ...
أنا رح قلكم ليش غصب عني ..., لأنو بعض الناس ومن غير زكر أسامي " ومافي داعي ننبش الماضي " طعنوني بضهري وعملوني منفصم بالشخصية وخلوني أبكي عن أيام عمري الجاي كلها ..., ولما صرت شوف الكل ضدي والسبب الوحيد والذنب يلي اقترفته " إني في إحدى المرات استفزوني فانز نوال بعد ما اتفقنا سوا نبدي صفحة جديدة وبعد ما سكرت الماضي معهم بلشوا يستفزوا بنجوى وأنا كنت صحبة كتير مع معظمهم وقتها صار الكلام يلي عم ينقال كبير كتير وما تحمل عقلي فعملت نيك نيم جديد وبلشت فيهم ما أنزل الله من سلطان بالحكي واكتفشت بعد كتابة الرد إني كاتبه بالنيك نيم الأصلي " شو هالحلا " فانكشفت الأمور واعتبرت جريمة نكراء بحق صاحبة الجلالة والعظمة نوال الزغبي ...
وطبعا صار الكلام يجر كلام والشاطر يلي صار بدو يحط شوية بهار وملح على قصصي بالسالمية لحد ما وصلت الأمور لوضع لا يطاق وصار الموضوع موضوع تحدي بالنسبة إلي ..., إزا عملوني منفصم بالشخصية وليكن هالشي وبلشت فوت بنيك نيم " أنا دمي نجواني " وجرت القصة بعدها 4 نيكنيمات
وبتزكر وقتها حاولت صلح الأمور وبعتت رسالة لميس جوردون وقالتلي بالحرف الواحد " كرم إنت إنسان زكي ومافي داعي لهالحركات يلي عم تعملها ارجع طبيعي وأنا بضمنلك فانز نوال ما يصير بينكم أي إحتكاك أو مشاكل " بس متل العادة المشاكل وتلطيش الحكي إلا ما يصير وهالشي ما بيقدر يسيطر عليه حدا في أي منتدى بغض النظر إزا كان السالمية أو غيرها ...,
طبعا البعض وصل لمرحلة صار بحس فيها بالشموخ وبالعنفوان وبالبطولة وقت كان يناديلي " كوكو " لأنو كان مفتكر أنو هالشي إهانة إلي مع أنو الكلمة كانت تمر مرور الكرام عليي بالمقابل أنا وقت يلي بدي إحكي ووقت يلي " بق " كل يلي ببطني مو قاصر أعمل شوشرة كبيرة بالمنتدى بس هالأعضاء عندهم صورة حلوة جدا بالمنتدى وشي حلو إنها تضل متل ماهي وشي حلو أنو الواحد يشوف النص المليان من الكباية بدل ما يشوف النص الفاضي بس الحمد الله طول عمري بعيد كل البعد عن هالتصرفات والدليل موجود ياما أعضاء حكوا عني شي كان وشي ما كان وهنن أعضاء جدا مشهورين وإلهم وزنهم وأنا وقتها ما كان فيني أحكي أسرارهم ؟ طبعا فيني بس التزمت الصمت لأنو يلي بيحلف يمين أنو ما يطلع حرف لبرا مفروض يكون قد اليمين يلي حلفه ..., وخاصة أنو هالأعضاء كان عندها قدرة خارقة على إخفاء بعض الأمور من خلال رصانتها بالمنتدى وأسلوب الكلام الهادء والعقلاني يلي عندها ..., وأنا كرم معروف إني أبو الرغطة والمشاكل والردود يلي ما بترحم حدا لإني يلي بقلبي على راس لساني وتعودت كون عفوي من يومي والدليل أنو أسلوبي قد ما غيرته بالكتابه بضل أسلوب كرم يلي الكل بيعرفه إزا ... بهالحالة رح كون كزاب شو ماحكيت مشان هيك صمتت وسكتت ..., بس بعض الناس ما بترحم بالحكي ولو كحت شي ختيارة بإفريقيا الجنوبية لازم يكون إسم كوكو بالموضوع ...,
وتحول الموضوع لإهانات والشاطر يلي بزايد بحجة " الهضامة " وأنهم كتير كووول وطبعا بترك إلكم الخيال تتخيلوا كيف ممكن يكون الهجوم على شخص معين بما أنو نحن بمنتدى بتحكمه " الشللية والرفقة " بالدرجة الأولى ...., وتفاجأت ومن خلال نيك نيم باتريك بـ كتير ناس بتحبني وبتحترمني بمواقع نجوى بس لزوم المجاملة والـ " الجو الكووول " كانوا ينزلوا رشا ودراكا فيني بالسالمية ... عنجد غريبة يمكن هلق ياخدوا طشت مي باردة على وشن لما يعرفوا إني أنا كرم وأنهم كانوا يلعبوا عالحبلين مشان ياخدوا مني " صورة بكواليتي حلو أو شي لنجوى " !!!
البعض أساء وسب وشتم بسبب ومن غير سبب بطعمة ولا طعمة ومتل ما قلت وكررت كلمة كوكو صارت ملازمة إلهم أكتر من أسماءهم وطبعا بما أنو الكل أو الأغلبية عامل شللية طويلة عريضة صار تكر المسبحة ورا بعضها والكل على نفس المنوال حتى لو عضو ما بيعرفني مو مشكلة بسب وبيتظارف بحجة " مع الخيل يا شقرا "
وطول ما العاطفة كانت حاكمتهم وتفكيرهم كان "شبه مشلول " فـ ... كنت آخد الموضوع بطريقة عفوية ومرحة وطنش بس كونوا واثقين أنو الضحكة بتخفي وراها " دمع " قاسي جدا
كنت حس بحرقة كبيرة بقلبي وقت إحكي مع شخص عالمسنجر على أساس إني باتريك وأخجل من حالي ... بس لما يحكي معي عالمسنجر بطبيعتي كتير يحبني ويحترمني ولما كنت فوت عالمنتدى وشوف نفس الشخص عم يسب ويشتم بـ " كوكو " من غير حتى ما يعرفو قول بيني وبين حالي " لشو حرقة القلب بيستاهل " متل ما عم ينهش بلحمي بحقلي على أبسط تقدير أعمل يلي عم أعمله ...,
وطبعا خلال الفترة يلي تفاعلت فيها بالمنتدى على أساس إني باتريك اضطريت غيرت من زوقي بالفنانين لحتى ما أظهر " كرم " فـ... اضطريت زيد من جرعة حبي لإليسا شوي ... وخفف من جرعة حبي لأصالة ووائل مع أنو الكل بيعرفني مجنون نجوى وأصالة ووائل " حتى النخاع "
وفي حال " ضليت بالمنتدى " مواقفي وآرائي كلها رح ترجع لطبيعتها وإلا أنا أبدا مو بهالشخصية الباتريكية يلي الكل بيعرفها والأعضاء القدمى بظن رح يعرفوا هالشي ...,
بالنسبة لمدللة روتانا :
أول شي بدي أشكرك من قلبي على اللفتة الكريمة وبالنهاية أنا عارف إنو رح يجي اليوم يلي رح قول فيه الحقيقة لحتى عالقليلة ورجي لكل شخص ضحك عليي أنو أنا كمان فيني أضحك عليه ..., بس ما بعرف شو المشكلة بالزبط : أنا لا تبريت لا من ديني ولا من بلدي يلي رباني أبدا ومجرد تقمص شخصية معينة بالمنتدى ما بيلغي واحد بالمية من بحر عشقي لديني ولبلدي " زينة بلاد الدنيا " وكل كلامي بالمنتدي بتنتهي صلاحيته لمجرد " تسجيل الخروج " من الصفحة الرئيسية للمنتدى وحبي للبنان أرض الجمال صفة معينة فيني إنما الأصل " شام الأسد " بس كنت بتمنى منك وبكلمة حق تقولي إنك مسجلة بنيك نيم " أميرتي ديانا " بمنتدى طرب طالما بتحبي الصراحة بس بكل الأحوال لازم اشكرك من قلبي على الشرارة يلي خلت الوضع يرجع طبيعي وبظن إنتي بتعرفي قديش منتدى طرب بأكلمه بيحترمني وبحبني ومشاركاتي فيه فعالة وحلوة فـ ... بظن بعض الناس كبرت القصص هون عالفاضي وبلا طعمة يعني بيعملوا زحمة والشارع فاضي
وبالنسبة لكل رأي أو رد كتبته يشهد الله إنو مو تأليف لأنو قضيت أنا فترة نقاهة ببيروت لمدة 3 أشهر بعد " ما رممت حالي وولدت من جديد " ومن خلال ردودي على أي موضوع ما كنت بنقل إلا صورة الواقع يلي شفته يعني حتى بتقمصي لأي شخصية كنت بحكي الصدق بغض النظر عن القشور الخارجية من نيك نيم وطريقة حكي ولهجة .. إلخ إنما المضمون واقعي وما تغير بنووب
وبدي قول لكل شخص آخد عني فكرة معينة " لأنو خزات العين كتران كتير القيل والقال هالأيام " أنو إسا أنتو ما بتعرفو كرم منيح ..., ولو بدي إشتغل بالقيل والقال متلهم لتنصعقوا من البعض بس تركوها لـ الله لأنو الله وحدو يلي بيعرف ...,
وصدقوني لهلق ما بعرف السبب السحري يلي خلا إسمي مشوه بالمنتدى ونفسي يوم من الأيام قبل ما موت أعرف يا ترى بناء الإنطباع على أساس الكلام دون الرجوع للطرف الأساسي بتعتبروه عدل وإنصاف ؟ طبعا أنا وصلت لمرحلة والحمد لله صرت بحط راسي عالمخدة وضميري مرتاح مشان هيك ما كتير بتهمني نظرة البعض أو إنطبعاهم عني ومابهمني يعرفوا شو هنن " البعض " طالما هالبعض بيعرفوا حالن منيح وهاد يلي بهمني
تصوروا يا ناس في واحد معروف جدا هون كان يحكي حكي بسود الوش عني هون وبس فوت على غروب الدكتورة هدير بلاقيه عامل معلقات شعرية وقصائد غزلية على شغلي بصور نجوى أو الشغلات الحصرية يلي كنت جيبها ... بقا بحياة الزعيم والعكيد وقفت عليي يعني ؟
وبالنهاية بدي وجه كلمة إعتذار قليلة كتير بحق كل شخص غلطت فيه بكلمة أو جرحته بتصرف او ما صارحته بالبداية مع إنهم والله كمان بعضهم عملوني علكة بس مع هيك بتردلي الروح بس فوت عالمنتدى وشوف مشاركاتهم الحلوة يلي كانت ترافقني حتى لما بكون أوف لاين وبرا المنتدى وبخص بالإعتذار
Nizarsss
AzOoZ
مدللة روتانا
فتات خبز
Rayan
أبو الزلف
Miss Dany
Miss Jordan وكامل طاقم الإشراف
amr ali 2000
جوران كوردي
رعد
Fat Free
حبيب قلبي راني
يزيد حجازي ويلو
Kuwaity^cool
وطبعا القائمة تطول أكتر من هيك بس هدول الأسماء يلي جاي عبالي وكتبت نقطة من بحر يلي كنت حابب أكتبه بس ما بعرف شو صرلي نسيت كل شي أول ما بلشت كتابة الموضوع
وبدي أبعت قلبي مغلف على أحلى طبق من الإحترام للعضو الرائع " خمس نجوم " يلي خبرته القصة من كم يوم وعرفته مين أنا وانصعق بس بنفس الوقت يلي عمله معي خلال أسبوع واحد كفيل أرفعله تحية الإحترام لحتى موت
طبعا وقبل ما إبدا بموضوعي .... بدي إعتزر أشد الإعتزار من كل شخص حكيت معه بالمسنجر على أساس إني باتريك ... باستثناء شخص واحد
بعرفـ إني هذا الشخص ، بـاتو أو كرم ( صدقني أحلى ) اليـوم بس اكتشفت مدى طيبة قلب هالإنسـان ، بعرفـ كل اللي صار بينـا شئ لا يستهان فيـه + و أدى إلى منازعات لا نهائيـه قادهـا شخصينـا بدافع الإنتقـام ، و لكن صدقني مع كل اللي كان يصير و المداخلات العميـقة بيننا إلا إنني لم أكن أحمل أي شعور بغيظ إتجاهكـ إلا إنني كنت أعلنهـا للجميع " لازم أخذ حقي من بـاتو لأنه طعني بشكـل حقيـر " و مع هذا سبحـان اللـه موضوعي الأخير في الساحة العامـة كان حلا لأشيـاء كثيـره ، و اللـه اللي أخذلي حقي من دون ما أسوي أي شي .. عزيزي كرم أحلف لكـ باللـه مع كل تهديداتي و توعداتي إتجاهكـ كنت لا أملك شي ضدكـ منذ اخر محادثه لنـا و الخناقه اللي صارت حذفت كل شي من عندي ، لأنه كان عبـاره عن كلـام ما منـه فايده إلا إهانه لشخصي ، كرمـ بإعتقادي شخصيـه مسالمه طيبه خبرتهـ بالحيـاه كنت محدودهـ و تعامل معهـا بطيبـه متناهيـه إلا الشبكـه العنكبوته جعلته ضحيـه كبيره لم يكتشفها إلا بعد مشي وقت كتيـر كبيـر ، جرأتك بطرح الموضوع جعلني تكبر فـ عيني + جعلني انزلكـ و أحترم شخصكـ المليئ بالسمو و الرفعـه ، من أعماق قلبي أعتذر لكـل شئ حدث و أي مجادلات حدثت لأنهـ بالنهايـه لا تبقى للشخص إلا السمعة الطيبـه .. و أتمنى لكـ الحيـاة المليئة بالحب و السعـاده ، و نصحيـه أخيره "كن صادق مع نفسكـ لأنه هي سـر تفاوت الأعضـاء عليك و محبتهم المتينـه "
تقبـل محبتي
--------------------
Instagram: itsramoooy Snapshat: itsramoooy
المشاركات: 6520 | من: الدوحة - قطر | تاريخ التسجيل: فبراير 2004
|
بالرغم من تعليقات كتير بتطلع وقت الغضب ودى طبيعه الانسان لما بيغضب بيخرف وبيقول كلام مش نابع من قلبه
بس اؤكدلك ان انت انظف بكتير من ناس راسمه النظافه على وشها وهما فى الحقيقه منتهى الحقاره
انا مكنتش اعرف موضوع كرم بس فى ناس كتير كانوا وبدون مناسبه بيفتحوا الموضوع ويحكوا عنك وان كرم هو باتو وكلام تافه مالوش لازمه يمكن نابع من حقد او مواقف شخصيى
بس بموضوعك ده فعلا اثبت انك انسان نظيف بالضبط زى رامى الى برده عليك بالرغم انك مذكرتوش ضمن الى بتعتذر منهم بادر هو بالاعتذار ليك لانه كمان من اطيب واحسن الناس بالمنتدى
وخليك دايما بشخصيتك وقول رايك بكل جراءه وطز فى الى ميعجبوش
مبروك الصلح خير
:::::::::::::::::::::::::::::::::::::::::::::::: aMr ALi 2oo0 :::::
رد مقتبس:المرسل الأصلي هو مدللة روتانا: محجوز لانه ببكي هلاء بس روق برد رد يليق بشخص بعظمتك وبجد عظمتك ..
ولما تمسحي دموعك خبرينا عن قصة اميرتي ديانا لان مرقت و ما حبينا نمرقوها هيك ببساطة كرم انا عادي و لا يوم حقدت عليك او شي بالنسبة للخلاف اللي صار بيني وبينك و حتى لما عملتي ديليت ما زعلتك منك كثير و انا كثير بحبك ومبروك الرجعة من جديد
--------------------
vive la France Laique
المشاركات: 7652 | من: εκκλησία | تاريخ التسجيل: مايو 2007
|
بداية .. ما رح اتفلسف واحكي فصحى او استعين بمصطلحات صعبة رح كون عفوية للاخر ..واول شي ..بحب وضح شغلة ..انه كرم صحيح بحياتي ما حكيت معك في الماسنجر وكل علاقتنا في ملتقى السالمية ..او طرب او المملكة او الرسمي ..بس لا اكثر ولا اقل ..بس بجد بعرفك كثير منيح وبعرف شخصيتك ..ما كنت بتخفى عني لو كتبت مليون اسم ..واتقمصت مليون شخصية .. -كرمال هيك كان ضروري عشان تبتدي انت صفحة جديدة وترجع ل كرم يالي بيعرفه الكل ...حتى لو مش على هوا الكل ..كان لازم من وقفة ..وحبيت تكون مني الوقفة وحبيت قدم الموعظة محبتا فيك .. كثير علقوا ..وانا بحترم اكيد تعليقكم عن موضوعي ..لو كان في رسالة خاصة ..بقلن من موضوع عبدة الفنان ..هداك مش رسالة خاصة ؟ هداك ..مين بيفهمها ما حدا غيرك يا كرم ..وكانه بنحكي جهاز سيمس للاستخبارات الروسية ..رغم هيك اعتبرتها تلطيشة ..وما عتبرتها نصيحة ونغظة وموعظة ..كرمال تعيد التفكير ..بس بعد الموضوع بجد كان لازم من وقفة مثل الي انت وقفتها هلاء ..وقفت عز ..وقفت كرامة ..ووقفت عنفوان .. من عندي ما بدي قول غير عفى الله عم سلف.. كرم كنت بعرفك في كل مراحلك مين انت ورغم هيك ..كنت بتقبلك بكل شخصية ..وفعلا كنت روح الملتقى بنكتك الحلوة ..وعفويتك المطلقى..
وبشهد معك وبقول كلمة حق ..
كل كلامك صحيح من قهر وظلم حصلك من طرف البعض..ومثلك حصلي نفس الشي مش حكاااية كرم وغيرو وكثير انظلموو لما جينا في فترة حميت فيها التعصب للفنان ..كلن ...الكل ضد الكل ...اي حدا حط صورة نجوى في توقيعه اتهموه انه كو كو ..انا كمان اتهموني اني كوكو..وكرمال هيك عملنا حروب طويلة ...امتدت لفترات زمنية كبيرة.. وكرم شاهد شو صار وكيف كانت الامور ..وفعلا كان الحل الوحيد هو الدفاع عن النفس باعلان حرب ضدهم ..و بتعصب للاسف ..من شان عند ..وفنان ...لا حول ولا قوة الا بالله ..بس لما اجتني صحوة دينية اخلاقية ..والحمد لله ...كان لا زم غير من نفسي واغير الناس القريبة مني ...وموضوعي ل كرم ما كان الا من ورا ..حرقت قلب وقهر فؤاد ..بس والحمد لله طلع كرم مثل ما توقعت كبير ...واصيل ..برهن انه اسد ... وياعمي بنحبك قد الدني وياويل يالي بيوقف ضدك وياويل يالي بينادي كوكو مرة ثانية بس بدنا الغاء التعصب بتاتا كرمال نبتدي صفحة جديدة ويا سيدي حب الكل شو خاسر يعني ها ..الحب ببلاش ...اي حدا حبو .. ولو بدنا ننتقد ننتقد بطريقة راقية ..ومصطلحات متنقاة جيدا ..واكيد ما حدا بيزعل ..
وصلني من ساعة رد نصفي الثاني " أسامة " وبكاني عن ساعة وبصوت عالي كمان
//
::
::
حلوة من اسامة ...كثير طيب ها الصبي ..والله ما خيب الظن ولو في شخص بيستحق اعتذاري ..على غلط ما .صدر مني بتكون مي الياس الاولى ..واسامة الثاني وبما انه ..نحنا بمناسبة تصارح وتسامح ..بعتذر من ها لااثنين خاصتا ومن الكل عامتا ..والله يعفي عنا ويغفرنا ..ويتبثنا يارب
--------------------
المشاركات: 9190 | من: المغـــ فردوس الارض ــــــرب | تاريخ التسجيل: مايو 2006
|
مرسله في
انا بحب باتو يلي هو كرم ما بتفرق معي الاسم يا احلى فانز بالوجود انا بفتخر فيك وبحبك قااااااد الدني وانت اطيب واظرف انسان بالعالم
وبدي قلك شغلة يمكن انت ما بتعرفا او اكيد ما بتعرفا
انه انت العضو الوحيد يلي بيخليني شارك بالمنتدى بالأساس وهالشغلة اكتشفتا اكتر من مرة لأنه هالقد انت انسان شفاف هيدا بالرغم الغموض يلي خلقته حول نفسك.. بليز كرم عطول ضل مبسوط ونحنا عنجد بنحبك وكل الفانز بيحبوك..وانت سبيسيااال قد ما بدك
--------------------
..You must have the will to be unique..
المشاركات: 6076 | من: أرض المحبة | تاريخ التسجيل: سبتمبر 2006
|